"جومانا بتدخل على مؤمن وياسمينا وهما قاعدين منسجمين"
"اذيك يا استاذ مؤمن"
"مؤمن بلا مبالاه" كويس وانتى
"وانا اللى هيا مراتك يعنى اللى مبتسألشى عنها ولا ايه"
"ياسمينا بصدمه وبتبص لمؤمن"
"مؤمن بيقوم بسرعه وبيشد جومانا من دراعها وبيبعد بيها"
"جومانا بتتألم من مسكته لدراعها" ايه ايدى سيبنى
"مؤمن بعصبيه"انتى ايه الجنان اللى بتعمليه دا
"جومانا بتمسك دراعها وهيا بتأفأف" ايه كدبت هو احنا مش متجوزين
"متجوزين بس خلاص هتنتهى بينا على كده والورق معاكى اقطعيه وانسى اللى حصل"
"جومانا بعينين مدمعه" انت بتقول ايه
"بقول اللى سمعتيه جواز انا مش هاكمل مع شخصيه ذيك"
جومانا بتتجه بعينيها على ياسمين" انا عرفت ايه غيرك "
"ايه اللى غيرنى مافيش حاجه غيرتنى انتى اللى تفكيرك وحش ومتبصيش لياسمينا لان تصرفاتك انتى اللى كرهتنى فيكى"
"جومانا بترجع بعينيها ليه" انا اللى تصرفاتى وحشه انا ايه كان فاضل اعمله ومعملتوش
"مؤمن بيبعد عينه عنها "
"ها رد عليه بص يا مؤمن ان كنت فاكر انك ممكن تاخد اللى انت عاوزه وترمينى متحاولش لان دا مش هايحصل ماشى "
"مؤمن بعصبيه" اعملى اللى انتى عاوزاه انا مبخفش
"ماشى يا ست القويه يلا امشى من هنا وابقى اتكلمى مع حد تانى فى حاجه زى كده"
"هتشوف انا ممكن اعمل ايه يا مؤمن هتشوف"
"مؤمن بيسيبها ويمشى وهيا بتتكلم وبيروح لياسمينا"
"ياسمينا بتبص عليهم ومش قادره تستوعب الكلام اللى اتقال"
"مؤمن بيقعد تانى جمبها وبيبعد بعينيه"
"ياسمينا بشرود على صدمه" الكلام اللى اتقال دا وقامت بسرعه مشيت
"مؤمن حس بلخبطتها مشاعر متداخله متضايق على لمسة فرح من شعوره بغيرة ولخبطة ياسمينا"
.................................................................................
"جهاد بتخرج وتليفونها على ودانها اتقابلت بعيسى اللى حاول يدارى نفسه معرفش"
"جهاد وعيسى عينيهم متقابله ودموع عيسى غلبته ونزلت اقدام جهاد"
"جهاد التليفون وقع من على ودانها"
"عيسى بيجرى على اوضته"
"جهاد بتروحله" عيسى انا وبتجرى عليه تاخده فى حضنها
"عيسى بيستسلم لخضن جهاد وبيبكى بصوت مسموع وبقهر"
"حبيبى يا عيسى متزعلش انا هعرفها انك بتحبها "
"لاء يا جهاد خلاص مش هينفع احنا من الاول مش هننفع سوا انا عارف بس مجرد ما سمعتكوا غصب عنى دموعى نزلت"
"يا حبيبى وليه العذاب دا قولها على اللى جواك يا عيسى وهيا هاتستناك انا عارفه ليماء بتحبك ازاى"
"وانا عارف خلاص يا جهاد انا هكون كويس ضعفت لحظه وهتروح لحالها وبكدب "وبكره اتجوز واحب واعيش مع واحده تحبنى وتكون زينا وكده اصلا احسن ربنا يسعدها انا بتمنالها كل السعاده اللى فى الدنيا"
"يا حبيبى يا عيسى انا واثقه انك هتقابل اعظم انسانه فى الدنيا لان انت تستاهل كل خير انا واثقه فى كده"
"ان شاء الله وبيطلع ورقه من جيبه..ودا عقد الشقه جيت اسيبه هنا علشان محدش ضامن عمره"
"ربنا يخليك لينا يا عيسى هو احنا نعرف نعيش من غيرك"
...........................................................................................
