الحياه بدوم غلاف الجزء الثانى .. الحلقه الرابعه

"تسنيم بتقرب من الباب ببطئ"
"ايوه يا حاتم حاضر انت مضيع مفاتيحك ولا شو"
"بتحط ايديها على الاوكره تفتح وهى بتقول مين"
"مسمعتش صوت فكرت بسرعه"اكيد حاتم ملحقش يجى بسرعه كده مين"
"بصت من العين السحريه فى حد حاطط ايده عليها لانها مش شايفه حاجه"
"بخوف"ميـــــن
"مافيش اجابه"
"بتبعد تسنيم عن الباب بخوف"
"الجرس بيضرب تانى"
"تسنيم بتبص للباب برعب"
"دقايق بتنتظر برعب جرس الباب سكت"
"بتاخد نفسها بصعوبه" اكيد هو
"ارتاحت لحظات وسمعت المفتاح بيفتح الباب"
"بتجرى بخوف اكتر" مين
"حاتم بيدخل" انا يا حبيبتى
"بتجرى عليه تسنيم بتترمى فى حضنه" حبيبى
"حاتم بأستغراب" ايه مالك يا تسنيم بتترعشى كده ليه
"ها لاء مافيش هو مافيش حد كان بره"
"حد حد مين"
"حد ضرب الجرس وعلى ما جيت افتح كان مشى"
"لاء معرفش"
"اه طيب"
"هتلاقى البواب وهيرجعلك تانى"
"يمكن"
"بيدخل حاتم وهو ساند تسنيم وبينيمها فى السرير"حبيبتى تنام بقى وترتاح وانا هجيب الاكل معايا وانا جاى
"ماشى يا حبيبى"
"بياخد حاتم موبايله وبيخرج وبيقفل الباب وراه"
"هو شو بده منى هيدا الرجال الله ينتقم منه يا الله"
............................................................
"جمال واقف على السلم من فوق"
"يا خبر ايه رجعه دقيقه وكان يشوفنى الحمد لله امشى انا بقى قبل ما يرجع تانى"
............................................................
"عيسى بيرجع من شغله وبيعدى من اقدام محل رمضان"
"رمضان" اذيك يابنى يا عيسى
"عيسى بأبتسامه اذيك يا عم رمضان انا اسف قولتلك من اول امبارح هتبقى الفلوس عندك على امبارح وانا معرفتش اتصرف الشركه موافقتش"
"لاء يا بنى ما انا كنت عارف انك مش واخد بالك انه كان يوم الجمعه تانى يوم فا استنين بس اتصرفت يعنى"
"لاء للاسف بس هدور على شغل واخد سلفه منه واسددلك والله انا اسف"
"لاء خلاص اشتغل معايا فى المحل "
"عيسى بيبص للمحل اللى كله قطع غيار ومكتب صغير اوى بيقعد عليه الحاج والارض اللى كلها قطع غيار"وانا هشتغل هنا ايه
"هتمسك الحسابات بتاعت المحل"
"بتضرر اللى حضرتك تشوفه حاضر"
"حضرلك الخير ومتقلقش الفلوس هتبقى كأنها وصلت مجرد ما تشتغل اول شهر معايا بس وهتقبض كل شهر نصهم بس اول شهر بس دا اللى دبل"
"عيسى بفرحه" خلاص يا عم رمضان اتفقنا
"خلاص هستناك تيجى كل يوم بعد العصر بعد ما تكون رجعت من الشغل واتغديت وتنزلى بقى"
"ان شاء الله انا متشكر جدا"
"الشكر لله اتفضل"
............................................................
