ناس كتير قاعده على كراسى فى فرح ريفى وعينيهم على عروسه وعريس قاعدين على مسرح ورقاصه تتمايل على كل من العروس والعريس
من على احد الكراسى "الجد بكر بيميل على الاخت الصغرى له "سعاد" سعاد ياختى عاوزك فى كلمتين
"سعاد" تحت امرك وقامت وراه دخل اوضه ووقف على بابها ... داخلها وبص بره وقفل ودخل وراها
"سعاد من اسلوبه الغريب اصابها نوع من الفضول والشغف من اللى ممكن يطلبه اخوها بعد كل السريه دى"
"خير يا بكر هو فى حاجه يا اخويا "
"نظرة وجه بيحاول يخف من حدته وبدأ يتكلم" بصى يا سعاد يا ختى انا عاوز اجوز جميله بنت ابنى لوليد ابنك علشان نقوى العلاقه بينا ويفضل الود شغال على طول
"سعاد بدهشه" وليد ابنى دا لسه صغير اوى على ان افكر اجوزه يا بكر يا اخويا
"بأبتسامه "ماهى البت كمان صغيره وهتستناه متقلقيش
"بقلق من زعل اخوها" وانا ملاقيش احسن من جميله لابنى بس اخد رأيه
"وهو ممكن يقول لاء يعنى يلا على بركة الله وبيخرج من الاوضه مبتسم"
"بتقوم سعاد بسرعه تلحقه" استنى بس يا بكر
"بكر لابنه اللى مقابله فى الطرقه " محمود يا بنى سعاد طلبت جميله بنتك لابنها وليد وانا وافقت
"محمود بأبتسامه " وانا ملقيش احسن من وليد ابدا كويس عيشت المدينه مغيريتوش وقال اخد بت من البندر
"سعاد بأحباط وخوف" ليه هو احنا نلاقى احسن من جميله يا محمود بس ابنى لسه صغير ناخد وقتنا بس
"محمود" اه ما جميله هى كمان لسه فى سنه تانية وهتاخد الدبلوم علشان تبقى متعلمه زيه
"سعاد بضيق" ربنا معاها وفى سرها "ربنا يستر بقى من اللى ممكن يعمله وليد ايه التدبيسه دى بس يارب
.........................................................................
"تانى يوم سعاد بترجع بيتها بتدخل بتخرجلها الابنه الكبرى "
"جيتى يا ماما حمد لله على السلامه"
"سعاد بتدخل الشقه وهى بتشيل الطرحه اللى خنقتها من كتر الحر" الله يسلمك يا ايمان اخواتك فين يخرجوا يشيلوا الحاجات اللى جيباها معايا من المدخل"
"مش هنا على ووليد خرجوا يشتروا هديه لـ منال على بقالهم ساعه"
"اه طيب هاتيلى بوء مايه وانا هخرج اشيلهم فى بط وفراخ هيبوظوا والعيش ومش مهم الرز اهو يتساب لما يجوا يشيلوا الشكاره براحتهم "
"بتجرى ايمان وبتجيب لمامتها كوباية المايه "لاء يا ماما خليكى انا هدخلهم
"ماشى يا بنتى بس خلى بالك عندك علبه فيها بيض لتقع منك"
"حاضر"
"سعاد بتدخل اوضتها وعينيها على صوره فى الحيطه" الله يرحمك يا ابو على سبتنى اشيل الهم لوحدى وارتاحت"
"بتدخل ناديه لسعاد "البنت الصغرى"
"ماما "
"سعاد فى عالم تانى "
"يا ماما سرحانه فى ايه"
"مافيش يا حبيبتى معاكى اهو "
"وحشتينى اوى يا ماما متسافريش البلد تانى وتسيبينا "
"حاضر ما انا قولتلك تعالى معايا"
"اه علشان كل ما اجى يجيلى عريس "
"معلش يا حبيبتى هما هناك بيتجوزوا صغيرين كده "
"بس انا عاوزه ادخل جامعه وبعدين مش عاوزه اتجوز فى البلد"
"ماشى يا حبيبتى هرتاح شويه وساعدى اختك فى توضيب الحاجه "
"حاضر"
...........................................................................................