"لمياء نايمه على سريرها بتعيط"
"انا بحبك اوى يا عيسى بس لازم انساك انت مستاهلتش حبى وبتفتكر "
"فلاش باك"
"فى بيت عيسى القديم لمياء بتدخل البيت عندهم بناءً على اتفاق عيسى ولمياء يومها بليل"
"عيسى بأبتسامه بيفتحلها الباب" اذيك يا لمياء عامله ايه اتفضلى
"الحمد لله يا عيسى كويسه وانت يارب تكون كويس"
"الحمد لله انا كويس"
"وحشتنى اوى يا عيسى"
"الله يخليكى "
"وانا موحشتكش"
"عيسى بأستغراب للسؤال "لاء وحشتينى طبعا انتى مش زى جهاد يعنى
"لمياء بحزن" زى جهاد هيا فين صحيح وفين طنط
"جوه فى الاوضه هاندهلهم اهو "
"لاء استنى يا عيسى عاوزه اقولك حاجه"
"عيسى بخوف من اللى ممكن يتقل" نعم
"لمياء بوش احمر وبتحاول تستجمع قوتها بتسيب قلبها هو اللى يتكلم" انا بحبك اوى يا عيسى ونفسى نكون سوا انا مستعده استناك طول حياتى بس قولى انك بتحبنى "
"عيسى نفسه يسمح لمشاعره تتكلم بس لسانه عكس احساسه اتكلم بعقله "انا عمرى ما هكون ليكى يا لمياء انتى مش ليا وانا مبحبكيش
"لمياء بدموع" انا اسفه وخرجت تجرى من البيت من قبل ما تسمع كلمه واحده من عيسى فى نفس اللحظه بتخرج نشوى..لمياء سمعت صوتها راحت فين
"لمياء بترجع للواقع" رخصت نفسى معاك اوى يا عيسى بس رغم قسوتك مش قادره اكرهك مش عارفه غير احبك اعمل ايه بس ازاى هقدر احب واتخيل نفسى مع غيرك ورفعت عينيها لفوق" ياارب
.................................................................................................
"عيسى بيدخل المكتب للمحامى وبيقف اقدام المكتب "
"حضرتك جيت من بدرى يا حاج"
"اه يابنى معلش يا عيسى اقعد عاوزك فى موضوع"
عيسى بيقعد على الكرسى اللى اقدام المكتب "اتفضل حضرتك "
"انت يا بنى فى حد بيكرهك "
"ليه بتقول كده"
"فى حد جه هنا وقالى اطردك من المكتب وبصراحه هددونى وشكلهم ناس مش مظبوطين"
"حضرتك بتقول ايه "
"انت متعرفش حد بيكرهك اوى كده ليه"
"لاء مش عارف وحاضر يا حاج انا هسيب المكتب ومتحرجش نفسك"
"لاء مش هتسيبه انا مبقولكش علشان تقولى هاسيب المكتب بقولك علشان اعرف مين اللى بيكرهوك دوول وتخلى بالك من نفسك "
"ربنا يخليك والله انت بتعمل معايا حاجات اقرب الناس معلهاش ابدا"
"معلش يا عيسى مش اتفقنا منفكرش فى اللى فات يلا على شغلك"
"عيسى وهو مشغول التفكير " حاضر
...................................................................
"جومانا قاعده فى الانتريه وهى مخنووقه بتفكر ازاى ممكن تخلى مؤمن يندم على اللى عمله فيها"
"لحظات والتليفون جمبها رن بتبص كويس شافت نمرة اهلها"
"فكرت بسرعه وردت"
"اهئ اهئ بابا وحشتنى اوى لازم تنزلوا انا محتجاكوا اوى لازم تيجوا "
"الاب" اهدى بس فى ايه
"مش هينفع هنا يا بابا لازم تيجى لازم "
"ماشى هانحجز وننزل بس لو موضوع تافه انتى حره"
..............................................................................
