"ايه يا جميله مش هتردى عليه انى اتوحشتك جوى "
"جميله بحزن" اذيك انت يأ ابراهيم ويارب متشوفش وحش لازم
اوحشك مش انى اختك بردك"
"انا عندك اخ بس يا جميله"
"ايوه يا ابراهيم اخ بس ولولا انك فعلا كده انى مكنتش وجفت سلمت
عليك وانى مرتبطه بغيرك يعنى "
"يعنى انتى موافجه عليه وعوزاه انى اتمناكى يا جميله ومستعد
اتجدم تانى لو مش عاوزاه انى ..."
"متكملش انى كويسه واللى اهلى يشوفوه انى جابله بيه"
"ابراهيم بحزن" انا بس حبيت اعرفك يا جميله ان فعلا كنت
اتمناكى وبجد بتمنالك كل السعاده من قلبى "
"شكرا ربنا يخليك بعد اذنك"
.............................................................................................
"وليد بيدخل البيت وبيسيب الاقلام اللى فى ايده على تربيزه جمب
باب الشقه"
"سعاد" عملت ايه يا حبيبى"
"الحمد لله تمام "
"خلصت كده خلاص وارتحت الحمد لله"
"اه الحمد لله عقبال السنه الجايه بقى "
"بتفكير" وفى زوجه وبيت اشك ربنا يستر"
"تعالى عاوزه اقولك كلمتين"
"اتفضلى يا ماما"
"بص يا حبيبى عارفه ان انك كليتك ومش هينفع تصرف على بيت ولا
زوجه "
"لاء ما انا هشتغل فى الاجازه يا ماما متقلقيش"
"لاء يا حبيبى مش هتحصل انت تنسى الموضوع دا خالص مراتك كأنها
بنت من بناتى وهنعيش سوا وناكل سوا ومصاريفكوا عليه واهو معاش باباك هيكفى ويفيض
ان شاء الله ومتحسش بحاجه زادت عليك خالص"
"ماشى يا ماما سيبيها لله "
"طيب يلا انده لـ على يلا تنزلوا تشوفوا البلده واحنا حجزت
النادى خلاص"
"نادى ايه يا ماما كده مصاريف عليكى"
"لاء مش كفايه على لازم افرحك ونفرح بيك واعزم كل اللى نفسك فيهم
"
"حاضر يا ماما طيب حجزتى يوم ايه"
"الاسبوع اللى جاى يوم الخميس"
"يعنى لسه 10 ايام ماشى يدوب اعزم الناس"
"اه ربنا يتمم بخير مش عاوز تطلع تشوف الشقه؟"
"هدخل ارتاح شويه وابقى اطلع اشوفها بعد اذنك يا ماما"
"اتفضل يا حبيبى ربنا يرضى عليك"
.........................................................................................
"جميله وبنت عمها بيمشوا وبيبعدوا عن ابراهيم اللى واقف عينه
بتودعها"
"ليه يا بت جسيتى عليه كدِه"
"وهو يعنى ينفع يبجى عارف انى مخطوبه ويجى يجولى كلام زى كدِه دل
لوله انه متربى معايا كنت بهدِلته "
"يا بت دا شكله بيحبك جوى الحب بهدله اهيهيهييه"
"يلا يا بت بطلى هبل بينيه نمشى من هينيه اتأخرنا جوى"
"ماشى ياعروسه يا مدوباهم اتنين"
"جميله بحزن" سبحان الله اتجوز اللى مبيحبنيش وابعد عن اللى
رايدنى وبيتمنانى وشوفت دا جواة عينه دنيا مبتديش لـ حد اللى رايده ابداً"
.............................................................................................................
"على بيقوم من النوم شكله حزين "
"مالك يا حبيبى شكلك زعلان كده ليه"
"انا عندى خبر وحش اوى"
"ايه خير "
"الشغل استغنوا عنى "
"يا نهارر ابيض .. ليه كده"
"بيصفوا العماله الزايده لان المصنع بيخسر واستغنوا عن تلت تربع
المحاسبين ومعاهم العمال"
"لا حول ولا قوة الا بالله معلش يا حبيبى خير هتفرج ان شاء الله
متقلقش"
"انا مش قلقان بس مش عارف اعمل ايه وهنصرف ازاى"
"هنمشى على ادنا وان شاء الله ربنا كريم يرزقك بشغل قريب يارب
واحسن كمان من الشغل ده"
"يارب يا حبيبتى ربنا يخليكى ليا يا منال"
"ويخليك ليا يا حبيبى ومشوفكش زعلان تانى ابداً كده يارب"
...................................................................................................
