"عيسى وعماد فى الانتريه فى شقة عيسى "
"نشوى بتحط اقدامهم الشاى وبتمشى"
"ها يا عيسى ايه رأيك"
"بعد تفكير" انا معاك يا عماد
"عماد بتفاجئ" بجد
"اه بجد وهاقولك ليه "
"عماد بأستغراب وفضول " ليه
"انا ايه فى حياتى كويس يا عماد انا ضعت اختى ضاعت رغم قوتها اللى بتظهرها بس مين ممكن يفكر يتجوزها "
"انا يا عيسى اتمناها"
"لاء يا عماد انت علشان متعاطف معانا بس اختى اتحرمت من انها تختار وتعيش وتحب زى اى حد طبيعى ولو ليه ام هاتفضل تضايقها صح"
"ليه يا عيسى شايف ان متعاطف معاها انا والله حبيتها بجد "
"حبيتها ازاى "
"حبيتها يا عيسى حبيتها زى ما تشوف حد قلبك يدقله حبيتها ومش حاسس ان ممكن اعيش مع واحده غيرها حبيتها وحاسس ان هيا بس اللى تقدر تسعدنى وانا اقدر احتويها"
"بس اختى انا عارف انها مش هتقبل بيك "
"انا حاسس بشعورها وطريقتها معايا ومش زعلان انت اللى بتقول محدش هيحبها ولا يحب يتقدملها ..فحبيت اثبتلك ان اى حد يتمناها "
"انت نبيل اوى يا عماد بجد "
"ايه يا عم يعنى انت مسافر معانا "
"اه انا معاكو "
"طيب معاك باسبور "
"لاء "
"طيب انا هخلص كل حاجه وابلغك "
"ماشى "
...............................................................................................
"جهاد بتخرج للمياء من اوضة الكشف"
"لمياء قاعده على كرسى وسط ناس كتير سرحانه"
"جهاد" يا لمياء ايه كل السرحان دا
"ايه دا خلصتى "
"بقالى ساعه بكلمك "
"ساعه ههههه والله تلاقيكى مكملتيش دقيقه"
"بصراحه اه "
"طيب يلا يا لمضه "
"بس لازم تقوليلى حكايتك ايه يا لمياء بجد"
"يلا يا جهاد بطلى غلبه انا اصلا قلبى مقبوض مش عارفه مالى"
"علشان متضايقه بس وبصت حواليها يلا احنا هنفضل نتكلم هنا"
"لمياء اه يلا"
"لمياء نازله على السلم تليفونها بيرن وجهاد وراها"
"ماتردى يا لمياء "
"الموبايل فى الشنطه هاطلعه بس"
"طيب "
"لمياء بتقف هى وجهاد وبيدوروا فى شنطة لمياء وطلعت الموبايل"
"مين"
"دى ماما"
"طيب ردى عليها"
"ماشى "
"الو..ايه يا ماما صوتك معيط ليه كده.. تعبانه ازاى.. جايين دلوقتى ..طيب انا طالعه على البيت حالا اهو...ماشى هستناكو...سلام"
"ايه يا لمياء فى ايه"
"ماما بتقول امانى تعبانه اوى وهيرجعوا البيت"
"تعبانه ازاى يعنى"
"اللى انتى متعرفيهوش ان امانى عندها مرض خبيث على المخ وبدموع وبتتعالج بالكيماوى والاشعاع وتعبانه جدا وانا خايفه عليها "
"انا مش عارفه الف الف سلامه عليها ان شاء الله تروء وتبقى كويسه"
"يارب مش بقولك قلبى مقبوض ربنا يستر"
"طيب روحى انتى على البيت وانا هرجع بتاكسى "
"لاء انا هروحك"
"لاء مش هتروحينى انتى تطلعى على البيت علشان امانى وانا هاخدها مشى للبيت انا اصلا عاوزه اتمشى"
"بس البيت بعيد"
"بعيد ايه يا كسلانه دى كلها شارعين طوال وبعدين رياضه"
"بيوصلوا للعربيه ولمياء بتركب" انا اسفه يا جهاد"
"يابنتى بطلى جنان المهم ابقى طمنينى على امانى "
"حاضر"
...........................................................................
