حمل ابريل الحلقة السادسة

الحـــلــقــه الســادســه
______________

"ألينا بتتصل .. مره واتنين .. مفيش رد ..
بتقعد وهى خائبة الرجا ..
مايكل بينزل وبيقرب منهم ..
فيرونيا مشغوووله فى ايديها .. بالاكلادور .. بيبصلها مايكل وبيستغل الفرصه .. وبيتكلم بود ..
- مين يشرب معايا .. عصير .. ؟
فيرونيا :
- لحظات مايكل .. انا خلصت واقوم اعمل عصير لينا ..
مايكل بأصرار :
- لاء انا احب اعمل عصير ..
ألينا :
- طيب .. ارتاح مايكل وانا اعمله ..
بحده : لاء .. انا احب اعمله .. سورى .. وقام وسابهم ووقف فى المطبخ اللى اصلا مكشوف وهما شايفينه واقف فيه .


***********************************


ولدين ماشيين من الشارع .. سامعين صوت موبايل بيرن ..
الولد الاول :
- ايه صوت موبايل دا ..
- مش اعرف ,, يلا نمشى مش لينا دعوه .
- لاء لاء عاوز اشوف ايه دا ..!
- اوك ..
بيسمعوا صوت انين .. مع الرنه .. بيقربوا اكتر من الصوت .. لحد باسكت قمامه كبير .. ووجمبه جاك , فى الجمب ..
بيقرب الولد التانى : يلا بينا يلا , بلاش نتدخل فى حاجه كده نروح بوليس .
الولد الاول : لاء .. نساعده .. حرام .. شكله حالته خطيره ..
الولد الثانى : اوك .. بس خايف كتير .. فى دم كتير .. بس هو شكله صاحى كويس ..
الولد الاول بياخد الموبايل وبيتصل على اخر نمره رنة .. ألينا ..

******************************

مايكل بيقدم لـ ألينا العصير .. اتفضلى ألينا ..
ألينا بأبتسامه : ميرسى كتير مايكل .. تعبتك معايا ,, بس انا فرحانه بيك كتير ..
مايكل بيقدم العصير لفيرونيا وبيقعد ..
ألينا بدأت تقرب الكوبايه تشرب أول شفطه ..
موبايل بيرن .. سابت الكوبايه مع نظرات مايكل المتلاحقه ..
وبتمسك الموبايل بفرحه : جاك ..
مايكل بغيظ وبيفكر ( اخر مكالمه واخر مره هتسمعى صوته ألينا خلاص ) .
ألينا وشها بيتغير : انت مين ,, فين جاك .
مايكل بيهتم : فى ايه .. مين .. ؟
ألينا برجفه ودموع .. دا جاك .. والتليفون بيقع من ايديها ..
فيرونيا بخوف .. فى ايه مالك ألينا .. ماله جاك .. ؟
مايكل بياخد التليفون .. ألو .. ايوه .. ايوه .. اوك .. جاى .. ممكن تكلم اسعاف معلش .. اوك شكرا كتير ..
بيجرى مايكل وبتجرى وراه ألينا .. أستنى مايكل انا اجى معاك .. استنى ..
بتجرى ألينا ومايكل وبيجروا فى الشارع المكان اللى فيه جاك بعديهم بشارعين ..
ألينا بتنهج وبتقف .. مش قادره مايكل .. مش قادره اجرى اكتر ..
مايكل بعصبيه ونرفزه :

انتى بقى امشى من حياتنا .. عربيه .. امشى ..
ألينا بدموع وبتتغلب على تعبها وبتجرى وراه خوفاً متعرفش توصل لجاك ..


**********************************


فى المستشفى واقف مايكل ولصغر سنه بدأت ألينا هى اللى تتعامل ..
جاك دخل غرفة العمليات .. وبعد فتره طويله بيخرج ..
ألينا قاعده هى وفيرونيا اللى حصلتهم على المستشفى .. بتهدى فى ألينا علشان تبطل بكاء ...
مايكل قاعد نظراته لألينا ..مميته ..كأنها اللى قتلت جاك .. مستغربه تحوله رغم انه اتغير معاها ..
بعد فتره بيخرج .. جاك والدكتور بيقرب :
مايكل بيجرى عليه .. ها دكتور .. جاك ايه اخباره .. !
الدكتور بيغمض عينه وبيبعدها فى اسى ..
مايكل بدموع : لاء دكتور .. جاك مش يموت .. جاك يعيش ..
الدكتور : هو هيخرج حالا من اوضة العمليات .. بس طعناته كانت كتير .. والحاله متأخره .. كلموه لاخر مره .. سورى .
ألينا بتبكى وفيرونيا بتاخدها فى حضنها وبتبكى معاها ..
مايكل دموعه مبتقفش .. كل اللى بيفكر فيه جاك .. ازااااى .. ؟


*************************

جاك نايم وألينا ماسكه ايده وبتبكى .. ومايكل واقف بعيد وجمبه فيرونيا ..
جاك بيفتح عينه بصعوبه شاف ألينا ابتسم .. كان نفسى ألينا اشوفك .. قبل ما اموت .. هتوحشينى اوى ألينا .
مايكل بعصبيه : مين عمل كده جاك .. مين .. !
جاك بأبتسامه : هتوحشنى مايكل .. كتير .. بس انا هراقبك من السما .. مش تعمل حاجه غلط .. انا هشوفك من بعيد ..

