انا فتاة بسيطه فى كل شئ ملابسى،جمالى,ايضا اهلى وحياتى
"تقابلنا انا وهو"
"دقت قلبنا لبعض من النظرة الاولى "
"حسيت بقلبى هايطير من مكانه اعجابه بيا كان ظاهر فى نظرت عينيه اللى بتقولى انا حبيتك واعرفك من زمان"
"فضلت واقفه مكانى عينى عليه وهو كمان،كانت جوايا احاسيس كتير ملخبطانى "
"وقف القطر والمفروض ننزل فضلت ابص عليه اشوف هو كمان نازل ولا لاء بس كان لازم انزل "
"نزلت من القطار وانا ماشيه فى طريقى لا بتلفت شمال ولا يمين خايفه يفتكرنى بنت مش كويسه بس مقدرتش عينى رفضت انها تبعد عنه "
"التفت تانى وانا فاكره ان هو كمان اتعلق بيا وعينه عليه "
"توجهت بعينى على نفس المكان اللى كان فيه فضلت ادور بعينى شمال ويمين ملقتوش حسيت بحزن غريب استغربت وجوده "
"مشيت فى طريقى حزينه مش متخيله ازاى ممكن مشوفوش تانى معقول مش هشوفه"
"طول ما انا ماشيه حاسه بحد بيقرب منى بيراقبنى ماشى ورايا خفت "
"وقفت لحظات وانا خايفه يا ترى لو اتلفت ممكن يكون مين اتجرأت ولفيت ببطئ وانا مرعوبه بس ملقتش اى حد عرفت انها كلها تخيلات شكل نظرة عينيه الجريئه جننتنى يمكن علشان مش واخده على النظرات دى وخصوصا ان انا ابادله نفس النظرات دى "
"بفتح باب شقتنا وانا حاسه بحد فعلا ورايا كل شويه اتلفت وبردوا مافيش حد بس انا متأكده ان فى حد حواليا ومراقبنى "
"معقول كل اللى انا فيه دا تخيلات وليه مبتحصليش غير النهارده انا عمرى ما اتخيلت حاجات مش موجوده "
"الام بتخرج من المطبخه وهى متجهه ناحية مريم" جيتى يا حبيبتى
"صوت ماما فوقنى من تفكيرى وخوفى " ايوه يا ماما انا بيحصلى حاجات غريبه اوى النهارده
"الام" حاجات ايه
"مريم" معرفش يا ماما طول الطريق بتخيل ان فى حد ماشى ورايا واول ماجيت افتح الباب حسيت بحد زى ما يكون حضنى
"الام" بيتهيئلك يا حبيبتى ادخلى صلى بس وانتى هاتبقى زى الفل
"مريم" حاضر
"مريم وهيا بتتوضا بتشوف نفس الشاب بنفس النظره "
"الشاب" بتعملى ايه
"مريم بصوت هامس كى لا يتذكر اسم الله فى الحمام بتغمض عينها وتفتحها" اعوذ بالله من الشيطان الرجيم
"الشاب" اسكتى متقوليش كدا اسكتى
"مريم سامعه الصوت بتبص فى المرايه شافت الشاب طالع منه نار خافت طلعت تجرى"
"الام" مالك يا حبيبتى فى ايه
"مريم بخوف" فى حد فى المرايه فى ايه يا ماما ايه بيحصلى
"الام" هاتلاقى اعصابك تعبانه يا حبيبتى حد ضايقك
"مريم" لاء يا ماما والله محصلش اى حاجه اليوم كان حلو وعادى ما عدا الشاب اللى شوفته فى القطر فضلنا نبص لبعض بطريقه غير طبيعيه
"الام" ها وبعدين
"مريم" اختفى
"الام" اختفى ايه؟ اكيد كان بيتهيألك
"مريم" ابدا يا ماما والله
"الام" خلاص يا حبيبتى ادخلى ريحى جوه شويه ،هاتلاقى اعصابك تعبانه
"مريم" حاضر
.............................