"حاتم واقف هو وتسنيم اقدام بيتهم"
"ما بدك تيجى معى "
"معلش يا تسنيم عاوز اروح لعيسى اسأل عليه انا قصرت معاه اوى الفتره اللى فاتت دى "
"ايه انشالله يكون امنيح "
"يارب ان شاء الله "
"تليفون حاتم بيرن" دى ماما
"شوف شو بدها"
"الو ..اذيك يا ماما ..بتقولى ايه ...ماتت ..وبدموع امانى ماتت من غير ما اشوفها ..ازاى اقوى ازاى ..لمياء مالها..حاضر هروح البيت بس انا عاوز اشوفها يا ماما وبدموع اقوى عاوز اشوفها"
"حاتم بيسيب التليفون يقع من ايده وهو بيعيط"
"تسنيم فهمت ان امانى ماتت دموعها غلبتها" حبيبى ما تعمل هيك مشان الله ما تعمل هيك
"امانى اطهر واحسن قلب فى الدنيا مات امانى ماتت "
"الله يرحمها ويجعل مسواها الجنه ما بدى تزعل هيك الله رحمها من هالتعب اللى كانت عم اتقاسيه "
"بيبكى ومبيردش"
"بيتمسك ايده بخوف مشان الله يا حاتم ما تقلقنى عليك هيك"
"حاتم بيبعد بأيديه عنها وبيمسح وشه" يلا يا تسنيم اطلعى علشان اروح للمياء هى متعرفش
"ما بدك اجى معك "
"لاء علشان لمياء معلش يا تسنيم خلينى اروح اقولها علشان مش تتصدم مره واحده"
"اوك راح اجى بليل "
"ماشى "
..........................................................................................
"جهاد ماشيه فى الشارع حاسه ان ثقتها بنفسها اقوى من الاول"
"احمد راكب عربيته ومستنى الاشاره تفتح لفتت انتباهه بنوته ماشيه " البنت دى شبه جهاد اوى
"جهاد ماشيه كل تفكيرها ان الدنيا صغيره اوى ومرض امانى اثر فيها جدا "
"شاب راكب موتوسيكل بيخطف منها الشنطه "
"احمد فتح بابا العربيه وقعه هو والموتوسيكل وباب العربيه اطبق "
"جهاد واقفه خايفه "
"احمد ماسك الحرامى تعالى يا ابن "
"الحرامى فلت من ايده وطلع يجرى "
"احمد واقف يبص على باب العربيه ومتضايق بص على جهاد عينيهم اتقابلت "
"جهاد" احمد
"تمتمت جهاد بأسم احمد فهما لمست قلبه "
"الاشاره اتفتحت "
"عسكرى المرور بيقرب منه وبيشيل الموتوسيكل من على الارض"
"احمد" هاتلى رقم الموتوسيكل واتحفظ عليه هبعت حد ياخده
"ليه انت مين "
"انا الرائد ....."
