حمل ابريل الحلقة الاولى

الحلقه الاولى
__________

فى منزل فى احد احياء "موسكو" منزل بطابقين شكله رائع انيق ولكن غير مرتب دخلت وبيدى شنطة سفرى ومع صديقتى الروسية فيرونيا التى تواصلنا وتعارفنا عن طريق النت , حتى صرنا اصدقاء جيدين جدااا ..

فيرونيا طبعااا مبتعرفش كلمه عربى فأنا هترجم على طول علشان متعبكوش معانا انا داخله معاها بشنطة سفرى وبتورينى اوضتى اللى هفضل فيها فترة اقامتى معاها ..
فيرونيا بنظره متألمه :
- خلاص بقى ألينا ,, مش عاوزه اشوفك كده .. ؟
انا بألم :
- أنا كويسه متقلقيش , بس زعلانه ان اقتحمت حياتك كده يا فيرونيا , ذنبك ايه ..
- لاء ليه تقولى كده انا سعيده بوجودك ..
بيجى ولد فى الـ 12 من عمره وبيبصلى بصات غريبه .. بس طريقة كلامه مع فيرونيا عرفت انه مايكل ابنها ..
مايكل بنظرة مشمئزه : دى المرأه العربيه اللى قولتى عليها .. !
فيرونيا بقلق:
- ايوه حبيبى يلا اطلع انت اعمل الواجبات اللى عليك ..
بنظره كلها استحقار لـ ألينا :
- طيب ..
فيرونيا : يلا ألينا دى غرفتك اتفضلى وخليكى على راحتك خالص ..
بأبتسامه مصطعنه :
- شكراً فيرونيا .
ألينا بتدخل وبتسيب شنطتها على الارض وبتدخل تتأمل الاوضه ركن ركن ..
سرير مرتب , ستائر ورديه , كل شئ جيد جدااا وزاهى الا قلبها هى مخطوووف ..
بتقرب من الشباك وهى بتركز اوى وبتتأمل كل حاجه حواليها .. وبتقف تبص على الشارع اللى شيفاه كذا بيت على نفس هيئه البيت اللى هى فيه .. بتبص على النجيله الخضرا اللى واخده كتير من المساحه واد ايه شكلها جميل .. وبتيجى اقدامها خيالات وخضره ..
************************
ولد زى القمر واقف وبيرجع شعره الاسود الطويل الناعم بأيديه لورا وهو بيلعب كوره على النجيله الخضرا ومعاه اصحابه ومن بعيد بيشاور بأيديه ..
- ألينا .. اخر شوط وجاى
ألينا بتدخل تقعد على مدرجات صغيره فى ملعب مختص بلاعبين الكوره .. وبتبصله بكل حب وبتهز راسها ,,هستناك ..
بتبص عليه بحب وهو بيجرى وبيتخبط , من وقت ما قعدت وهو مش عارف يلعب واصحابه استغلوا وجودها علشان يغلبوه عارفين عينه بتبقى معاها .
انتهى الماتش وبيغير هدومه بسرعه وبيجيلها :
- ازيك يا احلى بنات وجه بحرى كله .. ؟
بكسوف وخجل :
- انا لسه احلى بعد ما اتغلبت .. برضو .. ؟
- ايوه طبعا احلى واطعم واجمل بنت فيكى يا اسكندريه ..
بتبعد عنه علشان هو مقرب منها اوى :
- طيب الناس بلاش كده .
- بنحبك يا ألينا يا احلى اسم لاجمل قمر .. فعلا اسم اردنى لبنت تغلبهم فى جمالهم ..
ألينا بخجل :
- الله بقى يا بلال ابعد شويه بلاش تلزق كده ..
- مش قادر يا ألينا أنا بحبك اووووى .
- والله وانا بس كلمت اهلك .. !
بيبعد عنها وبيقف جمب البحر :
- بصراحه لاء شويه كده .
- ليه يا بلال , انت مستنى ايه , انا خلصت كليتى وانت مخلص جيشك ويتشتغل ايه يمنعنا .
- اصل ..
بعصبيه :
- اصل ايه .. ؟ هفضل استنى اكتر من كده ايه احنا بقالنا مع بعض 6 سنين متخيل اد ايه دووول حفظتك وحفظتنى بجد خلاص يا بلال مش هقدر استنى اكتر ..
بلال بحزن لحزنها :
- طيب ما احنا مع بعض اهو , ليه نتجوز دلوقتى اصبرى شويه ..
ألينا بثوره :
- يعنى ايه مع بعض اهو لاء طبعاً , انت لو متجوزتنيش انا هموت نفسى , متخيل بقولك ايه .. !
- ليه ضعفك دا انا عاوزك اقوى من كده .
- انت عارف ان ضعيفه علشان بحبك , المفروض حبك يقوينى وهو بيضعفنى ..
- خلاص يا ألينا اسكتى .
ألينا بصلابه ودموع محبوسه :
- هتيجى امتى يا بلال انت واهلك .. ؟
بلال بيبص للبحر بعمق ومبيردش .
ألينا بعصبيه ودموعها بدأت تنزل غلبتها :
- انت مبتردش عليا ليه يا بلال , انت هتغدر بيا صح .. ؟