"بعد لحظات من نوم مريم "
"بتتقلب ميرم على السرير" وشها تعبيراته مخيفه "
"مريم واقفه فى مكان كله نار وهيا واقفه وسطها بتحاول تصرخ بتثتغيث بأى حد "
"وعلى الجهه المقابله هذا الشاب "
"مبتسم لها بيمد لها يده علشان يساعدها بأبتسامه رائعه"
"مريم برعب" انت عاوز منى ايه انا خايفه منك عاوز منى ايه قولى
"الشاب باعين تحمر وتشتعل ناراً" اريدك لى ملكا لى لقد وقعت اسيرا لعيناكى
"مريم بتفوق من حلمها وهى بتتنفس بأعجوبه"
"ايه اللى بيحصلى دا ومين الشاب دا بجد انا ايه الرعب اللى بيحصلى دا من وقت ما شوفته يارب "
"ماما يا ماما الحقينى "
"الام مهروله" ايه فى ايه مالك
"مريم بخوف" يا ماما مش قادره انا خايفه وحكتلها الحلم"
"الام" لاء الموضوع كدا ميتسكتش عليه لازم نروح للشيخ عبدالعال ونعرف فيكى ايه شكلك كدا ممسوسه
"مريم بخوف" يعنى ايه ممسوسه يا ماما
"يعنى فى حد ولعياذ بالله مسك يلا يلا هاسيبك واقوم اتصل بخالتك فوقيه اعرف منها مكانه بالظبط الشيخ اللى كانت جابته لبنتها يوم فرحها"
"ماشى يا ماما "
...................................
"مريم ومامتها قاعدين اقدام ست شكلها مريب "
"الست وبيتوجه نظرها ليهم " يلا الدور عليكو
"مريم ماشيه ورا مامتها وماسكه فيها جامد"انا خايفه
"الام" متخافيش اجمدى انا معاكى اهو
"شيخ لبسه غريب اقدامه صينيه فيه ابريق كبير ومايه "
"الشيخ من غير ما يبصلهم" انتى حد لبسك يا بنتى شاب زى القمر عاشقك وانتى عشقاه
"الام"شوفتى والله يا شيخنا انا قولتلها كده والله مكشوف عنى الحجاب
"الشيخ" اسكتى انتى وبيوجه نظره كلامه لريم، تعالى اقفى هنا يا بنتى
"مريم بخوف" فين
"تعالى اقفى اقدامى هنا"
"الام" قومى متخافيش دا الشيخ فيه الشفا
"الشيخ واقف واقدامه مريم وفضل يقرأ عليها كلام غريب مش مفهوم "
"افتحى عينيكى بصيلى "
"مريم بخوف"نعم
"الشيخ" انا بكلمكيش انتى وبيركز فى عينيها بص لو مسبتش الجسم اللى اقدامى وروحت لحال سبيلك هاحرقك
"مريم واقفه تبصله عينيه ،مخوفاها"
"الشيخ" ها تسيب الجسم ولا هاتشوف الوش التانى لحد دلوقتى انا بتكلم بلين سيب الجسم واطلع
"الشيخ لمريم" انتى حاسه ان جسمك تقل وقلبك مقبوض
"مريم" ايوه فعلا
"الشيخ بيروح مكانه" خلاص
"الام" خلاص مشى وسابها
"الشيخ" لاء لسه قولى لبنتك متفرحش بجمالها وتبطل تبص لنفسها كتير اقدام المرايه وتجيلى بعد بكره وخدى الوقه دى تجيبى اللى فيها
"الام" يعنى هايسيبها يا شيخنا والنبى
"الشيخ" عيب تسألى السؤال دا
"الام" انا اسفه يا شيخا اسفه
....................................
"مريم ومامتها ماشيين فى الطريق"
"يا ماما بلاش اجيله تانى شكله مخيف اوى "
"بس يا بت انا معاكى اهو وبعدين خلينا نعرف فيكى ايه"
"يا ماما بلاش"
"يبقى انتى عاوزه الجن اللهم ما احفظنا يفضل لابسك بقى "
"انا يا ماما لاء طبعا"
"خلاص اسكتى"
.........................................
مريم فى اوضتها نايمه وبتحلم"
"الله انت تانى "
"الشاب انا بحبك وبيبسوها من خدها"
"بس انت انسان زينا"
"انا اسمى حامد وزيك وبحبك اوى"
"مريم مستسلمه لاحساسها" وانا بحبك اوى
"خلاص متروحيش للشيخ دا تانى "
"ليه"
"علشان هايبعدنا عن بعض"
"حاضر يا حبيبى حاضر
...........................................
"الام بتدخل مهروله لمريم" قومى يا مريم قومى
"مريم بتفوق على وشها ابتسامه"ايوه يا ماما فى ايه
"الام" الشيخ عبد العال مسكوه بيقولوا دجال
"مريم" بجد
"الام" اه دا انا زعلت خالص عليه
"مريم" زعلتى وهما بيقولو انه دجال
"الام" طيب مين هايشفيكى دلوقتى من الجن اللى لبسك دا
"مريم" يا ماما انتى بتصدقى الكلام دا كلها خرافات يلا انا هاقوم اروح شغلى
"الام"وانا هاسيبك لازم اشوفلك حد لازم اطمن عليكى لحالك يقف
"مريم بتجاهل " اللى تشوفيه وبتروح الحمام
..................................................
