"فى بيت جمال"
"جمال قاعد وماسك جورنال وبينده على حاتم ولمياء"
"بيجوا بسرعه"
"لمياء" ايوه يا بابا فى ايه
"مش دى صوره عيسى صاحبك بردوا واخته دى اللى باباها اغتصبها"
"ايوه يا بابا للاسف"
"طيب الناس دول متعرفهمش تانى"
"لمياء" ليه بتقول كده يا بابا حرام عليك
"كلامى يتنفذ من غير كلام كتير "
"حاتم" حرام يا بابا هانبقى احنا والزمن عليه
"لمياء" لاء يا بابا حرام عليك وهما ذنبهم ايه دوول غلابه اوى حرام
"جمال بيقوم يقف بعصبيه" انتوا بتقولوا ايه ايه قلة الادب دى امشوا من اقدامى وابقى اعرف انكوا اتكلمتوا معاهم تانى المستوى دا من الناس انا مبحبوش ولا احب ولادى يختلطوا بيه
"لمياء بدموع" بس والله كده حرام
"بتقولى ايه يا بنت "
"حاتم بيشد لمياء من ايديها وبيمشوا" خلاص يا بابا خلاص
......................................................................
"احمد قاعد مع حماته"
"اتفضلى يا طنط حضرتك قولى اللى حابه تقوليه"
"بص يا احمد امل محدش هايربيها غيرى لا مامتك ولا اختك محدش اولى بيها منى محدش بنته ماتت ولا اتقهر عليها زيى "
"يا طنط بس انا مقدرش اعيش من غيرها"
"انا عارفه وانا مش هحرمك منها بالعكس انت كل ما تخلص شغلك تيجى تشوفها"
"انا مدر شعور حضرتك يا طنط بس انا عندى فكره لو سمحتى اسمعيها"
"سمعاك"
"امل هاتكون بينى وبينك يعنى عندك طول ما انا فى الشغل لكن اجازاتى كلها هيا معايا مهما كانت الاجازات دى واد ايه "
"موافقه ربنا يكرمك يابنى ويريح قلبك"
"ادعيلى بس يا طنط ربنا يصبرنى"
"ربنا يصبرك ويصبرنى يابنى"
.................................................................................
"نشوى قاعده فى اوضه كلها عيانين وجهاد على سرير من ضمن المرضى"
"بطلى عياط بقى يا جهاد"
"جهاد مبتردش"
"علشان خاطرى كفايه اللى فيا"
"جهاد بتنطق بالعافيه" فين عيسى عيسى يا ماما
"عيسى محبوس بس هايطلع متخافيش"
"جهاد دموعها على خدها وبترجع لصمتها"
"يابنتى اتكلمى معايا طلعى اللى جواكى"
................
"بردو الله يسامحك"
................................................................................
"احمد بيرجع القسم وقاعد فى اوضته"
"محمود بيدخل" حمد لله على السلامه يا احمد
"متشكر يا محمود "
"والله يا احمد كان كان نفسى اكون معاك اكتر من كده بس انت عارف الظروف"
"ايوه عارف ,خلصتو الموضوع على ايه"
"خلاص يا احمد الولد كان دفاع عن اخته دخل شاف باباها بيغتصبها "
"لا حول ولا قوة الا بالله بس بردوا قتله هايتحاكم لانه مكنش فى حالة دفاع عن النفس وخصوصا ان القتيل مكنش معاه سلاح يعملوها الاباء ويروحوا ضحيتها الابناء"
"لاء ماهو الراجل مامتش بالسكين "
"متقولش من الوقعه"
"فعلا دا اللى حصل"
"يا سبحان الله دا ربنا عاوز يريحهم منه انتقامه ,بس بردوا فى الحاله دى مافيش براءه يا محمود كدا هايتحكم عليه سنه سجن مع ايقاف التنفيذ"
"ايوه لان دا قتل مع سابق الاصرار "
"واخته اخدت اقوالها "
"اه دى تصعب على الكافر والله دى مرميه فى مستشفى حكومى لان مش معاهم فلوس تتعالج بيها"
"الله مش كانت فى المستشفى اللى امل الله يرحمها فيها"
"ايوه بس لما عرفوا ان مافيش فلوس طلبوا من الام تنقلها "
"اه ماهو دا الزمن اللى احنا فيه طيب انا عاوز اشوفها يا محمود"
"ماشى بس ليه"
"حابب اساعدهم بأى حاجه "
"ماشى يا يا سيادة الرائد هاوديك ليها "
"طيب خلصت كل الورق لعيسى"
"اه احنا مش هانسيبه مده ال40 يوم لان كل الاجراءات خلصت وكل الدلائل موجوده وكمان "
"ماشى انا عراف ان تعبتك الفتره دى جدا"
"احنا اخوات بعد اذنك يعنى"
"دا شرف ليا "
...................................................................................
