"ولاء ماشيه ف ممر ووراها البنات بيتجهوا للحمام"
"بيقرب منهم شاب" الله مين المزه دى
"ولاء مش واخده بالها من اللى بيحصل هى ماشيه وهما وراها"
"الولد بصوت واطى" وانا ازاى هنفذ كلام ندى دى شكلها غلبان اوى حرام
"البنت بتبرقله بعينيها" انت هترجع ف كلامك ولا ايه دى ندى تبهدلنا
"اصلا مش هينفع اللى طلبته يحصل هنا اصلا انتى مش شايفه المنطقه طلاب ازاى , انتوا تتعملوا الخطه البديله ومع نفسكوا بقى انا مليش دعوه"
"بتبص حواليها , طيب طيب امشوا انتوا وانا وشيماء هنروح معاها ولما نشوف هنعرف نعمل ايه "
"ولاء بتمشى من اول الشارع وبتلتفت بتشوف البنتين واقفين وجمبهم ولدين" بضيق اوووف انا ايه اللى مشانى معاهم دول
"البنتين بيروحولها بسرعه وهى واقف متضرره"
"شيماء" احنا اسفين اننا اتأخرنا , بس اخواتنا كانوا بيكلمونا
"ولاء بارتياح" ممممم طيب ليه اخواتكوا مش عرفكوا الجامعه هنا والحمام وكده
...................................................................................
"الاء واقفه مع ندى اقدام الكنتين وواضح على وشها الملل"
"بفتور" ندى انتى عايزه تقولى ايه والموضوع الخطير انك مش عارفه تعملى ايه مع شيماء ومضيقاكى ف الاوضه
"اه يا الاء الله والله متضايقه منها اوى ارجعى انتى تانى معايا ف الاوضه بقى يعنى واحده زى ولاء دى تستاهل انك تبعدى عنى كده موحشتكيش "
"لاء يا ندى وحشتينى انا بحبك بس انتى اللى بتتعاملى وحش اوى وانا متضايقه مننا لازم نرجع تانى نخاف ربنا ونعرف ان اهلنا واثقين فينا ونبعد عن الولاد والخروج والعيشه الوحشه دى"
"ندى بفرحه " حاضر والله هعمل اللى انتى عايزاه بس ارجعى تانى خليكى معايا
...................................................................................
"نور بيدخل المدرج وبيتجاهل وجود هاله تماماً"
"هاله عينيها عليه مستنيه انه يقعد جمبها بس محصلش , قعد من الاتجاه المقابل وعينه على مروه"
"مروه شايفه نظرات نور ليها اتوترت ومبقتش عارفه ومبقتش قادره تشيل عينيها من عليه ووشها الاحمر جدااا اللى فاضح اعجابها بيه"
"هاله عينيها اتقابلت بـ نور وشايفه نظرته بحب على مروه ومتجاهل وجودها تماماً" اتضايقت والاكتر خافت مش عارفه ايه السبب بس قلبها لمسه خوف غريب"
..................................................................................
"ولاء بتشاور لهم على الحمام " هو دا اتفضلوا
"انتى مش هتدخلى ولا ايه"
"لاء انا اتأخرت على محاضرتى "
"شيماء بأصرار" بس انتى لازم تدخلى معانا ورجعت خافت من طريقتها لما شافت نظرة ولاء المرعوبه, وابتسمت هههه يعنى تعدلى طرحتك مش مظبوطه ولبسك
"ولاء برعب" لاء وبعد اذنكوا
"بتمسكها شيماء من دراعها" انتى يا بت انتى بتعملى كده ليه انتى بتاخديه منى ليه ها
"ولاء بصدمه" نعم وخوف من صوتها العالى
"يعنى تقعدى تجرى ورا تيمور يجوزك عرفى يا زباله وعملالى فيها محترمه يا **** "
"ولاء بصدمه والكل بيتجمع حواليهم والبنت مسكاها من طرحتها" انتى يا حيوانه بتجرى ورا ادهم وعايزه تجوزيه عرفى يا كلبه "
"بيجرى حرس الجامعه وبيحاول يخلص ولاء من ايد شيماء"
...................................................................................
"هاله قاعده وعينيها على مروه وهى مخنوقه ومتضايقه منها ومن نظراتهم لبعض"
"بعصبيه وهى بتقرب منها وبتحاول متعليش صوتها" انتى بتبصى عليهه كده ليه
"مروه بأستغراب" ببص على مين
"نور اللى عينيكم من ساعتها على بعض مش كنتى بتقولى مكلمهوش وانتى بتبصى عليه وعينيكى فضحاكى اوى ياعنى "
"مروه بتوتر" انتى مجنونه انا مش ببص على حد
"انتى كدابه وشكلى اتخميت فيكى وميشرفنيش ان اعرفك حتى"
"انتى بتقولى ايه ف ايه , انتى مجنونه"
"بتاخد كتبها وبتقوم" ايوه انا مجنونه ان عرفت انسانه زيك اصلا
...................................................................................
