"منال واقفه اقدام على مستنيه قراره"
"انتى بتخيرينى بين مين ومين يا منال"
"منال بدموع" انت اللى وصلتى لكده يا على كنت فاكره ان اغلى عندك من كده
"خلاص يا منال اسكتى دلوقتى "
"منال بحزن ودموع مبتقفش"
"على اخد نفسه ودخل غير هدومه ونام وساب منال لوحدها "
"منال بتبكى وصعبان عليها على انه قلبه جمد عليها لدرجه انه يدخل ينام ويسيبها وهى اول مره تبكى معاه"
"للدرجادى يا على للدرجادى قلبى قسى "
.......................................................................
"وليد بيشد جميله من دراعها وهى بتخرج من الباب"
"انتى رايحه فين "
"نازله انام تحت لحد ما اكلم اهلى يجوا يخدونى الصبح "
"ادخلى هنا مافيش نزول "
"لاء يا وليد هنزل انا جيت على نفسى كتير علشانك وانت جرحتنى جرحتنى "
"انا جرحتك انا اللى دايما جاى على نفسى علشانك دا انا عايش بس علشان ارضيكى واسعدك حتى لو على حساب نفسى واعصابى "
"وليه لاء متحاولش تانى انا هريحك سيبنى "
"عيب كده ادخلى "
"لاء يا وليد انا مش هنام هنا النهارده"
"ماشى براحتك "
........................................................................
"بتنزل جميله لسعاد وهى بتبكى "
"سعاد بتبصلها " ايه يا جميله ادخلى فى ايه
"مافيش انا عاوزه انام هنا لحد ما امشى الصبح "
"تمشى تروحى فين ايه دا انتى بتعيطى "
"بتمسح دموعها" لاء مبعيطش انا عاوزه امشى بس "
"تمشى تروحى فين انتى اتجننتى "
"ايوه اتجننت علشان قبلت بالوضع دا من اوله ليه يا ماما عملتوا فيا كده ليه انا ايه ذنبى افضل عايشه مع واحد مبيحبينيش وبيغصب على نفسه يحبنى انا مش وحشه اوى كده انا مستاهلش كده والله وبدموع اقوى والله مستاهل كده "
"سعاد بتاخدها فى حضنها" الله واكبر ايه اللى حصلكوا بس عين وصابتكوا عين وصابتكوا
"لاء يا ماما مش عين احنا مش لبعض احنا الاتنين مش لبعض"
"لاء هو يلاقى زيك ابداً انا هعرفه شغله الواد دا بس احكيلى ايه اللى حصل"
"والله يا ماما ما هقعد هنا تانى انا وهو مش هيتقفل علينا باب تانى "
"اسكتى بقى ويلا ادخلى نامى فى اوضتى وانا هحصلك اهو بس اهدى كده علشان اللى فى بطنك "
"انا هنام لحد الصبح واهلى لازم يجواي اخدونى يا انا اللى هروحلهم والله يا ماما ما هقعد هنا "
"ربنا يسهل اهدى بس وسيبيها لله"
...........................................................................................
"منال نايمه على السرير هى وعلى كل واحد مدى ضهره للتانى "
"حوار بيدور فى ماغ كلاً منهم"
"على" للدرجادى يا منال ثقتك فيا معدومه يظهر ان كنت واهم نفسى ان الحب اللى بينا كبير
" منال ودموعها نازله فى صمت" هونت عليك اوى كده يا على تنام وسايبنى دموعى على خدى الله يسامحك
"على بيحاول ينام مش عارف وبردوا مش عاوز يدور ويشوف منال مش متخيل ان هى دى منال اللى حبها تبقى بالتسرع دا "
" منال بتقفل عينيها على دموعها "
...............................................................................................
