"ايمان قاعده فى اوضتها بتعيط"
"ايمان انا عملت اللى عليه مامتك السبب"
"حرام عليك انا بحبك"
"واحنا مستحيل هنكون لبعض"
"طيب واللى بينا وانا انت كده ضيعتنى ؟؟"
"ايمان ماسكه التليفون وبتبكى" حرام عليك رد عليه يا هانى حرام عليك انا عملتلك ايه
"وانا عملت اللى عليه يا ايمان كلمى مامتك تانى وانا على استعداد اتقدم تانى وكويس ان اهلى مكانوش معايا وسمعوا تهزيق مامتك ليا بالذوق"
"يعنى مش هتسيبنى "
"لاء يا ايمان مش هسيبك غير لما انتى اللى تقوليلى ابعد عنى "
"طيب ليه بتقولى مستحيل هنكون لبعض"
"علشان مامتك عمرها ما هتوافق عليه ومش هتجوزك غير بمزاجها انا هفضل معاكى علشان مترجعيش تزعلى منى وتفتكرى ان انا اللى بعتك"
"وانا هحاول مع ماما ويارب توافق يارب "
"هه لما نشوف"
"بطل تريقه يا هانى حرام عليك "
"انا مبتريقش دا من وجعى بعد كل الحب دا مامتك تعاملنى كأنى كلب جاى يعذب ويوجع بنتها"
"معلش يا هانى علشان خطرى ماما مبتعرفش يعنى ايه حب هى بتخاف علينا اوى بس وحياتى متزعلش"
"لاء يا ايمان دا مش خوف دى اهانه لاى شحص لولا ان بجد بحبك انا مقبلهاش على نفسى بس خلاص متزعليش انا هستنى شويه واجيلك تانى بس اوعدك يا ايمان لو رفضتنى تانى انسى كل اللى بينا خلاص
.............................................................................
"وليد واقف فى ايده صورة محمد وجمبه رشا وهى مش مبتسمه"
"وليد بحزن" الف مبروووك
"محمد مستغرب من تصرف وليد" ايه يا وليد وشك اتغير كده ليه ؟"
"اتغير ايه بس انا تمام اهو انت غريب اوى"
"لاء بجد لو تعرف عنها او اهلها حاجه قولى مش انا اخوك"
"لاء والله دوول ناس محترمين جدااا بجد ربنا بيحبك يا محمد ربنا يسعدكوا يارب لان انتوا الاتنين بجد تستاهلوا "
"ربنا يخليك طمنتى شكلك خوفنى والله"
"لاء يا بنى ربنا يسعدكوا يلا هروح بقى انا مش عاوز حاجه"
"لاء عاوز سلامتك ربنا معاك"
..............................................................................
"جميله راكبه فى ميكروباص الموقف مستنيه يحمل علشان يمشى راكنه بدماغها على الشباك وسرحانه"
"طلع وركب جمبها وهى مش حاسه"
"جميله واضح عليها اوى ذبلان وشها وهدوؤها الغير طبيعى "
"احم احم"
"ولا هى هنا"
"بيقرب ايده من ايدها "
"جميله بتتنفض وهى مرعوبه" ايه مين
"انا سعيد ايه مالك"
"بغضب" وانته عايز منى ايه ان شاء الله وبتحط ايدك على ايدى بتاع ايه
"الناس بتنتبه لصوت جميله"
"سعيد بخوف" انا اسف غصب عنى سامحينى ِ
"جميله بتقوم من جمبه" ميل خلينى انزِل مِن هينه اخيييه عليِك "
"بيتوارب سعيد علشان تنزل من جمبه "
"الناس بتبصله بأشمئزاز "
"سعيد قاعد مكسوف مكنش متخيل ان دى هتكون المقابله "
"جميله واقفه فى الشارع والميكروباص بيعدى من اقدامها وهى بتركب الميكروباص اللى بعده"
"بتضرر وهى بتطلع" الله يقطع يا بعيد هتأخر على المدرسِه كِده وبتبص فى ساعتهاا
....................................................................
