"وليد بينزل لسعاد"
"ايه يا ماما انتى صحيتى "
"اه انت ايه اللى منزلك دلوقتى "
"انا زهقت يا ماما بقالى 3 ايام مبتحركش من الشقه"
"فى عريس لسه فى اول اسبوع فرحه يقول زهقت"
"اه والله يا ماما زهقت"
"ليه جميله عملتلك حاجه"
"لاء دى غلبانه خالص و"بكذب" انتى عارفه ان ماليش فى قاعدة البيت دى
يا ماما "
"اه يا حبيبى ربنا يديك طولة العمر طالع لباباك كان كده يتخنق من البيت
بسرعه"
"لحظات وبتنزل منال"
"سعاد"صباح الخير يا منال"
"صباح النور يا ماما وعينيها على وليد "
"صباح الخير يا عريس ..ايه اللى منزلك دلوقتى "
"منال ابوس ايدك بلاش انتى كمان"
"منال بأحراج" انا اسفه
"لاء لاء انا بهزر انتى ليه قفشتى كده"
"لاء انا بس عارفه ان ادخلت ف اللى ميخصنيش"
"لاء انتى زيك زى ايمان وناديه تتدخلى فى اللى انتى عاوزاه"
"بأبتسامه " ربنا يخليك يا وليد ربنا عالم"
"سعاد" بمناسبة ناديه جايلها عريس وانا مرحبه بيه
"وهى موافقه يا ماما"
"وهى البنات ليهم رأى يوافقوا ولا لاء"
"منال بأستغراب" طيب بعد اذنكوا انا هدخل المطبخ
"سعاد" ماشى وانا جايه وراكى اهو
"وليد بعينه على منال لحد ما دخلت المطبخ.. وبعدين يا ماما كملى "
"اختك بتحب اللى اسمه هانى يا وليد استنى اخد رأيها فى حاجه دى دا
جالها لحد فرحك ووقفت تتكلم معاه"
"ما تسيبيها تاخد اللى بتحبه ياماما حرام والله"
"بقى فى راجل عنده نخوه يقول كده ازاى تقبل اختك تحب وتمشى مع
واحد مش خايف يضرها"
"لاء يا ماما مش خايف علشان انا عارف ان اخواتى متربيين "
"ماشى بس متقبلش انهم بردوا يحبوا عيب مش احنا يا وليد ويلا بقى
اطلع لمراتك ميصحش كده"
"لاء الاول نخلص موضوع ايمان" سيبيها يا ماما تختار حياتها وتبقى هى
المسؤوله حرام تضيعى احلامها"
"لاء ملكش دعوه انت بقى "
"ليه انا مش اخوها"
"اخوها بس كلامك مش عجبنى ازاى انت ابنى بس"
"ليه يعنى علشان بقولك سيبيها تعيش حياتها "
"اه انا معنديش بنات للحب والمرقعه ويلا ميصحش تسيب مراتك كل ده"
"حاضر خلاص طالع "
.........................................................................................................
...........................
"على قاعد على مكتبه مبسوط "
"عمار من على المكتب المقابل ليه"
"ها يا علوه المكتب حلو ومستريح"
"بصراحه جدا جدا يا عمار بصراحه كتير الف خيرك"
"لاء والمديره بعتتلى تشكرنى ان وظفتك شكلها اتبسطت منك يا عم "
"هى لسه شافت شغلى "
"لاء ما هى بتعرف الشخص من شكله وطريقة كلامه زكيه جدا بكره تعرفها"
"لاء ما هو واضح عليها"
"طيب يلا خد يا عم شويه الدفاتر دوول ظبط حساباتهم "
"كل دووول !!"
"ايه كتير"
"بالنسبه لاول يوم كتير يا عمار بصراحه"
"ما هو لازم نشوف همتك اقولك سر"
"ها"
"كل واحد جديد بنعم لمعاه كده وانا كمان اتعمل فيا كده بيشوفوا مدى
سرعته ودقته"
"ماشى ربنا يقدرنى "
.........................................................................................................
.....................