"سعاد بتطلع لـ وليد"
"وليد بيفتح الباب لمامته وسابها ودخل"
"بتمشى وراه" ايه اللى انت عملته دا
"عملت ايه بلا تخلف وامخاخ ضيقه كده دى كانت بتقول يا خناق"
"وانت ما صدقت صح؟"
"لاء يا ماما انا مش مصدقت انا جيت على نفسى كتير علشان بس اسعدها وهى مخها صغير عند اول مشكله تقولى هسيب البيت وامشى "
"ما هى لو شايفه انك بتحبها عمرها ما كانت قالت كده"
"يعنى بردوا انا اللى غلطان"
"اه غلطان وهاتنزل معايا تشوفها وتبوس على راسها كمان "
"لاء يا ماما مش هعمل كده وانا مغلطش فيها "
"هغضب عليك"
"والله ما هنزل يمكن اريح ليها وليا اننا منكملش مع بعض "
"ربنا ما يسامحك لو سيبتها زعلانه كده ربنا ما يسامحك يا وليد ربنا ما يسامحك على القهر اللى كل شويه اعيش فيه دا"
"ومين كان سبب القهر ارحمينى بقى يا ماما حرام عليكى انتى حرام عليكى "
"بص يا ابن بطنى والله والله لو سبت جميله تنام زعلانه ما هرضى عليك تانى ابدا"
"ماشى يا ماما "
"ماشى ايه"
"ماشى هرضيها "
"ايوه انا عارفه ان ابنى حبيبى مش هيزعلنى منه ابداً"
"يلا تعالى انزل معايا "
"لاء خليها تنام معاكى دلوقتى وانا هنزلها الصبح "
"ماشى يا وليد بس انا حلفت لو سبتها تنام زعلانه ما هرضى عليك"
"ما خلاص بقى ياماما مفرقتش من دلوقتى للصبح "
"ماشى اصوم 3 ايام وامرى لله يلا انزل انا ربنا يرضى عليك يابنى"
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
"تيمور ماشى ومعاه هيثم"
"ايه اللى حصل "
"شوفتهم وقعدت معاهم وشكل مامتها حبتنى اوى "
"وايه يهمك من كده "
"هخطب ايمان "
"بتهزر صح ؟"
"لاء مبهزرش وانا امن على نفسى واسمى مع واحده غيرها دى فضلت الموت على شرفها "
"وانت هتتجوزها من غير اى مشاعر علشان كده وخلاص حرام عليك يا تيمور سيب البنت فى حالها بدل ما تعقدها "
"وانا هعقدها ليه انا هعيشها واسعدها وواثق ان هقدر اعيش معاها مرتاح ومتهنى "
"ماهى المعادله ليك كويسه علشان انت عاوز واحده محترمه مؤدبه ومتربيه وليها ظالمه لانها هتاخد واحد بيشك فى كل اللى حواليه ومبيدورش على اى مشاعر ابدا "
"على فكره يا هيثم فعلا لو اتكلمت كده تانى انا هزعل منك"
"خلاص يا تيمور بس ياريت تفكر تانى فى الموضوع دا وبلاش تظلمها معاك"
"والله انا مش هتقدم غير لما اتكلم معاها واشوف رأيها مبدئياً"
"وانت هتشوفها فين ان شاء الله"
"ما انا عرفت جامعتها فين وكمان هاجى لمنال ابقى ازورها واشوفها واعرفها اكتر"
"اه بس بالله عليك يا اخى نصيحه لو محستش ليها بمشاعر بلاش تجوزها علشان الثقه وخلاص"
"ربنا يسهل يا هيثم يلا بقى زمان عمتى هتموتنى اتأخرت "
"ماشى يلا "
..........................................................................
"ناديه قاعده على طرف السرير وايمان نايمه اقدامها"
"مالك يا ناديه شكلك متغير ليه"
"ها لاء مافيش حاجه"
"طيب يا حبيبتى يلا نامى حرام تعبتى النهارده"
"لاء انا معاكى اهو مش عاوزه حاجه اعملهالك"
"نفسى اطمن على هانى متصلش بيا خالص؟"
"اه صحيح اتصل وانا رديت عليه ونفسه يسمع صوتك"
"يا حبيبى "
"اه والله يا ايمان صعب عليه اوى شكله بيحبك اوى بجد"
"احنا الاتنين منعرفش نعيش من غير بعض"
"ربنا يجمعكوا على خير يارب"
"يارب"
"بس انا كده مش هاعرف اكلمه خالص"
"لاء لما يتصل تانى واسمع اى صوت جرس من بره هرد واحاول اخليكى تكلميه"
"طيب انتى قولتيله ان تعبانه ؟"
"لاء لاء مقولتش "
"طيب احسن علشان ميقلقش عليه "
"انا افتكر ان قولتله انك تعبانه شويه بس مقولتش اللى حصل "
"طيب احسن "
***************
"سعاد بتدخل على جميله الاوضه بعد ما نزلت من عند وليد"
"جميله شعرت بقرب سعاد منها عملت نفسها نايمه"
"سعاد غطيتها واطمنت عليها وخرجت "
"جميله بتبكى بحرقه"
,,,,,,,,,,,,,,,,,,,,,,,,,,,,,
"سعاد بتسجد على سجادة الصلاه وهى بتدعى "
"يارب هدى سرهم يارب يارب حببه فيها يارب يارب ما تفرقهم يارب "
"يارب متفرقهم ابدا يارب واهديهم لبعض يارب "
"يارب حبب وليد فى جميله بنت تهانى يارب يارب"
"يارب ازرع الحب جوه قلبه بيها وما يقدر يشوف غيرها فى عينيه يارب"
"فضلت سعاد تدعى اكتر من ساعه "
.......................................................................................