مايكل بيبكى اقوى .. لاء جاك .. انا مش عاوز انت تموت .. انا بحبك كتير ..
ألينا بدموع : مين جاك , عمل كده مين .. !
جاك بفرحه : هنتقابل انا وانتى فى جنه ألينا .. ألينا تبقى سعيده مش تزعل .. مايكل خلى بالك من ألينا لو بتحبنى .. مش عاوزها تزعل ابدا مايكل .
مايكل بغيظ : لاء جاك .. انا عاوزك انت مش هى .. هى مش مهم .. وشها وحش .. انت قوم وخليك جمبى .
جاك بينزل دمعه من عينه : مش تزعل ألينا مايكل .. وحياتى عندك .. انا مش عاوز ألينا تزعل ابدااا ... وبيغمض عينه ..
ألينا بتصرخ .. لاء جاااااك ..
مايكل وفيرونيا بيبكوا وفيرونيا بتحاول تحضن مايكل وهو بيبعد عنها ..

*********************************


اقدام المدفن واقف اصدقاء لجاك وأخته اللى عايشه فى بلد تانيه ومايكل وفيرونيا .. وطبعا ألينا ..
بيدفن جاك وسط دموع من الجميع وكله واقف عينه على ألينا .. مين دى .. !
أخت جاك بتقرب من فيرونيا وهى بتبكى :
- فيرونيا .. مين دى فيرونيا .. ؟
- دى ألينا .. جاك مش قالك انه خطب .. !
- دى عربيه .. !
- ايوه .
- طيب فيرونيا خديها وامشى من هنا علشان .. حد يضايقها بعدين .. !
- اوك .. اوك ..

ألينا جمب فيرونيا فى العربيه ..
- ليه فيرونيا مشينا بسرعه كده .. !
- علشان تعبت ألينا .. وانتى كمان بقالك كذا يوم مش بترتاحى خالص .. حرام .
- اوك فيرونيا ..

*******************************


بيمر اكتر من شهر مايكل مكتئب دايما .. وكرهو زاد لألينا لما اتعرف ,, ان جاك اتقتل بسبب اسلامه .. !
الينا دايما فى المحل مكتأبه .. يا فى البيت وحيده وبتبكى مش حب لجاك .. بس على انسان جميل كان عايش فى هدوء .. وظهورها فى حياته هو سبب موته .. حاسه بالذنب ..دا غير نظرت الناس ليها اتغيرت من وقت ما مات جاك .. وفيرونيا كمان بعدت عنها .. وحاسه بوحده فظيعه .. كل اللى بتفكر فيه ان بلال بغباءه وضعفه سابها .. وجاك الانسان الوحيد الكويس هو كمان مات وسابها .. مفيش امان أنها خلاص تعيش مستقره .. كل الدنيا وحشه .. انا هعيش وحيده .. ايوه .. مش هتجوز خلاص .. انا هعيش لوحدى ..



**************************

ألينا فى بيتها نايمه .. مش فاكره اد ايه وقت مر عليها .. بتقوم وبتقطع ورقة نتيجه اتضح ان مر عليها يومين نايمه.. !
ومحدش حس بيها .. من تقل دماغه وبوءها الناشف عرفت انها كانت مريضه .. بتبكى .. جاك انت كنت بتسأل عليا على طول .. انا رجعت وحيده تانى .. ليه انا عايشه وحيده كده .. ايه الذنب اللى عملته يارب علشان اعيش وحيده كده .. يارب .. اقف جمبى .. انا حزينه اوى .. وبتقرب من التليفون وبتتصل بفيرونيا ..

فيرونيا بترد عليها بملل .. الو ازيك ألينا ..
ألينا : كده فيرونيا مش بتسألى عليا .. انا ليا حد غيرك هنا .. !
فيرونيا : لاء .. ألينا مش تزعلى .. بس مايكل كتير حزين .. ودايما مكتئب .. ووحيد .. انا مش اعرف اسيبه واجى .
ألينا بحزن :
- ايوه وحقده زاد عليا تانى .. انا كنت فرحت كتير اننا هنبقى كويسين سوا .. بس انا مش عارفه اعمل ليه ايه .. ؟
فيرونيا بضيق :
- معلش ألينا هيبقى كويس كتير .. انا مضطره اقفل معاكى دلوقتى علشان ابقى مع مايكل ..
ألينا :
- انا تعبت فيرونيا .. ومفيش حد حس بتعبى دا ..!
- انا اسفه يا ألينا .. بس انا بصراحه مش هعرف اكلمك .. كتير او اجيلك .. علشان مايكل كتير هيزعل منى ..
- بس انا مش ليا غيرك فيرونيا .. !
- خلاص ألينا .. يبقى تعملى تلقيح ألينا وتبقى ام مش انتى حابب تكونى ام .. اعملى تلقيح ألينا .. وخليكى ام .. وكونى اسره ..
ألينا بأستغراب :
- بس انا ..
- انتى ايه ألينا .. انا مش هعرف اكون معاكى .. وانتى وحيد وتيس .. خليكى ام .. وكونى اطفال وبيت وأسره ليكى انتى وبس .. انا عملت كده .. انتى كمان اعملى كده ..
ألينا : ....
................................... يتبع