بعد مرور فتره من الزمن
"ابتعدت مريم فيها عن الصلاه تماما "
"الام" تعالى يا شيخ
"رجل يظهر عليه الرقى ووجه يشع بنور من عند الله"
"مريم بتبصله نظره كلها تحدى"
"الشيخ" اعوذ بالله من الشيطان الرجيم
"الام" مالك يا شيخ
"الشيخ" لو سمحتى عاوز مسجل وشغليه بصوت عالى على سورة البقره
"الام" حاضر
"الشيخ" اقفى جمبى هنا"
"مريم" ليه
"الشيخ" هاقرأ عليكى قرأن متخافيش
"مريم" ماشى
"الشيخ" فضل يقرأ قرأن على مريم
"مريم بخنقه وضيق وجسم مهزوز" خلاص بقى كفايه
"الشيخ مكمل قراءة قرأن "
"مريم بنفور" ايه ايه سيبنى بقى
"الشيخ بيوجه كلامه للام" بنتك الشيطان لابسها يا حاجه ومستحوذ عليها
"الام"اه فعلا الشيخ عبد العال قال ان الجن لابسها
"شيخ عبد العال مين"
"الام" دا راجل مبروك اوى يا شيخنا والله
"يا حاجه انتوا بيتكوا ناقصه ايمان بدليل اعتقادك بوجود الجن ولجوئك للدجل "
"لاء والله احنا بنصلى وبنشغل القرأن "
"صلاه من غير خشوع وقرأن من غير فهم ولا احاسيس"
"يعنى انت رأيك نعمل ايه"؟؟
"ايمانكوا يوصل لاعماقوا "
"حاضر"
..................................................................
مريم نايمه بتحلم بحد بيحاول يحضنها وبيبوسها استسلمت لحظات ورجعت فاقت بسرعه
"بتقوم مفزوعه"
"هو هو اعمل ايه بس قامت وقررت تصلى "
"بتصلى وهى حاسه بحاجه بتبعدها وبتحاول تمنعها من تكملة الصلاه وكل شويه تشتت تفكيرها لدرجة كذا مره تخرج من الصلاه وتستعيذ بالله من الشيطان الرجيم"
"غلبت ضعفها و كملت الصلاه بصوت اياتها بتعلو وكل ما علو صوتها يزيد كل ما جسمها يوجعها"
"بخوف وبصوت عالى بعد ما خلصت الصلاه يـــــــارب يا حى يا قيوم برحمتك استغيث اعوذ بك من الوسواس الخناس "
"كل ما تبكى وتتوسل لربنا جسمها يوجعها اكتر "
"فقدت القدره على التوسل لربنا اكتر وقعت على الارض "
"الام بتخرج من اوضتها بعد ما سمعت واقعه"
"شافت مريم على الارض بتجرى عليها وهى مرعوبه" بنتى حبيبتى مالك
"مريم وهى فى حضنها" انا يا ماما خايفه اوى اوى
"يا بنتى وانا كمان منكرش ان خايفه عليكى"
"بدموع" ليه يا ماما بيحصلى كده ليه
"كل ما نصلى ونقرأ قرأن كتير ربنا ها يبعد الجن دا عننا "
"انا عاوزاه يسيبنى ويمشى يا ماما واشمعنى انا اللى اختارنى وليه دلوقت"
"بصراحه نفسى اعرف معلش هاروح بكره لشيخ تانى واقوله يجى يقرأ عليكى قرأن"
"لاء انا نفسى اروح اعمل عمره"
"بجد"
"ايوه يا ماما وانا معايا الفلوس انتى عارفه كل مرتبى بعينه وهاتطلعى معايا "
"لاء يا حبيبتى تطلعى انتى وبابا بقى علشان يكون محرم ليكى"
"ماشى "
**********************************
"مريم بتلف وبطوف حوالين الكعبه من جواها حاسه برضا كبير شعرت ان كل احساس الوجع اللى كا بيحصل لجسمها راح مبقتش حاسه غير برضا وطمئنينه"
"انا بصراحه محستش بطمئنينه فى حياتى اد اللى حسيتها وانا بطوف اقدام الكعبه "
"بابا كل شويه يقولى يلا نمشى وانا خايفه امشى يرجع الشيطان دا تانى وبعدين انا خايفه اوى ربنا ميسامحنيش ان استسلمت للشيطان دا"
"بس انا هافضل استغفر ربنا كتير وانا عارفه ان ربنا هيسامحنى ويغفرلى وكل ما انا قريبه من ربنا كل ما كان الشيطان دا يبعد عنى "
"بس مش هيوحشنى "
"رجعت تانى بنظرها للكعبه وبكت سامحنى يا رب سامحنى يا رسول الله عارفه ان ايمانى ضعيف بس بحاول جاهده ربنا يتقبل منى "
"قربت منها ست متقيه ودعت جمبها"
"وبدأت تدعى ومريم غصب عنها تستمع لها"
"يا رسول الله جتلك تانى علشان اقولك ان بنتى اتجوزت وايمانها زاد وبطلت تعمل اى حاجه وحشه من يوم ما جاتلك اينعم الانسان ضعيف بس انا فضلت جمبها كل ما تفكر تبعد عن الصلاه او الصوم او تقرأ قرأن بضربها .. وكملت كأ،ها تتحدذ مع رسول الله ..اه والله كنت بضربها ..وفيها ايه يعنى عروسه واتجوزت كمان ومعاها دلوقت محمد..اه والله وبضربها..كل اللى البعد عن ربنا .. كله الا بعدنا عنك يا حبيبى يارب اكون من الناس اللى بتشفعلهم انا بحاول جاهده اكون ام ومربيه صالحه بس شرور الدنيا ساعات بتعمى الفلوس ..