"تانى يوم بتقوم سعاد وجمبها جميله "
"جميله واضح على عينيها انها مشفتش النوم "
"سعاد يلا يا حبيبتى علشان تطلعى شقتك "
"لاء يا ماما انا همشى "
"خليكى عاقله يا قلب مامتك اعقلى واطلعى معايا حتى لو جوزك شايف غيرك انتى بقى بعقلك تخليه ميحبش ولا يتمنى غيرك"
"لاء انا خلاص كرامتى متسمحش بأكتر من كده كفايه بقى حرام والله انتى تقبلى لبنتك كده ؟"
"اخص عليكى وانتى مش بنتى "
"انا عاوزه امشى وبس "
"طيب اصبرى هطلع انادى لـ وليد يطيب خاطرك ولو منزلش باس راسك واعتذر ابقى اعملى اللى انتى عاوزاه"
"بحزن" لاء يا ماما لاء لو كان عاوز ينزل او خايف على زعلى كان نزل من امبارح
"طيب استهدى بالله بس انا جيالك اهو "
"ونعمه بالله ماشى "
"بتخرج سعاد وبتخرج جميله براحه وراها شافتها طالعه على السلم"
"جريت جميله ومسكت التليفون"
.....................................................................
"منال بتفتح عينيها براحه وهى نايمه وشايفه على وهو بيلبس من المرايه اللى اقدامها "
"على بص على منال نظرة حزن وسابها ومشى "
"منال بتمسح عينيها من الدموع وعينيها حمرا جدااا"
......................................................................
"سعاد واقفه تخبط على الباب محدش بيفتح "
"لحظات واخدت بالها ان فى مفتاح فى الباب فتحت ودخلت تدور على وليد"
"وليد يا بنى انت فين "
"دخلت اوضة النوم شافت الدولاب مفتوح ومافيش فيه هدوم خاصه بوليد "
"شهقت وبصت على السرير"شافت السرير زى ما هو ومحدش نام عليه "
...................................... يتبع
"انتى بتخيرينى بين مين ومين يا منال"
"منال بدموع" انت اللى وصلتى لكده يا على كنت فاكره ان اغلى عندك من كده
"خلاص يا منال اسكتى دلوقتى "
"منال بحزن ودموع مبتقفش"
"على اخد نفسه ودخل غير هدومه ونام وساب منال لوحدها "
"منال بتبكى وصعبان عليها على انه قلبه جمد عليها لدرجه انه يدخل ينام ويسيبها وهى اول مره تبكى معاه"
"للدرجادى يا على للدرجادى قلبى قسى "
.......................................................................
"وليد بيشد جميله من دراعها وهى بتخرج من الباب"
"انتى رايحه فين "
"نازله انام تحت لحد ما اكلم اهلى يجوا يخدونى الصبح "
"ادخلى هنا مافيش نزول "
"لاء يا وليد هنزل انا جيت على نفسى كتير علشانك وانت جرحتنى جرحتنى "
"انا جرحتك انا اللى دايما جاى على نفسى علشانك دا انا عايش بس علشان ارضيكى واسعدك حتى لو على حساب نفسى واعصابى "
"وليه لاء متحاولش تانى انا هريحك سيبنى "
"عيب كده ادخلى "
"لاء يا وليد انا مش هنام هنا النهارده"
"ماشى براحتك "
........................................................................
"بتنزل جميله لسعاد وهى بتبكى "
"سعاد بتبصلها " ايه يا جميله ادخلى فى ايه
"مافيش انا عاوزه انام هنا لحد ما امشى الصبح "
"تمشى تروحى فين ايه دا انتى بتعيطى "
"بتمسح دموعها" لاء مبعيطش انا عاوزه امشى بس "
"تمشى تروحى فين انتى اتجننتى "
"ايوه اتجننت علشان قبلت بالوضع دا من اوله ليه يا ماما عملتوا فيا كده ليه انا ايه ذنبى افضل عايشه مع واحد مبيحبينيش وبيغصب على نفسه يحبنى انا مش وحشه اوى كده انا مستاهلش كده والله وبدموع اقوى والله مستاهل كده "
"سعاد بتاخدها فى حضنها" الله واكبر ايه اللى حصلكوا بس عين وصابتكوا عين وصابتكوا
"لاء يا ماما مش عين احنا مش لبعض احنا الاتنين مش لبعض"
"لاء هو يلاقى زيك ابداً انا هعرفه شغله الواد دا بس احكيلى ايه اللى حصل"
"والله يا ماما ما هقعد هنا تانى انا وهو مش هيتقفل علينا باب تانى "
"اسكتى بقى ويلا ادخلى نامى فى اوضتى وانا هحصلك اهو بس اهدى كده علشان اللى فى بطنك "
"انا هنام لحد الصبح واهلى لازم يجواي اخدونى يا انا اللى هروحلهم والله يا ماما ما هقعد هنا "
"ربنا يسهل اهدى بس وسيبيها لله"
...........................................................................................
