"هاله واقفه مع مروه اللى عينيها شكلها بيدور على حد"
"هاله" ممكن تركزى معايا يا مروة عايزه احكيلك حاجه مهمه
"ايه هى "
"انا بصراحه خبيت عليكى حاجه"
"قلبها بينقبض" حاجه ايه
"انتى مالك شكلك خايفه كده وقلقانه ليه الاول"
"فاكره امبارح لما الولد دا كان قاعد جمبنا"
"ولد ولد مين وافتكرت نور بأهتمام , اه ماله"
"هاله شافته جاى من بعيد وهى بتكلمها قلبها دق ووشها صهد وايديها سقعت ومعرفتش تتكلم"
"مروه" ايه كملى ماله
"هاله يدق قلبها جامد وفرحه اتوترت ورجعت تانى ف كلامها" مالوش مفيش حاجه
"مروه بقلق" بس انتى كنتى عايزه تقولى حاجه
"بوش احمر وعين زايغه" هبقى اقولك بعدين بعدين يلا علشان نلحق المحاضره ونلحق نحجز مكان
"مروه بأستغراب" طيب اصبرى مستعجله اوى ليه كده
"علشان نلحق مكان ف الاول بس يلا بقى "
"بتعدى مروه وبتشوف نور من بعيد, بتحس بمشاعر مختلطه غريبه بتسيطر عليها غصب عنها "
...................................................................................
"نور بيقرب من اصحابه هو مبتسم وبيركن جمبهم على العربيه"
"الاول بيبص عليه وبيضحك" هههههههه ايه اللى ف وشك دا
"نور بتريقه" واحد حمار بدل ما يمثل كان شكله بينتقم ماهو علشان انا قمور قال لازم يشلفطنى
"بعصبيه بيرد الثانى" هو مين اللى حمار يا نور مش انت اللى قولت خلوها تصدق انت اللى فافى بقى ووشك رقيق زى وش البنات
"نور بسخريه" هاهاها خليكو كده موتو بغيظكوا منى علشان انا زى القمر
"بعصبيه" اوووووف يا خربيت الغرور اللى فيك يا جدع
"غيراينين منى اعملوا زيى وعندى كمان خبر يموتكوا بغيظكوا اكتر "
"بلهفه كلهم" ايه
"بيشاور بأيده" 3
"الثانى" 3 ايه مش فاهمين
"التلاته بقوا ف ايدى وعايز الرهان حالاً"
"بخزى وغيره واضحه" لاء لما نشوف بعينيا يا رساله يا نسمع مكالمه يا نشوفك مع الاتنين اللى يخصونا ال 3 دى متخوصناش
"وانا موافق وهجبلكوا التأكيد قريباً جدا وبيقوم من على العربيه وبيعدل ياقة قميصه" يلا بعد اذنكوا مش فاضى وبغمزه بعينه , ورايا محاضره احضرها"
"بيمشى نور وعين اصحابه عليه وبضيق وف نفس واحد كلهم , مغروووور اوى "
...................................................................................
"ولاء قاعده مع الاء ف المدرج"
"الاء قاعده جمبها" انتى بتقولى ايه جواب هههههههه هو لسه حد بيبعت جوابات احنا دلوقتى ف موبايلات ورسايل على فكره ونت , سورى يعنى يا ولاء هههههههه بس مش قادره ابطل ضحك
"ولاء بحزن" هو ماهر طيب اوى يا الاء غير اى شاب ويمكن دى اكتر حاجه بتعجبنى فيه غير حبه ليا بصراحه , انه يشتغل طول الاجازه مع عمى مش من النوع اصحاب وخروج ولا بنات و بضيق الا البنت اللى اسمها رنا دى واضح انها بتحبه و"
"وايه دا انتى اللى واضح انك حباه واوى وغيرانه عليه جدا"
"بوش احمر وبتنزل عينها ف الارض وبتهز دماغها بأيوه"
"الاء بفرحه" هاها هو ف حد لسه بيتكسف ذيك كده يا بنتى انتى ما شاء الله اللى زيك انقرضوا من زمان
"بكسوف وصوت بيرتجف" الله بقى
"بيدخل عمرو المدرج وعينه على ولاء اللى كل ما يشوفها يشوفها احلى واجمل"
...................................................................................
"نور قاعد جمب هاله اللى حجزتله مكان جمبها من غير ما مروه تاخد بالها"
"مروه مركزه ف المحاضره مع الدكتور جدا"
"نور بياخد كشكول هاله من اقدامها فجأه وبيكتب رقم تليفونه فيه وبيكتب تحته , ياريت تكلمينى انا نفسى اعرفك اوى وياريت بلاش حد يعرف وافقتى او رفضتى"
"هال بتاخد الكشكول بتاعها بفرحه وقلبها بيدق اقوى وبتقفله وبتمسك ف ايديها"
"حركتها طمنت نور ان وقوعها ف شباكه سهل جدا "
...................................................................................
