"وقف وليد لحظات عينه فى عين رشا قلبه بيدق غصب عنه "
"رشا شافته ابتسمت وهمست الف مبروك وسابته ونزلت "
"وليد واقف مذهول رشا بتبسمله وبتباركله كان متخيل انها مش هتحب تشوف وشه اصلا بس كل شويه بتثبت انها فعلا انسانه جميله وقلبها كبير وحبته بجد "
"ازاى حبتنى وهى سعيده ان مع غيرها "
"ماهو دا اسمى انواع الحب"
"ايه اللى بقوله دا بس انا اراعى ربنا علشان ربنا يرضا علينا وربنا قادر يخلينى احبك يا جميله واعيش حياتى كلها معاكى سعيد وراضى وانا مش هعمل اللى يغضبك ابدا يارب "
...............................................................................................................................
"جميله بتلبس عبايه شيك وبتقعد اقدام المرايه وبدأت تتجمل"
"بتبص لنفسها فى المرايه ..انا مش هكون اقل منك فى اى حاجه يا وليد وبكره تشوف "
.................................................................................................................................
"وليد بينزل من على السطح وهو حاسس جواه حزن عارف مصدره بس بيقاومه"
"جميله بتخرج وهى مبتسمه" انت جيِت يا وليد
"اه ايه لابسه ليه كده"
"عايزِهِ انزل تحت شوِيه ماما وحشتنى ونجعد شويه مع البنات"
"ماشى يلا بينا"
............................................................................................................................
"ايمان قاعده فى اوضتها بتفتكر هانى ووعدها ليه وتفتكر كلام مامتها "مش هتتجوزيه وهتتجوزى ابن حنان " ودموعها تنزل فى بأنهمار"
"ناديه بتدخل لايمان وبتفتح النور شافت ايمان قاعده على السرير ومقرفصه رجليها وبتعيط دخلت وقفلت البا وراها وقربت من ايمان"
"مالك يا حبيبتى فيكى ايه "
"نفسى اموت وارتاح يا ناديه "
"بعد الشر عليكى ليه كل ده وليه الفتره دى كلها مزاجك وحش كده"
"ماما عاوزه تجوزنى لحد انا معرفوش حد غير هانى "
"شوفتى مش انا قولتلك يوم ما هانى اتقدم بينكوا حاجه قولتيلى لاء انا احساسى مبيكدبش ابدا "
"خلاص هانى سافر وانا وعدته استناه وهستناه حتى لو ماما موتتنى "
"خلاص يا ايمان اهدى بس ومتخليش حد يلاحظ حزنك دا "
"يعنى اعمل ايه انا هموووت من القهر"
...............................................................................................................
"جميله بتدخل هى ووليد عند سعاد"
"سعاد بفرحه وبتقوم تبوس جميله" يادى النور يادى النور اهلا بالعرسان الحلوين"
"جميله" اذيك يا ماما مبتطلعيش انتى قولت انزل انا وحشتينى اوى فين البنات"
"حبيبتى مش حابه اضايقكوا انتوا عرسان لسه والبنات فى اوضهم"
"وليد" انا هدخل اشوفهم "
"جميله " طيب
"سعاد بتقرب من جميله ايه يا حبيبتى وليد كويس معاكى "
"بأبتسامه خجوله" الحمد لله
"الحمد لله وانتى يا حبيبتى مش ناقصك حاجه؟"
"لاء مش ناقصنى اى حاجه الحمد لله وليد يبقى معايا وكويس وسعيد الدنيا وما فيها "
"حبيبتى ربنا يسعدكوا سوا دايما يارب"
........................................................................................................
"ناديه بتقرب منها وبتاخدها فى حضنها طيب يا حبيبتى وحياتى متزعليش "
"انا همووت يا ناديه هموووت انا مش عارفه ماما قاسيه عليه كده ليه ازاى اتجوز واحد وانا قلبى مع غيره هعيش معاه ازاى بس انا من غير هانى اموووت اموت يا ناديه اموت "
"الباب بيخبط"
"امسحى وشك يا ايمان بلاش ماما تشوفك كده بسرعه "
"ناديه بتبص لايمان " خلاص ادخل
"وليد بيدخل " ايه يا بنات قاعده بناتى ولا ايه "
"ناديه" لاء يا عريس تعالى ايه فين جميله
"بره مع ماما بيبص لايمان اللى عينيها حمرا وورمه من كتر العياط"
"ايه يا حبيبتى مالك "
"ناديه" ايه يا وليد مالها كويسه اهيه"
"مش عارف بس شكلها معيط"
"ايمان غصب عنها دموعها بتنزل "
"اهو مش بقول مالك يا ايمان بس انا عارف"
"ايمان بخضه" عارف ايه
"موضوع العريس اللى ماما عاوزاكى تتجوزيه ده صح"
"ناديه" اه ماما قالتلك بقالها 3 ايام بتعيط
"لاء متعيطيش قومى يلا اقعدى معانا بكره ومتخافيش من اى حاجه "
"بجد يا وليد"
"خلاص بقى "
.......................................................................................................................................