"منال نايمه على السرير هى وعلى كل واحد مدى ضهره للتانى "
"حوار بيدور فى ماغ كلاً منهم"
"على" للدرجادى يا منال ثقتك فيا معدومه يظهر ان كنت واهم نفسى ان الحب اللى بينا كبير
" منال ودموعها نازله فى صمت" هونت عليك اوى كده يا على تنام وسايبنى دموعى على خدى الله يسامحك
"على بيحاول ينام مش عارف وبردوا مش عاوز يدور ويشوف منال مش متخيل ان هى دى منال اللى حبها تبقى بالتسرع دا "
" منال بتقفل عينيها على دموعها "
...............................................................................................
"سعاد بتطلع لـ وليد"
"وليد بيفتح الباب لمامته وسابها ودخل"
"بتمشى وراه" ايه اللى انت عملته دا
"عملت ايه بلا تخلف وامخاخ ضيقه كده دى كانت بتقول يا خناق"
"وانت ما صدقت صح؟"
"لاء يا ماما انا مش مصدقت انا جيت على نفسى كتير علشان بس اسعدها وهى مخها صغير عند اول مشكله تقولى هسيب البيت وامشى "
"ما هى لو شايفه انك بتحبها عمرها ما كانت قالت كده"
"يعنى بردوا انا اللى غلطان"
"اه غلطان وهاتنزل معايا تشوفها وتبوس على راسها كمان "
"لاء يا ماما مش هعمل كده وانا مغلطش فيها "
"هغضب عليك"
"والله ما هنزل يمكن اريح ليها وليا اننا منكملش مع بعض "
"ربنا ما يسامحك لو سيبتها زعلانه كده ربنا ما يسامحك يا وليد ربنا ما يسامحك على القهر اللى كل شويه اعيش فيه دا"
"ومين كان سبب القهر ارحمينى بقى يا ماما حرام عليكى انتى حرام عليكى "
"بص يا ابن بطنى والله والله لو سبت جميله تنام زعلانه ما هرضى عليك تانى ابدا"
"ماشى يا ماما "
"ماشى ايه"
"ماشى هرضيها "
"ايوه انا عارفه ان ابنى حبيبى مش هيزعلنى منه ابداً"
"يلا تعالى انزل معايا "
"لاء خليها تنام معاكى دلوقتى وانا هنزلها الصبح "
"ماشى يا وليد بس انا حلفت لو سبتها تنام زعلانه ما هرضى عليك"
"ما خلاص بقى ياماما مفرقتش من دلوقتى للصبح "
"ماشى اصوم 3 ايام وامرى لله يلا انزل انا ربنا يرضى عليك يابنى"
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
"تيمور ماشى ومعاه هيثم"
"ايه اللى حصل "
"شوفتهم وقعدت معاهم وشكل مامتها حبتنى اوى "
"وايه يهمك من كده "
"هخطب ايمان "
"بتهزر صح ؟"
"لاء مبهزرش وانا امن على نفسى واسمى مع واحده غيرها دى فضلت الموت على شرفها "
"وانت هتتجوزها من غير اى مشاعر علشان كده وخلاص حرام عليك يا تيمور سيب البنت فى حالها بدل ما تعقدها "
"وانا هعقدها ليه انا هعيشها واسعدها وواثق ان هقدر اعيش معاها مرتاح ومتهنى "
"ماهى المعادله ليك كويسه علشان انت عاوز واحده محترمه مؤدبه ومتربيه وليها ظالمه لانها هتاخد واحد بيشك فى كل اللى حواليه ومبيدورش على اى مشاعر ابدا "
"على فكره يا هيثم فعلا لو اتكلمت كده تانى انا هزعل منك"
"خلاص يا تيمور بس ياريت تفكر تانى فى الموضوع دا وبلاش تظلمها معاك"
"والله انا مش هتقدم غير لما اتكلم معاها واشوف رأيها مبدئياً"
"وانت هتشوفها فين ان شاء الله"
"ما انا عرفت جامعتها فين وكمان هاجى لمنال ابقى ازورها واشوفها واعرفها اكتر"
"اه بس بالله عليك يا اخى نصيحه لو محستش ليها بمشاعر بلاش تجوزها علشان الثقه وخلاص"
"ربنا يسهل يا هيثم يلا بقى زمان عمتى هتموتنى اتأخرت "
"ماشى يلا "
..........................................................................
