وليد بيخرج من اوضته فى نفس لحظه خروج جميله من اوضتها"
"جميله بتبصله بحب ممزوج بعتاب"
"وليد صعبان عليه جميله وفى نفس الوقت مش قادر يحسها"
"جميله بتقرب منه" انته مش جايلكِ نوم زيي
"اه تعالى يا جميله نتكلم شويه"
"بفرحه " حاضر
"جميله قاعده هى ووليد فى الانتريه هو قاعد على الكنبه فى وسط الاوضه وهى قاعد على الكرسى اللى جمب الباب"
"مالك انتى ليه زعلانه اوى كده "
"انا مش حاسهِ بحبك ليهِ مش عارفِه ليه وكنت حاسهِ يعنى انك خزيان منى النهاردِه انى عملتلك حاجه"
"جميله بصى احنا اتفقنا اننا هنحاول صح "
"ايِوه"
"طيب وانتى عاوزه تكملى معايا"
"لاء انى مش مهم المهم انتهِ عايزنى ولا لاء"
"انا بصراحه"
"ضربات جميله بتسرع وقلبها بينقض مع عرق واضح على جبينها" انته ايهِ جول"
"انا مش قادر اكمل مش حاسس اننا ممكن نكون زى بعض وفى نفس الوقت خايف من خسارة عيلتنا لبعض لما انا اروح اقول كده "
"جميلِه" ايوه انى كمان كنت حاسه كده بردك
"يعنى ايه مش عاوزه تكملى معايا بردوا"
"اه انا عارفِه اننِا لو كملنه سوه مش هننجح فى حياتنا"
"ايوه بالظبط يا جميله انا كمان بتكلم علشان كده والله انا بحترمك اوى وبقدرك علشان كده صعبان عليه اعيش معاكى واظلمك معايا وانتى متستاهلين كده"
"وهى بتحاول بتحبس دموعها" خلاص يا ابن عمتى وبتمسك دبلتها وبتلعب فيها بتوتر انى بحلك من اى حاجِه بينا وانى اللى هجول لبويا انى مش ريداك
"بس انا مش عاوز اكون جبان واسيبك تتحملى المسؤوليه لوحدك"
"لاء ابويه بيحبنى ولما يعرف ان مش عايزاك مش هيقولى لاء"
"لاء ممكن يتعصب عليكى انا هقول انا كمان لهم الصبح"
"لاء متقولش حاجهِ انى هجول لامى وابويه لما جيت قعدت عندكوا محبتش عيشت البندر وانى مش عايزيه اسيب البلد"
"بتقوم تقف يلا افوتك بالعافيه تصبح على خير"
"وانتى من اهل الخير شكرا يا جميله "
"جميله بتحاول ترسم ابتسامه" تصبح على خير
"وانتى من اهله"
"بتلف جميله وشها وبتتجه لاوضتها وسمحت لدموعها بالانهمار"
"وليد قاعد فى مكانه حاسس بأرتياح ..بس انا بردوا مرتحتش اوى ليه ..يمكن صعبت عليه..بس هى كمان حست احساسى وقالت مش عوزانى "
"جميله بتدخل اوضة البنات وبتتسحب تنام على السرير جمب مامتها حطت دماغها على السرير ودموع بتنزل كتير فى صمت ووجع كاسر قلبها"
.................................................................................
"على بيصحى الصبح وهو بيطبع قبله على خد منال"
"منال بتفتح عينيها بأبتسامه" صباح الخير يا حبيبى
"انتى اللى حبيبتى يلا انا جهزت الفطار"
"ايه الدلع دا لاء انا كده هبوظ بقى واخد عليها"
"حبيبتى انتى خدى عليها براحتك "
"بجد يا على انا مكنتش مصدقه ان هكون بالسعاده دى لما نتجوز"
"وهو انتى لسه شوفتى سعاده وبيمسك ايديها وبيبوسها " اوعدك طول ما انا جمبك هعيش بس علشان اسعدك
"ربنا يخليكى ليا ياااارب "
"ويخليك ليا بتقوم تقعد منال على السرير وهى بتكمل كلامها ..انت مش ممكن تتغير معايا ابدا يا على صح"
"ليه بتقولى كده بس يا حبيبتى"
"بصراحه انا خايفه من ماما سعاد تخليك تتغير من نحيتى وخصوصا انها مبتحبنيش اوى "
"لاء مين قالك كده يا حبيبتى ماما بتحبك جدا بس هى اللى مش بتعرف تتعامل معلش يا منال علشان خاطرى انا استحمليها ومتزعليش منها ولو غلطت فيكى سامحيها "
"انا هستحملها وعمرى ما هزعل منها وانا كفيله اخليها تحبنى انا خايفه منك انت حبك يقل من نحيتى "
"بكره الايام تثبتلك انه دايما هيزيد مش هيقل "
"يارب ربنا يخليك ليا "
"طيب ايه"
"بأبتسامه خجوله " ايه انت
"شوفتى دماغك راحت شمال ازاى على فكره انا اقصد الفطار"
"رخم على فكره انا كمان اقصد الفطار"
"يا شيخه عليه بردوا"
"الله بقى والله انا زعلانه منك"
"زعلانه ايه بس تعالى هنا "
.........................................................................
