"محمود" نعم بتجولى ايه
"يابا انا مرتحتش خالص فى الجعده هِناك يوم بس ازاى عايزنى اجدر اتجوز واجعد بعيد عنك انت و امى "
"بكره تتعودى وترتاحى ياختى بت انا مش عايز اسمع كلام زى كدِه تانى بجولك اهو مش عيله مفعوصه زيك على اخر الزمن هتحرجنى جدام الناس"
"يابا"
"بنظرة شر" انى جولتها كلمه عليا الطلاج من امك لو ما نفذتى كلامك لتبجى امك طالجه
"تهانى" ايهيه وانى ذمبى ايه اومال
"معرفتيش تربى "
"كل دا وبكر مستمع وشايف جميله وهى بتبكى "
"مالك يابا ساكت ليه "
"تعالى يا جميله نخرج واجعدى معايا شويه فى الغيط ومحدش يجى معانِه "
"يابا انتَ كدهَ بدلعهاِ"
"ملكش دعوه انت يلا امشى غووور وابقى اسمعك تانى تحلف بالطلاج جدامى "
"تهانى بنظرة حزينه" الله يسامحك يا محمود كدِه هونت عليك"
"البت هتخلى مخى يشت منىِ"
"لحظات ودخلت جاره لتهانى من زمان ولان معظم اهل الريف متعودين الباب دايما مفتوح"
"السلامو عليكو انتوا هينيه انى ندهت كتير ومحدش رد عليه ليهِ كِدِه "
"تهانى بفرحه " يادى النور فاطمه يا جارتى وحبيبتى انتى هينيه جيتى امتى كِده
"جايه والله مخصوص علشانك"
"انتى من يوم ما سبتى الحته وروحتى قعدى على الموجف وانى جاعده لوحدى على طول جطعتى بيه يا به "
"الجد يلا بينا احنا يا جميله"
"فاطمه" ست العرايس مش هتيجى تسلمى عليه ِ"
"جميله بتمسح دموعها وبتقرب من فاطمه تبوسها" اذيك يا خالتى "
"اذيك انتى يا عسل انى جايه مخصوص علشانك اصلا"
"تهانى"ايهيه ليه بجَه "
"محمود" اصبرى يا تهانى
"فاطمه" جايه اخطب جميله لابنى البشمهندس ابراهيم هو رايدها وكل شويه يكلمنى اجى اجولوكوا وهيهد البيت اللى حداكو هينيه القديم ويبنيه لجل خاطر جميله متجعدش بعيد عناتكم "
"محمود بيبص لبكر ورجعوا الاتنين بصوا لجميله"
"جميله بكسره جوه قلبها واقفه تبصلهم وبعدين نزلت عينيها فى الارض"
"محمود بحزم بس جميله"
" قاطعه بكر" سيبينا نفكر يا فاطمه اصل اختى سعاد متكلمه عليها
"محمود بيبص لوالده بأستغراب"
"بكر" يلا يا جميله ادخلى انتى دلوجت ارتاحى وبعدين نبجه نتكلم فى اى وجت تانى وانتى يا فاطمه يا بنتى نورتى يلا يا محمود نروح نشوف غيطنا"
"محمود بتضرر" حاضر يابا يلِه
"تهانى مستغربه كل اللى حصل من دقيقه كان محمود هيقوم الدنيا وميقعدهاش"
"فاطمه" هو انى جيت فى وجت غير مناسب ياختى ولا حاجه "
"لاء يا حبيبتى دا بيتك ومطرحك دا انتى وحشانى جوى جوى "
"والله وانتى كمان وانا فرحت اوى لما ابراهيم جالى على جميله كده نبجى اهل مش اصحاب وبس"
"احنا اهل من زمان يا حبيبتى "
"طبعا ياختى والله اتوحشتك "
.....................................................................