"مريم بتسمع للست بأستغراب وفهمت المغزى ومشيت"
"الاب بياخدها وبيمشى " خلصتى يا بنتى انا رجعلى وجعتنى وعاوز ارجع الفندق ارتاح"
"مريم برضا" ايوه يا بابا خلاص وعرفت علاجى يلا بينا
"ربنا يخليكى ليا يا بنتى ويرزقك يارب الزوج الصالح بحق ما احنا فى المكان الطاهر وحياة حبيبك النبى ترزق بنتى مريم بالزوج الصالح هى وكل اللى زيها"
"مريم بتدخل الفندق واول حاجه عملتها فتحت شنطتها وطلعت المصحف ومسكته فى ايديها"
"وفضلت تتلو ايات كريمه كل ما تتلو كل ما تحس بهدوء ورضا بينبع من روحها "
**********************************
"مريم بتركب الطياره وجبها باباها "
"بتقعد فى المقعد الثلاثى بيقعد جمبها شاب شكله وسيم"
"مريم بتشوف اللى قعدجمبها ولد قامت من مكانها وبدلت الاماكن مع باباها "
"الشاب متعجب من تصرف مريم فضل طول الطريق متابع تصرفاتها"
"مريم طول السفر وعينيها فى المصحف هو الانيس الوحيد لسفرها تناست وجود كل اللى حواليها"
"الشاب عينه عليها ومعجب اوى بيها وان فعلا فى بنات لسه كده"
"تمايل على الاب بعد اذنك"
"اتفضل "
"بنتك متجوزه او مخطوبه او حد متكلم عليها"
"الاب بأستغراب " لاء
"طيب ياعمى انا شاب من عائله ميسره جدا حياتى كلها الشغل والسهر والاصدقاء وانا بجد متأكد ان لو بنتك بقت زوجه ليا هتغير على ايديها من تقوى واصلاح"
"مريم سامعه الحوار كله "
"الاب" بس انا بنتى مش هاجوزها لواحد لا اعرف اصله ولا فصله وكمان بتقول سهر اضمن منين انك تتغير
"الشاب بيطلع كارت من جيبه" دى عيلتى
"الاب بذهول" ولما انت مبسوط اوى كده ليه راكب فى الدرجه البسيطه دى
"اتخانقت مع اللى كانت جمبى للاسف"
"طيب بص يا ابنى بنتى انا مش هاجوزها دلوقتى وبعدين انا مش هجوزها لواحد يجرب يعيش كويس عجبه ماشى معجبوش خلاص"
"مريم بكسوف وبصوت ضعيف" بعد اذنك يا بابا انا موافقه
"الشاب شايف مريم بتتكلم بس مش فاهم صوتها هامس اوى لوالدها "
"الاب" ازاى دا انسان اكيد مبيصليش
"ما يمكن زى ما انا ربنا غيرينى لكده يكون بعتنى ليه علشان انا كمان اغيره"
"انتى شايفه كده"
"اه "
"خلاص يا بنتى اللى تشوفيه "
"الاب بصوت حازم" خلاص يا بنتى وقاله عنوانهم" دا عنوانا تيجوا تشرفونا
"الشاب بسعاده" بجد انا متشكر اوى لحضرتك ولمريم نظرة فرح" شكرا ليكى جدا انا متأكد ان هكون انسان تانى على ايدك
..................................
"مشهد النهايه"
"جواز مريم من نادر فى فرح كبير لم شمل كل العائله لا هو اسلامى ولا هو منفتح فى الاعتدال"
"القصه دى انا مش هاقول المغزى منها ايه انا هاسيب كل واحد فيكوا هو يقولى وصله منها ايه "
"وان شاء الله اراكم قريبا مع القصه القصيره القادمه عن الحب واختلاف الاديان والعواقب التى تنتج عن هذا الحب "
.................................
.................................