"العسكرى" حاضر يا فندم
"احمد بيقف لجهاد" وبيفتحلها الباب اللى جمبه اتفضلى اركبى"
"جهاد خايفه" شكرا
"ها الطريق واقف كده"
"جهاد بتقعد جمبه وهيا لازقه اكتر فى الباب "
"احمد بأبتسامه" يعنى انا كل ما اشوفك لازم يكون فى مشكله
"جهاد بتوتر" معلش
"طيب انتى خايفه ليه كده"
"معلش الموقف بس خوفنى"
"احمد بيركن على جمب"
"برعب" ايه وقفت ليه
"ثوانى بس"
"احمد بيدخل سوبر ماركت وبيخرج بأتنين عصير"
"جهاد بتطمن اكتر"
"احمد بيقعد تانى جمبها" اتفضلى
"شكرا"
"جهاد بتشرب العصير" متشكره
"كنت حاسس انك محتاجه تشربى حاجه قلبى قالى كده"
"شكرا ربنا يخليك انت طيب اوى "
"وانتى كمان يا جهاد جميله اوى وعجبنى فيكى صلابتك دى "
"جهاد بخجل" ربنا يخليك دا من ذوقك
"احمد بضعف" جهاد انتى كنتى بتحبى حد
"جهاد بأستغراب للسؤال" مش فهما
"احمد ندم على سؤاله وضعفه اقدامها اوى كده" لاء بسألك عادى يعنى
"اه لاء محبتش حد ومش هحب خلاص "
"ليه بتقولى كده"
"انا انتهيت خلاص لا ينفع لا احب ولا اتحب انا هعيش بس علشان دراستى وامى وعيسى اخويا "
"بس كده حرام عليكى اللى حصلك دا مش نهاية الدنيا "
"بالنسبه ليا انا نهايه"
"يعنى انتى منفسكيش تبقى ام "
"لاء خلاص موضوع الامومه دا خلاص انا اتحرمت منه "
"يعنى لو اتقدملك واحد وعنده ولاد ترفضى "
"جهاد بفرحه على خوف" مش عارفه
"يعنى هترفضى "
"لاء هوافق وهاعيش بس علشان اعوض الاطفال دول حرمانهم من امهم واعوض نفسى بيهم حرمانى من انى ابقى ام بس خايفه من شئ واحد"
"ايه هو "
"ان اظلم الشخص اللى هتجوزه دا لان انا مش متقبله فكره الجواز لسه"
"ليه يا جهاد لما يكون انسان كويس وحنين عليكى ليه متحاوليش "
"هحاول ودا اللى بعمله فعلا وبروح لدكتوره تعالجنى وتساعدنى اتقبل حياتى "
"دكتوره نفسيه"
"اه "
"طيب والله برافو عليكى "
"شكرا "
"احمد بحزن وبيقف بالعربيه" ياخساره وصلنا قبل ما نكمل كلامنا
"طيب حضرتك اتفضل فوق"
"لاء معلش يادوب الحق الشغل اتأخرت "
"ربنا معاك "
"الله يخليكى هنتكلم تانى ممكن تليفونك"
"جهاد بتردد " ايوه
..................
"ودا رقمى انا كمان"..........
"باى باى "
"احمد بيبص عليها وهى طالعه "
"عماد بينزل بيتقابل مع جهاد"
"احمد بأستغراب" مين الشخص دا انا متأكد ان شوفته قبل كده متأكد
"جهاد بتطلع وهى متجاهله عماد تماماً"
"عماد بيخرج يركب عربيته بحزن"
"احمد" ركز على نمرة عربية عماد وكتبها على الموبايل وطلع
..........................................................................................
"مؤمن بيشرب فى سيجاره وبيتصل بنائل "
"ايوه يا نائل ...تعلالى البيت ..ايوه مستنيك ..متنساش المسائل بقى ..ماشى مع السلامه"
"مؤمن بيشد فى السيجاره وبيخرج نفس طووووويل يا انا يا انتى يا جومانا "
........................................................................................
