"ولاء بتركز بعينيها وهى بترفع طرحتها
اللى جت على وشها من شدة الهوا وبتركز على اللى مروه بتشاور عليهم , عينيها بتقع
على نور"
"هاله بدموع" اهو هو واصحابه اهو
وبخوف اكتر .. انا خايفه اوى اوووووى
"ولاء بصدمه"
هو فين اللى انتوا بتقصدوهم دول
"مروه بتشاور تانى على نور
واصحابه"
هما دول انتى مش شيفاهم ولا ايه
"لاء شيفاهم بس انتى ليه , هما دول , بس
"
"مروه وهاله بأستغراب لعدم تجميعها
للكلام"
مالك يا ولاء ..؟!!
.........................................................................
"نور ماشى مع اصحابه بيضحك وبيهزر وشكله
نسى امبارح بكل حاجه فيه"
"الحق يا عم انت وهو البنتين اللى نور
ظبطهم اهم "
"نور بيبص فى اتجاه هاله ومروه وشاف
ولاء معاهم اتصدم مش مصدق , يا ترى تعرفهم منين , اتضايق اوى وهمو شكله اقدامها ,
ليه هو مش عارف , بس اتضايق"
"صاحب نور هيموت ويجرى على هاله اخيرااا
شافها بس خاف من رد فعل نور لو عرف انه بيستعمل الحاجات اللى معاه ,, التزم الصمت
مؤقتاً"
"نور شايف نظره ولاء ليه اللى كلها قرف
فهم ايه اللى حصل لاول مره يحس نفسه قرفان من نفسه كده ويهمه شكله اقدام حد كده ,
قرب منها وهو مش عارف ليه , بيقرب منهم فى وسط ذهول اصحابه , ووسط خوف هاله ومروه
منه"
***************
"هاله ومروه بيتحاموا فى ولاء خايفين من
نور وولاء واقفه لاول مره تحس بكمية الاشمئزاز والقرف اللى هى حساهم فى شخص واحد
كده"
"نور بيقرب بكسوف"
انا اسف على كل اللى عملته فيكو بجد انا مش
عارف انا عملت كده ازاى , انا عارف ان انسان سئ ممكن اكون بعمل كل حاجه وحشه بس
انا .."
"ولاء بقرف ونظره كلها اشمئزاز"
انت ,,, ! حرام الوصف انا شوفت حاجات هنا
عمرى ما تخيلت اشوفها فى حياتى ايه كمية الشر اللى فى الناس اللى هنا دى حرام عليكوا"
"نور واقف بيبص لولاء نظره كلها عطف
حاسس انه قرفان من نفسه هو "مش فاهم ايه غيره كده هو عمره ما كان كده , هو
فعلا انسان وحش وعمره ما فكر فى رأى حد ولا ندم على حاجه بس غصب عنه اقدام ولاء
انسان تانى اتكلم بحزن"
مش الناس اللى وحشه يا انسه انتى اللى بقى زيك
بس اللى قليلين
"ولاء بعصبيه "
يلا نمشى من هنا قبل ما احس بالقرف اكتر من
كده مبقتش قادره
"نور بحزن لكلمتها"
قرف
"هاله بدموع"
مش قبل ما يجيبلى صورتى من صاحبه وصوتى حرام
عليك انا كنت عملت فيك ايه حرام عليك
"نور مش مستوعب وبيتكلم بأستغراب"
انتى بتقولى ايه
"هاله بدموع"
وحياة ربنا مش تأذينى انا عمرى ما عملت حاجه
وحشه فى حد ارحمنى حرام عليك
"ولاء بتزعق فى هاله"
انتى بتعملى كده ليه هو اللى زى دا اصلا
معندوش احساس
"نور سامع اهاناته ولاول مره فى حياته
ميردش , بيبص لولاء وبيبعد عينه عنها وبيركز مع هاله"
"انتى بتقولى ايه مش فاهم والله "
"بقولك صاحبك الحيوان دا بيبتزنى وبدموع
اقوى ,, عايزنى اكلمه معاه صورتى اللى اكيد انت متفق معاهم ومكالمتك ليا اللى
مسجلها ليا"
"نور بعصبيه وبيتوجه لصحابه اللى واقف
خايف جدا"
اللى هى بتقوله دا صح
"بجرأه غير معهوده وبصلابه"
اه , انت مالك , مش خلاص كسبت الرهان
"نور بيضربه بقوه وبيثور عليه"
يعنى انتوا عملتوا كل التمثيليه دى علشان
تخلونى اوقعلكوا بنات وتعملوا معاهم ..... تصدق انك حيوان وبص لاصحابه التانين ,
انتوا كنتوا معاه , كلهم قالولاء ماعدا واحد بس اللى كان عارف , نور بيركز معاه
,, انت كمان كنت عارف "
بأسى ,, انا اسف والله انا قولتله بلاش بس هو
صمم
"طيب هاتوا الحاجه اللى تخص البنات دى
يلا"
"بعصبيه بيرد الشاب عليه بالضرب"
انت فاكر نفسك ايه محدش عارف يغلبك , طيب
والله ما انت واخد حاجه
"من بعيد مروه واقفه مركزه مع نور
والولدين اللى بيوجهلهم الاهانه "
هما دول نفس الولدين اللى كانوا بيعاكسونى
واستوقفتها كلمة بيعاكسونى ,, وبحزن .. اقصد اللى بيمثلوا انهم بيعاكسونى يا خساره
الناس بقت وحشه اوى منهم لله اكيد دول ملهمش اخوات بنات خايفين يحصل معاهم
كده"
"ولاء مركزه مع نور واشمئزازها منه
ودموعها اللى نازله وهى مش عارفه توقفها غصب عنها اللى شافته فى الاسبوعين دول
بعمرها كله"
........................................................................
