"سعاد قامت من بدرى نزلت تشوف اللبس ولان كان الوقت بدرى جدا ملقتش محلات فاتحه "
"دخلت محل اكل صغير وقعدت على تربيزه وسألت العامل" لو سمحت هى المحلات هتشتغل كمان اد ايه معلش
"المحلات بتفتح من 11 "
"بتبص سعاد على الساعه فى ايديها" طيب هانت لسه نص ساعه "
"طيب عاوزه حاجه يا حاجه اجبهالك"
"اه هاتلى سندوتش فول وواحد طعميه وازازة حاجه ساقعه فى ولا اجيبها من المحل اللى جمبكوا"
"اه عندنا"
"ماشى يا بنى هاتلى الله يكرمك"
.....................................................................
"وليد بيقوم من النوم قلبه مقبوض ومخنوق "
"على بيدخله ايه يا جميل هتيجى معايا يلا انزل افصل البدله"
"لاء انا مسافر"
"رايح فين ؟"
"رايحين لجميله يا سيدى بس مش عارف انا عامل كده ليه"
"عامل ازاى ؟"
"قلبى مقبوض اوى ومخنوق اوى انا مش عارف انا ممكن اتجوزها ازاى وانا مش متخيل ان ممكن اشوفها بس "
"خلاص يا وليد سيبها استنى انا هتجوز اخر الشهر وسيبها وكده ماما مش هتقدر تعمل حاجه"
"انا صعبان عليا اكثر بجد بخاطرها"
"وانت هتتجوز وتعيش علشان علشان هى صعبانه عليك يا وليد حياتك دى تعيشها مره واحده مش مرتين "
"انا عارف بس خلاص مبقتش تفرق"
"هى ايه دى اللى مبقتش تفرق"
"حياتى"
"ايه التشاؤم دا ليه كده"
"مش عارف"
"يعنى ايه مش عارف"
"يعنى انا خلاص حياتى هسيبها تترسم لوحدها اصلا مافيش حب ابكى عليه ولا مستنينى ان اسيبها واجرى عليه "
"ورشا بنت الجيران راحت فين انا ملاحظ طلوعك الطح من زمان وكذا مره شوفتكوا بتشاورو لبعض بس محبتش اقولك غير لما انت اللى تحكيلى "
"رشا اتخطبت لمحد زميلى عارف محمد"
"ياه اتخطبت وهو خطب وهو لسه فى اولى جامعه ايه يا عم اللى انتوا بتعملوه دا دا انا مخلص بقالى كام سنه ولسه ها مش انتوا يا بختكوا والله"
"بتتريق"
"لاء والله بجد وفيها ايه لما تسيب جميله وترجعلها"
"انت شايفنى انانى اوى او ندل اوى كده انا اللى اخطف خطيبة صاحبى "
"بس هى كانت حبيبتك الاول"
"بس مش على اسمى دلوقتى هى تحمل اسمه هو "
"عارف يا وليد "
"ها"
"انا الكبير اه بس انت فعلا اكبر منى بكتييييييير "
"انت بتخرف يعنى ايه انا الكبير وانت الكبير مفهمتش "
"يعنى انت الاكبر فى التفكير "
"بجد بجد انا مخنوق اوى "
"معلش يا وليد سيها مش لازم علشان حد بس متعش حياتك وانت مش مرتاح وان كان على الحب انت لسه صغير وهتلاقى الحب اكيد"
"ان شاء الله"
"بتاخدنى على اد عقلى "
"لاء بس انا هسيبها لله هو اللى هيعمل اللى فيه النصيب لينا"
"ان شاء الله"
...........................................................................