"جميله بتقوم اول واحده بتجهز فى هدومها"
"تهانى " بت يا تهانى يلا تعالى علشان الوكل
"لاء مالياش نفس انى عايزه نمشى منى هينه"
"ما اِحنا هنمشى بس انتى ليه مستعجِله كدِه انى بقيت اقول انك مش هتبقى عاوزه تمِشى وترجعى معانا الدار "
"انى زهقت ومحبتش العيشه هينه اتخنجت معرفش ليه ياما ياريت تجولى لبويا يجول لعمتى انى مش عايزه وليد"
"انتى بتجولى ايه دا بوكى يجتلك"
"يعنى يجتلنى علشان مش عايزه اتجوز وابعد عن البلد ولا عنك انتى وبوى"
"لاء هو هيجول كان كلام عيال والعيله كلِتها والبلد كلها دا انتوا كتبت كتابكوا بعد امتحنات اصمله عليه وليد"
"وانى ياما مش عاوزاه"
"لاء بجه يبجى حد عمل فيكى حاجه هو زعلك "
"لاء محدش كلمنى دى حتى جدتى سعاد طيبه جوى وهما كلهم طيبين بس مش هجدر اعيش هنِه انى عارفه وحياة ربنا ياما اجفى جمبى "
"حاضر يا بنتى هجف"
"سعاد بتدخلهم الاوضه" ايه يلا الاكل هيبرد "
"جميله بتمسح دموعها"
"سعاد لاحظتها" هو فى ايه بتعيطى ليا يا جميله
"تهانى " معلش يا عمتى اصلها بطنها بتوجعها شويه وعايزه تروح الدار
"ايه دا ليه يا جميله مش هتقعدى معايا يومين "
"جميله بتعيط تانى" انى عاوزه امشى يا جدتى معلش
"بأستغراب" جدتى ليه رجعتى تقولى جدتى يا جميله
"معلش "
"دخلت سعاد وقفلت الباب عليهم" لاء ما انا لازم افهم ايه اللى حصل
................................................................................
"وائل داخل المستشفى "
"دخل وقف ادام مكتب موظفة الاستقبال"
"بخوف ورعشه واضحه"لو سمحتى تحاليل وائل صلاح طلعت
"ثوانى " دورت الموظفه فى الاظرف اللى اقدامها" ايوه اتفضل
"طيب لو سمحتى هى النتيجه سالب ولا موجب"
"حضرتك اتفضل الاوضه عند الدكتور وهو هيقول لحضرتك "
"بيتجه وائل للاوضه وجسمه بيتنفض"
...............................................................
"وليد بيخرج من اوضته وواضح عليه عدم النوم طول الليل"
"محمود" عجبالك يا وليد انتى وجميله بنتى ان شاء الله كانت ليله حلوه
"وليد بيبتسم وبيلتزم الصمت"
"بكر" يلا يا محمود هنتأخر يابنى على الارض والمواشى زمانها ظمجانه"
"حاضر يابا يلا هنادى لتهانى وجميله "
"وليد واقف بيبص على محمود وهو متجه لـ اوضة جميله عاوز يشوفها وهى خارجه "
"محمود بيخط" بت يا جميِلهِ وانتى يا تهانى يلِه اتأخرنه
"سعاد بتفتح الباب" معلش يا محمود بيلبسوا وخارجين اهم
"ماشى بس خليهم ميعوقوش "
"ماشى ودخلت وقفلت عليهم تانى"
"وليد واقف الفضول هيجننه عاوز يفهم ايه اللى بيحصل وبيقولوا ايه"
.....................................................................