"الكل مجتمع وهو جميله وناديه وايمان ووليد "
"سعاد يلا ندخل نحضر العشا يا بنات علشان وليد وجميله يتغدوا معانا "
"وليد" ماشى
"جميله" بس انا هاجى اساعدكوا
"سعاد" ابدا ولا يحصل انتى لسه عروسه تساعدى ايه
"فى نفس اللحظه بيدخل على ومنال"
"سعاد " جيتوا يا ولاد ها طمنونى عملتوا ايه
"على " لاء يا ماما احنا لسه مجيناش
"وليد" هههههههههه لاء خفيف بجد كنتوا فين
"منال بتبص لـ على بحب"
"على بفرحه" كنا بنشوف ابننا وبيطلع صوره فيها جنين صغيره دا
"وليد بيحض على " الف الف مبروك يا حبيبى مبروووك
"الله يبارك فيك عقبالكوا يارب"
"جميله بتمنى " يارب
"وليد" ان شاء الله بس ايه يا عم خلاص هتبقى اب
"ايمان "الف مبروك يا منال
"ناديه" الف مبروك يا حبيبتى
"جميله" الف مبروك يا منال وهى بتحاول تتكلم بنفس طريقة ناديه وايمان ونفس الهدوء"
"الله يبارك فيكوا عقبال ما نفرح بيكوا يا بنات يارب"
"سعاد" ما انتواها تفرحوا بأيمان قريب خالص"
"وليد بيبص ل ايمان" مش وقت الكلام دا يا ماما "
"سعاد مش وقت ايه يعنى الولد الصغير اتجوز والبنت الاكبر متجوزش لسه "
"على " انا مش فاهم ايمان جايلها عريس"
"وليد بيغمر على " سيبك من كل ده وقفل فى الكلام دلوقتى
"وليد" ايه يا ماما كنت سامع ان فى عشاء"
"طيب هدخل اهو يلا يا بنات "
"منال بتدخل معاهم"
"سعاد" لاء يا منال روحى يا حبيبتى انتى ارتاحى دلوقتى يلا
"لاء يا ماما هساعدكوا "
"لاء يا حبيبتى بلاش تتعبى نفسك خلى ربنا يقومك بالسلامه وابقى اسألى على لو ينفع تنزلوا تقعدوا معانا لحد ما تقومى بالسلامه "
"حاضر يا ماما بس مش عاوزه اتعبك "
"لاء تعبكوا راحه يااااه انا فى دا اليوم لما ابقى جده"
........................................................................
"على لوليد" هو فى ايه وسكتنى ليه
"اختك جايلها عريس ومش عاوزاه عاوزه هانى فاكره"
"اه بس ينفع اللى انت بتقوله ده "
"يا سلام ومينفعش ليه بقى "
"يعنى ينفع تقول اختك عاوزه واحد تانى "
"وانت لما حبيت منال وهى حبيتك كنت قولت حاجه ولا حلال ليك وحرام على غيرك"
"بس مش كل الناس زى بعضها "
"وانا لو مش واثق فيه وعارف ان مش كل الناس زى بعضها فا انا واثق فى اختى وعارف هى ايه ومش هحرمها يا على من حد هى عيزاه "
"خلاص يا وليد بقى "
"خلاص انت .. ولو مكنتش هتقف جمب اختك يبقى تخليك فى حالك ولا تقول لا اه ولا لاء"
"انا الكبير يا وليد مينفعش تكلمنى كده"
"خلاص انا اسف بس معلش بلاش تضيعوا احلامها هى كمان ويا سيدى كل واحد يتحمل نتيجه اعماله"
"ماشى يا وليد ماشى "
............................................................................................................................
"بعد انتهاء العشاء وقضاء ليله يسودها التوتر لحد ما "
"جميله بتطلع وبتلبس طقم شيك ومجملها اوى "
"وليد نايم نص نومه على السرير وسرحان"
"جميله بتقرب منه" ايه يا حبيبى مالك
"مافيش يا جميله مافيش"
"لاء انت اول ما جه موضوع عريس ايمان ده وانت متغير فى ايه"
"والله مافيش انا بس مش مرحب بجوازها دلوقتى "
"ماهى كبرت بردوا يا وليد المفروض تتجوز بقى "
"كبرت ايه يا جميله دى لسه فى الجامعه"
"يعنى مش هى اكبر منك ولا لاء "
"انتى عارفه يا جميله ان جوازنا انا وانتى لظروف هى مافيش ظروف"
"جميله بحزن" تانى
"انتى اللى فتحتى الموضوع البنت تبدأ تخاف وتقول كبرت وهيفوتنى قطر الجواز لما تقرب على التلاتين "
"بشهقه " التلاتين كفاله الشر الله واكبر" انت عاوز تبورها
"لاء متخافيش يلا تصبحى على خير
"ايه يا وليد انت زعلت منى "
"لاء انا تعبان وعاوز انام "
"جميله نامت وهى حزينه " ياريتنى ما اتدخلت فى حاجه من الكلام دا ياريتنى "
...........................................................................................................................