"وليد قاعد بيذاكر فى اوضته عمال يفتح كتاب ويقفل التانى "
"اووووف انا كده هسقط ومش عارف اذاكر ابداً"
"انا حزين كده ليه والله كده احسن لها بس غصب عنى صعبت عليه"
"بس كانت هتتظلم معايا انا كنت بتكسف منها ومش برتاح وانا بتكلم معاها مش حاسسها خالص"
"يارب انت عارف ان انا مش عاصى بس الحب مش بأيدينا وانا مش قادر سامحنى يارب"
,,,,,,,,,,,,,,,,,,,,,,,,,,,,,,,,,,,,,,,,,,,,,,,
"جميله قاعده فى اوضتها بتفكر هى ممكن فعلا تقبل بأبراهيم وبتستعيد الذكريات"
"فلاش باك"
"اولاد صغيرين بيلعبوا فى الشارع اقدام بيتهم"
"بيجى ولد وهما بيجروا وبيخبط فى جميله"
"جميله بدموع وهى واقعه فى الارض" اى رجلى رجلى اتعورت
"بيجرى ابراهيم على جميله" مالك يا جميلِه ايه اللى وجعك
"محمد واقف بعيد خايف من اللى ممكن ابراهيم يعمله" انا والله مكنتش اجصد
"ابراهيم بعصبيه الاطفال" انته توجعها وتجول مجصدش انت وبيمسك فيه لازم اضربك علجه
"محمد بيعيط خايف من ابراهيم" والله هى اللى خبطت فيا
"جميله بتعيط" انى اللى خبط فيه يا ابراهيم سيبه
"بيشيل ابراهيم جميله بعد ما بعد عن محمد وبياخدها يدخلها بيتهم"
"جميله بترجع للواقع كنت طول عمرك حنين عليه يا محمد وبتحبنى "
"فلاش باك"
"ابراهيم واهله بيشيله فى عفشهم علشان يسيبوا البيت ويتنقلوا"
"جميله واقفه زى أي بنوته فى اعدادى بتتفرج بمشاعر حزينه على صداقه هتنتهى رغم بعدهم عن بعض من اول ما وصلوا لنهاية المرحله الابتدائيه"
"ابراهيم بنظره لوم بيبص عليها وهو بيخرج حاجتهم وقرب منها وتهانى واقفه جمبها"
"هتوحشينى اوى يا خالتى تهانى وعينه على جميله"
"تهانى وانت كمان يا حبيبى هتوحشنا كلنا ربنا معاكو ويصبرنى على فراق امك"
"ابراهيم" والله يا خالتى احنا هنكون فى نفس البلد بس حاسس وكأننا مسافرين يا ريتنا ما بعدنا عنكوا ولا بنينا ولا روحنا اى مكان "
"جميله بتبص وهى حاسه فى كلام ابراهيم بحزن"
"ابراهيم بيكمل" انا هبجى اجى يا اطمن عليكوا مش تسمحولى
"تهانى" انت ابنى الكبير يا واد تيجى اى وجت ولو نسيتنى هزعل منك
"بترجع تهانى للواقع وبتفتكر نظرات ابراهيم ليها وزيارته ونظراته زى ما يكون هيكولها بعينيه "
"لاول مره افهم نظراتك واحسها يا ابراهيم "
.....................................................................
"بكر بيضرب بالفاس فى الارض وهو مش قادر "
"ابا انى مش فاهم انتَ ليه مجولتش لفاطمه ان جميله مخطوبه لابراهيم "
"وعمرك ما هتفهم انى فى دماغى ترتيب تانى لهم خالص بس انته اِصبر علِيه"
"طيب ما تفهمنى ابوس ايدك "
"هجولك وساب الفاس من ايده تعالى نجعد تحت الشجِره هناك وانى هجولك"
....................................................................
"وائل قاعد فى وسط اهله مبسوط وبيتغدى معاهم "
"بفرحه" ان نفسى اعملكوا كل حاجه حلوه انتوا نفسكوا فيها
"الام" يا حبيبى طول ما انت معانا احنا كده معانا كل حاجه حلوه
"ربنا يخليكى ليا يا ماما "
"ايه يا بنات منفسطوش فى حاجه اجبهلكوا "
"سالى اتكلمت نيابة عن الكل" والله احنا محتاجين فلوس الدروس يا وائل "
"وائل بحزن فرحته نسته انه بيقبض ملاليم" اه طيب ما انا هجبلكوا متقلقوش
"الام" ربنا يرزقك برزقهم يا حبيبى يارب "
"وائل" طيب انا هقوم بقى مش عاوزين حاجه
"لاء يا حبيبى عاوزين سلامتك "
"سلامى بتكلم وهى مكسوفه" متنساش تعزم وليد
"اه ان شاء الله هكلمه النهارده فى بيتهم واطمن عليه بس النوته فين اللى فيها الارقام بتاعة الثانوى مش فاكر "
"بفرحه" انا هدورلك عليها ان شاء الله على ما ترجع
"ماشى ان شاء الله يلا سلام"
,,,,,,,,,,,,,,,,,,,,,,,,,,,,,,,,,,,,,,,,,,,,,,
"وليد بيخرج للصاله اللى قاعد فيها سعاد واخواته خلصوا تنضيف ولسه هيريحوا"
"سعاد" تعالى يا حبيبى اقعد جمبى "
"وليد بيقعد على الكنبه وبينام وبيفرد رجليه وبيحط دماغه على رجل سعاد "
"سعاد" هههههههه فكرتنى يا حبيبى وانت صغير مكنتش بترتاح غير كده
"ماما انا ليه مش حاسس انك زعلانه ان سبت جميله"
"لاء هى اللى سابتك ومصممه ودا بقى يرجعلها"
"بس انا قولتلها ان مش عاوزاها "