"حاتم راكب عربيته تليفونه بيرن"
"ايوه يا لمياء"
"انت فين يا حاتم مستنتش ننزل سوا ليه"
"هاروح لعيسى القسم معادى مع المحامى اللى هايدافع عنه دلوقتى"
"برافو عليك يا حاتم افتكرتك هاتخاف من بابا"
"ما انا بردوا مش هعرف بابا ان لسه ليا علاقه بعيسى انا مش ناقص يا لمياء يحرمنى من المصروف ولا ياخد منى العربيه "
"ماشى يا عيسى واهو انت كده كده فى الجامعه وانا هانزل اروح لجهاد اطمن عليها"
"لاء يا لمياء بلاش"
"ليه بقى"
"ابعدى انتى احسن"
"ابعد ليه مش فهمه وجهة نظرك للموضوع"
"يعنى دلوقتى الناس هاتبص لجهاد دلوقتى نظرة مختلفه وانتى مينفعش تتشافى معاها تانى "
"انت بتهزر صح"
"لاء يا لمياء انا بتكلم جد وكلامى دا يتسمع ماشى "
"لاء يا حاتم مش هايتسمع وانا مش هاتخلى لا عن صاحبتى الوحيده واقرب حد ليا فى محنتها"
"انتى بتاعندى ليه"
"مش عند بس يمكن انت بتضايق من بابا بس اسفه ان اقولك انك ورثت منه نظرته للناس "
"اقفلى يا لمياء احسنلك"
"لمياء قفلت من غير اى رد "
...............................................................................
"جومانا لابسه لبس خروج بس ضيق جدا"
"ايه يا مؤمن مالك"
"ماليش انا كويس بس انتى هاتنزلى بلبسك دا"
"لاء يا حبيبى انا هاقعد بيه هنا وانا نازله هاغير"
"اه ماشى "
"ها يلا هاتتغدى اطلب ايه"
"لاء نفسى ناكل اكل من البيت "
لاء يا مؤمن انت عارف ان انا مبعرفش
"انا هاساعدك بس نفسى نعمل اكل هنا بجد نفسى احس بوجودى فى البيت"
"بأضطرار وابتسامه متصطنعه" خلاص يا حبيبى نعمل اكل فى البيت بس بتعرف تعمل ايه
"مؤمن بفرحه" مكرونه اسباجتى هايله
"ماشى يلا وانا اتعلم منك"
"يلا "
.........................................................
"يوسف وريم اقفين اقدام باب الجامعه"
"ريم انتى مش صريحه انا متأكد ان امانى فيها حاجه وانتى مخبياها "
"ريم بضيق" انا هاخبى ايه يعنى وبعدين مينفعش كل يوم تيجى تقفلى كده اصخابى بدؤا يشكوا ان بخون امانى"
"انا اسف يا ريم بس انا هاتجنن واطمن عليها وبعدين انتى مش بتريحينى"
"بص يا يوسف انا هاقولك المفيد علشان انت ترتاح وانا كمان"
"هو دا اللى انا عاوزه"
"امانى طلع معاها مرض خبيث فى المخ وهيا دلوقتى بتتعالج كيماوى وياريت تنساها لانها حتى لو عاشت لا هاتنفع تتجوز ولا تكون ام"
"يوسف فى حالة ذهول مش قادر يستوعب اللى بيسمعه"ايه
"انا خلاص عرفتك كل حاجه انساها بقى يا يوسف وعيش حياتك انساها ومع السلامه وياريت مش نتقابل تانى"
"يوسف واقف مصدوم مش عارف يرد عليها بأيه عينيه دمعت وهو بيتخيل امانى وحبهم لبعض"
...........................................................
