"محمود بيدور على احمد فى المستشفى"
"محمود بيشوف احمدواقف وشايل بنته بين ايديه وواضح عليه الحزن"
"بتردد اروحله ولا هو فيه اللى مكفيه
"لحظات تفكير ومنظر احمد ونظراته لبنته واجعه قلبه رجع تانى من غير ما يتكلم "
..........................
"يوسف قاعد فى المكان اللى دايما بيجمعهم مستنى يخلصوا محاضرتهم
"لحظات وشاف ريم ماشيه لوحدها وواضح عليها الحزن"
"ريم ماشيه سمعت اسمها بيتنده والصوت هيا عارفاه قلبها انقبض " هاعمل ايه دلوقت
"يوسف بيجرى عليها" ايه يا ريم مش سمعانى
"ريم بتدور ليه مضطره" ايه اللى جابك يا يوسف بس
"نفسى اشوف امانى يا ريم وكمان صوتك معجبنيش وشكلك كمان دلوقتى فى ايه ايه حصل حاجه"
"ريم بدموع" مافيش حاجه
"لاء يا ريم فى حاجه وكمان فين امانى "
"امانى مجتش النهارده هيا كويسه "
"لاء يا ريم هيا من يوم ما داخت وهيا مبتحضرش قوليلى فيها ايه"
"كويسه صدقنى حتى كلمها اسألها"
"لاء يا ريم انتى عارفه انها مش هاترد عليه وانا هاتجنن واسمع صوتها وحياة اغلى حاجه عندك كلميها انتى دلوقتى اسمع صوتها بس"
"مش هاينفع يا يوسف امانى تزعل منى "
"علشان خاطرى يا ريم علشان خاطرى"
"ريم قلبها حن لمنظر يوسف صعب عليها " حاضر يا يوسف بس متتكلمش تسمع صوتها بس
"ربنا يخليكى ياريم يارب ربنا يخليكى"
"ريم اتصلت بأمانى" الو ..طنط
"سميره" ايوه يا ريم اذيك يا بنتى
"الحمد لله يا طنط هيا امانى فين يا طنط"
"جوه بتاخد جلسه وبصوت موجوع ريم حسته ادعيلها ياريم"
"ريم مش عارفه ترد ازاى ويوسف جمبها" ان شاء الله يا طنط وقفلت الخط
"ايه قفلتى ليه فين امانى "
"مامتها بتقول نايمه عندها برد "
"ماشى يا ريم تعبتك معايا انا اسف"
"لاء يا يوسف مافيش تعب"
"طيب يا ريم بعد اذنك واسف بس اسمحيلى هاتصل بيكى بليل اطمن على امانى ممكن"
"ماشى يا يوسف حاضر"
"ريم واقفه تبص على يوسف وهو بيبعد عنها وبتتصل تانى بمامة ريم"
"الو ايوه يا طنط معلش التليفون فصل"
..........................
"محمود واقف مع نشوى"
"استر علينا يابنى ومتقولش على بنتى يسترك يارب"
"مينفعش لازم يتعرف اللى حصل مع بنتك علشان ابنك يتعرف انه كان دفاع مع اخته"
"وهانعيش ازاى فى وسط الناس ولادى مش هايعرفوا يرفعوا عينيهم بنتى هاتموت وعيسى لاء ابوس ايدك بلاش انت وعدتنى "
"شغلى مافيش فيه وعدتك وبعدين ابنك هايتعرف انه كان راجل بيدافع عن اخته احسن ما يكون ابن عاق وياخد اعدام"
"اعدام"
"اه اعدام بعد اذنك هادخل اطلب تقرير بحالة البنت وبعدين لما تفوق ابقى اخد اقوالها "
..........................