"سعاد بترجع لجميله" ايه احكيلى بقى بسرعه ايه اللى جد من امبارح للنهارده شقلب حالك كده
"تهانى بتبص لجميله بتبرقللها متكلمش"
"جميله" مافيش حاجه انا بس تعبانِهَ شويهِ وعايزِه اروح البلد
"لاء ما انا مش هسيبك تمشى غير لما اعرف فى ايه"
"سعاد لتهانى" اخرجى انتى يا تهانى لهم علشان ميحسوش بحاجه واحنا هنخرج وراكى
"تهانى ببصه لجميله تحذير" حاضر
"سعاد بتقرب من جميله وبطبط عليها بعد ما تهانى خرجت" فى ايه يا حبيبتى ايه اللى حصل
"جميله بتصميم" مافيش والله انى كويسه بس انى محبتش العيشه هينيه وعايزِه امشى اصلنى مش عارفه اخد على جو البندر ديه مخنوجه كده ومش قادره اخد نفسى مش هاعرف اعيش هينيه
"ووليد مش انتى بتحبيه هتقدرى تنسيه بسرعه كده"
"بندم ضعفها امبارح واعترافها لسعاد بحبها لـ وليد "اه يا عمتى انى بصراحهِ مش حاسه انى هقدر اعيش معاه "
"لاء كده بقى يبقى اكيد حاجه جديده حصلت احكيلى يا حبيبتى ايه اللى حصل "
"جميله بصلابه مافيش يا جدتى انا حسيت ان مبحبوش وخلاص مش عايزاه"
"اخص عليكى يا جميله انا كنت بحب ماما اوى منك "
"خلاص هجولك ماما بس مش عايزاه ماشى "
"طيب وهتقولى ايه لاهلك مش هيسكتوا يا حبيبتى "
"انى لما اروح هتصرف معاهم"
"انا بحبك يا جميله وعلشان كده مش هغصبك على ابنى اللى انتى عاوزاه اعمليه وربنا يسعجك"
"شكرا"
..............................................................................
"وائل قاعد اقدام الدكتور وهو بيفتح فى الروشته "
"ها يا دكتور طمنى "
"اممممممممممم"
"بأسى متأخر اوى "
"انت ربنا نجاك يابنى انت مش مريض ايدز بس ياريت تعرف ان ربنا وقف جمبك وبلاش علاقات تانى انت لسه صغير "
"بجد انا مريض بجد "
"ايوه مش مريض واحمد ربنا دا كان اختبار ليك"
"الحمد والشكر لله الف حمد وشكر ليك يارب يعنى انا مش هموت وهجوز اخواتى انا مش هموووت "
"الحمد لله ربنا يديك الصحه "
"بفرحه "ربنا يخليك ياااارب ربنا يخليك وبيقوم يقف.. انا مبسوووط اوى وانت احسن دكتوور فى الدنيا كلها ربنا يخليك يارب ربنا يخليك"
"الدكتور بيبتسم على فرحة وائل والسعاده اللى مخلياه مش عارف يجمع"
....................................................................................................
"جميله بتفتح الباب الاوضه هى وسعاد وبيخرجوا "
"وليد اول ما الباب اتفتح بص على جميله بفضول شافها صعبة عليه واضح انها طول الليل بتبكى ودا واضح على عينيها "
"جميله ماشيه وهيا بتحاول متبصش فى اتجاه وليد ابداً"
"وليد قاعد صعبان عليه انه كسرها كده رغم كلامها انها مش عاوزاه بس اللى شافه عكس كده"
"وليد حزم قراره وقرب منها " جميله ممكن اتكلم معاكى كلمتين
"جميله وبصوت ضعيف ومن غير ما تبص ليه" معلش انا عايزه امشى يلا يابا يلا ياما
"الكل بينتبه لجميله" اه يلا بس تعالى كوليلك لجمه
" مش جعانِه"
"وليد بينسحب علشان محدش يلاحظ بس سعاد اخدت بالها منهم والتزمت الصمت"
.......................................................................................................
"جميله راكبه الميكروباص اللى جه اخد العيله كلها من بيت سعاد وراكنه بدماغها على الشباك وكل ما دمعه تغلبها وتنزل تلحقها بسرعه وتمسحها قبل ما حد ياخد باله"
"بنت عمها" ايه يا جميله ساكته ليه ما تيجى نغنى سالمه يا سلامه
"لاء مش جادره غنى انتى يله "
"الكل " سلامه يا سلامه روحنا وجينا بالسلامه
"جميله جواها جرح كاسر قلبها الموت اهون من احساس قلبها ندمانه انها مش هى اللى نهت من الاول وهو اللى نهى"
"تهانى قاعده ورا جميله خايفه من اللى هيحصل لما محمود يعرف ان جميله مش عاوزه وليد"
...........................................................................................................
