"بتقوم جهاد من ع السرير بدلع"
"ما انا لو اعرف ايه المفاجئه كنت لبست بسرعه بقى"
"بيشدها احمد وهو مبتسم"يلا يا كسلانه مش هتبطلى كسل ابدا
"بملامح بتحاول تتكون عابثه" يعنى انا كسلانه يا احمد دا انا مش بحب النوم خالص
"هاهاها لاء ما انا اكتر واحد عارف انك ياعينى مبتناميش ابدا يلا بقى هنتأخر وعاوز نرجع بدرى"
"طيب هخرج البس امول وناخدها ونمشى"
"لاء امل هتفضل مع مام يلا بقى"
"حاضر وبتقرب منه جهاد بفضول" ماتقولى ايه المفاجئه وحياتى
"وحياتك عندى انتى وش السعد عليا وانا بموت فيكى وعاوز اقولك ف وسط مامتك وعيسى افرحهم معانا انا فرحتى مش سيعانى النهارده"
"يارب دايما يا حبيبتى وماما قولتلها المفاجئه ولا لسه"
"ايوه عرفتها خلاص"
"انا زعلت كده طيب ما تقولى وانا لما اروح عند ماما وعيسى هعمل نفسى مش عارفه وهتفاجئ زيهم وكل حاجه"
"لاء بردوا خلى الفضول دا متمكن منك كده
"بحزن" كده يا احمد اهون عليك
"بيشدها احمد من ايديها وبياخدها ف حضنه وهى بتبعد عنه"وحياتى متعمليش كده وتبوظى تخيلى للموقف وانا بقولكوا
"جهاد بأبتسامه" حبيبى بهزر معاك والله انا اسف متزعلش بقى
"بحضن دافى بياخدها ف حضنه" حبيبتى ف يوم زى دا متتأسفيش افرحى وبس
"طيب يلا بينا بقى هنتأخر وبتسيب حضنه وبتقرب من الدولاب تطلع اللبس وبتاخده وبتروح الحمام"
.............................................................
"تسنيم بتاخد من على الكوميدينو اللى جمبها كوباية مايه"
"بتشربها لـ حاتم" شو شو بك هيك صار اكتير يا حاتم صار لازم تكشف هلئ
"انا مخنوق مش عارف ليه بابا بيجيلى كتير كده انا مخنوق ياترى عاوز منى ايه كفايه بقى اللى عمله وهو عايش هيعمل ايه تانى وهو ميت"
"حبيبى اهدى ما بدى شوفك هيك راح انروح لطبيب ونعرف شو فيك صار لازم ينتهى هالكوابيس"
"حاتم بيكمل كوباية المايه"
"تسنيم بحب" راح اتكون امنيح حبيبى ما بدى اياك تزعل هيك
"بيخلص حاتم الكوبايه وبيديها لتسنيم" شكرا ليكى
"شو راح اتروح للدكتور "
"لاء دكتور لاء انا مش هروح لحد انا هبقى كويس"
"بس يا حاتم"
"مابسش انا هقوم كفايه نوم اليوم ضاع يلا خدى ريان ف حضنك وناموا انتوا وانا هنزل اتمشى شويه اروح لعيسى هشوف اعمل ايه"
"بس انا اكتير خايفه عليك"
"لاء متخافيش انا هبقى كويس"
"انشالله"
............................................................
"جهاد لابسه ومعاها احمد وخارجين مامت احمد قاعده ف الصاله ع كنبه وامل على رجليها بترفع ايديها لـ جهاد تشيلها"مم
"احمد"مش عاوزه حاجه من بره يا ماما
"الام بحزن" لاء يا بنى شكرا
"امل بتبكى علشان تروح لجهاد"
"جهاد بحزن"هاجى على طول يا قلب ماما
"الام"يلا بقى امشوا قبل ما تمسك فيكوا زياده
"حاضر"
"احمد وجهاد ف تاكسى قاعدين ورا جمب بعض"
"ليه ماما شكلها كان متضايق اوى كده"
"ليه كانت عاديه"
"لاء هو انا معرفش ماما والله كان شكل حاجه مضيقاها"
"مش عارف"
.............................................................