"طيب وهى قالتلك انها عاوزاك"
"لاء هى كمان قالتلى انها مش عاوزانى "
"طيب يبقى خلاص المهم اهلى يبقوا عارفين ان الرفض من عندهم هما "
"اه بس هما ممكن يعملوا فيها ايه"
"مش هيعملوا فيها حاجه محمود عصبى حبتين بس بكر هيهديه انا عارفه ان بكر بيحب جميله وهيقف جمبها "
"ماشى "
"بس انت بتفكر فيها كده ليه مش انت مش عاوزها "
"صعبانه عليه يا ماما ياريتك ما غصبتينى عليها ومكنش كل دا حصل "
"خير خير وسمعوا صوت الجرس بيضرب وصوت تلاكسات عربيه من بره"
"سعاد" قوموا قوموا شكل الصباحيه جت
"وليد" طيب انا داخل اوضتى سلام
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
"فات اكتر من اسبوع ومنال بتجهز نفسها تنزل لسعاد"
"على " انا نازل ياحبيبتى مش عاوزه حاجه
"انا نازله معاك لماما "
"ماشى يلا بينا "
"منال وعلى بيدخلوا لسعاد"
"منال بأبتسامه" اذيك يا ماما
"على بيروح عليها وبيبوسها من جبينها " اذيك يا حبيبتى
"سعاد بأبتسامه لعلى " اذيك يا حبيبى وبطرف عينها لمنال اذيك
"ايه يا حبيبى خلاص رايح شغلك "
"اه يا ماما كفايه اسبوع عسل وخلاص هنرجع للجد"
"يلا ربنا معاك "
"منال" فين البنات يا ماما
"ناديه فى الدرس وايمان فى الامتحان"
"ربنا معاهم يارب"
"بيخرج على يلا مش عاوزين حاجه اجبها وانا جاى"
"لاء مع السلامه فى امان الله"
"بتخرج منال ورا على تودعه وبترجع تانى لسعاد"
"سعاد بتبص لها بأبتسامه هاديه"
"منال متوتره لاول مره هى وسعاد لوحدهم"
"ايه يا ماما مش عاوزه حاجه اعملها "
"مش عاوزه اتعبك انتى لسه عروسه"
"لاء تعبك راحه هدخل المطبخ اروقه "
"لاء البنات منضفينه "
"طيب اطبخ حرام هيرجعوا تعبانين يلاقوا الاكل جاهز"
"طيب تعالى اوريكى هنطبخ ايه"
"بأبتسامه" حاضر
.............................................................................
"بكر بيدخل لجميله اوضتها"
"كح كح"
"جميله بتقوم من على السرير وهى مرهقه وواضح عليها التعب"
"تعالى يا جدى اتفضل"
"امك بتجول انك بعافيه فيكى ايه"
"انى كويسه يا جدى اطمن "
"لاء انت مش كويسه انى مردتش اضغط عليكى بس انى عاوز اتكلم معاكى كلمتين "
"اتفضل يا جدى "
"بصى يا جميله انى حاسس بيكى انى يمكن راجل كبير وعلى ادى بس انى بفهم كويس "
"انى عارف انك بتحبى وليد ابن سعاد اختى ودا انا حاسه من زمان جوى "
"بثوره" انى لاء انى عمرى ما حبيته وبعدين هو حاجِه وانى حاجِه تانيه خالص انى لو وليد ابن عمتى اخر انسان مش هتجوزه "
"حتى لو ابوكى هيتكسف وهتخلى علاقتنا بعمتك تتجطع طول العمر"
"وانى ذمبى ايه اخد واحد مش ريداه ياجدى"
"انى هديت ابوكى وجولتله كل اللى انته عاوزه انى هعمله بس انى باخده على كد عاجله علشان ميعمل جلج بس انى عارف انى بنتى جميله واللى مافيش اغلى منها عندى هتوافج "
"طيب ما انى اتجوز ابراهيم يا جدى ابنخالتى فاطمه على الاجل بيحبنى وهبجى جمبكوا "
"بس انتى مش ريداه "
"ما انى كمان مش رايده وليد"
"لاء يا جميله لو انى مكنتش شايف انك رايده وليد ابن عمتك مكنتش جولت انكوا تتجوزوا بعض انى نفسى اسعدك وابجى مطمن عليكى "
"جميله بتبكى غصب عنها وبتترمى فى حضن جدها" انت حنين اوى يا جدى بس هو مش بيحبنى ومش رايدنى "
"هو جالك"
"رجعت جميله خافت تقع بالكلام ووليد يقول انها مش اد كلمتها" لاء انى حسيت منه كده
"لاء مافيش حاجه اسمها حسيت انى بتكلم معاكى بالذوق تعملى حسابك انك هتتجوزى وليد علشان انى منعت ابوجى عنك بالعافيه واخدته على اد عجله بس انى بجولهالك يا جميله انتى مش هتتجوزى غير وليد انى سيبتك فتره اهيه علشان تهدى شويه بس انى بجولها وانتى عارفه كلمتى ربنا يرضى عليكى يا "
"جميله بتبكى" يا جدى
"مافيش جدى بلاش دلع بنات مايع وانى عرفت البلد كولتها ان فرحك انتى ووليد بعد شهرين "
"ليه يا جدى بس ليه عملت كده "
"بيطبط عليها" يلاج ومى اغسلى وشك ديه وانى هخرج اجول لابوكى اللى شايط ديه انك عجلتى خلاص
"جميله بتكمل عياط وجدها بيخرج وبيسيبها"
"اعمل ايه بس انى اعمل ايه"
.................................................................................
