"لمياء بتتدخل" حضرتكوا مين
"محمود بأعجاب" احنا بوليس وانتى
"انا صديقه جهاد واختها"
"محمود بأبتسامه" تشرفنا اوى والله كويس انك جبتنى يا احمد اه احمد
"نشوى"اذيك يا سياده الظابط والمدام عملت ايه
"احمد بضيق" الله يرحمها
"نشوى بتخبط بأيديها على صدرها" لا حول ولا قوة الا بالله
"محمود عينه على لمياء وبيكلم احمد" ها يا احمد خلاص
"احمد عينه على جهاد اللى نازل من عينيها دموع صامته ومبتبصش لاى حد حواليها كأنها مش دركه ليهم حوايلها"
"الممرضه بتدخل" لو سمحتوا كفايه كده كل العنبر متضايقين ان فى رجاله
"احمد عينه على جهاد صعبانه عليه"
"محمود" فرصه سعيده يا انسه لمياء
"لمياء بضيق" شكرا
"احمد لنشوى" معلش ممكن كلمتين
"نشوى بتخرج معاه بره"ايوه يا بيه فى اه ابنى كويس طمنى عليه
"اه وبيديها فلوس فى ايديها " ابنك كويس انا بس
"انت بتعمل ايه لاء يا بيه انا مباخدش فلوس من حد"
"لاء هتاخدى ولا عاوزانى ازعل "
"انت بتعمل معانا كده ليه رغم اول مره شوفتك حسيت انك صعب اوى "
"انا فعلا فى شغلى ما بعرفش اخويا بس انا عرفت الظروف اللى مرتوا بيها الله يكون فى عونكوا"
"الله يخليك وابنى يا دكتور هايخرج امتى"
"والله المفروض هايتقدم للمحاكمه كل الاجراءات خلصت "
"ربنا يسترها"
"محمود بيخرج احمد بيبعد ايده عن مامة جهاد"
"مامة جهاد كتضايقه ان محمود خرج والفلوس فى ايديها ومش هاتعرف ترجعها تانى لاحمد منعا للاحراج"
"محمود" يلا يا احمد
......................................................................................
"بعد مرور وقت بسيط"
"حاتم وتسنيم قاعدين فى مفس المكان المخصص للشله"
"حاتم" الله يصبره المحاكمه بكره يارب ياخد براءه
"انا اكتير حزينه مشان جهاد وعيسى كيف بده يواجه الناس هيك"
"عيسى راجل يا تسنيم وعمل كده علشان خاطر يدافع عن حق اخته"
"ايه ايه عم بفهم عليك انا بدى اقول انه هايكون شو بتقولوها انه يعنى ما بدا حد يراه"
"اه مكسوف"
"ايه هيك"
"وقت بسيط وهايتنسى وياما بيحصل وعيسى جدع وكلنا بنحبه"
"عم بعرف انا ما بعرفه اكتير لكن عندى انطباع جواتى انه اكتير امنيح"
"اه جداا"
"واذا بدك انت كمان اكتير منيح واكتير رجال وانا عم بفرح ان اتعرفت على هيك رجال"
"بجد يا تسنيم "
"شو ما مصدقنى"
"لاء انا بس مبسوط اوى ممكن نكون اكتر من اصدقاء"
"تسنيم بكسوف مصطنع" شو ما بدك بيصير
"يعنى مش هاتزعلى لو قولتلك ان من اول يوم شوفتك فيه وانا بحبك"
"لاء مش هازعل لا تخاف انا كمان اكتير مشدوده الك وعم تعجبنى"
حاتم بيقرب منها وبيمسك ايدها" انا اسعد انسان النهارده بجد"
"وانا اكتير"
........................................................................