"ماهر بيبص لـ سمير بغيظ"
انت بتقول ايه
"سمير بخوف من بصت ماهر ليه"
ايه مالك يا ماهر انت اتضايقت ليه .. ؟!
"بص يا سمير علشان مخسرش بعض عايزك تنسى
ولاء وشكلها وكل حاجه ودا علشان انا باقى عليك وبس ووتفكر فيها انها هتبقى مراة
اخوك وبس"
"سمير بأستغراب"
مراة مين ؟
"ماهر بتحدى"
انا ولاء فى حكم خطيبتى
"سمير بأحراج"
انا اسف يا ماهر والله مكنتش اعرف ودا من حبى
فيك بس نفسى نبقى نسايب وربنا يسعدكوا سوا يارب ,, انا اسف بجد
"ماهر عارف طيبة سمير واحترامه"
بجد والله مفيش حاجه لو كنت زعلت يا سمير كنت
سيبتك ومشيت بس انا فعلا عارفك وعارف طيبة قلبك
,,,,,,,,,,,,,,,,,,,,,,,,,,,,,,,,,,,
"نور بعصبيه وبيبص لصحابه وصاحبه ضربه
واتضرب منه وبيبعد عنه"
انتوا هتقفوا تتفرجوا خلوه يجيب الحاجات اللى
معاه احنا نضحك نهزر انما منأذيش البنات فى شرفهم ... هتفضلوا واقفين كده
"الكل بيقرب من الولد وبيمسكه
لنور"
"نور بياخد موبايله بيمسح الصوره وبيسمع
كل المسجل اللى على الموبايل وبيلاقى صوت هاله استغرب انه خده بس مبقاش فى مشكله
"البلوتوث" اخد كل حاجه وبيبعد عنهم ,, بصوا يا جماعه تشوفونى ماشى من
ناحيه تمشوا عكسها سلام "
"كل اصحابه"
يا نور استنى ,, هو احنا مالنا طيب
"نور بيقرب من هاله وبيديها حاجتها كلها
وبيقرب من ولاء بنظره اسف"
انا فعلا اسف ان انسانه فى رقتك اضطرت تشوف
كل دا ياريتنى بأيدى امسح الماضى
"ولاء بقرف ونظره كلها اشمئزاز وبتسيبه
وتمشى "
"نور واقف يبص عليها .. حاسس بنقص جواه
.. فى حاجه ضاعت منه .. بس ايه هى مش عارف"
****************************
"ماهر كل شويه يرن على هاله وولاء كل
دقيقه رنه هو واثق فيها بس مش قادر ينسى نظرات عمرو "
"ولاء كل شويه ترد على ماهر وهى بتبكى
ويسألها تقفل بسرعه بحجة انها فى محاضره مع هاله"
"عمرو قاعد مستنى يشوف ولاء , للاسف
شكلها مش هتحضر النهارده "
,,,,,,,,,,,,,,,,,,,,,,,,,,,,
"هاله ومروه وولاء قاعدين فى شارع جانبى
هادى فى الجامعه ومفيش حواليهم اى صوت "
"ولاء بدموع"
ايه الناس دى معقول فى بشاعه كده ..!