"مؤمن قاعد فى النادى وبيبص حواليه"
"لحظات طويله عدت عليه وهو مستنى"
"بيبص اكتر على الجنينه اللى من ممر الباب وكل ما يشوف واحده لابسه طرحه وطويله يدقق فيها"
"وكل مره يطلع امله ع فشوش"
"مؤمن قاعد وعينه ع الباب ومركز اوى بيسمع اسمه بيتنادى بصوت حريمى من وراه"
"بيتلفت مؤمن وبيقلب وشه اول ما شاف صاحبت الصوت"
"جومانا بأبتسامه" وحشتنى
"مؤمن بضيق" انتى مبتزهقيش
"لاء مبزهقش"
"طيب امشى علشان ياسمينا متحيش وتشوفك تفتكر ان متفق معاكى"
"الله الله ياسمينا بقيت تخاف منها هى خلاص اللى بقت"
"ايوه هى ومش بقت ..هى من زمان انتى اللى كنتى مجرد شخص طارئ ف حياتى"
"بعدم مبالاه" انا يا مؤمن ربنا يسامحك عموما انا جيت اسلم عليك اصل خطيبى مستنينى نكمل العشا بتاعنا تعالى اتعشى معانا اصل هتفضل قاعد لوحدك"
"لاء متخافيش زمان ياسمينا جايه"
"لاء اصلك متعرفش اللى كلمتك انا مش ياسمينا يلا وبتشاور بأيديها باى سى يو"
"مؤمن بيبص عليها بغيظ وهى ماشيه" اه يا بنت
.............................................................
"عماد خارج من الحمام بعد ما اخد دش سخن ينسيه قرف السجن واللى شافه"
"عيسى" يلا يا عماد علشان تاكل
"عماد بيبص حواليه "
"عيسى قاعد على كرسى على السفره والصاله واوضة الصالون مقفول نورها والجو هادى نوعاً"هى فين ماما
"ف اوضتها حضرت الاكل ودخلت اوضتها سابتنا ناكل براحتنا يلا تعالى"
"عماد بأحراج" ماشى بس هى كده مش هتاكل
"لاء اكلت يلا بس "
"عماد وهو بيمسك ديل الجلابيه اللى لابسها وبيشد كرسى وبيقعد" الله الاكل شكله حلو اوى تسلم ايد طنط"
"الله يسلمك"
"بدأوا ف الاكل وبعد كام معلقه سمعوا جرس الباب بيرن"
"عيسى" يا ترى مين جايلنا دلوقتى
"هقوم انا ادخل اوضتك علشان مضايقش اللى يجيلكوا"
"لاء يا عماد خليك عيب انت صاحب بيت"
"بيقعد تانى عماد بعد ما كان قام نص واقفه"
"بيفتح عيسى الباب"
"احمد بيدخل بفرحه" اذيك يا عيسى واحشنى اوى والله
"وانت كمان اوى"
"عيسى بيسلم ع جهاد اللى بتظهر بعد احمد بيلم عليها بفرحه وشوق وهى كمان"
"احمد بيدخل شاف عماد قاعد فى اول الشقه واقدامه اكل"تعابير الفرحه تحولت لضيق وعبث
"عيسى بيدخل هو وجهاد وبيقفل الباب"
"عيسى شايف احمد واقف متضايق"
"عماد يا احمد جه يقعد معايا علشان مافيش مكان تانى يروحه"
"عماد عينه على جهاد ومش سامع عيسى بيقول ايه"
"احمد" اه اهلا يا عماد حمدلله ع سلامتك ياريت متكررش اللى حصل دا تانى وتفتح صفحه جديده من تانى
"جهاد بفرحه" اذيك يا استاذ عماد والله من زمان وانا نفسى اشكرك ع اللى عملته مع عيسى
"احمد بيبص لجهاد شذررا" وسأل عن نشوى قبل ما يسمع اى رد
"عماد بفرحه ان جهاد بتكلمه" ربنا يخليكى عيسى اكتر من اخ ليا وانا افديه بروحى
"عيسى بيرد ع احمد" ثانيه واحده حاضر هقول لماما انكوا هنا هى بتريح ف اوضتها شويه
"احمد بضيق وبيمسك ايد جهاد وبياخدها ومتوجه لاوضة الصالون"ماشى ومن غير ما يبص لعماد احنا هنقعد هنا ع ما تخلص اكلك
"عماد وعينه ع جهاد بعد عن التربيزه"لاء انا خلاص شبعت وبيدخل وراهم