"محمود وتهانى قاعدين مستنين الجد"
"محمود بلهفه " جالتلك ايه يا بوى
"خلاص انى عجلتها "
"وهى مكنتش عوزاه ليه انى عاوز افهم"
"انى حاسس كده انه هو الواد اللى مش عاوزه وهى حاسه بكده "
"تهانى" ايه مش عاوزها دا جميله بنتى جمر"
"محمود" وانت رايك ايه يابا
"انى خلاص هكلم اختى سعاد واجولها ان الفرح بعد شهرين وننهى الكلام ده"
"بس انت بتجول انك حاسس ان الواد مش رايدها"
"وانته يعنى كنت رايد تهانى وجميله واديكوا اتجوزتوا وخلفتوا"
"وهما بردوا هيتجوزوا ويخلفوا ويعيشوا زى ما كولتنه عيشنه"
"اللى تشوفه يابا"
"تهانى" وانتى متأكدِه ان جميِله بنتى هتخليه يحبها"
........................................................................
"سالى بتدخل لـ وائل ووليد بصينية الشاى"
" وائل" اتفضل يا وليد
"سالى بتقرب من وليد ووشها احمر وواضح عليها الكسوف"
"وليد بياخد منها الكوبايه وعينيهم تقابلت"
"سالى اتكسفت حطت الصينيه على التربيزه وخرجت "
"مقولتليش عملت ايه مع مامتك"
"لاء ما انا خطبت ورجعت سبت والحمد لله انا دلوقتى حرا طليق"
"ايه كل دا امتى دا كله "
"تخيل فى الشهر دا بس خطبت وسبت"
"المهم تكون مش متضايق"
"لاء دا انا حاسس براحه غريبه"
"طيب الحمد لله والله وحشتنى "
"وانت كمان والله يا وائل بس ايه الشيخ عامل ايه وانت راجع تانى امتى "
"بلجلجه واضحه" لاء ما انا سبت ليبيا خلاص وبشتغل هنا
"ايه ليه؟"
"كنت مش مرتاح يا وليد وانت عارف سايب امى واخواتى البنات لوحدهم قولت ابقى هنا واهو ابقى جمبهم والحمد لله لقيت شغل على طول "
"بس خساره الشيخ كان طيب وفلوسه حلوه"
"اه يلا الله يمسيه بالخير بقى "
"يلا ربنا معاك المهم تكون مرتاح"
"الحمد لله انا مرتاح جدا"
"الحمد لله انا قررت فى الاجازه اشتغل معاك بردوا واهو قرش اعينه ومطلبش من ماما فلوس "
"ماشى ربنا يوفقك ايه هتبدأ امتحانات امتى "
"يوم الخميس الجاى اللى بعد الجاى خلاص"
"ربنا معاك بالنجاح ان شاء الله"
"ان شاء الله"
..............................................................................
"منال بتجرى من المطبخ على صوت التليفون"
"الو "
"ايوه يا ايمان اذيك"
"انا منال حضرتك مين"
"انى جدتك بكر اذيك يا عروسه "
"الحمد لله بخير ازى حضرتك"
"الحمد لله .. ادينى سعاد اختى"
"حاضر"
"ماما تعالى كلمى عمو بكر"
"سعاد بخوف" خير
"الو اذيك يا خوى "
"اذيك يا ختى بصى يا سعاد انى هجولك كلمتين انا بخيرك اهو يا فرح الولاد يبجه بعد شهرين من دلوقتى نجهزهم فيهم ونخلص ونفرح بيهم فى بيت واحد يا كل شئ قسمه ونصيب وابجى عارف ان نيتكوا مكنتش حلوه من ناحية بنتى جميله"
...............................يتبع
ليست هناك تعليقات:
إرسال تعليق