"ف اوضة العميد "
"بيقف وهو بيزعق وعينه على ولاء وشيماء "
"العميد" ايه اللى حصل دا بنتين ازاى يمسكوا بعض ويضربوا بعض وبيبص على لبس ولاء , وانتى ازاى تبهدليها كده
"شيماء" اسفه يا دكتور
"اسفه ايه وزفت ايه انا مقبلش بكده ابدا ف الجامعه"
"ولاء واقفه بتبكى بس مش متخيله اللى حصلها"
"شيماء بنظره خاطفه لولاء ونظرة محذره " يا دكتور مفيش حاجه احنا اسفين كنا بنهزر وقلبت معانا بكده"
"طيب انا علشان انتوا بنات بس هسامحكوا المره دى بس اى شغب تانى هتتحرموا من دخول الامتحان السنه دى "
"ولاء صوت بكائها بيعلى وهى مصدومه اللى بيحصل معاها"
"العميد" يلا امشوا ومشوفش وشكوا تانى يا الا انتوا حرين
...................................................................................
"الاء وندى واقفين سوا مكان ما بتقف ولاء والاء دايما"
"الاء بأستغراب" فين ولاء
"هتلاقيها بتحضر ولا حاجه سيبك منها بقى وارجعى بقى فوقى لمحاضرتنا سوا "
"لاء يا ندى , ولاء بحبها ومش هبد عنها انا بقيت بحسها مسئوله منى "
"ندى بشماته" مسئوله منك ااااااه
"الاء بتلتفت تدور على ولاء بعينيها تكن قاعده ف اى مكان شافت واحده شبهها طرحتها متبهدله ولبسها متبهدل بخوف , دى ولاء
"ندى بشماته" هههههه اه هى شكلها مضروبه
"بتجرى الاء بسرعه على ولاء "
"ولاء بخوف وبدموع" انا وبتبص حواليها ضربتنى
"الاء بندم انها سابتها لوحدها وخوف" مين دى وازاى ضربتك وليه"
"بتقولى عايزه اخطف منها وبدموع اقوى واحد كده وضربتنى وكل الناس سمعتها وهى بتقول عايزه اتجوزه عرفى "
"الاء برعب ونظره غضب لندى ورجعت كلمت ولاء , مين دى يا ولاء تعرفيها"
"ولاء بتبكى وبتهز بدماغها بالنفى"
"الاء بتجرى على ندى" عملتى ايه يا ندى
"ندى بثقه وثبات" دا درس صغير بس يا حبيبتى علشان تعرفى مش انا اللى اتهزأ ف وسط اصحابنا
"الاء بتضربها بالقلم" يا حيوانه انا حزينه ان عرفتك ف يوم من الايام
"ندى بعصبيه" صدقينى يا الاء القلم دا هتدفعى تمنه غالى جداااا
...................................................................................
"هاله بتخرج من المدرج وهى بتبكى"
"بيقرب منها شاب" مالك يا حلوه بتبكى ليه
"بتمشى وهى متجاهلاه تماماً"
"انتى مبترديش عليا ليه عامله محترمه , يا هااااااله"
"هاله برعب انه عارف اسمها بتقف مكانها وبتتلفت بخوف" انت تعرف اسمى منين
"انا عارف حاجات كتير ومعايا كتير يخصك دا لو تحبى تشوفى ايه اللى معايا تعالى معايا"
"بخوف" انا مبروحش مع حد ف اى مكان
"هههههه اه انما نور بتروحى"
"بخوف وضغط بيوطى ورعشه ف اطرافها" نور
"تعالى تعالى مش هتخسرى حاجه"
...................................................................................
"ندى بتقرب من عمر وهى ماسكه وشها بغيظ والم"
"البنيه استوت ادخل انت عليها بقى بدور الحنيه والبطل الهمام وبغيظ وهى ماسكه وشها اكتر, لازم تخليها تدوب فيك عشق ومتشوفش غيرك اقدامها"
"عمرو" انتى مالك شكلك متضايق ليه
"مفيش حاجه يلا روح قبل ما حد غيرك يسبق"
"عمرو بفرحه" طيب
..................................................................................
"الاء بتقرب من ولاء وهى واقفه دموعها مبتقفش وف حالة صدمه"
"الاء بحزن" يلا يا حبيبتى نروح الحمام تعدلى هدومك كده قبل ما حد يشوفك وانا معاكى
"بيقرب منهم عمرو بلهفه" ف ايه يا انسه انتى وهى انا سمعت اللى حصل وواثق من ادب انسه ولاء وبجد نفسى اساعدها واظهر الحقيقه
"ولاء بدموع اقوى" ان الكل عرف
"الاء بتمسك ايد ولاء " وانا محتاجه مساعدتك وولاء كمان
..........................يتبع
ليست هناك تعليقات:
إرسال تعليق