"هاله قاعده ف المدرج بتبص كويس ع نور مش لقياه"
"ف سرها وعينيها بتدور" هو فين دا اكيد واقف يعاكسله كام بنت ماهو سافل اوووف انا شاغله نفسى بيه ليه كده ما يضرب دماغه ف الحيط
"مروه" اكتبى يلا يا هاله الدكتور بيجرى مش هلحقه انتى اسرع منى
"هاله بتركيز" اه طيب يلا وبدأت تدون ورا الدكتور كلامه
*****.........................................................................*****
"نور وعمرو واصحابهم بيدخلوا تربيه "
"عمرو واقف" الله مش ف مكانها المعتاد يعنى
"نور بتجاهل" والله مــ تستاهل تيجوا تجروا عليها كده
"عمرو " والله انت ما بتفهم
"الاصحاب"انتوا هتفضلوا تتكلموا ايه دا هنمشى كده الا ما ف ولا بنت هنا كده تزغلل العين ,دا احنا عندنا مزز
"عمرو بعصبيه" انتوا هتوجعوا دماغى ليه ما تخفوا انا غلطان ان جبتكوا اصلا
"نور بفضول" لاء بقى هتوريهالهم يلا علشان اعرفهم ذوقك الواو
"عمرو بتحدى"يشوفوا ذوقى متقلقش
*****........................................................................*****
"ماهر ماشى حزين حبه لولاء بيكبر كل يوم نفسه يحضر معاها وميسبهاش ابداً"
"بيعدى من اقدام مجموعه من الشباب "
"ماهر؟!"
"بيبص ماهر ع اتجاه الصوت" شاف رنا وهى بتبسم ليه ومعاها اصحابهم
"ماهر بأبتسامه"اذيك يا رنا اذيكوا كلكوا عامليه ايه وبدأ يسلم ع واحد واحد بالتدريج
"رنا بأبتسامه" انت جيت امبارح يا ماهر ولا لاء
"ماهر" اه بس مش شوفتكوا
"لاء احنا جينا بس مقدرناش نقعد كتير ومحضرناش كنا واحشين بعض قعدنا مع بعض بس"
"ماهر" من اولها كده ما كنتوا حضرتوا وبردوا قعدتوا مع بعض
"رنا بتودد" بس انت عامل ايه يا ماهر يارب تكون كويس
"الحمد لله والله يا رنا بخير طيب يلا بقى ولا مش ناويين تحضروا النهارده كمان"
"لاء هنحضر"
"طيب يلا بينا"
*****.........................................................................*****
"بيدخل نور وعمرو واصدقائهم المدرج اللى مش موجود فيه غير ولاء وكام بنت قاعدين ف ايديهم سندوتشات وبيفطروا"
"الكل" ايه يا عم هى فين دى
"عمرو بيشاور ع ولاء اهيه"
"الاولاد كل ولد بكلمه"
"الاول" دى قمر
"الثانى" عاديه يعنى
"الثالث" ذوقك معفن
"الرابع" دى قمر ايه العينين دى
"ولاء شيفاهم بيشاورو عليها وبيتكلموا بصوت عالى "
"نور بيضحك بصوت عالى" مش بقولكوا ذوق عمرو بقى لوكل اوى
"اعتراض وقبول للكلام وكل دا ع مسمع ولاء وكل البنات اللى موجودين بيبصوا عليها"
"عمرو بأحراج وزعل علشان ولاء اللى وشها بقى احمر جدا" خلاص بقى يلا نمشى
"ولد منهم بيقرب من ولاء" انتى عارفه ان عينيكى حلوه اوى بجد قومى كده اثبتلهم انك كلك جامده مش عينيكى بس
"بيقرب الولاد التانى" لاء يا بنى مش حلوه صدقنى
"ولاء دموعها بتنزل منها غصب عنها"
"بيقرب منهم الولد الرابع" انتى بتعيطى يا قطه معلش هما وحشين
"بيشدهم عمرو وبيخرجهم" امشوا بقى عيب كده والله انا غلطان
"نور" هههههههه يلا يا جماعه دى شكلها فاكره نفسها ف الحضانه والمفروض نطبطب عليها وكده
"عمرو بحزم وعصبيه" خلاص بقى والله لو ما مشيتوا هيكون اخر كلام بينا