"يوسف فى اوضته مامته بتدخله"
"بردوا يابنى مش هاتخرج تتغدى معانا ايه اللى حصلك بس"
"يوسف دقنه طويله اوضته مبهدله كأنه من شهوور مخرجش منها"
"مش عاوز يا ماما سيبينى لوحدى"
"يابنى لو بس اعرف فيك ايه "
"مافيش حاجه عاوز افضل لوحدى بس ممكن "
"ممكن يابنى براحتك "
"يوسف بيطلع صورة امانى من تحت المخده وعينيه بيتجمع فيهم كل احزان الدنيا"
"فلاش فلاك"
"ريم بعد ما قالت كل اللى تعره عن ريم"
يوسف واقف مصدوم مش عارف يرد عليها بأيه عينيه دمعت وهو بيتخيل امانى وحبهم لبعض"
"ريم" انا اسفه يا يوسف والله انت اللى صممت
"يوسف فى عالم تانى سايبها وماشى "
ريم" يوسف يا يوسف"
"يوسف بيطلع موبايله وبيبعت رساله لامانى"
"انا عرفت اللى بتحاولى تخبيه يا امانى حرام عليك ازاى قادره تستحملى تقاسى كده لوحدك وانا بعيد عنك علشان خاطرى سامحينى واسمحيلى اكون جمبك متحرمنيش اكون جمبك فى وقت ممكن ميجمعناش تانى ابدا حرام عليكى "
"رجع تانى يوسف للواقع على صوت موبايله"
"بيرد بلا مبالاه" الو اذيك يا محمد ..الحمد لله بخير...معلش هاحضر الاسبوع الجاى..شويه اكتئاب وهايروحو لحالهم..الله يخليك عارف..ماشى ..مع السلامه
"بيسرح تانى يوسف فى امانى "
"فلاش باك"
"يوسف فى اوضته حزين بيبص لموبايله بحزن مستنى يشوف رقم امانى سواء براله او اتصال"
"لحظات والموبايل رن"
"بفرحة" الو ازيك يا امانى وحشتينى اوى انا متأكد انك هاتبقى كويسه
"امانى" يوسف بغض النظر عن انك عرفت او معرفتش انا بعدى عنك مش بسبب مرض انا بعدى عنك قرار اخدته ومستحيل ارجع فيه انسانى يا يوسف وعيش حياتك لان انا مستحيل افكر فيك لان انت صفحه وقفلتها خلاص من زمان وبلاش تفكر فيا هيا حكايتنا انتهت من زمان متمسكش فى مرضى وتحاول تقربلى علشان انا مستحيل هابقى ليك او معاك
"ياااااااااه ايه القسوه دى كلها يا امانى "
"انا اتكلمت معاك كتير بهدوء علشان تعرف ان حكايتنا خلاص لكن انت مصمم تسمع كلام يجرحك وعاوز تمسك فى المرض كأنه سبب انسانى يا يوسف انسانى"
"خلاص يا امانى ياريتك ما اتصلتى ياريتك"
"يوسف بيرجع للواقع على دموع مغرقه وشه وبيبص بعين مزغلله من كتر الدموع اللى فيها على صورة امانى"
"نفسى اعرف ليه انا مش قادر اكرهك ومش قادر اصدقك حاسس اننا فى كابوس لكن انتى وانا فى الاخر هانكون لبعض بس انتى قسيتى عليه اوى"
...................................................................................