"وليد شاب طويل وعريض ملامحه صغيره وعينيه واسعه وجميله وعميقه جدااا فى نفس الوقت "
"على ماشى فى السوق وبيشد وليد من دراعه"
"بضحك" يا عم كنت سبتنى دى البنت كانت هتموت عليه شوف كانت بتبصلى ازاى
"لاء انت بس اللى عينك بتسبل لوحدها لازم تفضل تبصلك"
"طيب ما تخليك جدع وتعالى نرجعلها"
"يا اخى يلا بقى اخر مره اخرج معاك اصلا"
"ليه بس دا حتى انا جميل"
"لاء انت مغرور وربنا هيوقعك فى شر اعمالك ان شاء الله"
"يا سيدى وانا اعمالى ايه مبضربش حد على ايده وقوله حبنى البنات هى اللى بتجرى ورايا"
"ماشى يا عم روميو ممكن نمشى بقى اتأخرنا"
"يلا انت كده طول عمرك واقفلى فى المشاعر الانسانيه البحته"
"بحته...ماشى يلا يا مشاعر بحته"
......................................................................................
"بتمر الايام وسعاد كل ما تفكر تفتح موضوع جميله تخاف وتسكت تانى "
"وليد فى اوضته هو وعلى قاعد فيها لوحده على سريره وماسك التليفون" اذيك يا حبيبى
"اذيك يا رشا عامله ايه "
"تمام انت مبقتش بتطلع ليه على السطح وحشتنى اوى "
"وانتى كمان ماما كل شويه تقولى انت بتطلع ليه ولمين مش عارف بفكر اعمل برج حمام على السطح علشان ابقى براحتى ومتقوليش طالع ليه "
"برج حمام والجامعه انت مش واخد بالك انك المفروض تذاكر كلية زراعه صعبه"
"اعمل ايه بفكر فى حاجه اعملها علشان اطلع براحتى مش عاوز ماما تعرف اننا بنحب بعض هترفض الموضوع ماما وعارفها دا احنا عملنا افلام علشان متعرفش ان على كان يعرف منال ماما عاشت فى المدينه بس له بتفكير وحياة الشرقى للاسف "
"اه ما انت قايلى والله يا وليد حقها طنط صح البنات فعلا بقوا وحشين وبتكلموا مع بعض لمجرد انها عاوزه تحب وخلاص لكن انا فعلا بحبك ومتأكده بحبك ليا والا مكنتش سمحت اننا نتكلم سوا "
"انا عارف يا رشا بس ماما متعرفش خلاص سيبك بقى"
"ماشى يا حبيبى يلا اسيبك تذاكر وبكره طنط تعرف ان مش كل البنات زى بعضها وانسى موضوع البرج دا انا عاوزه وليد يبقى معيد فى الجامعه ماشى "
"ماشى "
...............................................................................................
"جميله لابسه يونيفورم المدرسه ومعاها اتنين اصحابها وواقفين مستنين السرفيس يوديهم للمدرسه"
"ووليد دا شكله ايه بقى"
"جميله بفرحه" قمر قمر انا مش مصدقه انه بجد عاوز يتجوزنى انا لحد دلوقتى حاسه ان بحلم
"يا بختك قمر وهتعيشى فى المدينه وتترحمى من الارض والبيت والخبيز والعيشه البهدله دى يارب اوعدنى بواحد زى دا"
"والله لو منين كنت هتجوزه بردوا واعيشله جاريه انتى متعرفوش وليد دا عامل ازاى اول مره شوفته وانا روحى اتخطفت من يومها وانا مبشوفش حد غيره قمر قمر قمررررررر يا ناس "
"ربنا يسعدك يا بنتى والله انتى تستاهلى كل خير"
"اه دى خايبه ولا عمرها لا راحت ولا جيت ربنا يسعدك"
"انا هبقى سعيده طول ما انا جمبه بس "
"جه السرفيس والكل بيتلاحق يركب قبل ما المكان ينفذ"
"دخلت جميله وقعدت جمب الشباك وابتسامتها مبتفارقش وشها "
...................................................................................................