"وائل بيخرج من اوضته وهو لابس"
"الام بتقابله" ايه يا حبيبى رايح فين
"رايح الشغل يا ماما "
"خلاص لقيت اختك قالت امبارح انك هتنزل تدور"
"لاء انا خلاص لقيت"
"ماشى يابنى ربنا معاك هدخل احضرلك لقمه تاكلها قبل ما تنزل"
"لاء متتعبيش نفسك انا هاكل فى الشغل"
"انت يابنى من يوم ما جيت مبتاكلش فى البيت خالص ليه"
"لاء يا ماما مين قال انا بعمل لنفسى سندوتشات "
"اهو شوفت مبقتش بتجمع معانا على تربيزه ابدا"
"معلش يا ماما انا حامل هم فلوس اخواتى لازم اشتغل ليل نهار علشان البى طلباتهم مش فاضى للكلام دا وكلت ولا مكلتش يلا سلام انا نازل"
"ماشى يا بنى ربنا يرزقك "
...............................................................................
"سعاد اشترت لجميله كام بلوزه وجيب وطرح تليق عليهم ورجعت بيتها"
"وليد بيخرج من اوضته" ايه احنا مش هنفطر ولا ايه
"انا فطرت افطروا يلا انتوا "
"ايمان بحزن واضح على وشها" يلا الفطار جاهز اهو يلا تعالو اقعدوا "
"سعاد بتبص لايمان بتضرر" لسه متضايقه
"ايمان بأستغراب" ومين قال ان متضايقه
"كان باين عليكى يا حبيبتى "
"بلمعه فى عينيها" لاء انا كويسه كنت تعبانه بس"
"طيب يلا يا ولاد افطروا وانت يا وليد خلص فطار والبس على طول خلينا نروح ونرجع بالنهار"
"على بيبص لـ وليد"
"وليد بخنقه" حاضر
"ناديه" بس ايه يا ماما الشنطه اللى فى ايدك دى
"لبس لجميله"
"والله طيب فرجينى "
"خدى شوفيهم اهم تعالى يا ايمان شوفى"
"لاء انا عارفه انهم حلوين"
"يخربيت بوذك يا شيخه روحى افطرى روحى "
.............................................................................
"وليد وجميله راكبين ميكروباص وبينزلوا فى موقف البلد"
"وليد" ياه مشووار متعب جدا بجد
"اه والله دا علقه يا لهوووى على الحر"
"طيب هاتى لما اشيل عنك "
"خد علشان انت اللى تديهم لجميله بقى تفرحها"
"لاء انا مش هدى حاجه انا هشيلهم لما نوصل واديهوملك وانتحره معاهم"
"ماشى يابنى خلاص اللى يريحك"
"بيشيل وليد الشنط من ايد سعاد وبيبص على كل حاجه حواليه وهو ماشى "
"سعاد" بفرح اوى لما بنزل البلد بحس باهدوء كده والبساطه مش زى المدينه كلها دوشه وناس متكبره
"على فكره انتى يا ماما متعرفيش حد علشان تقولى على الناس ف مصر متكبره"
"ليه مش بخرج وبتعامل"
"ماشى يا ماما خلاص"
"اه خلاص عاوزين ندخل على الناس مبتسمين مش ببوز كفايه بوز اختك قبل ما نمشى يا خرابى منها"
"ما يمكن يا ماما وعلانه من رفضك للعرسان اللى بيتقدمولها"
"وانا لقيت حد مناسب وقولت لاء"
"ليه ما هانى اخر واحدمناسب"
"يا سلام وهو لسه فى الجيش وعاوزها تعيش مع مامته فى نفس الشقه علشان تبهدل اختك وتجوعها"
"وليه افترضتى كده ما يمكن تعيش سعيده"
"مش هتبقى عمرها سعيده لان انا كنت زيها ولا نسيت قعدنا مع جدتك وعماتك فاكر كانو بيعملوا فيا ايه"
"مش كل الناس زى بعضها "
"لاء مش كلهم زى بعضهم بس انا مش هجرب فى بنتى كفايه شقى بقى "
"والله يا ماما عمرنا ما هنتفق فى التفكير ابدا"
"احسن ويلا بقى سرع رجلك "
"هى الناس عماله تبص علينا كده ليه"
"الناس هنا كلها عارفه بعضها وبيعرفوا اى غريب بيدخل علشان كده لما حد غريب عن البلد بيمشى بيفضلوا يبصوا عليه ونفسهم يعرفوا مين ورايح لفين"
"ايه الناس الحشريه دى"
"مش حشريه الناس هنا طيبين اوى وعلى فطرتهم "
"ماشى يا ماما "
"يلا وصلنا اهو "
"سعاد من بداية دخولهم الشارع كل الناس اللى قاعده اقدام بيوتهم عمالين يبصوا عليهم"
"السلام عليكم"
"بتقوم كل واحده تقف تسلم على سعاد" يادى النور سعاد نورتى البلد"
"وليد واقف متضرر نفسه يخلص اليوم دا بسرعه"
..................................................................
