"هاله بتقوم بعصبيه ولسه هتثور ف وش نور ولدين وبنات بتليهم بيدخلوا ع المدرج"
"رجعت تانى مكانها وبلعت عصبيتها وقعدت وهى بتفتح الاجنده اللى ف ايديها وبتشخبط فيها بعصبيه "
"بدأ المدرج يتملى ونور قاعد عينه بتحفظ كل اللى داخله واللى خارجه"
"هاله قاعده وعينيها متابعه نور بغيظ"
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
"ماهر بعد ما قعد ولاء ف اول مدرج"
"ولاء بتقعد بأحراج وهى خايفه ومرعوبه"
"ماهر بضيق شاف عمرو واقف بيبصله بقرف وهو خارج"
"بيرجع تانى بيبص لولاء وهو بيعلى صوته" ماهر
"بتبص عليه ولاء" نعم
"خلى بالك من نفسك ومتكلميش حد ولوخلصتى بدرى اقعدى ف نفس المكان اللى كنتى فيه"
"ولاء بتبص حواليها وبترد ف خجل" حاضر"
"عمرو واقف يبص بسخريه وبيهمس" اه هتتخطفى
...................................................................................
"ماهر بيدخل محاضرته وهو قلبه مقبوض قلقان ع ولاء"
"بيقرب منه سمير" اذيك يا ماهر
"اهلاااا اذيك يا سمير واحشنى اوى والله"
"وانت كمان والله ربنا يخلينا الجامعه اللى بتخلينا نشوف بعض"
"اه معلش يا سمير الدنيا تلاهى"
"المهم ان شوفتك ع خير وايه الشياكه دى"
"سمير بغرور وبيترسم"دى اقل حاجه عندى
"ماهر بضحك" طبعا طبعا
"ايه مش عاجبك"
"لاء يا سمير انت طول عمرك فعلا شيك وذوق"
"اشكرك مبحبش اتكلم عن نفسى كتير"
"يا شيخ روووح وبيبعده بأيديه يلا نقعد بقى ولا هنفضل نتكلم والمدرج يتملى واليوم يضيع"
"ماشى يلا"
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
"نور بيقوم بعد ما خلص المحاضره وبيمشى وف عيون مرقباه بأشمئزاز"
"هاله قاعده مكانها افتكرت ماهر اتصلت"
"كذا مره ومافيش رد"
"قررت تمشى لانها مش قادره تقعد اكتر وهى متضايقه"
"بتعدى هاله اقدام نور وهو مأخدش باله منها"
...................................................................................
"ولاء قاعده مستنيه المحاضره تخلص مبتخلصش قاعده متضايقه الكل مشترك وبيجاوب الا هى مش عارفه تقول اى حاجه"
"بتنتهى المحاضره وهى حاسه ان وشها سخن واحمر وفضلت مكانها والكل بيمشى الا هى متمركزه مكانها مش بتتحرك"
"بينزل عمرو ورجع تانى بعينيه ع المدرج شاف ولاء قاعده لوحدها "
"بيرجع تانى وبفضول مش عارف ايه رجعه بس غصب عنه حاجه رجعته ووقف اقدامها"
"انتى فهمتى حاجه النهارده من المحاضره دى انا مش عارف ايه دا كله من اول يوم والموضوع طلع صعب اوى انتى كتبتى حاجه ورا الدكتور"
"ولاء بتبص عليه بدهشه ايه كل الكلام اللى ورا بعضه دا وهزت دماغها بأه"
"طيب ممكن انقله منك معلش اصل الدكتور دا بيتكلم بسرعه وانا لسه مش واخد ع المواضيع دى"
"بتبصله ولاء بأستغراب وبتهز دماغها بالنفى"
"هو انتى مش بتكلمى ولا ايه"
"ولاء وشها احمر وبخوف بتمشى وبتسيبه"
"عمرو واقف بيبص عليها ايه المجنونه دى هى هبله ولا ايه"
"بتخرج ولاء وهى متضايقه ووشها احمر جدا"
"بتشوف هاله واقفه وشها متوتر شكلها واقف بيدور عليهم"
"ولاء بتروح لهاله" ايه يا هاله مالك واقفه كده ليه
"؟هاله بفرحه" ولاء الحمد لله انا كنت حاسه ان تايهه... فين ماهر
"شكله لسه ف المحاضره تعالى نقعد لحد ما يجى"
"ماشى يلا"
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
"ماهر قاعد وبيدون كلام الدكتور وبيشوف الموبايل بسرعه"
"بيقرب من سمير براحه" بقولك يا سمير
"ها"
"انا هستأذن وامشى لان هاله اختى طلبتنى كتير وشكلها مستنيانى هخرج علشانها وانت خلص المحاضره معلش وانا هستناك بره اكملها منك"
"طيب يا ماهر بس خايف الدكتور يعلم عليك من اولها كده"
"لاء متقلقش هو مش هيلحق يحفظنى يعنى وكأن اى حاجه حصلت"
"طيب لما اخلص هرن عليك"
"ماشى"
...................................................................................
