"هاله تبكى بحزن وتجلس بجوارها ولاء
وشكلها مخضوض اوى على هاله"
"هاله باكيه وبكسوف واحراج" انا
خايفه اوى مش عارفه اعمل ايه
"ولاء بخوف اكثر وشكل هاله الغير
مطمئن" ايه اللى حصل بس , اهدى وعرفينى مالك
"اعرفك مالى ازاى , انا مش قادره اتكلم
, هقول ايه"
"ولاء برعب" انتى كده قلقتينى اكتر
بجد
"بتيجى مروه تجرى عليهم" مالك يا
هاله
"هاله تنظر اليها وهى حزينه منكسره
وتبكى اكثر "
"انا مش عارفه اعمل ايه نور ضحك عليا
وصاحبه بيهددنى "
"ولاء مذهوله من اللى بتسمعه"
"بتكلم مروه بسرعه" مين نور مين ؟!
......................................................................
"الاء واقفه بعيد نوعا عن هاله وولاء ,
وبتبص نظره كلها حقد وعتاب ولوم لندى"
"ندى شايفاها وبتمسك خدها وبنظره عينيها
بتتوعد لها"
"نظره كارهه بتبص لعمرو اللى واقف عينه
على ولاء وبتقوم تقرب منه"
"بتقف معاه مع نظرات من ندى ليهم هما
الاتنين"
"الاء بصوت هادى وهى واقفه قريبه من
عمرو الى حد ان يسمع كلامها الهادئ"
"عمرو بفضول" ازاى لاء بصى انا
ممكن اعمل اى حاجه بس دى لاء
"يبقى متبقاش تعرض خدماتك مره تانيه
وانت حاجه بسيطه كده رافض تعملها"
"عمرو بنظرة خاطفه لندى وعينيها كلها
تساؤل" لاء لاء مقدرش انا معاكى ف كل حاجه الا دى"
"خلاص يا عمرو متبقاش تقولى تانى انك
عايز تساعد سلام"
"عمرو بضيق وقلق" طيب استنى بس
"الاء بتضرر" ايه عايز ايه
"طيب هفكر اعمل كده ازاى بس
"ماشى يلا سلام لما تقرر ابقى عرفنى
"
........................................................................
"ولاء قاعده هتموت من الرعب وهى شايفه
هاله بتكلم وبتبكى كده "
"ولاء بحده" مين اللى ضحك عليكى
وعمل فيكى ايه عايزه اعرف قولى يا هاله وبطل عياط انتى هتموتينى من الخوف , اتكلمى
بقى "
"بدموع بتحاول تتكلم ما بينها"
واحد اسمه نور سجل كلام بينى وبينه وخلى اصحابه يصورونى وانا واقفه معاه والله انا
مش وحشه انا مكلمتوش غير مره واحده بس , مش انتى عرفانى يا ولاء ان مبعملش حاجه
وحشه عارفه ان مؤدبه صح ؟ , بس والله ما عارفه ازاى ضعفت كده انا حاسه ان كنت ف
غيبوبه"
"ولاء مرعوبه من كلامها مش عارفه
تواسيها ازاى وهى مش قادره ترد عليها ولا
تستوعب الكارثه اللى هى فيها"
"مروه بدموع" زمانه سجلى انا كمان
وبدموع اقوى زمانه سجلى
"هاله بتقف دموعها" ايه انتى
بتكلميه؟!
"مروه بحزن" دا كان بيدافع عنى كان
محسسنى انه شهم بس ما يمكن هو كويس وانتى اللى فهما غلط بس ليه بيكلمك ليه"
"ولاء قاعده وسطهم حاسه انها ف كابوس
مزعج مش قادره تصدق اللى هى سمعاه"
......................................................................
"عمرو بيتمشى وهو سرحان ووحيد لحد ما
خرج بره تريبه وماشى ف الشارع الرئيسى"
"نور بيشوفه بيبتسم وبيقرب منه وهو
بيعمل نفسه زعلان"
"عمرو بيشوفه بيضايق بس جواه احساس غريب
, بس الاكتر انه وحش , حاجه جواه خليته ابتسم رغماً عنه"
"نور بزعل" ابو عمره كل دا مبشوفكش
اخص عليك مكنش العشم اللى يخليك تبعد عنى كده !
"عمرو بأبتسامه " معلش يا نور
والله بس كليتى صعبه والله مش عارف ابص حواليا
"ياعم مش لازم يعنى تذاكر علشان تطلع
الاول"
"عمرو بسخريه " الاول!
"ايه هتكدب بقى وتقولى مبذاكرش ياعم انا
مش بحسد"
"فوكك يا نور من الكلام دا "
"نور بضحك" عموما يا سيدى انا
يشرفنى صديقى يبقى معيد, يعنى هنبقى كلنا فاشلين
"عمرو بيبصله نظرة دهاء وبتفكير .. هو
نور اللى هيقدر يعمل كده ويبقى بعيد عنى وندى متنتقمش منى "
"نور بيخبطه ف كتفه" ايه يا عم
سرحت ف ايه
"عايزك يا نور ف موضوع مهم "
"لو موضوع حريمى انا معاك انا لسه موقع
اتنين النهارده"
"ايه دا بجد اتنين"
"اه كان رهان اهبل وكسبته بأكتساح"
"طيب ميه ميه دى بقى هيعجبك الحوار كله
كل ما فيها عايزك تفهم كل الجامعه انها ...."