"محمود بيتصل بدكتور التشريح"
"الو ..ايوه لو سمحت خلصت التقرير"
"ايوه "
"طيب طلع فيه ايوه"
"المصاب كان بيتعاطى جميع انواع المخدرات وقبل الجادثه كان شامم بودره والواقعه ها اللى اودت بحياته نتيجه ارتطام الجمجمه بالرصيف وحدث شرخ بيها وخروج المخ منها"
"يعنى مش السكينه"
"لاء"
"ماشى متشكر جدا "
"العفو "
"ممكن معلش تثبتلى واقعه اعتداء المجنى عليه واغتصابه لبنت"
"ماشى بس كده التقرير هايتأخر لبليل لان انا كنت جهزته على كده بس كده محتاج ازود"
"خلاص ماشى بس ميتأخرش عن النهارده"
"ان شاء الله مع السلامه"
..........................
"حاتم بيدخل هو ولمياء المستشفى بعد ما سألو على جهاد فى مستشفى الامراض العصبيه وعرفوا انها اتنقلت "
"حاتم" لو سمحتى فين جهاد رشدى
"مين جهاد رشدى "
"حضرتك الحاله اللى متحوله من مستشفى الامراض العصبيه"
"اه ياعينى انتوا تعرفوها"
"جهاد بلهفه" اه هيا كويسه
"دى يا حبيبتى اغتصبت ربنا يستر على ولايانا وشالولها الرحم والا كانت هاتموت "
"لمياء بتكتم صرختها بأيديها" جهاد حصلها ايه
"حاتم" لا حول ولا قوة الا بالله طيب اوضتها فين معلش
"الدور التانى اخر اوضه على الشمال"
"متشكرين"
"العفو ربنا يصبر قلبكوا"
..........................
"مؤمن وجومانا فى شقه مؤمن بعد كتابة عقد الجواز"
"جومانا" اتأكدت ان انا بحبك
"اكيد يا حبيبتى ربنا يخليكى ليا بس انتى ليه مش عاوزه الشله كلها تعرف جوازنا "
"معلش يا مؤمن مش دلوقتى "
"ماشى طيب ايه"
"ايه انت "
"يلا تعالى "
"لاء يا مؤمن انت اتجوزتنى بس مش هاتلمسنى غير وانا مراتك فعلا"
"نعم اومال احنا ايه دلوقتى "
"احنا هانعيش سوا وكل حاجه بس مش هاتلمس منى شعره غير وانت جوزى اقدام كل الناس انا علشان بحبك مرضتش ازعلك لكن تلمسنى لاء"
"طيب وكان ليه بقى "
"علشان تتأكد ان انا بحبك ومش هاكون غير ليك"
"لاء يا جومانا انتى كده مبتثقيش فيا"
"لو مش واثقه فيك مكنتش قولتلك هانعيش سوا مع بعض طول اليوم وهاروح على النوم احنا هانعيش سوا ونكون دايما سوا لكن اللى فى دماغك مش هايحصل غير بعد فرحنا اللى اقدام الكل
"انا بصراحه مش قادر افهم دماغك
"انا كده اثبتلك ان انا بحبك فعلا لسه انت تثبتلى "
"ازاى"
"انك تحافظ عليه طول ما انا معاك هاقدر حبك ليا طول ما انت خايف عليه وانا اقدامك ومتلمسنيش "
"مؤمن بضيق" ماشى يا جومانا ماشى
..........................
"امانى نايمه على سرير ومتركبلها محاليل "
"الممرضه " الدكتور بيشكر فيكى اوى
"الله يخليه دا من ذوءه بس"
"الام بتدخل" معلش اتأخرت
"كنتى بتعملى ايه بره يا ماما"
"كنت بكلم باباكى وريم كمان اتصلت تسأل عليكى"
"الله يسلمها "
"هيا هاتفضل كده كتير"
"لما المحلول يخلص بس"
"امانى" روحى انتى ارتاحى يا ماما زمانك تعبانه
"لاء مش تعبانه انا هاريح على السرير دهو ربنا يشفيكى يا بنتى ويجعله بالشفا"
" الممرضه" بنتك عندها عزيمه يا حاجه مشوفتهاش عند حد اكبر منها والله
"الام" امانى بنتى طول عمرها طيبه وراضيه بقليلها وبقضاء ربنا
"امانى" الحمد لله ربنا مبيعملناش حاجه وحشه الحمد لله
..........................