"جميله واقفه فى المطبخ مع طلوع وليد"
"وليد داخل سامع خبط فى المطبخ عرف ان جميله صحيت"
"جميله بتخرج على قفل الباب" جيت يا وليد الفطار على السفره"
"وانتى بتعملى ايه"
"بعمل الشاى بس"
"ماشى وراح وليد بص على السفره اكل جميل"
"بصوت عالى يبسط بيه جميله ويثنى على جمال السفره" وااااو ايه
الحاجات الحلوه دى "
"بجد عجبـــك "
"اه والله جميل يلا تعالى "
"بتروح جميله وبتحط صينيه الشاى على التربيزه"
"بتقعد جميله ووليد على الكرسى المقابل فى السفره بقت العيون
متقابله"
"وليد بياكل بشهيه مفتوحه"
"جميله بتبصله مبسوطه "
"احم احم"
"ايه يا جميله عاوزه تقولى حاجه"
"بصراحه انا حابه اوى اشكرك "
"تشكرينى على ايه"
"على الحنيه اللى شوفتها معاك دى انا كنت بصراحه يعنى "
"ايه كملى "
"كنت واخده منك موقف وكنت من جوايا مش ريداك انى اى واحدِه فى
مكانى واحد يجولها انا مش عايزك ويفضل يجولى انتى لازم تتغيرى انت كنت لازم تكون رايدنى علشان انى كلى وانى اللى احب اتغير علشان بحبك"
"وليد بيبصلها بأستغراب" انا اسف بس فعلا مكنتش اقصد اوصلك كده بس
انا محبتش اكدب عليكى "
"لاء ياريتك تكذب عليه بس متجرحنيش "
"انا اسف والله مكنتش متخيل ان كده بجرحك اصلك مبتبينيش"
"علشان انا محبش تحسنى جليله فى عينيك "
"خلاص هنفتح صفحه جديده وانتى اعملى اللى انتى عاوزاه"
"ربنا يخليك صفحه جديده من كله يا وليد "
"مش فاهم"
"يعنى فى كل همسه وكل نظره وانا هتغير علشانك وانت تراعى شعورى "
"حاضر بس انا فعلا بحاول اعمل كده "
"انا عارفه ومجدره"
.........................................................................................................
.......................
"ايمان وهانى فى الجامعه"
"انا اسفه اوى يا حبيبى معرفتش اخرج خالص امبارح ماما مرديتش ولسه
هتقوله اللى حصل سكتت علشان متموتش فرحته"
"انا هسافر النهارده بليل هتوحشينى "
"بدموع" انت اللى هتوحشنى اوى يا هانى "
"بتدمعى ليه بس"
"علشان هتوحشنى اوى بجد"
"انا اللى على اد ما انا مبسوط ان اخيرا احلامنا هتتحقق بس صعبان عليه
اوى ابعد عنكوا "
"معلش يا حبيبى هانت فتره صغيره وهترجع ويارب نبقى سوا "
"ان شاء الله هتستنينى يا ايمان اوى ارجع مش الاقيكى "
"هستناك يا هانى لحد اخر يوم فى عمرى مهما يحصل "
"ربنا يديكى طوله العمر ونفرح سوا ونعيش احلى عمر ان شاء الله"
"ان شاء الله يا حبيبى "
.........................................................................................
"منال واقفه فى المطبخ مش قادره تشم ريحة الاكل "
"ايه يا بنتى مالك"
"مافيش يا ماما بطنى بتوجعنى شويه "
"لتكونى واخده برد"
"لاء انا حامل"
"بجد يادى الهنا بجد حامل كده ومتقوليليش "
"ما انا مقولتش حتى لـ على "
"اخص عليكى كده متفرحيهوش ..ليه كده لاء ملكيش حق"
"استنى بس يا ماما "
"ايه"
"على كانت ظروف شغله مش مظبوطه مكنش ينفع احمله همى انا واللى
فى بطنى كمان قولت استنى لما ظروفه تتحسن واروح اكشف انا جبت
تحليل واتأكدت مستنيه نروح نكشف واشوف فرحته بعنيه وهو فرحان ان
حامل مش عاوزه اضيع اللحظه دى ووحياتى متقوليلوش "
"والله هى كده ماشى ربنا يسعدك بس دى حاجات يعنى ملهاش لازمه"
"نفسى اشوف فرحته اوى يا ماما "
"رومانسيه حالمه"
.........................................................................................................