"وليد بيطلع الشقه وبيدخل يتفرج عليها بيبص لكل زاويه مش حاسس
انه مكانه ولا انه المفروض يكون موجود هنا"
"سعاد" ايه رأيك يا وليد لسه السجاد والستاير وتبقى
روووعه"
"اه حلوه يا ماما"
"ايه معجبتكش ولا ايه ؟"
"لاء والله حلوه والوانها حلوه "
"ربنا يسعدك يا حبيبى "
"لاء ادعيلى بالرضا يا امى بالرضا وبس"
"حاضر ربنا يرضى عليك يارب "
..........................................................................
"وائل فى الكوافير قرايبها وبتضع اللمسات الاخيره "
"تهانى" لوووووولووووولى
"اخت تهانى" ايه الجمر ديه يا بت يا جميله ولا وهتتجوزى
وتبقى من اهل البندر الف مبروك ويارب مش تنسينا بقى"
"تهانى" الله يبارك فيكى ياختى وجميله بنتى متنساش اهلها
ابدا مش كدِه يا جمِيلِه"
"جميله بفرحه مكسوره "فرحة عروسه بنفسها وجمالها ولبسها
للفستان الابيض وكسرة انسان مش عاوزها وهى بتتمناه" ايوه يا ماما انا مستغناش
عنكم ابداً
"ربنا يسعدك يا حبيبتى ويكمل فرحتك على خير يااارب "
"على بيلبس بدلته وجمبه منال بتلبس فستان رقيق شيك اوى وبسيط
زيها "
"ايه رأيك يا حبيبى وبتلف توريه الفستان "
"بيقرب منها وبيحضنها" قمر يا حبيبتى
"علشان شايفنى بعينيك دوول بس"
"لاء والله انتى فعلا جميله اوى يا منال بره وجوه بقالى اسبوعين
سايب الشغل ولا بتقوليلى هات ولا عاوزه ولا فكرتي تسألينى هشتغل ولا لاء"
"يا حبيبى انت كفايه عليه تكون جمبى وبعدين انا باكل وبشرب مش
جعانه يعنى "
"بجد انتى جميله اوى اوى يا منال انا متأكد ان ربنا راضى عليه علشان
رزقنى بأنسانه جميله زيك"
"خلاص بقى يا حبيبى كده هصدق"
"اصلا لازم تصدقى وربنا يرزقنى بفلوس كتير علشان بس اسعدك واجبلك
كل اللى نفسك فيه"
"اصلا انا سعيده وانت كل اللى نفسى فيه "
...........................................................................
"وليد بيطلع من اوضته والكل فى استقباله"
"سعاد" لووووولوووولى
"ناديه بتجرى على وليد" ايه القمر دا يا وليد يارب اتجوز
واحد قمر زيك كده يارب
"سعاد بعصبيه" بتقولى ايه يا بت عيب
"ناديه بأحراج انها بتشخط فيها اقدام منال وعلى وايمان" انا
اسفه
"ايمان" الف مبروك يا حبيبى
"الله يبارك فيكو"
"على بيقرب عليه" استنى الببيونه مش مظبوطه
"وليد" شكرااا يا حبيبى يلا لسه هنروح نجيب جميله من بلدهم
فيها ساعه والكوافير
"على" لسه بدرى يا حبيبى متقلقش انا مجهز العربيه اللى
هتزفكوا بره
"ماشى شكرا يا على عقبال ما اعملكوا "
........................................................
