حمل ابريل الجزء الثانى الحلقة الثانية

الحلقه الثانيه الجزء الثانى
___________________


بلال عينه على العربيه .. وللسواق .. معلش متخليش العربيه تغيب عن عينك لو سمحت ..
السواق : البلد زحمه والله بس ان شاء الله مش هيتوهو ..
بلال بتوتر : يارب , بس دا اللى اخدته من بتوع المكتب كل يوم لسه لسه وهى ماشيه تتجول اهيه عالم نصابه صحيح .. !
السواق : بتكلمنى حضرتك .. ؟
بلال: لاء .. "وفى سره , ياترى مين دول اللى معاها "

**********************


بيقرب أنس من منزلهم ,, بيدخلو كلهم الفيلا .. بيركن اقدام باب الفيلا الامامى ..
ألينا واضح عليها الرجفه والقلق ..
أنس بيلاحظ قلقها بيقرب منها وبيمسك ايديها بمنتهى التلقائيه يطمنها ,, التصرف اللى خلاها شدة ايدها بعصبيه وتوتر .
أنس بحزن : مش قولنا اخوات .. !
ألينا بضيق : اخوات بس بلاش كده ..
أنس بصوت خافت خوفً عمته تسمعهم : انا اسف .
ألينا بنفس النبره : محصلش حاجه وبتبص على الفيلا بخوف ..
ناديه بقلق : ربنا يعدى اليوم دا على خير ..

***********************


بلال واقف هو وسواق التاكسى فى الشارع ..
يعنى اختفوا راحو فين بس .. ؟
السواق : معرفش يا حضرة انا كنت ماشى وراهم لولا العربيه اللى طلعت بينا دى وهما اختفوا فى لمح البصر ..
بلال : وانت يعنى خلاص مش عارف تركز معاهم ..
السواق بتضرر : بقولك ايه ادينى حسابى خلينى امشى .
بلال بعصبيه : خد , أمشى ..
بيمشى التاكسى .. وبلال بيكلم نفسه ..
يعنى بعد ما كنتى فى ايدى تختفى فجأه كده .. انا هتجنن .. ماشى يا ألينا .. هتروحى منى فين ..ومسيرى الاقيكى ..


**************************


ألينا بتدخل ورا ناديه وأنس ورجليها بتخبط فى بعضها من الخوف والقلق ..
بيكون فى استقبالهم الاب والام والاخت الصغيره رؤى ..
ناديه بعد السلامات والاحضان والقبلات العيون كلها اتركزت على ألينا ..
ألينا بتوتر بتقرب تسلم ..
الام بتبصلها بأعجاب : اموووره قوى ما شاء الله..
الاب بيبص على لبسها ومجوهراتها .. وواضح انها غنيه ودا طمنه وفرحه .. وخلاه ابتسم ..
أنس بعد ما شاف نظرة الرضا فى عينين والده .. يلا نقعد ولا هنفضل على الباب ..
الاب : اتفضلو ..

بعد كلام كتير من الجميع وأن انس بدأ كلامه وتعرفيهم على ألينا بأنها قاهريه .. فهمت انه مقلش انها اسكندرانيه وتماشت معاه ..

فجأه وقف الاب وطلب من ألينا تحصله على المكتب ..
بتوتر عينيها على أنس ينجدها .. بس كملت طريقها ورا الاب ..
ألينا بتدخل بهدوء واستغراب وبتقعد بعد سماح الاب ليها بالجلوس ..
انس وناديه بيبصوا لبعض بقلق .. يا ترى بابا عايزها فى ايه ..
أنس بيدخلهم : بابا فى حاجه .. ؟
الاب : لو سمحت يا أنس هتكلم انا وألينا كلمتين وهنجيلك ..
أنس بيبص لألينا برعب وبيمشى ..
الاب بيولع سيجاره وبعد اول نفس :
- اسم ألينا اسم أردنى جميل , مين اختاره ليكى .. !
- بابا الله يرحمه ..
- اه هو والدك مات ازاى .. ؟
- هو وماما فى حادثه من كام سنه ..
- اه , اكيد سابولك ورث ..
- ايوه الحمد لله عندى ما يكفينى ويفيض ..
- كويس , ليكى اخوات ..
- لاء انا ماليش حد ابدا , غير صديقه روسيه ..
- ايوه , وفلوسك فى بنك ولا فين .. ؟
فهمت ألينا ان كل اللى بابا أنس عاوزه الفلوس , اكتر شئ بيهمه ..
جاوبت بثقه :
- ايوه فى بنك والحمد لله معايا كتير ..
- كتير اه طيب يا مراة ابنى ان شاء الله تعيشوا سعدا يارب
- إن شاء الله
- كنت سعيد جدااا انك كنتى سبب ان أنس قرر ينزل الشركه وميبقاش الغناء هو مهنته ..
ألينا بعدم فهم : ممممم ايوه الشغل شئ تانى .
الاب بحب : علشان كده انا موافق بسعاده على الزواج ..
ألينا : شكرا ليك وبتقوم تقف .. هخرج علشان اعتقد كده الوقت اننا نمشى .
الاب : ان شاء الله تمشى وترجعى هنا على طول قريب ..
ألينا بضيق انه طماع "شبه عمها" : ان شاء الله بعد اذنك ..

