"بتدخل نيفين وبطلعها لـ شقه منال"
"ناديه واقفه بتخبط على الباب"
"بتفتح منال وهى بتسرح شعرها " تعالى يا ناديه يا حبيبتى وبتبص فوجئت بنيفين وقلبت وشها"
"ناديه" استاذه نيفين عاوزاكى
"اه اهلا وسهلا اتفضلى "
"بتدخل نيفين وبتستأذن ناديه"
"منال بتقفل الباب وبتدخل تفتح نور اوضة الصالون " اتفضلى
"نيفين بتقعد وبمنتهى الطلاقه والعفويه" انتى مزعله على ليا يا منال
"منال بأستغراب" نعم
"بقولك مزعله على ليه انا مبحبش اشوفه زعلان ليه بتزعليه كده"
"بمنتهى الهدوء وبتتمالك اعصابها" دى مسائل شخصيه بينا اعتقد ان حضرتك مالكيش تتدخلى فيها
"لاء ليا دا اخويا وانا محبشش اشوفه زعلان"
"انا يوم ما اتجوزته اعرف ان اخواته ايمان وناديه بس انتى طلعتى منين بقى "
"انا اخته وغصب عن اى حد وانتى لازم متزعليهوش تانى انتى فاهمه"
"وانتى كده بتدخلى فيما لا يعنيكى ولو سمحتى زيارتك انا مش مرحبه بيها "
"يعنى ايه "
"يعنى اتفضلى اطلعى بره"
"انت بتطردينى من بيت اخويا والله لاخليه يطلق "
"دا انتى مستفزه فعلا "
"انتى اللى مستفزه واصلا على خساره فيكى وهو اصلا احسن منك "
"وانتى علشان فى بيتى هكتفى بأن اطردك ومش هرد عليكى وبتتجه للباب اتفضلى اطلعى بره"
"ماشى بكره تشوفى يا منال هعمل ايه وعلى اصلا خساره فى انسانه حقوده زيك"
"اتفضلى "
"بتنزل نيفين على السلم وهى بتنفخ "
"منال بتدخل وبتقفل الباب" ايه الست المجنونه دى شكلها فعلا مريض "
.........................................................................
"وليد قاعد مع الشيخ"
"ياااه كل دا بس انت غلط يا وليد تسيب لمراتك البيت كله كده وتمشى "
"لاء يا شيخ انا جيت على نفسى كتير واستحملت والله انا خلاص مبقتش قادر استحمل اكتر من كده "
"بس دى مراتك كنت تقعد معاها وتقولها انكوا مش متفاهمين وبردوا تقنع مامتك ان دى حياتك انت ولازم تعيشها زى ما انت شايفها "
"قولت كتير بتقعد تبكى او تدعى عليه "
"خلاص يا وليد خير واللى حصل حصل متزعلش "
"خير"
"طيب يلا علشان تشوف شغلك "
"حاضر"
"بالنسبه لاهل بيتى انت اللى هتوديهم المشاوير وتجيبهم وكده ماشى "
"وليد " ان شاء الله
.................................................................................
"بيدخل محمود على صوت تهانى اللى بتبكى وبتزعق "
"محمود" ايه يا وليه صوتِك مسمع الناس كوليهه فيى ايه
"تهانى بخوف" انت جيت يا محمود
"محمود بيبصلها وبيبص للجد اللى شاف جميله فى حضنه وماسكه فيه"
"فى ايه ايه اللى جابك يا جميله "
"جميله بخوف " فى ان انا سبت البيت ومش هرجع تانى وعاوزه اطلق
"محمود بعصبيه" نــــــــــــعم تأيه
"واقف ورا الباب ولاد العم بيسمعوا كل المشكله ومعاهم عمتهم"
"بكر" اسكت يا محمود متتكلمش
"اسكت ايه يابا انت مش سامع البت بتجول ايه "
"بجولك اسكُت "
"حاضر اهو هحط جزمة فى بوجى واتكتم "
"بكر تعالى معايا يا جميله "
"بتوطى جميله تشيل شنطتها وبتدخل مع جدها اللى اخدها واتوجهوا للاوضه"
"ادخلى يا جميله اقعدى وارتاحى وانا جايلك اهو "
"ماشى يا جدى "
..........................................................