"هاله بخوف وبتوجه كلامها لـ ولاء اللى
بتعيط بهيستريا"
ولاء وحياة ربنا يا ولاء ما تقولى لماهر اى
حاجه , انا خايفه اوى يعرف يارب ميعرفش
"ولاء بتمسك هاله وبتهديها"
حبيبتى والله ما هقوله حاجه متقلقيش بس انتى
اهدى كده خلاص ولازم نتعلم اننا منثقش فى مخلوق تانى وملكوش دعوه تانى بأى ولد هنا
انتوا مع بعض اهو خليكوا سوا وملكوش دعوه بحد ويلا انا همشى
"هاله بخوف"
لالالالا خليكى معانا متمشيش كده ماهر لما
يشوفك ممكن يشك
"ولاء بخنقه وضيق"
حاسه ان مخنوقه هنا وقرفانه انا مش عارفه
اقعد بجد مش هستحمل اشوف حد تانى
"هاله علشان خاطرى يا ولاء علشان خاطرى
هنخلص المحاضره بس ونمشى على طول ونروح"
"ولاء باضطرار "
حاضر
"من بعيد واقف"نور" عينه
عليها فضل وراها لحد ما دخلت الشارع ,, مش عارف ايه اللى بيحصله بس جواه حاجه
اتغيرت نفسه يجرى عليها ويقولها انا نفسى ابقى معاكى حاسس ان جمبك انسان تانى انا
حاسس ان كنت مستنيكى ... شافهم بيمشوا فضل وراها لحد ما دخلوا المحاضره دخل وقعد
فى مرمى قريب منها جدااا "
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
"ماهر قاعد بيفكر فى ولاء مش منتبه لا للدكتور ولا المحاضره اللى
اقدامه ماسك قلم فى ايده وبيحفر فى الخشب اقدامه لحد ما رسم اسم ولاء"
رنا من جمبه بتبص على الاسم ملامحها اتغيرت
"ماهر تفكيره كله فى ولاء وحبه ليها
مسيطر عليه لدرجة عدم انتباهه فى المحاضرات اللى عمره ما بيحصل
"رنا بضيق منه وبتخبطه فى كتفه"
يلا بقى فوق وخليك فى المحاضر هانت عمرك ما
كنت كده
"ماهر بأستغراب من عصبيتها"
فى ايه
"بتكمل بنفس العصبيه"
فى انك تفوق وتركز بقى كده مينفعش اللى انت بتعمله دا مينفعش صدقنى
"ماهر بيتلفت ليها بعصبيه وبنفس صوتها
المكتوم"
انتى بتكلمى كده ليه انا عملتلك حاجه ..!
"خافت على زعله وعصبيته اللى ممكن تخسره
فى اللحظه دى ورددت بهدوء وطيبه وخوف ملحوظ على وشها"
انت بتسرح كتير يا ماهر وانا والله خايفه اوى
عليك , عايزاك تجيب تقدير كبير
"ماهر بيبصلها وحاسس بطيبتها "
كتر خيرك يا رنا بس انا منتبه متقلقيش
"بحب "
مالك يا ماهر ليه حاسه انك دايماً حزين وبحزن
ووجع ..انت بتحب .. !
"بينظر لها نظرة تعجب لسؤالها
الجرئ"
انتى ليه بتسألى
"عادى يعنى مش احنا اصحاب
"فجأه بيسمعوا الدكتور بيبصلهم
الاتنين"
هدوووء فى القاعه لو سمعت صوت تانى هطردكوا
بره
.........................................................................
"ولاء وهاله ومروه بيخلصوا المحاضره
وبيمشى وراهم نور"
"ولاء ماشيه مخنوقه ومتضايقه "
"هاله" انا بردوا خايفه اوى ماهر
يعرف
"ولاء" وهيعرف ازاى بقى وحتى لو
عرف فين الاثباتات
"ولاء" كان نفسى اوى يا هاله تقربى
منه وتحكيله دا اخوكى
"بفزع"
اقوله ايه لا لا مستحيل
"بيقرب منهم نور فجأه وبيقف اقدام
ولاء"
لو سمحتى ممكن كلمه واحده بس
"ولاء بعصبيه .. ايه هتصورنى معاك انا كمان"
"نور بعصبيه على عصبيتها"
انتى متحامله اوى عليا كده ليه انا عملت ليكى
ايه دا انا كنت جاى اجيب حقك .. ودول غلطه انا مش وحش اوى زى ما انتى شيفانى انا
زي اى شاب بيعيش وبيغلط وهيغلط , ان كنتى انتى ملاك متستنيش من كل اللى حواليكى
يبقوا زيك
"ولاء بتحدى"
شكلك نسيتنى , اللى انت متعرفهوش ان انت كنت
سبب اول دموع تنزل من عينى هنا سبب اول
مهزله شوفتها
"نور بحزن"
انا وليكى لاء مستحيل
"بتبصله باصه بقرف"
انا هفكرك ولا اقولك خساره ان اتكلم معاك
اصلا
"بيدخولوا اول تربيه ونور وراها وهو
مكمل كلام ومصمم يعرف فى ايه "
لاء استنى لازم افهم فى ايه ...
.......................................يتبع
ليست هناك تعليقات:
إرسال تعليق