"جميله قاعده فى اوضتها بتلبس وواقفه معاها بنت عمها"
"لاء يا بت يا جمِيله الهدوم دية مش حِلوهِ عليكىِ"
"لاء حِلوه هعمل ايه عمتى ايمان وعمتى ناديه قالولى كدِه"
"هيهيهيهيهيه هتقولى لعيله اصغر مينه عمِتى "
"اه مش الاصول بردك"
"ماشى ياختى بس ممكن تضايج ولا حاجِه"
"لاء يا ختى مش هتتضايج"
"ماشى يلا نخروج بجه علشان اشوف امى جهزت الغَديه ولا ايهِ"
"يلا بينيه "
.................................................................
"سعاد بتدخل والكل حوايلها"
"يا اهلا يا اهلا اتفلضلوا"
"وليد واقف متضايق من ريحه البيت لان منطقة المواشى ملتصه بنفس البيت "
"محمود بيسلم على وليد" يادى النور يا جوز بنتى اهيهيه
"وليد بيكتفى بالسلام وبس"
"سعاد اذيك يا بكر يا خويا واذيك يا محمود وانتى يا تهانى عامله ايه"
"الكل الحمد لله احنا بخير انتوا الى نورتوا والله"
"محمود بيدخل وليد اوضة "اتفضلوا فى اوضة الجلوس منورين
"جميله بتخرج وقلبها بيدق جامد وبتبص على وليد اللى بيدخل مع باباها الاوضه ومأخدش باله منها"
"سعاد" ايه العسل دا يا جميله تعالى لما اوبسك
"جميله بتسلم على سعاد بفرحه وخوف فى نفس الوقت"
"بعد السلامات"شوفتى انا جبتلك ايه انا ووليد
"بفرحه ان وليد اختار لها حاجه" الله دول حلوين اوى
"تهانى بفضول وهى بتتفرج" ايه دا يا عمتى مش كنتى تجيبى الوان ملعلعه شويِه
"جميله" لاء يا ماما دى الوان هاديِه وجميله اوى تسلم ايدك يا ماما سعاد
"تسلمى يا جميله يا حبيبتى مبسوطه اوى انهم عجبوكى "
"تهانى بأبتسامه" متخافيش يا عمتى اى حاجه من طرفكوا هى بتتهبِل عليها خالِص
"ربنا يسعدها جميله دى عسل"
"ربنا يخليكى يا عمتى يارب انى اكتر حاجه سعدانى والله ان جميلِه هتبجى فى بيتك ومعاكى "
"طبعا جميله دى فى عينيه"
,,,,,,,,,,,,,,,,,,,,,,,,,,,,,,
"جميله ووليد قاعدين ومعاهم سعاد ومحمود"
"جميله كل شويه تخطف نظره لـ وليد"
"وليد قاعد مش مرتاح ومش لفته اى انجذاب تجاه جميله"
"سعاد بتبص لمحمود" ماتيجى نخرج شويه يا محمود ونسيب الولاد يتكلموا لوحدهم شويه"
"معلش يا عمتى عاوز اجولك حاجه الاول فى حضور وليد جومى انتى يا جميله جهزى مع امك الغديه"
"جميله بكسوف وبتقوم تخرج" حاضر
"سعاد بقلق" فى ايه يا محمود
"انى هتكلم دوغرى حتى ابويه لسه ميعرفش وياريت يا عمتى ميعرفش ان رجعت فى كلامى وطلبت منك كده علشان ميزعلش منى"