"لمياء بتحاول تبعد بعينيها عن مامتها" ليه بس يا ماما بتقولى كده
"لان انتى عينك اللى بتستخبى عنى دلوقتى دى بتقول ان فى حاجه"
"ابدا يا ماما بيتهيقلك"
"اوعى تكونى بتفكرى فى اللى اسمه عيسى دا تانى يا لمياء"
"عيسى ايه لاء يا ماما طبعا"
"قولى ورحمة امانى؟"
"لمياء بدموع" اه يا ماما انا متأكده ان مش عاوزاه بس مش قادره يا ماما مجرد ما بقرب منه قلبى بيبقى هيتشال من مكانه من كتر ما بيدق مبقدرش اخد نفسى بحس ان جسمى كله بيتنفض والله مش بأيدى بس انا فتحت عينى على معنى الحب عليه من ثانوى يا ماما بحبه لو كان حب مراهقه كان اتنسى دا حب بجد حب بيموتنى بالبطئ "
"ومحمود مبتحسيش معاه كده"
"لاء محمود بحبه بس مش بحس بالحاجات دى معاه انا كنت هتجنن عليا علشان يرجع كويس وانتى كنتى شيفانى ومش متخيله ان ممكن اكسر قلبه واسيبه بس مش عارفه يا ماما انا محتاره وبدموع اقوى محتاره وحاسه ان انسانه وحشه اوى بحب اتنين ازاى يا ماما مش عارفه اعمل ايه فى قلبى نفسى اموت"
"بتضربها الام على وشها" تموتى انتى كمان عاوزه تموتى
"اسفه يا ماما اسفه"
"خلاص يلا امشى من اقدامى وادخلى صلى وعيسى الاحسن ليكى تنسيه يا لمياء وقولى لمحمود ان يبدأ يدور على قاعه بقى الفرح اخر الشهر دا "
"لمياء بأستغراب" بتقولى ايه يا ماما
"بقولك علشان تنسى عيسى دا لازم تتجوزى محمود وبسرعه"
"وهنعمل فى قاعه امانى يا ماما امانى "
"انا محدش هيحزن عليها ادى بس انتى لازم تفرحى هو انتى هتتجوزى كل يوم يلا كلميه قوليله"
"لمياء بتقرب من مامتها تحضنها" اسفه يا ماما مكنتش اقصد وبتبكى
"الام" طيب بس متعيطيش بقى هتخلينى اعيط انا كمان
"خلاص يا ماما بس سامحينى والبنى "
"مسمحاكى خلاص بس متقوليش الكلمه دى تانى"
"حاضر"
............................................................
"جهاد قاعده والله انا فرحت يا بسمه ان اعرف حد هنا واكيد هنبقى كويسين مع بعض"
"احمد بيبص عليهم بضيق"
"بسمه بأبتسامه صفرا"اه اكيد اصحاب بقى
"جهاد ببراءه" بس انتى مكنتيش بتظهرى خالص اخر السنه اللى فاتت ليه؟
"بتبص بسمه على احمد بغيظ" اصل ولاد الحلال ضربونى اسفين عند بابا مكملتش وبتحدى بس هكمل ان شاء الله
"جهاد بتحاول تتجنب الدخول فى تفاصيل"ربنا معاكى يا حبيبتى
"بسمه بأبتسامه" ومعاكى مبسوطه بعد كل اللى حصلك دا وبدأتى حياه جديده كويس
"جهاد بأحراج" الحمد لله
"احمد بضيق وبيلاحظ اسلوب بسمه الاستفزازى واحراج جهاد" ماشى يا بسمه نورتى والله بس احنا هنلبس وخارجين
"بسمه بسخريه" تخرجوا زهقتوا من بعض دا انتوا لسه متجوزين اول امبارح
"احمد بتصميم وبيقرب من جهاد يحط ايده على كتفها" اللى يتجوز واحده زى جهاد بأخلاقها العاليه واحترامها ميزهقش بس هى اللى جميله اوى مش قادره تقعد بعيد عن امل رايحين نجيها"
"بغيظ" اه ما هى امل دلوقتى اللى هتعوضها انها بقت عاقر ومش هتخلف
"جهاد الدموع بتيجى ف عينيها"ربنا يسامحك
"احمد بعصبيه" ايه قلة الادب دى انتى نازله ليه يا بسمه
"انا قولت ايه مش دى حقيقه ولا الحق بيوجع"
"اطلعى شقتكوا يا بسمه يلا"
"بسمه بتخرج وهى مبتسمه " عادى يعنى هخرج من الجنه
"بسمه بتخرج وتقفل الباب وراها جامد"
"احمد بيمسك ايد جهاد وبيمسح بأيده دموعها" حبيبتى متعيطيش علشان خاطرى دى بنت مستفزه
"بتنزل دمعه من عين جهاد مع كلام احمد بتمسحها بسرعه" مافيش حاجه يا حبيبى انا عارفه ان لازم هيحصل كل دا
"معلش يا جهاد وعدتك اسعدك ومن تالت يوم جواز خليتك تبكى"
"لاء يا حبيبى مش انت السبب انا عارفه ان احنا هيقابلنا لسه حاجات من دى كتير"
"طيب يبقى احنا الاتنين جمب بعض ومنديش فرصه لحد يضايقنا وبيقرب منها اكتر وبيبوس خدها ولا كأننا سامعين اللى حابين يضايقنا"

"خلاص يا حبيبى حاضر"
"مش هتضايقى تانى "
"حاضر مش هضايق"
"طيب تعالى بقى عاوز اقولك كلمتين وحشتينى"
"بأبتسامه وبتمسح وشها" الله مش انت قولت هنخرج
"لاء نخرج مين وبيشدها اقوى بيقومها دا علشان امشيها بس انا اخرج وحد يشاركنى فيكى وبيدخولوا اوضتهم"
.............................................................
