"فى ايه بس يا خويا هو انا كنت عملتلك حاجه "
"انى بجول الكلام اللى فى حنكى وانتى حرهِ تعملى اللى يريحك"
"ماشى يا خويا خلاص اللى يريحك انى هعمله حاضر"
"ماشى يا ختى ابجى اتحدتى مع ابنك وشوفى هتيجوا امتى "
"ماشى ياخوبا ان شاء الله قريب "
"سعاد بتقفل التليفون وهو وشها لونه مخطوف"
"منال" مالك يا ماما
........................................................
"محمود بلهفه" ايه يابا جالتلك ايه عمتى
"هاتتحدت مع ابنها وبعدين تبجى تكلم فى التلفون وتجول"
"تهانى" اهو كدهِ كل حاجِه هتبان ان كان فى نيته جميلهِ ولا مغصوبِه عليه
"محمود" ايِوِه صوح ربنا يجدم اللى فيه الخير
"هيجدم ان شاء الله "
........................................................
"سعاد واقفه شارده وحزينه وترجع للواقع رجعنا تانى لوجع القلب بس ياربى "
"منال " فى ايه يا ماما طنينى شكلك ميريحش
"سعاد بضيق" مافيش ابعدى عنى ودخلت اوضتها
"منال واقفه عينيها الدموع فيها غصب عنها نزلت دمعه حزينه على خدها"
.................................................................
"ايمان ماشيه فى الشارع سمعت صوت حد بيبسبس "
"كملت طريقها "
"انتى يا بنتى"
"التفت لما حست الصوت مألف"
"بفرحه" هانى !
"ايه يا بنتى دوختينى ايه مركبه عجل فى رجلك "
"هو انت اللى بتبسبس من ساعتها "
"يعنى سامعه طيب بص شوفى مين "
"يا سلام ولو حد بيعاكسنى بقى ؟ يقول عليه ايه !"
"خلاص يا ايمان المهم انا جاى اقولك خبر مهم هيفرحك جدا "
"بجد ايه؟"
"انا جالى سفر السعوديه خلاص كل مشاكلنا هتتحل ومامتك مش هيكون لها حجه خلاص بعد كده"
"بجد يا هانى اخيرا هتتحل بقى ياما انت كريم يارب"
"انا مقدرتش امشى من غير ما افرحك جيت من السفاره واتأكدت ان كل حاجه صح ومش نصب وجيتلك الكليه بس شوفتك وانتى ماشيه ومن ساعتها وراكى "
"حبيبى انا اسفه معرفش انك ورايا والله "
"ولا يهمك المهم تستنينى يا حبيبتى "
"انا هستناك عمرى كله يا هانى بس انت هتقعد كتير اول ما تروح"
"اول مسافر هقعد سنتين لحد ما يقبلوا ينزلونى اول مره "
"سهله يا حبيبى هيعدوا بسرعه ان شاء الله "
"انا بصراحه خايف من مامتك يجى حد مناسب وتغصبك عليه"
"لاء يا حبيبى متخافش انا هفضل مستنياك يارب انت بس متنسنيش "
"حد بينسى روحه "
"ربنا يخليك ليا يا حبيبى وانا اطمن انا من غيرك اموت مقدرش اعيش لحظه من غيرك "
.................................................................................................
" وليد بيدخل ومنال واقفه فى المطبخ "
" منال واقفه مش واخده بالها"
" وليد من ضهرها بضحك" ايمان حبيبتى
" منال بتكسوف وبتبعد عنه" ايه يا وليد
"وليد بأحراج وبيرجع لورا " انا اسف والله بفتكرك ايمان
"منال" ولا يهمك ما انا كمان اختك يا وليد
"وليد فهم انها بتحاول تخف من حدة التوتر بينهم" ايوه طبعا يا منال ربنا يسعدك انتى وعلى يارب هو فين كده
"نزل راح الشغل"
" اه بدأ يلا ربنا معاه اومال ماما فين"
"يارب وماما دخلت اوضتها من شويه"
"طيب انا هدخل اشوفها بعد اذنك"
"اتفضل "
..............................................................
"جميله نايمه على سريرها بتبكى"
"هعمل ايه بس كلهم عليه انى لوحدى اروح فين واجى منين بس ياربى ازاى اتجوز واحد جرحنى كدِه دا جالى انه مش رايدنى يارب ساعدنى يارب انى مش جادره اولع الدنيه واجول ان وليد مجبور على جوازه منى "
......................................................................