.........................
"على بيخلص كل الدوسيهات فى ما يعادل ساعتين "
"ايه خلصت"
"اه يا عمار ها وقت قليل ولا كتير"
"دا حلو جدا اشطه ياعم انت كده غلبتنا كلنا "
"والله مبحبش اتكلم عن نفسى كتير"
"لحظات وبتعد المديره"
"ايه يا شباب خلصتوا "
"اه على خلص كل دوول فى ساعتين بس"
"والله دى حاجه كويسه وبنظره لـ على انا عمرى نظرتى ما خابت"
"عمار" طبعا حضرتك دايما نظرتك دايما فى محلها "
"ميرسى ...وبتوجه كلامها ايه يا استاذ على مبسوط بالشغل معانا "
"اه مبسوط الحمد لله "
"الحمد لله لو احتاجت اى حاجه انا موجوده وبأحراج واستاذ عمار وكل
المحاسبين "
"شكرااا"
"يلا اسيبكوا انا يلا ربنا معاكو"
"يارب "
"بعد خروجها من المكتب "
"عمار بضحك "
"ايه يا بنى بتبصلى كده ليه وبتضحك على ايه"
"انا بس مستغرب دى جت لحد هنا علشانك "
"علشانى ازاى مش فاهم"
"علشان تشوفك ودى عمرها ما عملتها مع حد قبل كده ابدا "
"عادى يعنى متكبرش المواضيع"
"اكبر ايه انت مشوفتهاش لما احرجت وخرجت"
"لاء مشوفتش "
"طيب ابقى البس نضاره بقى "
"يلا يا عمار شوف شغلك"
"حاضر يا سيدى ناس ليها حظ وناس لو عملت ايه بردوا مش هتعمل حاجه
ما انا واد حليوه وزى القمر اهو مش انت يا متجوز البنات اتحولت ولا ايه"
.........................................................................................................
..............................
"وليد بيقرب من جميله بحب" انا حاسس ان بشوفك من جديد يا جميله"
"يعنى احلى ولا اوحش"
"لاء احلى شايف جواكى اكتر "
"ودا اللى بتمنى تشوفه فيا علشان تعرف اد ايه انا بحبك "
"شششششششش عيشى معايا بس اللحظه دى "
"حاضر"
.........................................................................................................
..............
"على بيرجع من الشغل على مامته"
"سعاد بتخرجله بفرحه" ازيك يا حبيبى
"الحمد لله بخير يا ماما "
"منال بتخرج بسرعه" جيت يا على
"اه يلا همووت وارتاح شويه "
"طيب ما تقعدوا تتغدوا معانا "
"لاء يا ماما انا مجهزه لـ على الاكل قبل ما انزل يدوب هسخنه بس"
"ماشى ربنا يسعدكوا وبتبص لعلى بفرحه"
"انتى مبسوطه اوى ليه كده يا ماما "
"بتبص لمنال"
"منال بنظرة ترجى "
"مافيش يا حبيبى مبسوطه بيك ربنا يفرح قلبك دايما يارب"
"على بيقرب من سعاد وبيبوسها من جبينها " ربنا يخليكى لينا يا ماما يارب
"ويخليكوا ليا واشوف ولادكوا وولاد ولادكوا يارب"
"منال بأستعجال" يلا يا على زمانك تعبان وعلشان تحكيلى عملت ايه فى
الشغل
"حاضر"
.........................................................................................................
..............
"سعاد بتدخل لناديه "
"ايه يا بت انتى لسه نايمه احنا بقينا العصر"
"ليه بس صحتينى يا ماما انا كنت بحلم حلو اوى "
"حلم ايه يا حبيبتى ان شاء الله"
"ها لاء مش فكراه"
"طيب يلا قومى"
"ناديه بتغمض عينيها تانى وبتشوف صورة وائل بتبتسم وبتحضن المخده
اقوى "
"يلا يا بت قومى هوى اوضتك دى "
"حاضر يا ماما والله هقوم اهو "
.........................................................................................................