"وائل بيطلع من تحت وبيفتح الباب وهو ماسك فى ايده بدله"
"ايه يا بنى البدله دى"
"رايح فرح على يا ماما فى نفس اللحظه سمعوا صوت حاجه وقعت فى
المطبخ"
"ايه اللى وقع وبيجروا بلهفه "
"سالى وقع طبق وبتلم فيه وهى عينيها بتدمع"
"الام" يا خبر ايه اللى حصل
"وائل" انتى كويسه يا سالى
"الحمد لله كويسه وهى عينيها فى الارض مش عاوزه حد يشوف
دموعها"
"وائل" طيب هروح البس انا
"روح يا حبيبى وابقى سلملى على وليد وباركله بالنيابه عنى بس استعجل اوى دا لسه صغير"
"اه يا ماما بس زواج عائلات بقى وكده "
"اه يلا ربنا معاه"
"يارب"
"سالى بتشيل اللى اتكسر ودموعها نازله فى صمت "
...........................................................................
"على واقف اقدام الكوافير مستنى جميله تطلع"
"سعاد لناديه وايمان ومنال" تعالو يا بنات ندخل نشوف جميله
والفستان
"الكل بيدخل وعلى ووليد واقفين بره"
"سعاد" ما شاء الله قمر وللكوافير لاء بجد عاشت ايدك
"منال" طيب ممكن بس معلش بس تخف الروج شويه
"ايمان وناديه" فعلا كتير شويه
"ايمان وناديه" فعلا كتير شويه
"بس دا زواء العرايس حدانا مكياج هادى خالص اهو زى ما جميله طلبت
بس الرووج يكون تجيل شويه يظهر انها عروسه كده هيبجى عادى جوى"
"سعاد" لاء هيبقى حلو بس اعملى زى ما بيقولولك معلش
"حاضر "
"جميله بتخرج لوليد العيون بتتقابل بعد فتره طويله اوى مشفوش
فيها بعض وليد بنظره كسوف وهى بنظرة لوم وعتاب "
"الكل" لووووووووووولوووووووووولى الف مبرووك يا عرسان
قمراات يا ناس
"وليد بيمسك ايد جميله ملمسش نفس الرعشه "
"جميله بتتأبط زراع وليد ببرود "
"وليد بيضغط على ايديها بحنيه"
"بيركب وليد العربيه وجمبه جميله "
"طول الطريق الاتنين بيتجنبوا النظر لبعضهم "
.......................................................................
"ايمان واقفه فى الفرح وبتتفرج على جميله ووليد وهما بيرقصوا
سلو"
"بتتخيل نفسها هى وهانى سوا وبيرقصوا سوا وبتتخيل نظراتهم لبعض
وكلام الحب اللى بيسمعوه لبعضهم "
"لحظات وسمعت صوت هامس من ضهرها" انا بحبك
"التفت بفرحه" حبيبى انت هنا
"انا هنا ولازم كنت اشوفك فى يوم زى دا عقبالنا يارب"
"يارب يا هانى يارب امشى بسرعه قبل ماما ما تشوفك معلش "
"حاضر طيب انا مسافر بعد بكره لازم اشوفك بكره واشبع منك"
"حاضر حاضر بس امشى"
"حاضر همشى بس بحبك"
"وانا كمان وبتتلفت حواليها تطمن ان محدش شايفها "
................................................................................
"جميله وهى بين ايدين وليد طبعا كل شويه بخبط رجله وهو يتوجع فى
صمت"
"انا اسفه بهدلتلك رجلك "
"لاء براحتك"
"انا ..."
"ها قولى "
"انا اسفه ان مقدرتش اخليك تسيبنى فى هدوء وابعد عنك "
"شششششش بلاش الكلام دا النهارده فرحنا افرحى وبس يا جميله افرحى
حسى انك ملكه وافرحى "
"جميله بفرحه " بجد يا وليد افرح
"ايوه يا جميله افرحى وانسى كل حاجه عيشى اليوم دا وبس"
"حاضر"
......................................................................................
"واحد بتقرب على سعاد وبتبوسها"
"سعاد يا ختى اذيك والف مبروووك"
"اهلا يادى النور يا حنان يا حبيبتى نورتى الفرح"
"دا نورك يا حبيبتى بصى يا سعاد احنا جيران من زمان وانتى عرفانه
صح"
"اه صح خير قلقتينى "
"بصى انا هقولك كلمتين "
"اتفضلى "
......................................................................................
"الفرح بيخلص على دخول جميله ووليد عش الزوجيه "
"جميله بتدخل على الاوضه وهيا فى قمة كسوفها"
........................... يتبع
ليست هناك تعليقات:
إرسال تعليق