"عيسى قاعد على المكتب واقدامه ناس كتير شكلها بسيط سرحان"
"ياترى مين الناس دول وعاوزين يأذونى ليه انا عمرى ما كان بينى عداوه مع حد ابدا "
"بتقرب ست كبيره بتنهج" يابنى الاستاذ هنا
"ايوه يا امى اتفضلى ارتاحى "
.......................................................................
"بعد فتره امانى قاعده شكلها تعبان ووشها اصفر"
"محمود واهله فى الصالون ولمياء بتقدملهم العصير"
"جمال" اهلا وسهلا انت نورتنا يا محمود يابنى
"يعنى حضرتك موافق يا عمى "
"طبعا موافق انت نسب ميترفضش كفايه انك ابن اللواء جمال ابو اليازيد الله يرحمه"
"الله يرحمه"
"الام وعنيها على لمياء" ما شاء الله عروستنا زى القمر عرفت تختار يا محمود
"لمياء بأبتسامه صفرا" ميرسى
"جمال" انا هاعملكوا احلى خطوبه ان شاء الله متقلقوش
"محمود وعينه على لمياء" هاتكون حلوه بس علشان العروسه لمياء
"حاتم كل شويه يبص فى ساعته"
"جمال" والله شرفتونا
"شكرا"
"امانى قاعده مبتسمه بس واضح عليها الارهاق"
......................................................................
"تسنيم لابسه وكل شويه تبص فى ساعتها وتروح تبص لنفسها فى الموبايل"
مسكت موبايلها بعصبيه" شو هالتأخير كل هيدا وين مامعقول هيك تأخير شو بدهن يناموا هنيك"
"لحظات والموبايل رن"
"شو يا حاتم وينك انت"
"انا هنا يا حبيبتى معلش اتأخرت عليكى بس الناس لسه نازلين حالا وانا وبابا هانيجى عندكوا حالا"
"امنيح ونحنا فى انتظاركو"
"ماشى بحبك"
"وانا اكتير اكتير"
"تسنيم بتقفل التليفون وقلبها بيدق" شو هالفرحه جواتى عم حبك ولا شو يا حاتم بس ما بينفع حبك هالاب الماعندو قلب ماراح ايخلينا نعيش مرتاحين انا ما راح اسمح لنفسى ان احبك راح اعتبرها صفقه اكتير ناجحه "
.......................................................................
"جومانا قاعده فى حضن جدتها وماسكه وشها المضروب وسنانها وهيا نازل منها دم"
"بنتى انا تتجوز عرفى بنتى ليه "
"الجده"خلاص يا وائل والله ما انت ضربها حرام عليك
"لاء دا انا هاموتها وانتى كنتى فين يا ماما لما السفله دى عملت كده"
"انا ست كبيره يا بنى وبطل بقى انت مسافر وراميها هنا وجاى تتنطط علينا كنت اقعد جمب بنتك "
"الام" خلاص بقى حرام عليكو خلينا نفهم منها دا حص ازاى
"وائل بنظره كلها غيظ وبيهجم على جومانا فى حضن الجده" والله لاموتها نفهم ايه دا حيوانه خساره فيها كل اللى بنعمله علشانها
"جومانا" اه اه حرام عليك يا بابا دا بدل ما تجيبلى حقى منه
"اجيبلك حقك من مين ما انتى خلاص رخصتينا وفضحتينا "
"الام بأنفعال" اخرج يا وائل وانا هافهم منها واجى اقولك اخرج لو سمحت
"حاضر هاخرج بس علشان مموتهاش فى ايدى بس"
"الجده" اخرج ربنا يهديك يابنى اخرج
"الام" ها قولى
"الجده بتبعدها عن حضنها "
"جومانا بتمسك فيها اقوى متسبينيش يا تيته"
"لاء هاسيبك لانك طلعتلى قليلة الادب واسألك تقولى فى الجامعه ضيعتى ثقتى فيكى انا كنت بدافع عنك بس علشان مش عاوزه ابنى يضيع نفسه بسببك "