"بيمر اسبوع"
"عيسى قاعد على مكتب فى محل عم رمضان"
"عم رمضان"
"ايوه يا عيسى يابنى"
"عمر ابنك جه اخد الفين جنيه من الخزنه النهارده ولما سألته ليه واقول لباباك زعل"
"ضايقك يعنى باى كلمه"
"لاء بس قولت اعرف حضرتك"
"اه سيبه يابنى ان مكانش يتمتع فى خيرى يتمتع امتى"
"عيسى بتفكير"ياراجل الفين جنيه يتمتع اومال مش معايا ومذنوق يلا ربنا كبير
"عيسى يابنى انا هروح البيت وابقى خلى بالك من المحل اصل مسافر بكره المنصوره اتفق على بضاعه للمحل"
"عيسى" ماشى يا عم رمضان بس انت هتاخد عمر معاك
"لاء هيبقى يجى يقعد معاك فى المحل"
"ماشى تمام كده "
"يلا يابنى اسيبك على خير مش عاوز حاجه من المنصوره"
"سلامتك"
"الله يسلمك يابنى ان شاء الله المره الجايه تيجى معايا واعرفك على اهلى هناك"
"ان شاء الله"
............................................................
"مؤمن قاعد فى شقته لوحده بينفخ"
"خرج البلكونه فضل يبص على المبانى حواليه ويبص تحت وفوق ومش عارف هو عاوز ايه زهق ودخل"
"مسك موبايله"
"ياسمينا بتقوم من على سريرها وبتاخد تليفونها وهو بيرن"مؤمن!
"ردت بسرعه قبل ما مامتها تيجى"
"الو اذيك يا مؤمن"
"مؤمن بحزن ولهفه" كده يا ياسمينا تسيبينى كده انا موحشتكيش
"لاء وحشتنى بس انت فين"
"انا فى البيت وماما مش عاوزانى اخرج اتخانقت معايا علشان كنت كل شويه بجيلك المستشفى"
"يعنى بقالى اسبوع مشوفكيش لاء يا ياسمينا خديلى معاد من طنط"
"استنى بس يا مؤمن بلاش تستعجل"
"لاء انا كده متأخر مش مستعجل ولا انتى مش عاوزانى"
"بتتردد فى ودان ياسمينا جملة الدكتور"اي حاجه ممكن تعمله انتكاسه ويرجع يدمن تانى ياريت تخلى بالك منه"
"لاء يا مؤمن متقولش كده بس سيبنا شويه وبعدين لازم ترجع كليتك متنساش انك مامتحنتش الترم التانى ولازم تعيد السنه كلها وانا هقف جمبك وتخلص على طول "
"يعنى انتى تقصدى لازم اخلص علشان عندك ميعترضوش"
"ايوه بالظبط"
"ماشى يا ياسمينا طالما انتى جمبى هعمل اللى انتى عاوزاه"
"ماشى يا مؤمن هقفل بقى دلوقتى علشان ماما متجيش تبهدلنى "
"ماشى يا ياسمينا اتفضلى مع السلامه هتوحشينى"
"ربنا يخليك سلام وقفلت بسرعه"
"مؤمن بيقفل الموبايل وبياخده فى حضنه" بحبك اوى
"ياسمينا بتحط التليفون على المكتب تانى وبتفتح الكمبيوتر على اغنيه"
http://www.youtube.com/watch?v=bmdTSdPShr0
"بتسمع ياسمينا الاغنيه وبتستعيد ذكرياتها ومؤمن كان دايما مع جومانا ومتجاهلها لما كان يحب يكلمها جومانا كانت تبقى مش موجوده ويتصل بيها ويأكد عليها محدش يعرف انهم بيتكلموا"
"يا خساره يا مؤمن انا بجد كنت بحبك بس انت ضيعت كل الحب اللى كان جوايا"
.............................................................