"على قاعد مع خطيبته فى بيتها "
"ايه يا حبيبتى مالك بس"
"ماما يا على مش معاها فلوس البتوجاز وبتقولى مش عارفه تتصرف ازاى وخايفه تجيبه اقساط مع اقساط التلاجه متعرفش تسدهم ومامتك طالبه حاجات غاليه اوى علينا وانا ماما صعبانه عليه وبابا كمان مش مقصر "
"طيب انا معايا 500 جنيه محوشهم محدش يعرف عنهم حاجه خديهم واديهم لمامتك تجيب التلاجه "
"وانت يا على وحاجتك انا عارفه انك بتعمل الاوض لاء مش هخدهم انا هنزل اشتغل مع الكليه واساعد بردوا "
"شغل لاء يا منال انسى ان هسيبك تشتغلى يا تاخدى الفلوس وتخلصى الكلام دا يا تنسى على وكأنك معرفتيهوش "
"بحركه فجائيه بتكتم بوءه بأيديها وبدموع ..هونت عليك يا على "
"انتى اللى استفزتينى يا منال "
"منال بدموع اكتر" وانت لما استفزك لما نتجوز هطلقنى
"انا اسف يا منال انتى عارفه ان عصبى مقصدش بس متقوليش اشتغل تانى"
"حاضر"
"بيمسح دموعها بعينيه " خلاص بقى حبيبتى متنزلش دموع من عينيها الحلوين دول
"بأبتسامه" بجد حلوين
"هههههه انا كنت عارف انك هتسألى انتى طيبه اوى يا منال وحفظت طفولتك دى "
"ربنا يخليك ليا علشان انا معاك بكون فعلا طفله خايفه ابعد عن بابا واخويا وحبيبى"
"وانا يا حبيبتى اسعد انسان فى الدنيا علشان معاكى"
.................................................................
"سعاد بتدخل على وليد اوضته اللى اول ما شافها اتوتر واتكلم بصوت اخشن والتليفون على ودنه ومامته اقدامه ماشى يا عبده هبقى اكلمك تانى ..سلام"
"سعاد بتدخل بتوتر" وليد انا عاوزاك
"خير يا ماما "
"عاوزه نتكلم سوا بس بمنتهى الهدوء "
"قلقتينى خير"
"مافيش قلق بس اخويا بكر عاوز يجوزك لجميله بنت اخوه"
"نعم مين انا ?! ولمين جميــــــــــــله ! بتهزرى صح"
"لاء مبهزرش دا امر واتفرض عليه وانا هناك ومينفعش ارجع فيه "
"يعنى ايه انتى عاوزانى اتجوزها بجد ?"
"وليه لاء كده هنوطد علاقتنا بأهلنا اكتر ويفضل الود بينا شغال دايما"
"لاء يفضل ولا ميفضلش مش ابقى انا الضحيه انا مش هتجوزها لو اخر انسانه على وش الارض"
"لاء هتجوزها يا وليد ودا اخر كلام عندى واعمل اللى انت عاوزه والفرح بعد نتيجة السنه دى "
"سنة ايه بتهزرى انا فى سنه اولى جامعه "
"اعتبر نفسك اخدت دبلوم "
"دبلوم!...انا لو افضل الموت على الجوازه دى انسى "
"لاء اسمع انا مش هخسر اخويا بسبب شغل العيال دا مش كفايه بنت متربيه وهتبقى زى بنتى انا قولت اللى عندى ومش هسمع كلام تانى"
"وانا هسيب البيت خالص ومش قاعد فيها "
"هترجع تانى يا وليد "
"هتشوفى يا ماما هرجع ولا لاء"
"انت عارف ان انا عنيده وممكن اجوزها لـ على وانسيه خطيبته دى بس انت هتخسر"
"على فكره انا ابنك ..وانا عاوز اخسر"
"عارفه انك ابنى وعلشان كده مع السلامه الباب يفوت جمل"
............................يتبع
من على احد الكراسى "الجد بكر بيميل على الاخت الصغرى له "سعاد" سعاد ياختى عاوزك فى كلمتين