"عيسى والمحامى قاعدين فى اوضه ومعاهم محمود وحاتم"
"المحامى" انت موقفك قوى فى القضيه
"حاتم" يعنى هياخد براءه مش كده
"لاء براءه لاء بس برده مش هايتحبس"
"عيسى قاعد مكسور مبيردش "
"حاتم" مش فاهم يعنى ايه مش هايتحبس ومش هاياخد براءه دى فزوره
"لاء هو هايتحكم عليه سنه مع ايقاف التنفيذ لانه كان فى حالة دفاع عن اخته "
"بس التقرير اللى بيقولوا عليه بيقولوا انه مامتش بالسكينه من الوقعه"
"اى كان هو هو كان عاوز يموته واتعدى عليه ودى جريمه ولازم يتحاسب عليها"
"عيسى بنظره كلها ضعف" اختى عامله ايه يا حاتم جهاد عامله ايه"
"كويسه يا عيسى متقلقش كده"
..............................................................
"مؤمن وجومانا قاعدين بياكلو"
"جومانا" واااو يا مؤمن الاكل دا روعه
"مش قولتلك ابقى صدقينى بقى"
"اصلا انت اى حاجه تعملها روعه"
"ربنا يخليكى ليا"
"ويخليك ليا وقامت تشيل الاطباق من على السفره وبحركه فجائيه قربت منه وباسته من خده"
"مؤمن استغرب حركتها وفى نفس الوقت اتبسط من جواه لما حس انها بدأت تلين وتقرب ليه من نفسها"
"مؤمن بيقوم وراها لى المطبخ وبيقرب منها"
"جومانا بتلتفت حضنته"
"مؤمن بيحضنها اقوى انا بحبك اوى وخلاص مش قادر ابعد عنك "
"بضعف" بلاش يا مؤمن سبنى
"اسيبك ايه مش كفايه يومين اقدامى وانا هاموت عليكى عمرى ما هاسيبك"
...........................................................................
"لمياء قاعده على طرف السرير مع نشوى وجهاد وبتبص حواليها بأشمئزاز "
"نشوى" كده على طول تاعبينك معانا يا بنتى معلش"
لاء يا طنط متقوليش كده انا بس زعلانه ان حضرتك رفضتى ان جهاد تفضل فى المستشفى التانيه انضف من دى
"دى على ادنا يا بنتى التانيه عاوزه الفات وكفايه اللى دفعتيه كتر خيرك"
"لاء يا طنط كده ازعل منك والله"
"خلاص بس علشان خاطرى حاولى تتكلمى مع جهاد خليها تتكلم او تقول اى حاجه دى منطقتش غير تسأل على عيسى وتسكت تانى"
"معلش يا طنط اللى مرت بيه مكنش قليل"
"منه لله بقى مترح ماراح"
...............................................................
"عيسى بيرج الحجز"
"عماد" ايه يا عم مالك المحامى مطمنكش ولا ايه
"لاء طمنى وياريته مطمنى الناس كلها بقت عارفه اللى حصل لاختى"
"وهو ايه اللى حصل"
"ها ولا حاجه"
"طيب انا المفروض خارج بعد بكره وانت هاتحصلنى لازم اشوفك وهابقى معاك دايما ماشى "
"ماشى يا عماد كتر خيرك"
"على ايه يا جدع احنا اخوات"
"الله يخليك"
...................................................................
"احمد ومحمود بيطلبوا من الممرضه يدوخلوا لجهاد العنبر"
"الممرضه" مينفعش حضرتكوا تتدخولوا
"محمود" دا سيادة الرائد احمد منصور انتى اتجننتى
"انا اسفه والله بس ممنوع دخول الرجاله عنبر السيدات دى مش اوانرى انا"
"هاندخل نطمن عليها بس وهانخرج تانى "
"حاضر يا بيه"
"جهاد شبه نايمه على السرير وشها ملائكى رغم الحزن اللى شافته"
"محمود بيدخل" اهيه يا احمد
..........................................
..........................................
ليست هناك تعليقات:
إرسال تعليق