"ناديه قاعده على طرف السرير وايمان نايمه اقدامها"
"مالك يا ناديه شكلك متغير ليه"
"ها لاء مافيش حاجه"
"طيب يا حبيبتى يلا نامى حرام تعبتى النهارده"
"لاء انا معاكى اهو مش عاوزه حاجه اعملهالك"
"نفسى اطمن على هانى متصلش بيا خالص؟"
"اه صحيح اتصل وانا رديت عليه ونفسه يسمع صوتك"
"يا حبيبى "
"اه والله يا ايمان صعب عليه اوى شكله بيحبك اوى بجد"
"احنا الاتنين منعرفش نعيش من غير بعض"
"ربنا يجمعكوا على خير يارب"
"يارب"
"بس انا كده مش هاعرف اكلمه خالص"
"لاء لما يتصل تانى واسمع اى صوت جرس من بره هرد واحاول اخليكى تكلميه"
"طيب انتى قولتيله ان تعبانه ؟"
"لاء لاء مقولتش "
"طيب احسن علشان ميقلقش عليه "
"انا افتكر ان قولتله انك تعبانه شويه بس مقولتش اللى حصل "
"طيب احسن "
***************
"سعاد بتدخل على جميله الاوضه بعد ما نزلت من عند وليد"
"جميله شعرت بقرب سعاد منها عملت نفسها نايمه"
"سعاد غطيتها واطمنت عليها وخرجت "
"جميله بتبكى بحرقه"
,,,,,,,,,,,,,,,,,,,,,,,,,,,,,
"سعاد بتسجد على سجادة الصلاه وهى بتدعى "
"يارب هدى سرهم يارب يارب حببه فيها يارب يارب ما تفرقهم يارب "
"يارب متفرقهم ابدا يارب واهديهم لبعض يارب "
"يارب حبب وليد فى جميله بنت تهانى يارب يارب"
"يارب ازرع الحب جوه قلبه بيها وما يقدر يشوف غيرها فى عينيه يارب"
"فضلت سعاد تدعى اكتر من ساعه "
.......................................................................................
"تانى يوم بتقوم سعاد وجمبها جميله "
"جميله واضح على عينيها انها مشفتش النوم "
"سعاد يلا يا حبيبتى علشان تطلعى شقتك "
"لاء يا ماما انا همشى "
"خليكى عاقله يا قلب مامتك اعقلى واطلعى معايا حتى لو جوزك شايف غيرك انتى بقى بعقلك تخليه ميحبش ولا يتمنى غيرك"
"لاء انا خلاص كرامتى متسمحش بأكتر من كده كفايه بقى حرام والله انتى تقبلى لبنتك كده ؟"
"اخص عليكى وانتى مش بنتى "
"انا عاوزه امشى وبس "
"طيب اصبرى هطلع انادى لـ وليد يطيب خاطرك ولو منزلش باس راسك واعتذر ابقى اعملى اللى انتى عاوزاه"
"بحزن" لاء يا ماما لاء لو كان عاوز ينزل او خايف على زعلى كان نزل من امبارح
"طيب استهدى بالله بس انا جيالك اهو "
"ونعمه بالله ماشى "
"بتخرج سعاد وبتخرج جميله براحه وراها شافتها طالعه على السلم"
"جريت جميله ومسكت التليفون"
.....................................................................
"منال بتفتح عينيها براحه وهى نايمه وشايفه على وهو بيلبس من المرايه اللى اقدامها "
"على بص على منال نظرة حزن وسابها ومشى "
"منال بتمسح عينيها من الدموع وعينيها حمرا جدااا"
......................................................................
"سعاد واقفه تخبط على الباب محدش بيفتح "
"لحظات واخدت بالها ان فى مفتاح فى الباب فتحت ودخلت تدور على وليد"
"وليد يا بنى انت فين "
"دخلت اوضة النوم شافت الدولاب مفتوح ومافيش فيه هدوم خاصه بوليد "
"شهقت وبصت على السرير"شافت السرير زى ما هو ومحدش نام عليه "
...................................... يتبع
ليست هناك تعليقات:
إرسال تعليق