"سعاد" تحت امرك وقامت وراه دخل اوضه ووقف على بابها ... داخلها وبص بره وقفل ودخل وراها
"سعاد من اسلوبه الغريب اصابها نوع من الفضول والشغف من اللى ممكن يطلبه اخوها بعد كل السريه دى"
"خير يا بكر هو فى حاجه يا اخويا "
"نظرة وجه بيحاول يخف من حدته وبدأ يتكلم" بصى يا سعاد يا ختى انا عاوز اجوز جميله بنت ابنى لوليد ابنك علشان نقوى العلاقه بينا ويفضل الود شغال على طول
"سعاد بدهشه" وليد ابنى دا لسه صغير اوى على ان افكر اجوزه يا بكر يا اخويا
"بأبتسامه "ماهى البت كمان صغيره وهتستناه متقلقيش
"بقلق من زعل اخوها" وانا ملاقيش احسن من جميله لابنى بس اخد رأيه
"وهو ممكن يقول لاء يعنى يلا على بركة الله وبيخرج من الاوضه مبتسم"
"بتقوم سعاد بسرعه تلحقه" استنى بس يا بكر
"بكر لابنه اللى مقابله فى الطرقه " محمود يا بنى سعاد طلبت جميله بنتك لابنها وليد وانا وافقت
"محمود بأبتسامه " وانا ملقيش احسن من وليد ابدا كويس عيشت المدينه مغيريتوش وقال اخد بت من البندر
"سعاد بأحباط وخوف" ليه هو احنا نلاقى احسن من جميله يا محمود بس ابنى لسه صغير ناخد وقتنا بس
"محمود" اه ما جميله هى كمان لسه فى سنه تانية وهتاخد الدبلوم علشان تبقى متعلمه زيه
"سعاد بضيق" ربنا معاها وفى سرها "ربنا يستر بقى من اللى ممكن يعمله وليد ايه التدبيسه دى بس يارب
.........................................................................
"تانى يوم سعاد بترجع بيتها بتدخل بتخرجلها الابنه الكبرى "
"جيتى يا ماما حمد لله على السلامه"
"سعاد بتدخل الشقه وهى بتشيل الطرحه اللى خنقتها من كتر الحر" الله يسلمك يا ايمان اخواتك فين يخرجوا يشيلوا الحاجات اللى جيباها معايا من المدخل"
"مش هنا على ووليد خرجوا يشتروا هديه لـ منال على بقالهم ساعه"
"اه طيب هاتيلى بوء مايه وانا هخرج اشيلهم فى بط وفراخ هيبوظوا والعيش ومش مهم الرز اهو يتساب لما يجوا يشيلوا الشكاره براحتهم "
"بتجرى ايمان وبتجيب لمامتها كوباية المايه "لاء يا ماما خليكى انا هدخلهم
"ماشى يا بنتى بس خلى بالك عندك علبه فيها بيض لتقع منك"
"حاضر"
"سعاد بتدخل اوضتها وعينيها على صوره فى الحيطه" الله يرحمك يا ابو على سبتنى اشيل الهم لوحدى وارتاحت"
"بتدخل ناديه لسعاد "البنت الصغرى"
"ماما "
"سعاد فى عالم تانى "
"يا ماما سرحانه فى ايه"
"مافيش يا حبيبتى معاكى اهو "
"وحشتينى اوى يا ماما متسافريش البلد تانى وتسيبينا "
"حاضر ما انا قولتلك تعالى معايا"
"اه علشان كل ما اجى يجيلى عريس "
"معلش يا حبيبتى هما هناك بيتجوزوا صغيرين كده "
"بس انا عاوزه ادخل جامعه وبعدين مش عاوزه اتجوز فى البلد"
"ماشى يا حبيبتى هرتاح شويه وساعدى اختك فى توضيب الحاجه "
"حاضر"
...........................................................................................