"ماما ممكن ادخل"
"سعاد بتمسح دموعها وبتتعدل على السرير"
" وليد بلهفه" انتى بتعيطى يا ماما
"لاء يا حبيبى انا كويسه"
"لاء بتعيطى ليه مين اللى يجرأ يزعلك بس وينزل دموعك كده قوليلى بس مين"
"انا صعبان عليه ان هخسر اخواتى يا وليد"
"تخسريهم ليه ايه اللى حصل مش خلاص جميله قالت انها مش عاوزانى ولا فى كلام تانى "
"لاء معرفش ايه اللى حصل انما بكر اخويا كلمنى وقالى ان مجوزتش انت وجميله كمان شهرين اعتبر ان ماليش اهل"
"يااه للدرج هدى مهم عندهم اوى الجوازه دى"
"هما شيفنها دلوقتى اصول وكسوف ليهم اقدام البلد انا اللى عارفه"
"وانتى بتعيطى علشان كده يا ماما وقرب منها ومسحلها دموعها خلاص يا ماما انا هتجوز جميله"
"بحزن" انا مش فرحانه ان بسمع الخبر ده انا حاسه اد ايه انت مش عاوزه بس غصب عنى كنت فرحت ان مش هغصبك ولا هخسرهم بس مش عارفه ايه اللى حصل سامحنى يا بنى "
"لاء يا ست الكل وهى جميله عيبها ايه يعنى بكره لما تعيش هنا هتبقى زينا "
"الله يرضا عليك يابنى ويسعد قلبك"
"يااااارب يلا يا حبيبتى قومى اغسلى وشك وابقى كلمى جدى بكر وقوليله اننا موافقين على الجواز بعد شهرين اخلص امتحاناتى ونتمم الجوازه"
"يارب يريح قلبك"
"ويخليكى لينا المهم متزعليش ابدا يا حبيبتى وبيوطى يبوس ايدها"
...................................................................................
"سعاد بتخرج من اوضتها للمطبخ"
"ايه يا منال خلصتى الاكل يا بنتى"
"اه يا ماما خلصت"
"متزعليش منى يا بنتى لو كنت شخط فيكى بس كنت متضايقه"
"مافيش بنت بتزعل من امها يا ماما "
"يا حبيبتى "
............................................................
"وليد نايم على سريره وعينه فى السقف "حوار مع النفس"
"ايه اللى خلانى اضعف كده واوافق بس "
"صعبت عليه دموع امى اوى لاول مره من وانا صغير اشو دموعها وانا مقدرش ممسحهاش وانا فى ايدى اسعدها"
"بس انت رجعت قلبك يتخنق وتتعب نفسياً تانى"
"كله يهون علشان امى ربنا يخليها لينا"
"دا انت سبت كل البلد وسافرت علشان متتجوزهاش "
"نصيبى كده وانا مش معترض ويارب اقدر احبها واعيش ليها ربنا قادر على كل شئ"
..................................................................................
"فات شهر ورا شهر ووليد بيخلص امتحاناته مافيش اى مكالمات بتجمع بينه وبين جميله مطلقا هو بظروف امتحاناته وهى ببعدها عنه ومش متخيله انها خلاص ممكن تتجوزه"
"على ومنال فى منتهى السعاده الحب اللى ما بينهم بيترجم فى كل حياتهم ومساعدهم على ارضاء كل منهم الاخر حتى لو على حساب نفسه المهم كل واحد فيهم يشوف التانى سعيد"
"سعاد وبكر ومحمود وتهانى هما اللى بيختارو العفش وبيفرشوا الشقه من غير تدخل جميله ووليد"
..............................................................................
"جميله بتخرج وبتقيس فستان الفرح فى بلدهم ومن غير ابداء اى فرحه بأنها عروسه وبتختار فستان فرحها"
"بنت عمها " ايه يا جميله مش عاجبك الفستان ولا ايه"
"لاء حلو اى حاجه حلوه"
"لاء دى مش شكل عروسه خالص"
"بتقرب منها تهانى " يا بت افردى وشك هتفضحينا
"انى اعمل ايه مش انتوا غصبنى اتجوز واحد مش ريداه"
"اجفلى حنكك يا بت بدل ما حد يسمعك ونتفضح"
"انى جفلاه اهو"
....................................................................
"وائل بيدخل من باب الشقه وفى ايده شيل كتير"
"الام" حبيبى انت جيت
"ايوه يا ماما تعالى خدى منى "
"ايه الخير دا كله ربنا يزيدك يارب"
"والله يا ماما رزقكوا الحمد لله الراجل زودنى والحياه بقت زى الفل"
"الحمد لله ربنا يزيدك يارب يا حبيبى "
"الحمد لله يارب "
......................................................................................
"جميله ماشيه هى وبنت عمها رايحين يحجزوا الكوافير وسابتها مامتها
ومراة عمها ومشيوا"
"شوفى يا بت يا جميله مين اللى هناك بيبص علينا ديه"
"جميله بكسرة عين واضحه ووش حزين " مين!
"مش ديه ابراهيم اللى كنا بنلعب وياه واحنا صغيرين متغيرش خالص هو
طول بس"
"عيب اتبصى على الرجاله كده يا بت "
"لاء هو اللى لفت نظرى شكله كأنه بيرجبنا وعينه عايزه تجول حاجه
شوفتى اهو بيجرب اهو"
"ايه بيجرب " لاء سرعى رجلك يا بت يلا"
"ابراهيم بيقرب منهم" جميله وحشتينى
"جميله بنظرة حزن وكلمه اسعدت قلبها" ....................... يتبع
ليست هناك تعليقات:
إرسال تعليق