"حاتم بيحضن فى لمياء حران عليكى يا لمياء متعمليش كده كفايه اللى جوايا "
"بهستيريا " انت بتقول ايه امانى تمووت امانى اختى تموت اطيب قلب واحن قلب يموت انا قولت ايمانها بربنا وثقتها الزايده هيشفوها
"حرام عيكى حرام انتى كده كلامك حرام"
"بتمسح بأيديها وشها" انا عاوزه اروحلها سيبنى يا حاتم سيبنى
"هما زمانهم جايين يا امانى "
"امانى انا مش امانى امانى ماتت وارتاحت ياريت اموت زيها وارتاح وهى كانت عاشت القلب الطيب هو اللى مات"
"بعصبيه" حراام عليكى يا شيخه بقى حرام ارحمينى
"بدموووع اقوى" امانى حبيبتى يا امانى خلاص مش هشوفك تانى
"ولا انا بس هانروحلها كلنا هانروح عند الحى القيوم لازم نتعظ بقى "
"لمياء بتنزل من حضن حاتم على ركابها وهى بتبكى بحرقه"
"حاتم بينزل جمبها" استغفرى يا لمياء واطلبى ليها الرحمه ولينا على الاقل امانى كانت احسن مننا احنا عملنا ايه
"لمياء بدموع " خلاص يا حاتم خلاص اسكت حرام عليك اسكت
"لاء لازم موت امانى يفوقنا كلنا يعرفنا اننا كلنا لازم هنموت لازم نصلى انا وانتى مبنصليش غير وقت احتياجنا لربنا امانى صبرت على مرضها والمها بقربها من ربنا "
"بدموع وهدوء ملحوظ من لمياء" وحبها ليوسف
"طيب شوفتى يبقى احنا كمان لازم نعمل زيها ونعرف ان الموت لا بيفرق بين كبير ولا صغير لازم نتقى الله فى كل تصرفاتنا"
"ارحمنى يا حاتم ارحمنى مش وقت الكلام دا "
"لاء وقته علشان موت امانى واللى زيها رساله من ربنا لازم نتغظ بيه"
"بصراااااخ ارحمنى ارحمنى ومسكت تليفونها "
"بتكلمى مين "
"الو ...ايوه يا يوسف... اه انا لمياء...امانى ماتت يا يوسف امانى ماتت حبيبتك ماتت "
"حاتم بياخد منها التليفون وبيقفل وبيضربها بالقلم" انتى بتعملى ايه انتى اتجننتى "
"لمياء مش حاسه بأى حاجه كل اللى بتعمله دموع متتاليه بتوهان "
...........................................................................
"يوسف بيبص للتليفون بذهول بيحاول يتصل الرقم بيكنسل عليه"
"بدموع" امانى ماتت امانى مش ممكن امانى تموت مش ممكن وبيطلع يجرى
"الام بتخبط فيه "
"فى ايه يابنى مالك بتجرى على فين"
"يوسف بدموع " امانى يا ماما امانى ماتت
"الام بتمسك فيه" وانت رايح فين
"رايحلها"
"انت اتجننت هاتروح بلبسك دا وكمان مش تتأكد"
"بص على لبسه لابس ترنج ودخل اوضته تانى وبيغير بسرعه"
"الام" وانت عرفت منين
"بدموع" لمياء لسه مكلمانى يا ماما امانى
"الله يرحمها يا يوسف ارتاحت "
"اسكتى يا ماما سكتى مش عاوز اسمع حاجه انا مش مصدق امانى تموت من غير ما اشوفها ازاى تموت من غير ما اشوفها "
"الله يرحمها يابنى الله يرحمها "
"يوسف بيخرج يجرى وهو بيعدل هدومه"
"طيب استنى خد بابا معاك او استنى اجى معاك انا"
"يوسف نزل يجرى من غير ما يرد عليها"
"طول الطريق مش عارف بيسوق ازاى "
........................................................................................
"يوسف بيركن بعربيته مع وصول عربية اسعافبينزل بخوف"
"لحظات واتفتحت العربيه ونزلت سميره منهاره من البكاء ووراها جثمان امانى"
"يوسف بيركن على العربيه وبيكتم بؤه بأيديه "
"لحظات ووصل جمال وركن بعربيته اقدام يوسف لان مكنش فى عربيه غيرها"
"جمال بينزل من العربيه وعينه على يوسف اللى اتفاجأ بوجوده "
"يوسف اول ما شاف جمال حاول يدارى عينيه عنه ويخبى دموعه"
"جمال طلع على بيته ولا كأنه شاف يوسف"
"يوسف خايف يطلع من جمال وفى نفس الوقت نفسه يشوف امانى "
.......................................................................................