"بتقعد منال وهى سرحانه "
"ايه الست الغريبه دى شكلها فعلا مريض اكيد فيها حاجه مش طبيعيه"
"انا هقول لـ على وهو يتصرف معاها دى مجنونه "
"على اقوله ايه بس دا متعاطف معاها جدااا"
"هى فعلا كذا مره تقول مبحبش اشوفه زعلان "
"طيب انا اعمل ايه دلوقتى "
"لاء انا مش هقول ولا هتكلم انا هكون ست عاقله وهحافظ على جوزى ايوه انا هحافظ على على "
"وكرامتى!"
"مافيش فى الحب والجواز حاجه اسمها كرامه وان كانت هى فاكره انها هتقدر تاخده منى انا هوريها انا ولا هى "
"انا على حب عمرى وواثقه انه بيحبنى وهى اكيد بتضحك" عليه بحتة انه شبه اخوها دا انا هكون اذكى منها واحافظ على حب عمرى "
.............................................................
"بترجع نيفين الشغل وهى بتبص لـ على نظرة غيظ وهى ماشيه وعلى على مكتبه مأخدش باله منها "
"فى سرها" والله لاخليها تندم انها زعلتك كده يا حبيبى انا هخليها تندم بس انت متزعلش ابدا "
"وجيت عليها السكرتيره"
"لو سمحتى حضرتك فى ناس كتيره سألوا على حضرتك فى المكتب"
"طيب جايه اهو "
***************************
"بتدخل ناديه لايمان"
"ماما نزلت "
"ايوه "
"طيب هى فين "
"فى الاوضه"
"طيب الحمد لله انها محستش بحاجه دا انا كنت خايفه خالص"
"لاء هى شكلها نازله معيطه من تحت ومن ساعتها نايمه "
"معيطه ليه"
"مش عارفه"
"هى بقالها اد نايمه"
"ساعتين "
"الله هو انا نمت ساعتين "
"اه"
"غريبه انا محستش خالص"
"بسبب الدوا اللى بتاخديه بينيمك"
"طيب حرام روحى انتى اوضتك حرام ارتاحى شويه وانا هقوم اتسند واروح اشوف ماما مالها"
"لاء يا حبيبتى هاجى معاكى "
"ماشى "
..................................................................................................
"بكر قاعد مع جميله"
"ها هتحكيلى ايه اللى حصل ولا لاء"
"هحكيلك يا جدى بس اوعدنى انك مش هتقول لابويا ولا امى اى حاجه "
"اوعدك"
"وانا واثقه فيك يا جدى "
"ها "
"بص يا جدى وليد كان فى منتهى الرقه والطيبه معايا وانا قولت مالوش داعى الخوف اللى انا حاسه بيه دا وفعلا عشت راضيه ومستسلمه لحياتنا سوا اتمنيت رضاه حاولت اغير من نفسى علشانه بس كل دا مكنش كفيل ليا عنده انه يحاول يحبنى كان بيمثل انه سعيد معايا شافته نظراته لغيرى اللى عمرى ما حسيت بالدفى دا فى عينيه وبتكمل بدموع اكتر وصوت مكسور انا بقوله مين دى فضل بقى يا جدى يقولى انا عايش معاكى وبحاول اجى على نفسى علشان اسعدك وانا قولتله لاء متجيش على نفسك وسبت الشقه ونزلت عند مامته علشان كنت مجروحه منه اوى ونزلت ونمت مع مامته ومقرره اجى ليكوا الصبح "
"كملى "
"مامته طلعتله علشان ينزل يصالحنى لقيته طفش مشى يا جدى مشى علشان مش تغصبه يعيش معايا تانى"
"الجد بهدوء" طيب يا جميله ارتاحى انتى دلوقتى
"وغلاوتى عندك يا جدى ما تغصبنى اعيش معاه تانى انا مش رخيصه اوى كده"
"خلاص يا جميله قولتلك خلاص"
..........................................................................