"سعاد بعد ما الكل مشى واقفه هى وبناتها "
"يلا روقوا البيت قبل ما اهل منال يجوا يجيبوا الصباحيه وانا جيالكوا اهو"
"ناديه لايمان" دا احنا هنشتغل شغل الا ما حد فيهم فكر يساعدنا قبل ما يمشوا
"ايمان" انا هدخل اغير الملايات الاول
"طيب "
,,,,,,,,,,,,,,,,,,,,,,,,,,,,,
"وليد قاعد فى اوضته بيروء فيها وبيشوف كتبه اللى على المكتب"
"بتدخل سعاد"
"وليد"
"نعم يا ماما "
"انت قولت ايه لجميله"
"كل حاجه يا ماما وقولتلها ان مش قادر اكمل معاها "
"ليه عملت كده مش حرام عليك تكسر بقلبها"
"مش احسن ما اخلى بيها بعد ما اتجوزها او اعيش معاها وانا مش عايزها"
"حرام عليك دى شكلها نامت معيطه طول الليل "
"وانتى زعلانه عليها اوى ومش خايفه من اهلك يعنى بفتكرك هتثورى "
"لاء انا متأكده ان جميله مش هتجيب سيرة انك مش عاوزها هى هتقول على نفسها شكلها اصلا مش عايزاك هى كمان "
"لاء انا اتأكدت انها كانت عايزانى من عينيها الورمه دى لو مش عاوزانى ولا كنت هفرق معاها"
"ودا مشفعلهاش عندك تفكر تحبها وتاخد اللى بتحبك"
"وليه افكر كده انا لسه صغير وهى كمان واحسن ما تظلم معايا "
"خلاص اللى يريحكوا بقى انتوا تعبتونى بس بردوا البت صعبانه عليه"
"فى سره" والله وانا
....................................................................................
"وائل بيدخل بيتهم وهو مبسوط اوى ودا واضح عليه"
"ماماااااااا سالى انتوا يا بنات "
"الام بتخرج من المطبخ والبنات من اوضهم"
"وائل بيجرى على الام" انتوا وحشتونى اوى وبيحضنها جامد
"البنات واقفين بيضحكوا على وائل وهو بيحضن مامتهم وبيبوسها "
"الام" ايه يابنى ربنا يفرحك براحه دوختنى
"بيجرى وائل على البنات وبيحضن فيهم " انتوا وحشتونى اوى انا جعان وعاوز ناكل كلنا سوا ممكن
"الام" يا حبيبى فى دقيقه بس ايه اللى باسطك كده
"انا طول ما انا معاكوا وانتوا كويسين انا مبسوط"
"ربنا يبسطك دايما يا حبيبى يارب "
"واجيبلكوا كل اللى نفسكوا فيه واقدر اسعدكوا يارب "
"ربنا يفرح قلبك "
"انا نفسى اشوف وليد هتصل بيه"
"سالى" وليد مين
"وليد صاحبى اللى من ايام الثانوى "
"وليد اه ..وبفرحه ..هو فين صحيح مش بيجيلك خالص ليه"
"لاء ما انا هقوله يبقى يجى يتغدى معايا يوم "
"ان شاء الله يشرف يابنى ويسعدك كده على طول يارب"
"سالى بفرحه" حمد لله على السلامه يا وائل انت كده لسه راجع من ليبيا
"ايوه فعلا انا لسه راجع للدنيا مش من ليبيا بس "
..................................................................
"ايمان بتخرج من اوضتها " ماما
"سعاد" فى ايه
"الدبله والخاتم بتوع جميله شكلها نسيتهم على التسريحه"
"سعاد" طيب هاتيهم يا ايمان
"اتفضلى "
"بتاخدهم سعاد وهى زعلانه لا حول ولا قوة الا بالله "
................................................................
"جميله بتدخل على اوضتها اول ما دخلت على طول "
"بكر لتهانى " بنتك مالها يا تهانى شكلها متغير ليه
"محمود" متهيقلك يابا مش هى كويسه يا تهانى
"تهانى بتبص ليهم وبتسكت"
"بكر بيبص لتهانى " انا جولت البت دى فيها حاجه ايه مالها
"محمود"ايه يا نهانى ما تجولى بنتك فيها ايه وبصوووت عالى جمـــــــــــــــــيله "
"جميله بتيجى تجرى وهى بتمسح دموعها" نعم
"مالك ايه اللى امك مش راضيه تجوله جولى فيكى ايه"
"جميله بتبص لتهانى وبتروح تتحامى وراها" انى مش عايزه وليد
...................................................يتبع
ليست هناك تعليقات:
إرسال تعليق