"قلقتنى"
"وليد بيسمع بفضول عنده امل محمود يرجع فى كلمته ويبعده عن جميله"
"محمود" معلش يا عمتى الناس لما عرفوا ان جميله هتقعد كل الفتره دى كده بدبله وخاتم الناس كلت وشى
"سعاد وشها اتغير" يعنى ايه
"يعنى لازم نكتب الكتاب مينفعش يفضلوا كده الناس تاكل وشى "
"بس احنا كنا متفقين يا محمود"
"والله يا عمتى اللى اعرفه لو النيه حلوه مش هيفرق دلوقتى من بعدين"
"قصدك ايه يعنى احنا بنلعب بيكوا"
"لاء يا عمتى طبعا مقصدش"
"وليد" بس انا لسه بدرى اوى على الجواز والكلام دا وجامعتى
"محمود" وديه ماله ومال كتب الكتاب انته هاتكتب الكتاب وخلاص يعنى كأنك شابكها وبعدين احنا اهل لا هنقول قايمه ولا مأخر احنا اهل وعارف ان بنتى هتبقى فى الحفظ والصون
"سعاد" خلاص يا محمود هنكتب الكتاب بعد امتحانات
"وليد مش عاجبه الكلام ودا واضح على وشه"
"سعاد بتبص لـ وليد" واحنا مش هتفرق حاجه يا محمود بس متجيش كمان اسبوع الناس كلت وشى خليها فرح"
" ليه يا عمتى انا عيِل؟ لا طبعا"
"ماشى"
"وليد رده واضح جدا على وشه"
"قوم يلا يا محمود نخرج وندخل جميله تقعد مع وليد شويه علشان نمشى بالنهار"
"ماشى ياختى يلا بينا جومى "
"جميله بتدخل بعد خروج محمود وسعاد من الغرفه"
"وليد بيبصلها بغضب"
"جميله مكسوفه ترفع وشها فى وليد وهما لوحدهم كانت حاسه انها المره اللى فاتت اجرأ من كده"
"وليد قاعد مبتكلمش"
"جميله بتفرك فى ايديها"
"وليد بيبص على ايديها ماشفش فيهم الدبله استغرب"
"فين دبلتك"
"عيناها"
"ليه؟"
"علشان انا يعنى "
"بنفاد صبر" انتى ايه ؟
"انا قلعتهم وقولت مش هلبسهم تانى غير لما احس انك بجد شارينى وعاوزنى علشان انا جميله"
"وليد بيبصلها بأستغراب"
"انت مستغربنى مش كِده انا فعلا ممكن ومن غير كسوف كِده اكون مشدوده ليك وفعلا كنت هطيِر من الفرحه لما عرفِت انك قولت انك عاوز تتجوزنى لكن انى عمرى مش هتجوز ولا اعيش معاك وانِت بتحبنى وعاوزنى انى جميله"
"جميله لمست حاجه جوه وليد بكلامها البرئ والتلقائى"خلاص يا جميله البسيهم
"ايه ديه يعنى انِت عايزنِى "
"اه"
"طيب ممكن اجبهوملك تلبسهوملى اِنت وتبقى علشان انته فِعلا رايدنى"
"لاء يا جميله ابقى البسيهم انتى معلش "
"بكسرة نفس" حاضر
"خلص الكلام بدخول تهانى يلا يا ولاد تعالو اتغدوا"
......................................................................