ألينا بتخرج هى والاب .. نظرتها لأنس اتغيرت بتفكر فى شئ واحد " يا ترى انت هتتجوزنى انت كمان طمع , ايوه اشمعنا انت كويس , اكيد طمعان فيا زى والدك , الناس كلها بقت طماعه حاسه بالغثيان , قرفانه من كل الناس "
بتقرب من ناديه : يلا يا طنط ..
ناديه بأستغراب : ليه يا بنتى ملحقناش نقعد .. !
الام : زهقتى مننا يا ألينا .. !
ألينا بأبتسامه مصطنعه : ابدا يا طنط بس حاسه بتعب شويه ..
أنس بلهفه : فيكى ايه اوديكى للدكتور .. !
ألينا بحزم : لاء هروح هبقى كويسه ممكن نمشى .. ؟
أنس بحب : طبعاً يلا بينا ..


***********************

بيوصلو البيت بتطلع ناديه ووراها ألينا .. وأنس عينه على ألينا .. حابب ينادى عليها .. بس اتكسف واخد العربيه ومشى بعد ما دخلو واقفلو وراهم ..
ناديه وهى على السلم : مالك يا بنتى قفلتى مره واحده ليه .. ؟
ألينا : مفيش يا طنط انا بس كنت محتاجه ارتاح , حسيت بتعب خفيف ..
ناديه : حاسه الموضوع مش كده , على العموم ادخلى ارتاحى وبعدين نتكلم ..
ألينا بـ هدوء : تصبحى على خير ..


***********************

بيمر اكتر من يوم أنس بيرتب كل شئ ..
ألينا بتجهز للفرح ..
بلال بيدور على ألينا فى الشوارع زى المجنون ..
ألينا وأنس مع بعض عند الدكتور بيشوفوا البيبى ..
ألينا : البيبى عمره كام شهر .. !
الدكتوره : عمره شهرين الكيس دا هو البيبى والخفقان دا هو الطفل ..
ألينا بفرحه : حبيبى , ابنى
أنس قاعد بيسمعهم والسعاده ماليه وشه من سعادة ألينا اللى واضحه على صوتها ..
أنس بعد ما ألينا خلصت بيركبوا العربيه :
- ألينا عندى حفله النهارده مش هعرف انزل معاكى نشترى بقيت الحاجات ممكن تأجليها لبكره .. ؟
- ايوه طبعاً ماشى , بس انت بتغنى .. ولا ايه .. ؟
- ايوه انا مغنى فى فرقه ,, بس اصلا انا خريج هندسه ..
- ايوه علشان كده فهمت كلام باباك ..
- كلام ايه .. ؟
- انك بتقوله يعنى انا اللى خليتك هتشتغل معاه ..
- ايوه فعلا قولتله كده , علشان بابا نفسه اشتغل معاه ولما اقوله انت السبب ان وافقت هيحبك اكتر ..
- ايوه كده فهمت ..
- هتشوفينى النهارده فى التليفزيون .. !
- انت بتطلع فى التليفزيون ..؟
- ايوه على قناة "..." الساعة 9 شوفينى بقى وقوليلى رأيك ..
- خلاص اوك ..
- انتى متغيره معايا ليه يا ألينا .. ؟
- انا , ابدا انا عاديه جدا ..
- متأكده ..
- ايوه متأكده , ويلا بقى وصلنى علشان تلحق تروح تجهز ..
- ماشى .. بس ياريت لو عملت شئ يضايقك من غير ما اشعر تقوليلى .. ممكن .. !
- ايوه طبعا ان شاء الله " اقولك ايه ان اتغشيت فيك وقولت ازاى انت طيب كده وانت كل اللى يهمك فلوسى .. يلا مش مهم الفلوس ولا اى شئ المهم ابنى حبيبى يبقى ليه اب "


***********************

ألينا قاعده اقدام الـ TV بتشوف الساعه لسه 8 .. قامت جابت اللاب تشوف ايه الجديد ..
بتفتح شافت مسج من فيرونيا ..
ااااخ نسيييتك تانى يا فيروينا ..
المسج .. ألينا حبيبى .. ليه ما رديتى على رسائلى .. يبدو انك ما حابه ان اكون معك .. انا كتير اسفه ان طلب منك .. مش اجى خلاص .. وهلغى التذكره .. سلام ..
بتدور ألينا شافت رسايل كتير لفيرونيا .. انتى فين ألينا .. مش بتردى ليه .. ميعاد التذكره اخر الشهر الجاى .. انتى ليه مش بتردى .. وهكذا ..