"وليد شاب طويل وعريض ملامحه صغيره وعينيه واسعه وجميله وعميقه جدااا فى نفس الوقت "
"على ماشى فى السوق وبيشد وليد من دراعه"
"بضحك" يا عم كنت سبتنى دى البنت كانت هتموت عليه شوف كانت بتبصلى ازاى
"لاء انت بس اللى عينك بتسبل لوحدها لازم تفضل تبصلك"
"طيب ما تخليك جدع وتعالى نرجعلها"
"يا اخى يلا بقى اخر مره اخرج معاك اصلا"
"ليه بس دا حتى انا جميل"
"لاء انت مغرور وربنا هيوقعك فى شر اعمالك ان شاء الله"
"يا سيدى وانا اعمالى ايه مبضربش حد على ايده وقوله حبنى البنات هى اللى بتجرى ورايا"
"ماشى يا عم روميو ممكن نمشى بقى اتأخرنا"
"يلا انت كده طول عمرك واقفلى فى المشاعر الانسانيه البحته"
"بحته...ماشى يلا يا مشاعر بحته"
......................................................................................
"بتمر الايام وسعاد كل ما تفكر تفتح موضوع جميله تخاف وتسكت تانى "
"وليد فى اوضته هو وعلى قاعد فيها لوحده على سريره وماسك التليفون" اذيك يا حبيبى
"اذيك يا رشا عامله ايه "
"تمام انت مبقتش بتطلع ليه على السطح وحشتنى اوى "
"وانتى كمان ماما كل شويه تقولى انت بتطلع ليه ولمين مش عارف بفكر اعمل برج حمام على السطح علشان ابقى براحتى ومتقوليش طالع ليه "
"برج حمام والجامعه انت مش واخد بالك انك المفروض تذاكر كلية زراعه صعبه"
"اعمل ايه بفكر فى حاجه اعملها علشان اطلع براحتى مش عاوز ماما تعرف اننا بنحب بعض هترفض الموضوع ماما وعارفها دا احنا عملنا افلام علشان متعرفش ان على كان يعرف منال ماما عاشت فى المدينه بس له بتفكير وحياة الشرقى للاسف "
"اه ما انت قايلى والله يا وليد حقها طنط صح البنات فعلا بقوا وحشين وبتكلموا مع بعض لمجرد انها عاوزه تحب وخلاص لكن انا فعلا بحبك ومتأكده بحبك ليا والا مكنتش سمحت اننا نتكلم سوا "
"انا عارف يا رشا بس ماما متعرفش خلاص سيبك بقى"
"ماشى يا حبيبى يلا اسيبك تذاكر وبكره طنط تعرف ان مش كل البنات زى بعضها وانسى موضوع البرج دا انا عاوزه وليد يبقى معيد فى الجامعه ماشى "
"ماشى "
...............................................................................................
"جميله لابسه يونيفورم المدرسه ومعاها اتنين اصحابها وواقفين مستنين السرفيس يوديهم للمدرسه"
"ووليد دا شكله ايه بقى"
"جميله بفرحه" قمر قمر انا مش مصدقه انه بجد عاوز يتجوزنى انا لحد دلوقتى حاسه ان بحلم
"يا بختك قمر وهتعيشى فى المدينه وتترحمى من الارض والبيت والخبيز والعيشه البهدله دى يارب اوعدنى بواحد زى دا"
"والله لو منين كنت هتجوزه بردوا واعيشله جاريه انتى متعرفوش وليد دا عامل ازاى اول مره شوفته وانا روحى اتخطفت من يومها وانا مبشوفش حد غيره قمر قمر قمررررررر يا ناس "
"ربنا يسعدك يا بنتى والله انتى تستاهلى كل خير"
"اه دى خايبه ولا عمرها لا راحت ولا جيت ربنا يسعدك"
"انا هبقى سعيده طول ما انا جمبه بس "
"جه السرفيس والكل بيتلاحق يركب قبل ما المكان ينفذ"
"دخلت جميله وقعدت جمب الشباك وابتسامتها مبتفارقش وشها "
...................................................................................................