"فات شهر "
"الكل رايح جاى وزفه كبيره فى الشارع وعروسه وعريس بيتزفوا"
"جميله واهلها ومعاها ناديه وايمان رايحين جايين بيساعدوا الناس فى تقديم الحاجات الساقعه"
"وليد واقف مكسوف يقدم جميله لاصحابه انها خطيبته علشان لبسها رغم انه من لبس اللى سعاد اختارته بس واضح انها معرفتش تنسق"
"جميله رايحه جايه تخطف نظرات لـ وليد نفسها يكلمها ولا يقف حتى معاها شويه"
""بعد انتهاء الفرح ودخول منال وعلى شقتهم"
"سعاد" يلا يا خويا خد انت الشباب وادخولوا اوضة وليد وعلى
"وانتوا يا ختى انتى وهيا تعالوا هنام فى اوض البنات احنا "
"جميله شكلها مش مبسووطه"
"سعاد بعد ما دخلتهم وجهزت النومه شافت جميله واقفه لوحدها"
"ايه يا حبيبتى مالك"
"جميله بدموووع" انى زعلانهِ جوى يا ماما
"ليه بس يا حبيبتى "
"وليد مبيحبنيش خالص يا عمتى ومش عايزنى"
"لاء مين قالك كده"
"انى عارفه يا ماما هو حكالى كل حاجه"
"حكالك الله يخيبك يا وليد اوعى يا جميله تكونى حكيتى لحد حاجه تزعلى اخويا ونكره بعض"
"لاء يا ماما واللهِ انى ما فتحت بوءى خالص "
"شاطره يا حبيبتى ربنا يكملك بعقلك .. وانتى بقى بشطارتك بقى تخلى وليد يحبك وميشوفش غيرك"
"ازاى بس يا عمتى "
"مش انتى بتحبيه وعوزاه"
"بكسوف وبتكتفى تنزل بوشها فى الارض"
"انتى بقى تسمعى كلامى ..وليد زيه زى اى شاب عاوز يحب ويتجوز واحده تانيه وطريقة كلامها مختلفه وانتى يا جميله معلش عاوزه تتغيرى كتير"
"اعمل ايه بس يا عمتى"
"شوفينا بنتكلم ازاى واتعلمى مننا وانا همسك فيكى تقعدى معانا يومين لما يجوا يمشوا واهو تتعلمى وبعدين ولبسك محتاج تعرفى ايه بيتلبس على ايه وايه لاء"
"انى يا ماما بحاول والله"
"اسمها انا اولا مش انى "
"حاضر"
"بصى ادخلى نامى انتى دلوقتى كان يوم طويل وبكره هنقعد سوا"
"حاضر"
"حضرلك الخير يا حبيبتى "
.........................................................................
"وائل قاعد عند الدكتور"
"لاء ما انا عارف ان انا تعبان اوى"
"وعرفت منين ان ممكن تعبك يبقى ايدز"
"لان يعنى عملت علاقه مع واحده مريضه بيه"
"طيب هنعمل التحاليل الاول نتأكد انه موجود الاول ولو موجود هديك حاضر العلاج اللى يأخر اضراره"
"اه يا دكتور انا منفسيش اعيش شويه اكتر غير علشان بس اخواتى وامى نفسى أمن لهم مستقبلهم "
"ان شاء الله اتفضل اخرج للاوضه اللى جمبى هايخدوا منك الدم ويحللوه وتعالى بكره نشوف النتيجه"
"حاضر يا دكتور"
..............................................................
"على واقف على باب اوضة منال خلصتى يا حبيبتى "
"منال بكسوف" ايوه يا حبيبى
"على بيدخل بفرحه وبيقرب من منال يبوسها من خدها"
"انا بحبك اوى "
"وانا بحبك اوى اوى يا على "
"انا بجد لحد دلوقتى مش مصدق اننا خلاص اتجوزنا واتقفل علينا باب"
"منال بتحضنه جامد"وكده صدقت
"على بيغمض عينيه" ايوه يا حبيبتى صدقت انا بحبك اوى اوى يا منال "
"بهمس فى اذنه" انـ ا بـ عـ شـ قـ ك
"بيشيلها وهو حضنها " يخربيت كده انا بمووووووووت فيكى
........................................................................
وليد بيخرج من اوضته فى نفس لحظه خروج جميله من اوضتها"
"جميله بتبصله بحب ممزوج بعتاب"
"وليد صعبان عليه جميله وفى نفس الوقت مش قادر يحسها"
"جميله بتقرب منه" انته مش جايلكِ نوم زيي
"اه تعالى يا جميله نتكلم شويه"
"بفرحه " حاضر
..........................................يتبع
ليست هناك تعليقات:
إرسال تعليق