"لمياء بتجرى على اوضة جهاد "
"لمياء بدموع وهيا بتبص على جهاد" يا حبيبتى يا جهاد يا ترى مين اللى عمل فيكى كده وايه اللى حصلكوا كلكوا ده"
"جهاد بصوت مجهد" اه اه
"لمياء بتجرى عليها"حبيبتى يا جهاد الف سلامه عليكى
"جهاد بينزل من عينيها دمعه انا انا"
"انتى بقيتى كويسه يا جهاد الف سلامه عليكى "
"جهاد " اه ورجعت غمضت عينيها
"حاتم واقف اقدام الاوضه تليفونه بيرن برقم غريب"
"الو"
"هاى"
"مين معايا"
"شو ما بتعرف صوتى"
"تسنيم صح"
"ايه شو اخبارك وينك لهلأ"
"الحمد لله بس مش هاحضر النهارده معلش وشكرا اوى لسؤالك يا تسنيم "
"شو فى شئ ما بدك تحضر"
"لاء مافيش حاجه احنا بس مسافرين وسلميلى على كل الشله"
"اصلا مافى حدا هون غير ياسمينا وبدها تمشى كان بدى اطمن عليك اكتير هالجامعه من غير ولا شى"
"حاتم بفرحه" بجد
"ايه والله"
"انا مبسوط اوى انك مهتمه بيا كده شكرا يا تسنيم"
"ما بدها شكر ابقى طمنى على حالك وهاد رقمى ابقى سمعنى صوتك اوك"
"ان شاء الله هاسيفه مع السلامه"
"باى"
"حاتم ضربات قلبه زادت مع مكالمة تسنيم ووشه فرحه "
"لمياء بتخرج ليه حاتم"
"حاتم بيفوق من شروده وفرحته للوواقع الأليم اللى هما فيه "
"ها يا لمياء طمنينى على جهاد"
"فاقت دقيقه ونامت تانى معلش يا حاتم روح انت لعيسى وانا هافضل مع جهاد"
"طيب يا لمياء وانا هاتصل بيهم فى البيت اعرفهم اننا هانتأخر"
"مافيش حد فى البيت ماما وامانى بتاخد اول جلسه .. شوفت نسيت اطمن عليها"
"خلاص كده كده كأننا فى الجامعه ولو اضطرينا نتأخر هاكلم بابا"
"ماشى هاكلم امانى وانت لما توصل طمنى على عيسى علشان خاطرى "
"ماشى يلا سلام"
..........................
حاتم فى القسم واقف بره
"نشوى قاعده اقدام محمود حكت ازاى الحادثه تمت بالظبط"
"دا حيوان"
"الله ينتقم منه"
"خلاص اهدى انا كده خلصت معاكى اتفضلى عاوزه تروحى او تروحى لبنتك براحتك"
"ماشى يابنى بس بردوا مش هاعرف اشوف عيسى "
"لاء مش هاينفع غير بعد ما نعيد التحقيق معاه "
"ماشى بس طمنى عليه"
"كويس متقلقيش وموقفه اتحسن خالص فى القضيه"
"اتحسن فى القضيه واوحشينا اقدام الناس منه لله ربنا يلعنه"
"اتفضلى مع السلامه"
..........................
"بعد يومين احمد قاعد فى اوضته دقنه طويله وشه اصفر وعينيه دبلانه"
"وفاء" اخرج يا احمد حماتك عاوزاك
"عاوزه ايه"
"مش عارفه هيا مش بتكلم معانا من وقت ما كنا فى المستشفى وشايله امل بره وعاوزه تشوفك"
"ماشى يا وفاء هاخرجلها اهو"
..........................
"فى بيت جمال"
"جمال قاعد وماسك جورنال وبينده على حاتم ولمياء"
"بيجوا بسرعه"
"لمياء" ايوه يا بابا فى ايه
"مش دى صوره عيسى صاحبك بردوا واخته دى اللى باباها اغتصبها"
"ايوه يا بابا للاسف"
"طيب الناس دول متعرفهمش تانى"
..........................
..........................
ليست هناك تعليقات:
إرسال تعليق