"وليد ماشى فى الشارع غصب عنه دموع بتلمع فى العين "
"خلاص يا رشا كده خلصت بس انا مقدرش الومك ربنا يسعدك وهو فعلا ربنا بيحبه محمد يستاهلك وانتى تستاهلى تعيشى مع اناس رائع زيه"
"بس انا قلبى بيوجعنى اوى كان نفسى اعيش معاكى هفضل اقارنك يا رشا عارف انه مش هحس الكمال بعدك "
"فاق من شروده على عربيه معديه اعتذر بهدوء وكمل طريقه"
......................................................................
"وائل قاعد فى اوضته حزين اخته واقفهعلى الباب بتستأذن"
"وائل" اتفضلى يا سالى ادخلى
"سالى بتدخل وواضح عليها الكسوف" ايه يا وائل مبتقعدش معانا ليه وليه قافل عليك على طول
"انا ..لاء ..دا انا خارج اهو "
"رايح فين "
"اشوف شغل فى اى مصنع اصل انا مش هسافر تانى"
"ليه بس هنا هتاخد ملاليم هناك مش كان المبلغ اكبر"
"ايوه بس كنت مذلول ترضى اخوكى يبقى مذلول"
"لاء يا حبيبى مرضاش معلش"
"خلاص انا شويه وهلبس وانزل اشوف اى مصنع "
"ربنا معاك"
"بكسوف انا ممكن ربنا يسامحنى " يارب
"طيب انا هخرج لماما"
"انا عارف انك كنتى داخله عاوزه فلوس معلش يا سالى ربنا يكرمنى ان شاء الله تانى برزقكوا"
"بحزن" احنا محاملينك فوق طاقتك يا وائل معلش بس احنا فعلا ملناش غيرك
"ربنا يدينى الصحه يارب علشانكوا لحد بس ما اطمن عليكوا وانتوا فى بيتكوا "
"يا حبيبى ربنا يديك الصحه ونفرح بيك وبولادك يارب"
"هه ولادى "
"اه يا حبيبى ولادك فى ايه يا وائل حاجه مضيقاك وبتحط ايديها على ايده"
"وائل بيتنفض لاء ابعدى عنى "
"ايه ليه "
"لاء مقصدش انا بس حاسس ان داخل على برد خايف اعديكوا"
"انت حتى وانت راجع مردتش تسلم علينا انت متغير اوى يا وائل انا متأكده ان فى حاجه مغيراك"
"لاء انا كويس "
"ماشى يا وائل انا هنا لو حبيت تحكيلى هسمعك"
"لو فى حاجه هحكيلك "
....................................................................................
"ايمان نايمه على سريرها ودموعها على خدها"
"الله يسامحك يا ماما هتضيعى منى الانسان الوحيد اللى قلبى عايش علشانه انا من غير هيثم اموت "
"فلاش باك"
"ايمان بتعدى الشارع وفى عربيه بتيجى بسرعه هتخبط فيها لمشيها وعينيها فى الارض زى ما اتعودت دايما"
"للحظه جه شاب واخدها فى حضنه وبعدها عن الطريق"
"ايمان فى حضنه مش عارفه بتعمل ايه بس هى مطمنه اوى ليه وحتى محاولتش تقاوم انها تبعد عنه "
"انتى كنتى هتموتى "
"ايمان مستسلمه لمشاعر اول مره تلمس قلبها حتى قبل ما تشوف شكل الشاب دا ولا تعرف دا ليه"
"الشاب بيبعدها عنه" خلى بالك بعد كده كنتى هتموتى
"ايمان بتبص فى وشه بتمعن"
"الشاب بيبصلها بأعجاب" انتى امره اوى
"ايمان قلبها بيدق جامد" انا مش عارفه ايه حصلى
"ولا انا ..انا هانى "
"وانا ايمان"
"تشرفت بيكى يا ايمان انتى رايحه فين"
"الجامعه انا فى 4 حقوق "
"وانا كمان فى 2 بس ازاى مشوفتكيش فى الجامعه قبل كده"
"مش عارفه ولا انا بردوا"
"انا مبسوط ان اتعرفت عليكى "
"وانا كمان بس والله انا عمرى ما اتكلمت مع ولد بس انا مش عارفه انا معاك ليه كده"
"طيب تسمحيلى اوصلك الجامعه"
"اتفضلى "
"بترجع ايمان للواقع"
"انا كل ما افتكر يوم لقانا مبصدقش اننا لحد دلوقتى سوا بقالنا سنه مع بعض عمرى ما شوفت منك اى حاجه وحشه يا هانى يارب تكون ليا انا فعلا مش هقدر اعيش من غيرك"
...................................................................................