"جهاد قاعده فى حضنها امل"
"احمد بيخلص لبسه" مش عاوزه حاجه يا حبيبتى اجيبهالك من بره
"لاء يا حبيبى عاوزه سلامتك خلى بالك من نفسك يا احمد"
"وانتى كمان يا حبيبتى ولو احتاجتى حاجه التليفون عندك وسايبلك نمرة المكتب علشان لو الشبكه مجمعتش"
"ماشى يا حبيبى"
"بيقرب احمد من جهاد وامل باس كل واحده من خدها"
"جهاد باسته بفتور وماسكه امل تبوس وتحضن فيها قولى لبابى باى يلا قولى حبيبة قلبى انتى"
"احمد مستغرب ان جهاد مقمتش معاه توصله على الباب علشان اول يوم يسيبها ويخرج ولا حس انها متضايقه "
"جهاد بتشيل امل وبتقف" يلا يا امول علشان تغيرى هدومك علشان تيته تيجى تقول ايه البنوته السكر دى
............................................................
"احمد قاعد واقدامه محمود"
"محمود" مش لاقى ولا قاعه يا احمد شوفت الفقر
"خلاص يا محمود احجز فى اللى انت بتقول هتبقى فاضيه الشهر الجاى دا "
"بس انا كان نفسى تبقى الشهر دا "
"مفرقتش يا محمود الشهر دا من اللى جاى المهم تتجوزوا وعلشان تخلصوا فرش على رواقه"
"يا احمد الشقه جاهزه يادوب رطوش بس"
"يلا على البركه ربنا يتمم بخير لو عاوز حاجه انا معاك"
"ربنا يخليك يا احمد بس ليه انا حاسس انك زعلان"
"مش زعلان بس انا مستغرب جهاد"
"ليه انتوا لحقتوا"
"اه اصل من ساعة ما امل جت البيت وهى لغت ان موجود خالص"
"دى حاجه تفرحك يا احمد وبعدين انتوا لسه بقالكوا اسبوعين بس متجوزين متحكمش عليها هى فرحانه بيها بس ومتنساش ظروفها"
"ما انا بقول استنى اشوف هتفضل كده ولا هتفرق بينى وبينها"
"ان شاء الله تفرق ربنا يسعدكوا يارب"
"يارب ويسعدك انت كمان يا محمود يارب"
"يارب واتجوز لمياء بقى مش مصدق امتى تبقى مراتى"
"هههههه قريب ان شاء الله وتزهقوا من بعض "
"انا ازهق من لمياء مستحيل طبعا"
"كلنا بنقول نفس البوء دا متقلقش"
"ههههههه يا لهوووى عليك متشائم"
"انا جدااااااا ما انت عارفنى هههههههه"
"وبينتهى الحوار على ضحك الاتنين بمنتهى العفويه"
............................................................
"رمضان بيجهز شنطته"
"عمر"يعنى انت عاوزنى افضل مع عيسى هنا ومجيش معاك؟
"اه خليك معاه وخليه يحبك يا عمر اكسبه عاوز ارجع الاقيكوا اصحاب"
"حاضر"
"يلا عاوز حاجه من هناك"
"لاء بس سلم بقى ها"
"انت عيل سيس والله مطلعتش لابوك خالص"
"لاء يا سيدى انا مش عاوز اطلع لابويا خلينى مختلف"
"لاء انت متخلف مش مختلف يلا سلام"
.............................................................
"تسنيم نايمه بيدخل حاتم بيصحيها"
"حاتم بحب" قومى يا حبيبتى علشان نتعشى انا جايب معايا بيتزا
"تسنيم بكسل" شو لا ما بدى انا اكتير نعسانه
"لاء نعسانه ايه يلا قومى دا بابا جاى يتعشى معانا"
"تسنيم بخوف وخضه"شو
"اه هو عزم نفسه وانا قولت انك هتفرحى"
"ايه فرحت اكتير"
"طيب يلا قومى غيرى هدومك بقى واطلعى على بال ما اجهز السفره"
"بخوف واضح" متل ما بدك
.............................................................
"جومانا لباباها وهو فى اوضة الصالون"
"انسى "
"يا بابا يعنى يبقى اقدامنا عرض حلو كده ونرفضه"
"نزول مصر انتى يا جومانا مش هتنزلى"
..........................يتبع