ألينا بتكتب مسج بحزن :
لاء فيرونيا حبيبتى صدقينى مش كنت بفتح , انا فى انتظارك اوعى تلغى تذكره حبيبتى , انا منتظره انتى , ما تتأخريش حبيبتى , متزعليش منى , انا منتظره انتى جدا .. اول ما تشوفى رسالتى كلمينى وانا هبقى دايما اونلاين .. سلام

بتخلص وبتسمع صوت الاعلان عن حفلة أنس اشتغل ..
بتقرب من الـ TV بفضول .. شافته لابس بدله شكله قمور .. وبدأ اول اغانيه بأغنيه مهداه لاجمل واغلى انسانه هى نبع الحياه ليه ..
بدأ بصوت عذب لمس اعماقها غصب عنها ..
"حبيبتى .. كيف اكون وانتى لستى بجوارىِ , اعشقك اعشق حيائك , امنيتى ان اظل جواركِ تحت اى مسمى ولكن هل سأستطيع ان امتنع عن رشف حبك , هل ستقدرين معشوقتى ان تكونى جوارى ولا ترتمين بين احضانى .. اتعذب شوقاً وانا جوارك ولست أضم اياكى بين اضلعى يا ملاكى .. يقولون ان الحب هو مصدر حياتنا .. واقول انا ان الحب هو المسمى فى ذاتك حبيبتى ,, يا حبيبتى كيف لى ان اظل حياً جوارك ولا استطيع ان اضمك .. اعذرينى فقلبى ينبض حباً شوقاً حبيبتى حبيبتى "..
"اغنيه من تأليفى اسفه على التلوث السمعى والبصرى " ..
ألينا بتبص على أنس وهو بيغنى بصدق وأحساسه وصلها .. معقول يكون بيمثل .. !
ألينا بأستنكار : انا غبيه اوووى ويعنى انا ايه عرفنى انه يقصدنى .. وحتى لو يقصدنى هيجى ايه جمب بلال حب عمرى اللى فضلنا نحب بعض سنين وفى الاخر عمل ايه ... بلا وجع دماغ وقفلت الـ TV وقامت ..

*************************


علاء بيقرب من أنس اللى بيلبس وهو فرحان ..
علاء : قولى يا أنس , هو انت مش هتندم انك نَسبت ولد مش ابنك بأسمك .. !
أنس بأبتسامه : انت لو كنت معايا واحنا النهارده عند الدكتور سمعت ألينا وهى بتتكلم , وقلبى انا وهو بيروحلها وهى بتكشف وعينيى اللى عاوزه تخرج من وشى علشان تشوفه , وشوقى ليه وانا مستنيه كده , مكنتش قولت الكلمتين دول ..
علاء : انت طيب اوى يا أنس واكيد ربنا هيعوضك عن طيبك دا ..
أنس : انا مش بعمل دا طيبه انا بعمله حب .. انا بحبها ووقعت فى حب الطفل من قبل ما يجى .. بس تفتكر هتسمحلى اختار اسمه .. ؟
علاء بتأثر : هتسمحلك يا أنس , اكيد محدش يلاقى انسان يحبه زيك وميسمحلوش يعمل كل اللى عايزه ..

أنس بسعاده : انا كلمة حب دى قليله اوووى .
علاء : حبيبى ربنا يسعدك ..


**********************

كل يوم بينزل أنس وألينا يشتروا اللبس والمشتروات الضروريه والاوضه والستاير .. واخيراً استقروا على اوضه سريرها كبير جداااا ..
بدأ التجهيز للفرح .. ألينا دفعت نص تكاليف الفرح تقريباً ..
عنوه عن أنف أنس .. ودا اللى اّثار السعاده بداخل الاب ..
ألينا هى وروئ فى الكوافير ..
بتخرج أجمل عروسه .. بتخطف قلب أنس ..
أنس بلهفه بيبصلها .. نفسه يبقى جواز بجد نفسه تحبه وتحس بيه , نفسه تبقى ملهوفه انه يمسك ايديها وتخليه يحضنهم بين ايديه .. بس للاسف كلها أحلام نظرة ألينا كانت دايما حاده بتعرفه حدودهم فى التعامل لفين .. قرب منها ..
أيديها فى ايده للشكل العام ..
أنس بحب : مبروووك ..
ألينا بحزم : ميرسى ..

ألينا وأنس بيرقصوا سوا اسلو ..
أنس مش قادر يبعد عينه من عليها وبحب ..
ألينا ممكن يبقى جوازنا دا حقيقى .. ممكن نعيش احلى لحظاتنا سوا دى ,,, انا مش قادر تبقى بين أيديا ومقولكيش ان اسعد انسان فى الدنيا .. مقولكيش اد ايه انا بعشقك .. ممكن تسمحيلى احبك وتحبينى ومش هتندمى ..
بنظره حنونه وعطوفه كلها حب لمسة قلبها : ممكن .. ؟
ألينا بتأثر وحب لمساه فعلا : ............


******************* يتبع