"سعاد بتدخل البيت وهى حرانه وبتقلع الطرحه بتاعتها وبتديها لناديه خدى"
"حمدلله على سلامتك يا ماما وبعينيها لعلى " عملتوا ايه!
"على بفرحه الفرح اخر الشهر دا "
"ايه دا بجد وهيبقى ايه بقى اتفقتوا "
"هيبقى فى اى نادى وخلاص يا احتمال يبقى فى زفه فى الشارع"
"ناديه" زفه ايه يا ماما انا عاوزه اعزم اصحابى
"على " ان شاء الله هعمل نادى يا ناديه وكلنا نفرح"
سعاد بسخريه" اه نادى وطبعا انت اللى هتشيل الليله كلها لوحدك ما انت دخلت فى نسب عره"
"ناديه بفضول" هو فى ايه مالك يا ماما
"مافيش ياختى اهو احنا شربنا وخلاص "
"على" خلاص بقى يا ماما حرام عليكى
"خلاص خلاص يا خويا سكت .. هه ..فين اختك مش باينه ليه "
"نايمه "
"ايه اللى منيمها بدرى كده "
"معرفش يا ماما هى جهزت معايا العشا وقالتلى هدخل انام "
"ماشى هدخلها ووليد فين"
"جه من بره دخل على اوضته على طول"
"ماشى "
..........................................................................
"وائل قاعد فى مصنع اقدام"
"صاحب المصنع " ماشى انا هجربك لو شغلك حلو هتبقى معايا
"ان شاء الله "
"بس انا بحب استلم الحته نضيفه ماشى "
"متقلقش انا شغلى نضيف"
"طيب بالنسبه لو شغلك عجبنى انا بدفع فى الحته 5 جنيه ماشى "
"5 جنيه مش قليل "
"والله كل الصوانعيه هنا بياخدوا كده وابقى اسألهم بس ببسطهم فى الاعياد واى مناسبه انا سداد"
"خلاص يا حاج ابدأ الشغل فين "
"تعالى ورايا وبيدخولوا اوضه داخليه وبيشاورله على ماكينه"
"اهيه دى بتاعتك بس ورينى يلا اول قطعه وبيديله بلوزه مقصوصه "
"حاضر"
...........................................................................
"وليد قاعد بيشخبط فى الكتاب اللى اقدامه وهو قاعد على المكتب فى اوضته"
"سعاد بتدخله" ايه يا حبيبى انت كويس
"اه يا ماما الحمد لله انا بخير"
"طيب يا حبيبى اسيبك تكمل مذاكره واشوف اختك "
"ماشى يا ماما اتفضلى "
"اه اخوك فرحه على الكونتيسه بتاعته اخر الشهر تكون خلصت امتحانات صح"
"لاء دا انا هبدأ اول الشهر الجديد انا جبت الجدول اهو"
"ايه التطويل ده "
"يلا يا ماما خير الحق اذاكر اللى فاتنى "
"ماشى يا حبيبى ربنا معاك طيب ايه رأيك تيجى نزور جميله ونجبلها هديه حلوه كده قبل ما تبدأ"
"ماشى يا ماما اللى تشوفيه"
"بجد انت موافق"
"اه عادى هى غلبانه نفرحها"
"راحت عليه باسته" ربنا يفرح قلبك يارب"
"للدرجه دى يا ماما بتحبيها"
"بصراحه بحب اهلى اكتر علشان كده عاوزه الجوازه تتم .. وكمان البنت غلبانه جدا"
"ايوه انا لمست دا فيها"
"طيب هنروح امتى "
"هاتى الهديه يا ماما ونروحلها الاسبوع الجاى "
"لاء الاسبوع الجاى ايه بكره بكره نروح"
"بسرعه كده"
"اه يلا خير البر عاجله"
................................................................................