"انتهى اليوم الدراسى على ترتيب مفاجئه من ندى لـ ولاء "
"هاله واقفه ف اوضتها رايحه جايه وعينيها على رقم نور , خرجت بصت بره اطمنت محدش سامعها دخلت وقفلت عليها كويس واخدت الموبايل ونامت على السرير وغطت نفسها كويس علشان صوتها ميتسمعش وجارى الاتصال"
"نور كان قاعد اقدام اللاب وبيسمع صوت تليفونه وهو بيرن , بيقوم من مكانه وبياخده من على الكوميدينو وشايف رقم غريب , يا ترى مين , الو"
"بصوت بيرتعش وبشويش يدوب يتسمع"الو
"نور بأبتسامه" ايوه , اذيك
"بخوف" انت عرفت ان انا ازاى
"نور بأبتسامة انتصار" كان قلبى حاسس انك هتتصلى وان مش ههون عليكى وتسيبينى كده
"هاله بفرحه" اشمعنى انا
"اشمعنى انتى ايه"
"بتوتر " يعنى كتبتلى رقمك وحبيت تكلمنى
"بحنيه" حسيت ان مشدودلك اوى مش عارف ليه بس مقدرتش غير اخد خطوه جريئه وكنت خايف تصدينى , بس قوليلى قولتى لحد اننا هنتكلم
"لاء خالص زى ما انت طلبت"
"برافو عليكى انا فعلا شكلى هحبك ولا ايه
"هاله بفرحه" تحبنى انا
"بفرحه وانتصار" طبعا انتى اصل انا بحب الانسانه المطيعه اوى والطيبه زيك كده
...................................................................................
"ماهر وولاء طول الليل بيتكلموا ف التليفون"
"ماهر بحب" ولاء اطلعى البلكونه وحشتينى ونفسى اشوفك اوى
"بس انا نمت يا ماهر "
"علشان خاطرى اقولك بس تصبحى على خير وانا شايفك اقدامى "
"ولاء بقلب سعيد جدا" حاضر
"بتفتح البلكونه وبتخرج تلاقى ماهر واقف "
"بأبتسامه" انت واقف من ساعتها ولا ايه
"اه مش قادر غير اكلمك وانا ببص على اوضتك احس ان لامسك وقريب اوى كده منك "
"انا مش قادره ابادلك كلامك الحلو اوى دا يا ماهر بس بجد انا سعيده اوى عمرى ما اتخيلت ان اعيش لحد بيحبنى كده , انا معاك لمست حاجات مكنتش اعرفها ولا اسمع عنها غير ف الاساطير"
"انا حبى ليكى فاق حب اى اسطوره واى مثال للحب انتى سحابه بتضلل عليا نور قمر ساطع موجود بس علشان ينورلى خطايا , نجوم ضيها بيشعل نار جوايا, انتى مهما اوصف فيكى لا الكلام هيخلص ولا هينتهى انت عشق كل القلوب وسحرها"
"ولاء بتوهج" انا كل دا يا ماهر انا
"انتى اكتر من دا يا حبيبتى انا لو فضلت اوصف فيكى مش هتنامى وهيروح عليكى محضرات بكره "
"بحب" حبيبتك
"حبيبتى وحياتى وعمرى انتى حلم هعيش بس علشان احققه"
"ماهر"
"ايوه يا حبيبتى"
"بحبك"
"قولى تانى وحياتى"
"بحبك اه والله بحبك اد ما روحى دلوقتى بترفرف حواليك , اد ما قلبى مش قادر يبطل دقاته السريعه , اد عينى اللى مش قادره ابعدها عنك, انا بحبك"
"يا روح قلبى يا حبيبتى انا بجد لو مت دلوقتى هموت وانا راضى جداً , انا عمرى ما كنت اتمنى اسمع اكتر من كده منك , ولاء اى كلام هقوله مش هيوصف احساسى بيكى "
"مع السلامه يا حبيبى"
"تصبحى على حبى يا روح قلبى"
"تصبح على خير"
"وبيتبادلو الاتنين النظرات ف نور خافت بس عينيهم متقابله عاشقه وبيودعوا بعض وبيدخلو كل واحد اوضته"
...................................................................................
تانى يوم
"ولاء واقفه هى والاء"
"ندى لاصحابها , هروح اخد الاء واعطلها بعيد وانتوا بقى اعملوا اللى قولتلكوا عليه معاها"
"اصحابها بنات وولاد" اتفقنا بيعجبنا فيكى دماغك جدا
"ندى بنظره خايفه" بس انتوا تعرفوا تنفذوا صح
"هنفذ متقلقيش يلا روحى انتى بس"
...................................................................................
"نور واقف ف شارع جانبى لكلية تجاره ومعاه هاله"
"هاله واقفه تبص حواليها"
"نور بيبص على اصحابه اللى واقفين بيصوروهم " وبيقرب منها, انتى عينيكى حلوه اوى ازاى كده
"هاله بخوف" انا همشى احسن حد يشوفنا واتأخرت كمان على مروه صاحبتى
"نور وعينه على اصحابه .. بيشاوروله خلاص" طيب روحى انا محبش اعطلك ومتنسيش تحجزيلى جمبك بقى
"بأبتسامه خايفه" حاضر
"بتمشى وبيقرب من اصحابه" كده معاكو صوره وصوت ولسه صاحبتها بس متبقوش تشكوا ف قدراتى بعد كده وبيمشى
"صديق من اللى واقفين" معلش يا جماعه الحاجات دى تخصنى والبنت بصراحه عجبانى هساومها بقى
"واحد منهم" بس نور يزعل
"وايه يزعله هو ماله اصلا يلا سلام الحاجه معايا"
...................................................................................
"ندى بتقرب من الاء وبتاخدها بحجة انها محتاجه تحكيلها موضوع ضرورى جدا"
"ولاء واقفه لوحدها بيقرب منها بنتين"
"انتى هنا ف الكليه دى "
"اه"
"طيب ممكن تورينا مكان الحمام لو سمحتى"
"بمنتهى الطيبه والعفويه , حاضر"
...................................يتبع
ليست هناك تعليقات:
إرسال تعليق