"عمرو واقف ف وسط كلية التربيه شاف نور بيقرب منه"
"ايوه يا عم عمرو نازل رن رن ف ايه"
"انا لوحدى ومش لاقى حد اعرف هنا"
"لاء انا لقيت كتير عندنا هناك ابقى تعالى انت لينا احسن"
"ماشى المره الجايه هجيلكوا بس المره دى تفضل معايا"
"طيب ايه وراك محاضرات تانيه النهارده"
"اه ورايا لسه اتنين شكلهم كده ناوينها من اولها"
"اه لاء مع نفسك انت احنا مش ورانا محضرات تانيه خلاص"
"واقف نور وعمرو وهاله عينيها مرقباهم وبتتنفخ"
"ولاء برقه" مالك يا هاله شكلك متضايق اوى
"انتى شايفه الواد اللى شايف نفسه دا "
"اى واحد"
"اللى مجلجل شعره دا"
"اه اللى لابس تيشرت بيج ونضاره شمس"
"اه هو"
"ماله"
"كان بيتريق جامد ع ماهر وطريقته كانت سخيفه وكنت هقوم ازعقله لولا بدأ طلاب كتير يدخلوا"
"معلش يا هاله بس ليه وهو ماله بماهر"
"علشان خبط فيه مش عارفه تقوليش خبط ف الرئيس"
"متضايقيش نفسك كده وبلاش تقولى لماهر بلاش الموضوع يكبر"
"لاء مش هقوله بس عارفه واحده غيرك كانت تزعل علشان ماهر اه لو حد ضايقك ممكن ياكله"
"والله زعلت ماهر طيب ومش يستاهل حد يزعله بس انا مينفعش اتخانق مع حد مش بعرف"
"ماشى يا ولاء طول عمرك ملاك"
"ولاء بتتجاهل تريقتها وبتدور وشها "
"عمرو بيكمل كلامه لنور" ايه هترجع تانى ولا تيجى تحضر معايا
"اه هرجع طبعاً احضر معاك ايه بس دا الموضوع طلع ممل جدا انا زهقت بجد من محاضره واحده"
"لاء يا نور متبدأهاش كده حب الموضوع علشان ربنا يكرمك بقى وتعدى نضيف نضيف وخلى ف طموح للتقدير"
"ان شاء الله عين نور جت ع ولاء"الحق البنت اللى كانت عجباك دى صح
"اه اسكت مش طلعت تبع الواد اللى انت خبط فيه "
"بجد يلا ما هما شبه بعض نفس الهيئه"
"والله يا نور انا شايف البت جامده ولا عليها جوز عيون يا لهوووى"
"وانت شوفت عينيها فين"
"كلمتها"
***************************************
" بيقرب ماهر من ولاء وهاله " ايه عملتوا ايه وجيتى لوحدك ليه يا هاله
"اعمل ايه الدكتور مشى ع طول وانا محبتش افضل هناك لوحدى"
"اه طيب وانتى يا ولاء خلصتى "
"اه ومستنيه المحاضره الجديده"
"المهم فهمتوا حاجه يعنى"
"الاتنين ف نفس واحد" لاء
"ماهر" هههههههههه ما شاء الله نفس اللى عملته اول يوم معلش دلوقتى تفهموا كل حاجه وتبقوا تمام
"هاله" انت كمان خلصت ولا ايه
"لاء لسه مخلصتش ورايا محاضره كمان"
"اه ماشى وانتى يا ولاء"
"ورايا اتنين"
"ايه دا وانا هعمل ايه بقى "
"ماهر" يا تيجى معايا يا تحضرى مع ولاء
"لاء وافرض الدكتور طردنى تحرجنى ف وسط الناس"
"لاء متقلقيش محدش هيطردك احنا مش ف المدرسه"
"ماشى يا ماهر هحضر مع ولاء"
"تليفون ماهر بيرن بيبص ماهر حواليه" تعالى انا هنا
"سمير بيقرب من ماهر" اتفضل المحاضره اهيه
"ماهر بياخد المحاضر" شكرا يا سمير
"سمير واقف عينه ع ولاء" اختك
"ماهر بضيق" بنت عمى واختى
"اه اهلا وسهلا طيب ايه مش هتيحى نشوف المحاضره التانيه ف اى مدرج"
"طيب هاجى اهو خلوا بالكو من بعض يا بنات وقوموا يلا شوفوا محاضرتكو"
"ولاء بكسوف" حاضر
"بتمشى هاله وولاء بأتجاه مكان المدرجات"
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
"هاله وولاء قاعدين ف المدرج شوفتى اهو جه هنا "
"هو مين"
"الواد اللى شايف نفسه"
"وانتى مركزه معاه اوى ليه كده يا هاله"
"متضايقه منه انتى مشوفتيش كان بيتكلم ازاى دا تنك اوى"
"هو حر وياما هنشوف مش كل كلام اللى حوالينا هيجى ع مزاجنا"
"ماشى طيب ايه اللى هيخليه يحضر عندك هو معايا ف تجاره ايه اللى جابه هنا"
"يمكن جاى مع صاحبه دا ما هو بردوا معايا هنا"
"اه يمكن "
"بطلى تبصى عليه بقى اوى كده وخلينا ف حالنا "
"طيب طيب"
...................................................................................
"بينتهى اول يوم دراسى برجوع كل واحد بيته"
"ماهر قاعد ف البلكونه عينه ع بلكونة ولاء" انا لسه سايبك بس وحشتينى اوى
"وقف لحظات ودخل ينام"
"هاله صورة نور وغطرسته ولبسه وطريقته مش بتروح من بالها"
"ولاء رجعت فتحت الكمبيوتر ودونت كل المحاضره عليه حاولت تفهم منها حاجه معرفتش خلصتها كتابه وقفلت الوورد وفتحت الاكونت بتاعها تشوف ايه الجديد"
...................................................................................
"نور قاعد بيكلم ولاد كتير اصحابه "
"فتح وشاف اكونت لبنت"
"ورجع كلم صاحبه ف الشات" بس انا مش شايف ليها اى صوره ياعم
"يابنى دى بت زى القمر اسمع منى واصلا هى مش هتعبرك"
"نور بيتكلم وبيكتب ف نفس الوقت" مش هتعبر مين يابنى انت اهبل
"طيب رهان كام لكام انها مش هتعبرك"
.....................................يتبع
ليست هناك تعليقات:
إرسال تعليق