"جميله بتقوم من نومها على صوت تهانى "
"انتى يا به"
"ايِوه ياما عاوزه ايه"
"اصحى خطيبِك وعمتى سعاد جايين يشوفوكى بكره"
"ايه ديه بجد "
"اه واللِه لسه متكلمين وصحونى من النوم قولت والله لاصحيكى وافرحك"
"جميله بتقوم من النوم بفرحه" ربنا يخليكى يا ماما والله فرحتينى
"اول ييجى سيرة اهل خطيبك بوءك بيتعوج على طول"
"الله بقى يا ماما"
"ماشىِ ياختى يلا هروح اكمل نوم انى منعوسِه خالص"
"بتبوسها جميله" تصبحى لى خِير يا اجمل ماما
"هيهيييييه الفرحه هتاكل عاجلك"
"الله يا ماما انى بخزيه "
"بتخزى ماشى ياختى يلا عارفه انكِ مش هيجيلك نوم افوتك بالهنا يا روح امك"
"جميله قامت من النوم تبص لنفسها فى المرايه " الله دنى محتاجه اظبط نفسى بس ايِه اللى هيجيبه مش كان بيجول انِه مش فاضِى وهيمتيحنِ يمكن اتوحشنى يارب يكون اتوحشنى يارب"
......................................................................................
"سعاد بتدخل لايمان الاوضه"
"ايمان انتى يا بنتى قومى"
"ايمان بحزن واضح فى صوتها" فى ايه يا ماما
"ايه اللى منيمك بدرى كده قوى يلا اتعشى معانا"
"لاء ماليش نفس"
"وايه اللى سادد نفسك ان شاء الله"
"مافيش حاجه"
"لاء مالك يا بت قولى فيكى ايه"
"ماليش يا ماما عاوزه انام بس فيها حاجه دى"
"لاء ياختى نامى الحق عليه داخله اسأل عليكى "
"تصبحى على خير يا ماما"
"وانتى من اهله"
......................................................
"تهانى طالعه جمب محمود على السرير"
"انتى جيتى يا تهانى كان مين اللى بيضرب التلفون"
"عمتى بتقول جايين بكره"
"ايِهِ والله طيييب كويس اصل كنت عاوزههِ"
"خير يا خويا ان شالله"
"انى الناس واكله وشى كول ما اجول لحد انى حقعد جميله كل المده دى "
"ايهيه ليه بجه ان شاء الله "
"بيجولولى ازاى تقعدوا كل الفتره على اساس مشبوكه لازم يكتبوا الكتاب "
"ايهيه بس عمتى يمكن مترضاش"
"والله اهى انى هجولهه واشوف سيبيها لبكِره "
"ماشى يا خويا ربنا يقدم اللى فيه الخير"
........................................................
"جميله قايمه من الساعه 7 بتنضف وبتفرش الكنب فرش نضيف"
"بنت عمها" يا حلاوِه ايه الفرحه دى مين اللى جاى
"وليد وعمتى "
"ايهيه اتاريكى وشك هيفط سعادهِ "
"لاء ليه عادى يعنى "
"يا بت علِيه بردك"
"جميله كملت وهى بتدندن ..انا لك على طووول خليك ليا .. خد عين منى طول عليه وخد الاتنين واسأل فيا "
........................................ يتبع
ليست هناك تعليقات:
إرسال تعليق