"على قاعد مع خطيبته فى بيتها "
"ايه يا حبيبتى مالك بس"
"ماما يا على مش معاها فلوس البتوجاز وبتقولى مش عارفه تتصرف ازاى وخايفه تجيبه اقساط مع اقساط التلاجه متعرفش تسدهم ومامتك طالبه حاجات غاليه اوى علينا وانا ماما صعبانه عليه وبابا كمان مش مقصر "
"طيب انا معايا 500 جنيه محوشهم محدش يعرف عنهم حاجه خديهم واديهم لمامتك تجيب التلاجه "
"وانت يا على وحاجتك انا عارفه انك بتعمل الاوض لاء مش هخدهم انا هنزل اشتغل مع الكليه واساعد بردوا "
"شغل لاء يا منال انسى ان هسيبك تشتغلى يا تاخدى الفلوس وتخلصى الكلام دا يا تنسى على وكأنك معرفتيهوش "
"بحركه فجائيه بتكتم بوءه بأيديها وبدموع ..هونت عليك يا على "
"انتى اللى استفزتينى يا منال "
"منال بدموع اكتر" وانت لما استفزك لما نتجوز هطلقنى
"انا اسف يا منال انتى عارفه ان عصبى مقصدش بس متقوليش اشتغل تانى"
"حاضر"
"بيمسح دموعها بعينيه " خلاص بقى حبيبتى متنزلش دموع من عينيها الحلوين دول
"بأبتسامه" بجد حلوين
"هههههه انا كنت عارف انك هتسألى انتى طيبه اوى يا منال وحفظت طفولتك دى "
"ربنا يخليك ليا علشان انا معاك بكون فعلا طفله خايفه ابعد عن بابا واخويا وحبيبى"
"وانا يا حبيبتى اسعد انسان فى الدنيا علشان معاكى"
.................................................................
"سعاد بتدخل على وليد اوضته اللى اول ما شافها اتوتر واتكلم بصوت اخشن والتليفون على ودنه ومامته اقدامه ماشى يا عبده هبقى اكلمك تانى ..سلام"
"سعاد بتدخل بتوتر" وليد انا عاوزاك
"خير يا ماما "
"عاوزه نتكلم سوا بس بمنتهى الهدوء "
"قلقتينى خير"
"مافيش قلق بس اخويا بكر عاوز يجوزك لجميله بنت اخوه"
"نعم مين انا ?! ولمين جميــــــــــــله ! بتهزرى صح"
"لاء مبهزرش دا امر واتفرض عليه وانا هناك ومينفعش ارجع فيه "
"يعنى ايه انتى عاوزانى اتجوزها بجد ?"
"وليه لاء كده هنوطد علاقتنا بأهلنا اكتر ويفضل الود بينا شغال دايما"
"لاء يفضل ولا ميفضلش مش ابقى انا الضحيه انا مش هتجوزها لو اخر انسانه على وش الارض"
"لاء هتجوزها يا وليد ودا اخر كلام عندى واعمل اللى انت عاوزه والفرح بعد نتيجة السنه دى "
"سنة ايه بتهزرى انا فى سنه اولى جامعه "
"اعتبر نفسك اخدت دبلوم "
"دبلوم!...انا لو افضل الموت على الجوازه دى انسى "
"لاء اسمع انا مش هخسر اخويا بسبب شغل العيال دا مش كفايه بنت متربيه وهتبقى زى بنتى انا قولت اللى عندى ومش هسمع كلام تانى"
"وانا هسيب البيت خالص ومش قاعد فيها "
"هترجع تانى يا وليد "
"هتشوفى يا ماما هرجع ولا لاء"
"انت عارف ان انا عنيده وممكن اجوزها لـ على وانسيه خطيبته دى بس انت هتخسر"
"على فكره انا ابنك ..وانا عاوز اخسر"
"عارفه انك ابنى وعلشان كده مع السلامه الباب يفوت جمل"
............................يتبع
ليست هناك تعليقات:
إرسال تعليق