"يا تيته انا "
"الام بتضربها بالقلم" انتى تخرسى يلا قولى حصل ازاى
"جومانا" يا ماما احنا كنا بنحب بعض وهو عايش لوحدو وانا كمان فا اتجوزنا وقولنا نعيش سوا نخلى بالنا من بعض وكنا عايشين مبسوطين
"الام بتمسك نفسها بالعافيه"وبعدين
"اتغير معايا من فتره ومش عاوزنى قولت اكلمكوا تيجوا تجيبولى حقى "
"الام بغيظ"لازم يقرف منك انتى اصلا انسانه لا احترمتى ام ولا اب ولا تعرفى الاحترام
"خلاص يا ماما بقى ارحمينى اقفى جمبى علشان خاطرى"
"لو على خاطرك انا اخنقك بأيدى ..قوليلى معاكى ورقه تثبت جوازكو"
"اه معايا الورقتين كمان"
"ماشى بس انتى لا تخرجى لوحدك ولا اسمعك بتكلمى حد موبايلك محرومه منه لحد ما الكلب دا يتجوزك رسمى "
"جومانا بنظرة انتصار" حاضر يا ماما اللى تشوفيه
.....................................................................
"لمياء دموعها بتلمع فى عينيها وواقفه فى البلكونه بنفس لبسها "
"امانى بتدخلها متباطئه "كح كح
"لمياء من غير ما تتدور ليها " تعالى يا امانى
"مالك يا لمياء شكلك مش مبسوط ليه"
"لاء مبسوطه يا امانى انتى مش زعلانه علشان اتخطبت وانتى تعبانه "
"لاء يا حبيبتى انا نفسى تكونى اسعد انسانه فى الدنيا وانا اصلا مش عاوزه اتجوز حد من الدنيا اصلهم شباب وحشين انا مستنيه ملك ليا من الجنه "
"لمياء بدموع وبتتلف لمانى اللى واقفه وراها" انتى مؤمنه اوى يا امانى نفسى ابقى كده نفسى احس بالرضا واقبل بأى حاجه
"يا حبيبتى انتى جميله ومؤمنه بس لسه صغيره ومتعلقه اوى بحاجات الدنيا "
"انا زعلانه اوى يا امانى "
"امانى بتقرب منها تاخدها فى حضنها" وانا بحبك اوى بس ليه زعلانه اوى بجد
"لمياء وهيا فى حضن امانى حسه بأنها بقت ارفع دموعها زادت" انا بحبك اوى يا امانى بحبك اوى
"وانا كمان يا حبيبتى بس اهدى المفروض النهارده يكون اسعد يوم عندك"
"ايوه ما انا مبسوطه يا امانى متقلقيش انا بس حسيت ان عاوزه اعيط ودلوقتى هارتاح "
"ان شاء الله يا حبيبتى بس ادخلى صلى واقرأى قرأن وانتى هاتهدى"
"حاضر يا حبيبتى "
.......................................................................
"عيسى وجمال قاعدين فى شقه تسنيم"
"جمال بيبص حواليه بقرف على منظر البيت البسيط اوى "
"تسنيم قاعده معاهم "
"الاب" يا هلا نورتوا
"جمال" شكرا بصوا خلينا نخلص الاتفاق بسرعه ابنى انا هاجبله شقته كامله ومش عاوزين منكوا حاجه خالص وكمان هدومها علينا
"الاب" ليش هيك يا استاذ نحنا ما راح نعرف نجهز بنتنا
...............................................................
"عيسى بيدخل المكتب الباب مفتوح استغرب"
"اكيد الحاج جوه "
"عيسى بيدخل " يا حاج بيفتح الباب الحاج نايم على المكتب
"عيسى اتخض جرى يشوف ماله بيرفعه"
"حد دبحه بسكينه من رقبته"
....................................
.....................................
ليست هناك تعليقات:
إرسال تعليق