"على ومنال نايمين على السرير"
"ايه رأيك يا حبيبى "
"المهم انتى يا حبيبتى هتبقى مرتاحه"
"انا اى مكان جمبك مرتاحه "
"بس مش عارف هنعرف ناخد راحتنا تحت "
"مش عارفه ومش عاوزه ازعل ماما "
"خلاص نبقى ننزل فتره لو ارتحنا ماشى مرتحناش خلاص"
.............................................................................................................................
"وليد نايم حاسس بتأنيب الضمير وخصوصا جميله وهى قاعده تتجمل علشانه فتره طويله"
"قرب منها" نمتى
"جميله بتدور ليه وشهم متقارب جدا من بعض"
"لاء "
"طيب انا اسف لو كنت ضايقتك"
"وانا اسفه ان ادخلت فى حاجه متخصنيش اخر مره "
"طيب ايه انتى حلوه كده ليه"
"بجد بجد حلوه فى عينيك يا وليد"
"ايوه حلوه يا جميله حلوه اوى وضاعوا فى ليله من الاحلام"
...................................................................................................................................
"ايمان بتسمع صوت التليفون بيرن بتجرى عليه"
"الو "
"الو اذيك يا حبيبتى "
"بصوت هامس رغم مافيش غيرها فى البيت بس بردوا خايفه "
"هانى حبيبى طمنى وصلت بالسلامه"
"الحمد لله وصلت بالسلامه يا حبيبتى بس وحشتينى اوى انا مش عارف هعيش ازاى بعيد عنك "
"حبيبى ما احنا مكناش بنشوف بعض غير فين وفين واهو علشان نتجمع بسرعه"
"بس كنت بحس اننا ف نفس البلد "
"وحياتى يا هانى بطل توجع قلبى حرام عليك"
"خلاص يا حبيبتى حاضر بس انا بحبك اوى وكل يوم بحبك اكتر"
"بدموع" ربنا يرجعك ليا بالسلامه يارب ويجمعنا على خير"
"يارب يا حبيبتى يارب"
"طيب اقفل بقى علشان متخلصش الرصيد وتبقى تكلمنى اسمع صوتك"
"حاضر هتوحشينى "
"وانت فعلا وحشتنى "
...............................................................................................................
"بعد فتره على اثبت مركزه فى شغله"
"انا مبسوووط اوى يا عمار"
"انت تستاهل تبقى مدير المكتب واكتر والله يا على "
"ربنا يخليك ليا يا عمار انت ونعم الصديق"
"وانت ونعم الاخ ربنا يبارك فى صداقتنا طول العمر يارب"
"لحظات وجت سكرتيرة المديره"
"المديره عاوزه حضرتك"
"على " حاضر
"عمار" الله يسهلو ياعم
"والله مش قادر افهم تلميحاتك يا عمار بس ماشى يا سيدى ويسهلك"
...........................................................................................................
"وليد لسعاد وهى قاعده جمبه فى الانتريه عنده "
انسى يا ماما بقى الموضوع دا حنان ايه بتاع ايه "
"انت مش عاجبنى يعنى انت موافق اختك على اللى هى عاوزاه "
"بصى يا ماما اوعدك لو جه واحد تانى احسن وظروفه كويسه ومافيش فيه حاجه تتعيب انا اللى هجوزه ليها ماشى "
"طيب والناس اللى جايه بكره دوول اقولهم ايه"
"اعتذرى بقى اى حاجه "
"حاضر يا بنى يادى الكسوف بس "
"جميله بتيجى بالعصير" اتفضلى يا ماما "
"لاء يا حبيبتى اشربوا انتوا بالهنا انا هنزل اشوف هكلم الناس ازاى بقى "
"طيب اقعدى شويه بس"
"وليد" لاء سيبيها يا جميله تنزل الوقت اتأخر يدوب تلحقهم قبل ما يناموا "
"اه يلا تصبحوا على خير "
"وانتى من اهل الخير يا ماما "
.......................................................................................................................................
"على بيدخل للمديره"
"ايوه حضرتك طلبتينى "
"هو انا مشوفكش غير لما ابعتلك يا على "
..................................................................................................................................
"وليد قاعد حزين بيقلب فى التليفزيون وزهق قفله تانى"
"مالك يا وليد حاجه مضيقاك"
"زهقان عاوز اشتغل اعمل اى حاجه بدل ما انا قاعد فى البيت كده "
"طيب ما تدور على شغل "
"ما انا هكلم وائل صاحبى او اروحله ازوره احسن"
"اه روحله وانا اجى معاك واتعرف على اهله اللى بتحكى عليهم"
..................................................... يتبع
ليست هناك تعليقات:
إرسال تعليق