"جومانا ومؤمن بيدخولوا لتسنيم وحاتم اللى اول ما شافوهم بعدوا ايديهم عن بعض وارتبكوا"
"مؤمن لحاتم وبيغمز بعينيه" هو ايه النظام يا عم جينا فى وقت غلط ولا ايه
"حاتم" لاء يا حبيبى انتوا بالذات دايما اوقاتكوا مظبوطه ما شاء الله
"جومانا" هاى يا تسنيم ازيك يا حبيبتى
"امنيحه كيفك انتى حبيبتى "
"الحمد لله بخير"
"ياسمينا بتدخل عليهم" ايه يا جماعه هاتروحوا محاكمه عيسى بكره ولا ايه"
"حاتم" انا طبعا رايح
"تسنيم" وانا بدى بس ما بعرف كيف روح
"ياسمينا" هاعدى عليكى نروح سوا
"تسنيم بأحراج " لاء لاء بيتنا اكتير بعيد عليكى قوليلى وينك بدى اكون ورح كون هنيك
"ماشى يا حبيبتى هاكلمك اقولك على المكان الاقرب وتعرفى توصليله"
"جومانا" هو يا جماعه عيسى مش ممكن يضايق انتوا نسيتوا جهاد قابلتنا ازاى
"ياسمينا" وانتى عاوزه واحده حصلها اللى حصلها وتقوم تبوسك وتحضنك
"جومانا" لاحظى ان اسلوبك بقى وحش اوى يا ياسمينا
"ردودوك اللى وحشه يا جومانا"
"مؤمن" ايه يا جماعه انتوا هاتتخنقوا خلاص بقى اهدوا المهم كلنا رايحين وجومانا هاتيجى معايا
"جومانا" اوك
"ياسمينا بتبص للاتنين وعينيها لمعت بالدموع"
"مؤمن لاحظ لمعت عين ياسمينا " وانتى يا سمسما تيجى معانا ماشى
"ياسمينا" لاء متشكره انا هاروح انا وتسنيم
"ياسمينا" انا هاروح لجهاد وانا مروحه زمانها رجعت شقتهم
"جومانا" انا لو منك بلاش احسن يا تسنيم
"ليه ان شاء الله"
"علشان الناس هناك وكمان جهاد معاملتها بقت وحشه اوى وكمان علشان المنظر وحش "
"تصدقى كنت بحاول اعمل نفسى مش فهماكى تصدقوا يا جماعه ولا اقولكوا انا هامشى احسن ونعم الصداقه"
"حاتم" هيا زعلت ليه ما انا كمان قلت للمياءكده
"جومانا" انا خايفه عليها بس هيا حره بقى وكمان لمياء هناك كل يوم يا حاتم يعنى
"اه للاسف بابا فاكر انها فى الجامعه لو عرف هايعمل مشكله وهايحرمها من كل حاجه"
"تسنيم" انا ما عم بفهم عليكو انتوا بدكم تقاطعوا جهاد
"جومانا" لاء مش بالمعنى دا بس احنا بلاش نروحلها البيت مش هانسلم من كلام الناس
"ليش هيا شو سوت كله كان غصب عنها حرام اكتير هيك تفكير"
"جومانا" لاء بص يا مؤمن تعالى نروح نشرب حاجه انا مش قادره
"مؤمن محاولش يشترك فى الحوار فضل يسمع كل شخصيه من اللى حواليه هاتتكلم وتفكر ازاى"
...............................................................................
"عماد قاعد فى مركب ومعاه اتنين"
"والله انا هاروح المحاكمه بتاعته وبتمنى انه يطلع براءه هاينفعنى اوى وكمان الدنيا قست عليه بشكل"
" ماشى لما نشوف اللى انت هاتتجنن عليه دا يا عماد بس اشك ياخد براءه"
"ليه اذا كان المحامى هو اللى طمنه"
"ما المحامى لازم يطمنه بس انا اعتقد اقل حاجه هياخد فيها 6 شهور"
"لاء متقولش كده "
"ايه شكلك حبيته بجد يا عماد ولا ايه"
"اه بصراحه وصعبان عليه انا حاسس ان بشوف فيه نفسى"
"ماشى يا عماد بس بلاش المشاعر دى فى شغلنا ماشى "
" انا اصلا بفكر اتجوز اخته "
"بتقول ايه "
"ايوه هيا ذنبها ايه فى كل اللى حصل ده انا خلاص هاشوفها وانا عندى ولادى فى البلد مش محتاج والواد حلو بصراحه اكيد اخته قمر"
"دا انت الموضوع ماشى فى دماغك اوى"
"اوى اوى وبصراحه عاوز اساعدهم بأى شكل من الاشكال"
"ماشى يا ابو قلب حنين"
.............................................................................
"احمد فى المحكمه وعينه على جهاد وهيا قاعده خايفه حاسس بصوت ضربات قلبها وخوفها واصل ليه"
"جهاد قاعده جمب القفص ومامتها جمبها بتبص على كل الناس ونظراتهم ليها "
"نشوى " يارب يارب القاضى يكون حنين علينا
"القاضى بيخرج بعد المداوله للنطق بالحكم"
"الكل بينتبه"
.........................................................
.........................................................
ليست هناك تعليقات:
إرسال تعليق