"جهاد ملاحظه شدت ايد احمد ليها والعنف اللى واضح ف نظرة عينه"هو انا عملت حاجه ضيقتك يا احمد
"احمد بيكلم وعماد داخل عليهم"لما نروح ونبقى ف بيتنا نتكلم
"جهاد التزمت الصمت وحطت وشها ف الارض"
"عماد دخل قعد وكل تركيزه ع جهاد"
"احمد نظرات غضب وهو ملاحظ نظرات عماد لجهاد"
"بيدخل عيسى ونشوى"
"نشوى بتسم ملهوفه ع جهاد" وحشتينى يا حبيبتى
"وانتى كمان اوى يا ماما"
"احمد بضيق وبيحاول يظهر ابتسامه ع وشه ارضاءً لمقابلة حماته" اذيك يا ماما
"الله يسلمك يا بنى نورت والله وحشتونى فين امل مجبتوهاش معاكو ليه"
"عماد بيسمع بأندهاش اسم امل الفضول تسلل لقلبه" مين امل
"احمد بضيق ونفاذ صبر" بنتى
"عماد بأحراج هو عارف ان جهاد مش بتخلف وف نفس الوقت ملاحظ نظرات احمد الجاحظه فضل يسكت"
"الام" حبيبتنا كلنا والله وحشتنى
"جهاد بنظرات كلها خوف لاحمد" مع ماما يا ماما نايمه اصل احمد جاى يقولك ع مفاجئه حلوه هتبسطنا كلنا
"بفرحه" بجد ايه
"احمد بيبص لوجود عماد اللى لسه مستمر وهو عاوز القعده تكون عائليه اكتر"
"عماد عينه تلاقت بأحمد اتحرج وقرر يخرج" بعد اذنكوا يا جماعه"
"عيسى" لاء والله يا عماد هو انت غريب لازم تقعد معانا
"احمد بضيق واضطرار" المفاجئه ان انا
.............................................................
"لمياء قاعده ف اوضتها بتبص على صورة لمياء وصورة جمال"
"انتوا وحشين اوى ازاى قدرتوا تسبونى كده انا زعلانه اوى منكوا"
"بتدخل الام" لمياء محمود هنا وجاى يتكلم معاكى
"ماشى جايه وراكى"
"بتخرج الام وبتلبس لمياء طرحه على البيجامه اللى هى لابساها ودى بقت بتحصل كتير من يوم موت جمال مبقتش تاخد بالها من نفسها ولا تتأنق ولا تهتم اى حاجه"
"محمود بيقوم يقف وبيسلم ع لمياء بحراره" عامله ايه يا لمياء
"عايشه لسه"
"بردوا لمياء انا حجزتلك عند دكتوره امراض نفسيه"
"ليه انا لسه متجننتش يا عيسى "
"انا محمود يا لمياء"
"ما انا قولتلك محمود"
"ما علينا اعملى ادخلى يلا غيرى هدومك علشان معادك مع الدكتوره كمان ساعه"
"لاء مش هروح"
"لو مروحتيش يا لمياء اعتبرى كل اللى بينا انتهى"
"بلا مبالاه" هو ايه اللى بينا
"لمياء" فوقى انا محمود خطيبك اللى كنت خلاص هبقى جوزك لولا الظروف
"اه صح وهى ايه الظروف"
"لاااااا انتى خلاص مبقاش يتسكت عليكى لازم تلبسى وبصوت عالى طنط "
"بتيجى الام" ايوه يابنى
"لو سمحتى يا طنط خدى لمياء لبسيها علشان تروح للدكتوره "
"يلا يا لمياء وكتر الف خيرك يابنى انت انسان نبيل واحد غيرك كان سابها وقال وايه ذنبى ف كل دا"
"مش انا يا طنط وانتى متعرفيش لمياء ايه عندى بس معلش يلا علشان منتأخرش ولو تحبى حضرتك اتفضلى معانا"
"ماشى يابنى هلبسها والبس"
"اتفضلى"
.............................................................
"حاتم بيلف ف الشوارع"
"اروح فين عيسى لاء مينفعش الوقت متأخر بردوا طيب اروح فين"
"وقف بعربيته اقدام يافطط دكتور للامراض العصبيه والنفسيه"
"لحظات وقوفه وصاع جواه بين يطلع ولا لاء"
"حزم قراره بأنه يطلع علشان يرتاح "
......................يتبع
ليست هناك تعليقات:
إرسال تعليق