.................
"على ومنال بيدخولوا شقتهم "
"هى ماما متعرفش ان استلمت شغل جديد"
"لاء ماهو محدش حس انك اصلا قعدت من انشغالهم فى فرح وليد وجميله
فا متكلمتش انا بقى "
"كده احسن "
"ها طمنى اتبسط"
"اوى بس المديره بتاعة الشغل دى مش مريحانى كده "
"مش مريحاك ازاى داك ويس انها مديره مش هتكون صارمه يعنى "
"هى فعلا شكلها طيب بس مش عارف مش مرتاحلها ليه"
"هى كبيره اوى "
"بالعكس دى ادك فى السن "
"ياااه والله كوي انها صغيره كده ووصلت بالسرعه دى "
"اه وشكلها واثق فى نفسها كده "
"احنا هنقضى اليوم على المديره انا هدخل احضر الاكل علشان تنام شويه
وننزل سوا بليل"
"ننزل نروح فين "
"نشوف ابننا "
"ايه !!"
"ايه ابننا او بنتنا يعنى على حسب النوع بقى انت نفسك فى ايه "
"على بعد ما كان متوجه لاوضته رجع تانى بفرحه" انتى حامل يا حبيبتى
حامل
"بأبتسامه " ايوه بقالى اسبوعين عارفه
"اسبوعين ومقولتليش"
"ما انا مكنش ينفع اقولك واحملك الهم وانت ظروفك متلخبطه كده "
"انا بموووت فيكى انا بجد والله بقول انك كتير اووووووى عليه وفعلا انتى
كتير عليه "
"لاء يا حبيبى انا مش كتير انت بس اللى طيب وبتتراضى بأقل حاجه "
"لاء انتى اللى جميله زياده جوه وبره"
"لاء انت علشان بتحبنى بصراحه"
"هانفضل نقول انا وانتى وشالها ولف بيها .. انا اســــــــــــــــــــعد انسان
فى الدنيا يا ناس الحمد لله يارب الحمد لله"
.........................................................................................................
............................
"وليد نايم جمب جميله على السرير"
"جميله بأيديها على وشه برقه " انا بحبك اوى يا وليد يارب تحبنى ربع ما
بحبك بس
"وليد سامعها وعامل نفسه نايم نفسه يسمعها للاخر"
"انا ازاى كنت بفكر ابعد عنك ازاى كنت هتخيل نفسى مع غيرك انا بجد ليك
انت وبس جميله اتخلجت علشان تكون لـ وليد وبس ربنا يجدرنى واسعدك
واتغير علشان تحس انك اخترت انسانه بجد"
.........................................................................................................
..............................
"هانى بيودع ايمان "
"هتوحشينى اوى يا ايمان استنينى اوعى تخذلينى يا ايمان "
"عمرى ما هخذلك يا هانى يوم ما ابقى لغيرك هيكون اخر يوم فى عمرى "
"هتوحشينى بس وحياتى عاوز ابقى اسمع صوتك اول ما اسافر هتصل
بيكى خليكى دايما متابعه التليفون فى اليومين الجايين "
"حاضر وبدمووع اقوى هتوحشنى اوى "
"بحبك "
"وانا والله اوى خلى بالك من نفسك"
"هخلى بالى وانتى خلى بالك من قلبى دا امانه بين ايديكى اوعى
تجرحيه يا ايمان اوعى "
"حاضر"
.........................................................................................................
.......
"وليد بيخرج من الشقه بيفكر ينزل "
"افتكر مامته انت زهقت ونازل ليه فقرر يطلع السطح احسن من الكلام
الكتير"
"بيبص على كل ركن بيدور على حاجه يقعد عليها "
"لحظات وشاااف
........................................................ يتبع
ليست هناك تعليقات:
إرسال تعليق