"نور بأبتسامه شر" يا لعبه يا لعبه
ايوه كده اموت انا ف الشر
..........................................................................
"الاء بترجع تانى لولاء اللى شيافاها قاعده
بين اتنين بيعيطوا , هى عارفه هاله بس التانيه دى متعرفهاش فكرت تروحلها , اتكسفت
رجعت تانى وقفت مكانها بعيد وعينها عليهم"
****************************
"ولاء قاعده متوسطه بين اللى بتبكى
واللى بتشكى واللى بتنوح ومش عارفه تعمل ايه مصدومه جدا ف هاله بس مخها وقف عن
التفكير"
"فكرت بسرعه تعمل ايه بطلع تليفونها ترن
على الاء"
"الاء من مكانها شايفه ولاء كنسلت عليها
وراحتلها"
"انا اهو يا ولاء ف ايه"
"الحقينى يا الاء مش عارفه اعمل
ايه"
"ف ايه ايه اللى حصل"
........................................................................
"بعد مرور يومان "
"هاله دايما قافله على نفسها اوضتها بحجة
بتذاكر ومورهاش محضرات ودايماً خايفه "
"ولاء بتحضر محاضرتها هى وماهر دايما
رايحين جايين لوحدهم بقالهم يومين , وماهر حاسس بأنها متغيره معاه ومبتتكلمش غير
لو هو سألها"
"ماهر بيتكلم بحزن وتساؤول" انتى متغيره معايا ليه يا ولاء
"ولاء بأستغراب وبتبعد عينيها عنه"
انا ابداً يا ماهر
"لاء يا ولاء انا حاسس انك متغيره
جدا"
"ولاء بحزن" سيبك منى دلوقتى يا
ماهر"
"اسيبنى منك انتى ازاى ! طيب انشغل
بمين؟"
"بهاله اختك "
"هاله مالها هاله؟"
"انت مش حنين عليها عمرك سألتها محتاجه
حاجه عايزه حاجه تفتكر لو يوم غلطت هتيجى تقولك ؟!"
"ايوه طبعاً واصلاً هاله مبتغلطش"
"وهو ف بنت ولا انسان عموماً مبيغلطش ,
احنا بشـــــر ! , وبنى ادم خطاء , مفيش ملايكه على الارض "
"انتى عايزه تقولى ايه يا ولاء"
"عايزه اقولك حب اختك قرب منها حسها
خليك جمبها مش لازم تكون هتعمل جريمه , ربنا خلق ليها اخ علشان يبقى حنين عليها
يبقى قريب منها , ابسط حاجه تحكيهاله , يحسسها مهما حصل هو جمبها وهيحميها"
"وانتى يا ولاء كل حاجه بتحكيهالى"
"ولاء بوش احمر وخوف" حاجه ايه اه
طبعاً بحكيلك كل حاجه
"متأكده"
"ايوه طبعاً متأكده"
"ماشى انا هروح محاضرتى وصاحبتك جتلك
اهيه همشى انا واسيبك بقى معاها"
..........................................................................
"ولاء واقفه مع الاء"
"الاء اقفى يا ولاء وبصى هتشوفى احلى
حاجه ممكن تشوفيها دلوقتى "
"حاجه حاجه ايه"
"الاء بنظره مبتسمه منتصره .. دقايق بس
وهتشوفى قولتلك هجيبلك حقك "
....................................................................
"صاحب نور اللى بيبتز هاله قاعد وعينيه
بتدور بيقرب منه صديق ليه وبيخبطه على كتفه "
"بخضه بيلتفت" ايه
"ايه يا عم مالك بتدور على ايه"
"البت يا اخى بقالها يومين مبتجيش ولا
حتى عارف اقول لنور اخد رقمها"
"غريبه بس يمكن خايفه"
"كانت تخاف من الاول مش هتنفد من ايدى "
"هى مكلمتكش حتى تعرف انته تعمل فيها
ايه"
"لاء مكلمتنييش خالص , مش عارف ايه
دى"
"سيبك منها وخلاص"
"لالا اسيبنى من ايه , مسيرها هتيجى ومش
هتعدى من تحت ايدى"
....................................................................
"الاء عينها على عمرو ومستغربه وقوفه بس
ملاحظه ان ف حد بيقرب من ندى"
"ولاء بضيق" ما تقولى ف ايه بقى يا
الاء"
"بصى هناك وبتشاور على مكان ندى"
"مالها"
"ركزى بس"
"نور داخل عينه عمرو اللى بيغمزه من
بعيد وبيقرب من ندى"
................................ يتبع