"احمد بيدخل القسم "
"محمود بيتقابل معاه"
"رايح فين يا محمود"
"رايح سينا طلبين مؤموريه تطلع على الطريق اللى انت عارفه"
"واشمعنى انت اللى تطلع يعنى"
"معرفش يا احمد الاوامر جيت بكده يلا ياسيدى محدش بيموت ناقص عمر"
"ربنا يرجعك بالسلامه ان شاء الله "
"انا هعدى على لمياء بطلبها من بدرى مبتردش قلقان عليها"
"ماشى يا حبيبى تيجى بالسلامه ان شاء الله"
"محمود بيسلم عليه وبيحضه" هاتوحشنى اوى يا احمد بجد
"ايه يا عم هو انت رايح ومش راجع يلا بلاش دراما"
"ماشى يلا سلملى على امل حبيبتى "
"ابقى تعالى سلم عليها انت يلا امشى "
"ماشى سلامو عليكو "
.................................................................................
"يوسف بيركب عربيته وهو مقهور بيتصل على ريم"
بدموع وصوت مقهور اول ما التليفون رد " امانى ماتت ياريم..ماتت ..ماتت ..وقفل التليفون"
"بيلف بالعربيه ودموعه مغرقا وشه راح وقف عند المكان اللى كان دايما هو وامانى بيشوفوا بعض فيه "
"قعد على نفس التربيزه وهو بيبكى "
"الجرسون" مالك يا فندم
"لو سمحت سبنى لوحدى شويه"
"حاضر تحت امرك"
"يوسف قاعد وبيتخيل امانى اقدامه بلبسها وضحكتها وبيبكى "
.......................................................................................
"محمود طالع بيت جمال سامع صوت قرأن وصوت بكاء بصوت عالى جدااا "
"بيقرب من الشقه لقى الباب مفتوح "
"بيدخل وهو مرعوب"
"لمياء قاعده فى الوش وبتبكى "
"محمود وقف مطمئن لمجرد ما شاف لمياء بخير"
"لمياء شافته واقف على الباب ودموعها ماليه عينيها بتبص اكتر رؤيتها اتضحت اتأكدت انه محمود"
"قامت راحتله"
"محمود بخوف" مالك يا لمياء فى ايه
"امانى اختى ماتت يا محمود ماتت"
"البقاء لله علشان خاطرى متزعليش اوى كده "
"مزعلش ...انا هعايش طول عمرى حزينه عليها طول عمرى"
"انا اسف يا لمياء ان مش هقدر اكون جمبك بس لازم اطلع مؤموريه حالا غصب عنى وجيت اطمن انك بخير بعد ما لقيتك مش بتردى فتره طويله قلقت "
"كتر خيرك متعطلش نفسك"
"لاء يا لمياء هزعل منك انا جمبك عمرى ما بكون متعطل ابدا"
"ليماء بتلاقى فى محمود حنان محستوش قبل كده لاول مره حاسه انها نفسه يكون جمبها"
"انا لازم امشى يا لمياء العساكر تحت معلش"
"ماشى اتفضل"
"سلامو عليكو ونظرته كلها حزن وخوف ونزل على السلم"
"بحركه فجائيه من لمياء بتجرى بره الباب" محمود
"محمود بيرجع بلهفه" نعم
"لا اله الا الله"
"بأبتسامه" محمد رسول الله ربنا يصبرك
"وبدموع اشد" يارب يارب يصبرنى يارب
..........................................................................
"بسمه بتدخل بيت احمد"
"الام" اذيك يا بسمه يا حبيبتى عامله ايه
"اذيك يا خالتو فين احمد واموول "
"احمد فى الشغل وامل جوه نايمه "
"عاوزه اشوفها الخلبوصه دى "
"ادخليلها يلا"
...........................
...........................
ليست هناك تعليقات:
إرسال تعليق