"وائل قاعد فى الانتريه ومعاه مامته وسالى "
"ها ايه رأيك يا سالى "
"سالى ساكته مبتتكلمش"
"وائل" انا شايف انه فرصه كويسه عريس جاهز محترم وانا هجزك كل اللى انتى عاوزاه وغير انه محترم اوى وابن ناس وكفايه اننا عارفينه
"الام" بصراحه خساره والله لو طردتيه هنندم عليه
"وائل" ها ارد اقول ايه يا سالى
"سالى" طيب اخد يومين بس افكر
"وائل" طيب بصى انا هقوله هى عاوزه تقعد معاك الاول وتشوفيه وتتكلمى معاه وقولى رأيك
"خلاص حاضر اللى تشوفه يا وائل "
"انا شايف بصراحه انه ميترفضش"
"خلاص انا هقعد معاه يمكن "
"عين العقل لما اقوم انا البس يلا "
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
"بكر بيكلم محمود"
"يعنى ايه يا بويا انتِه موافج انهِه تتلج "تتطلق"
"ايوه وديِه اخرِ كلام انى بندم جوى ياريتنى ما عملت اكديِه ياريتنى ما غصبتهم شكلى ظلمت البت واجول ايه تروح بيت اختى تعيش فى امان "
"ما انت لو تريحنى يابا وتجولى ايه اللى حصل"
"متفاجوش وخلاص ومش عايز كلام تانى انى جولت اهو "
"ماشى يابا اللى تشوفه بس الناس هتشمت فينا جوى "
"احنه لو خفنا من الناس يبجى هنعيش طول العمر مش مرتاحين بسببهم "
"خلاص يابا "
"وانته ولا انتى وبيوجه كلامه لتهانى" اى حد منكوا يكلم معاها ولا يضايجها خالص"
"حاضر يابا حاضر"
....................................................................................................
"على بيخرج من الشركه بتقف اقدامه نيفين بالعربيه"
"بأسلوب امر" اركب
"لاء معلش انا هركب مع عمار "
"بقولك اركب يا على عاوزاك "
"بيركب على وبيعتذر لعمار اسلوبها غريب استفزه"
"ايه فى ايه "
"انت تيجى تتغدى معايا "
"لاء شكرا وياريت تبطلى تتعاملى معايا بالاسلوب دا "
"اسلوب ايه انا عملتلك ايه يا على "
"انتى صعبانه عليه اه بس انك تتعاملى كأن انا بشتغل عندك وتفضلى تتأمرى عليه دا انا نش هقبل بيه"
"انا يا على وبدموع "انا بتأمر عليك دا انا بخاف عليك انت اخويا يا على انت ابراهيم حبيبى اللى بخاف عليه من الهوا يجرحه
"ما انا بتغاضى علشان انا بحس انك شيفانى اخوكى بس انك تفضلى تزعقى دا انا مش قابل بيه انا اخواتى مبيقدروش يرفعوا صوتهم عليا "
"انا اسفه يا على اسفه بس متسيبنيش والله يا على لو بعدتنى عنك انا هموت نفسى"
"بضيق" خلاص خلاص انا اخوكى وجمبك بس متضايقينيش تانى بطريقتك واسلوبك دا تانى
"حاضر حاضر انا اسفه"
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
"بتدخل ايمان تتسند وبتدخل الاوضه لسعاد وناديه معاها "
"سعاد بعينين حمرا " فى ايه يا ايمان ايه اللى قايمك من السرير بس
"انتى عينيكى حمرا كده ليه يا ماما انتى كنتى بتعيطى "
"اخوكى طفش وجميله رجعت البلد وخلاص كده خسرت عليتى علشان معرفتش اربى "
"ناديه" والله يا ماما هو كده اصلا اللى المفروض كان يحصل من الاول بس انا فعلا اللى صعبانه عليه جميله
"سعاد" وانا كنت اعمل ايه
"ناديه" المشكله بس وليد راح فين
"ليبيا .. كان قايل لجميله انه هيروح"
"ايمان" المشكله ان دلوقتى يا ماما كان ممكن يكون من الاول انهم يسيبوا بعض وكانت المشكله مش هتكبر كده لكن المشكله ان بقى فيها جواز وطلاق وطفل
"سعاد" اه يانى انا مش عارفه اتصرف ازاى بيدخل على وبينده بأعلى صوته ماما
"ناديه" على جه
"وتليفون البيت بيرن بيجرى الكل بلهفه"
"على بيرفع السماعه" الو
............................................. يتبع
ليست هناك تعليقات:
إرسال تعليق