"ولاء قاعده بتبكى وخايفه تقوم من مكانها حد فيهم يعمل فيها حاجه احساس مميت مسيطر عليها كأنها بيبى وخايف يقع او يضرب "
"عمرو بأسى" انا اسف اوى يا انسه
"ولاء مبتردش بتبكى وبتبعد عينيها عنهم"
"عمرو صعبانه عليه وبيزعق ف صحابه" ممكن تمشوا بقى
"نور بضحك" يلا يا جماعه نرجع ع مكانا وبتمايل كل واحد مالوش غير كليته وبيضحك ضحك اوفر
"الكل" يلا ومنهم اللى رد, بس والله حلوه
"عمرو بيقرب من ولاء" انا اسف انا السبب اجبلك مايه
"ولاء بتبكى ومش بتبصله ولا كأنها سمعاه ولا شيفاه"
"عمرو متضايق اكتر من نفسه وبيسيبها وبيروح يقعد ف المدرج اللى هى فيه من الاتجاه الاخر"
"ولاء قاعده مكسوفه بتبكى قلبها مقبوض خايفه مش عارفه ايه اللى حصل وليه الولاد دول كانوا بيتريقوا عليها كده وكل شويه شكل نور وهو بيردد ذوقه لوكل بتيجى اقدامها ونظرته ليها اللى كلها قرف وبتبكى اقوى" انا عملتله ايه بس
"عمرو عمال يبص ع ولاء وصعبانه عليه وندمان اوى انه كان السبب ف اللى حصل دا"
******.......................................................................******
"نور ماشى ف وسط اصحابه فرحان بنفسه بيعاكس دى وبيبص ع جسم التانيه "
"الولد الاول" عمرو شكله اتدايق مننا اوى
"نور بضحك" سيبك منه دلوقتى هو اللى يرجع يجلنا بعد محاضرته ما تخلص وهيبقى ولا كأن حاجه حصلت
"بس احنا غلطانين يا نور دى لو اختنا البنت كانت قاعده محترمه اوى لا لابسه حاجه تخلينا نضايقها ولا اتصرفت تصرف وحش"
"الولد التانى" واحنا يعنى كنا عملنا فيها ايه ما تكبر دماغك كده
"لاء هى بنت غلبانه وواضح انها محترمه فضلت تبكى لا قامت زعقت فينا ولا اتكلمت اى كلمه"
"نور بعصبيه" اوووف ايه القرف دا لاء بقولكوا ايه تعالو نجمع بعض ونشتريلها ورد ونروح نقولها حقك علينا
"الولد الثانى" ايه ياعم نور انت بتتعصب علينا ليه
"مش عارف بتعصب ليه اسكتوا بقى ارحمونى شايفين البنات دول لابسين فيزون"
"اه ايه يا نور تانى يوم يعنى ومشوفناش ولا بنت علقة لسه دا انا قولت نور من اول يوم هيكون مصاحب نص الكليه"
"لاء ما انا لسه ملقتش اللى تستاهل اصبروا بس لما الاقيها"
***********************************************************************************
"ولاء طول المحاضره بتفتكر الموقف غصب عنها بتبكى خلصت المحاضره وخرجت"
"عمرو عينه عليها مفهمش ولا سمع ولا كلمه من الدكتور كل اللى شاغله يصلح غلطته ازاى "
*****.........................................................................*****
"ماهر بيخرج ومعاه اصحابه ومعاهم سمير"
"رنا بحب وماشيه جمب ماهر وبصوت هامس" انا زعلانه منك ع فكره يا ماهر
"ماهر بأستغراب" منى انا ليه
"يعنى معاك رقمى وطول الاجازه اقول انك هتتصل بيا مبتتصلش ابدا وانا نفسى اتصلت بيك مره سألت عليك وانت مكررتهاش"
"معلش يا رنا والله انتى عارفه طول الاجازه انا بكون مع بابا ف الورشه ويدوب برجع ع النوم بس"
"ماشى يا ماهر عموما الاهتمام مش بيطلب من حد يوم ما هتحس ان غاليه عندك انت هتكلمنى بلهفه وانا مستنيه اليوم دا"
"ماهر فهم جملتها بس اخدها من منطلق الاخوه والهزار" انتى يا رنا اختى وربنا عالم معزتك عندى
"اختك!"
"بيتجاهلها ماهر وبيقرب من سمير والباقيين" يلا يا جماعه هروح انا همشى مش عاوزين حاجه
"رنا بسرعه بترد" ما احنا مروحين معاك اهو
"لاء انا لسه مستنى بنت عمى واختى ف تجاره "
"اه طيب"
"رنا بتبص ع ماهر اللى سلم عليهم بأستعجال وهو ماشى شافته بيقف مع واحده بتبص بفضول يا ترى مين"
"ولاء لابسه النضاره الشمس عينيها مش باينه انها كانت بتبكى علشان خايفه ماهر يعمل مشاكل"
"ماهر بيقرب منها" اذيك يا ولاء خلصتى
"ولاء بتحاول ترد بصلابه علشان ف صوتها ميبنش حزنها" ايوه يلا بينا
"طيب هتصل بهاله اشوفها"
"رنا بتقرب منهم بفضول" ايه يا ماهر نسيت اخد المحاضره منك
"ماهر بضيق" والله مش معايا محضرات امبارح انا قولتلك يا رنا بس شكلك مأخدتيش بالك
"اه صح معلش نسيت وبتبص ع ولاء" ايه مش هتعرفنا
"ماهر بضيق" رنا زميلتى وبيشاور ع ولاء , ولاء بنت عمى
"اه اهلا يا ولاء طيب شيلى النضاره دى خلينا اعرف شكلك"
"ولاء بضيق" معلش اصل عينى تعبانه شويه التهبت فجأه
"اه لاء الف سلامه"
"ماهر بلهفه حسيتها رنا" ايه تروحى تكشفى
"ولاء بصوت مكسور بتحاول متعيطش" لاء لاء هبقى كويسه بس لما اروح وانام يمكن من السهر
"ماشى"
"رنا بضيق" طيب يا ماهر اسيبكوا انا بعد اذنكوا
"ماهر" مع السلامه
"بتبصله بحب" هستناك بكره يا ماهر اوعى تتأخر ويلا يا ولاء فرصه سعيده
"ولاء" ميرسى
*******.......................................................................*****
"بتخرج هاله هى ومروه بيعدوا من اقدام نور وشلته"
"نور بيضحك" يا عم والله لا النهارده اكون معايا رقم تليفونها
"هاله لمروه بتعدى بغيظ" كل ما اشوفه دايما بيتكلم عن البنات
"مروه واحنا مالنا بيه بس"
"رخم اوى مش طيقاه نفسى اديله قلم ع وشه اوى"
"معلش معلش انسيه"
"هحاول يا مروه هحاول يلا يدوب الحق "
******.......................................................................******
"بيرجع الكل البيت"
"ماهر قاعد كل تفكيره ف ولاء نفسه اوى يكلم اهله انه يرتبط بيها بس للاسف هى مش مدياله الامل انها ممكن تفكر فيه او تعامله معامله فيها امل ,, بيردد لنفسه وهو بيكتب ف دفتره,, من غيرك انا ممكن اموت ,,يارب تحسى بيا يا ولاء"
"ولاء بترجع وبتسترجع اليوم العجيب دا وقررت انها متحضرش وتطلب من ماهر يشوف حد يجبلها المحاضرات من اى حد"
"بتفتح الكمبيوتر وبتكتب post"ما اصعب الاحتكاك بعالم مريب عجيب يفقدنا عزيمتنا نحن البشر ويجعلنا نريد ان نترك كل شئ ونهرول سريعاً لمخبأ سرى ندفن فيه رؤوسنا حتى لا يزيد الاصطدام وننجرح اكثر فأكثر"
"بتشوف رساله جايه من الشات"
"ميرسى اوى يا حبيبتى ع قبول الصداقه انا اسمى اسيل وانتى"
"بضيق وزهق" معلش انتى تعرفينى ؟!
"لاء بس اتعرف عليكى "
"لاء معلش انا مش بتعرف ع حد معرفوش سلام"
******.......................................................................******
"نور قاعد اقدام اللاب متغاظ "
....................يتبع
ليست هناك تعليقات:
إرسال تعليق