*********************************
بتدخل فيرونيا لألينا اللى واقفه جمب الشباك وهى سرحانه :
ألينا .. ألينا .
اخيراً بدأت ألينا تنتبه لوجودها :
- ها .. ايوه فيرونيا .
- مالك ألينا , احكيلى .. ؟
بتنهيده طويله :
- هحكيلك فيرونيا بس لما ارتاح انا عاوزه انام بس ممكن .. !
- ايوه اكيد ارتاحى بعد اذنك ..
- اشكرك ,, اتفضلى .
********************************
ألينا قاعده فى غرفتها بتبكى بيدخل عليها ملك بنت عمها الصغرى ..
ملك :ايه يا ألينا لسه هتفضلى تعيطى كده .
ألينا: يعنى كمان ان ابكى على ماما وبابا حرام .
ملك: لاء يا حبيبتى طبعاً مش حرام , بس الحرام انك من يوم الحادثه وانتى مش بتبطلى عياط حرام عينيكى ..
- سيبينى دلوقتى يا ملك عاوزه ابقى لوحدى ..
- بس المحامى جاى علشان الورث وبابا مستنيكى ..
- طيب يا ملك لما يجى حاضر .. !
- ماشى يا ألينا براحتك المهم تبقى كويسه ..
- هبقى كويسه أن شاء الله .
بتخرج ملك وبتقفل الباب وبتمسك ألينا موبايلها تتصل بـ بلال ..
بعد كذا رنه :
- الو ازيك يا بلال
من الطرف الاخر فى الموبايل :
- ايوه ألينا ازيك عامله ايه .
- الحمد لله , معلش معرفتش ارد علشان ملك كانت معايا .
- ولا يهمك يا حبيبتى المهم تبقى كويسه , وحشتينى اوى نفسى اشوفك .
- لاء يا بلال بلاش انا مش هقدر اجى النهارده .
- ليه .. ؟
- علشان المحامى جاى الورث وكده ,, ودموعها غلبتها وبتنزل تانى وصوتها بيتخنق .
- ايه يا ألينا , لسه برضو بتعيطى .
- معلش يا بلال مش هعيط تانى هقفل انا دلوقتى .
- طيب بحبك اوى
- وانا كمان بحبك اوووووى والله وبحلم باليوم اللى تاخدنى تعوضنى عن اللى خسرته اوى .
- حبيبتى انتى متقهرنيش عليكى .
- حاضر خلاص .
- بكره خلاص قرب وهكلم اهلى وهنبقى مع بعض على طول .
- يارب بقى يارب مش عاوزه افضل مع عمى عاوزه امشى ,عاوزه ابقى معاك انت وبس .
- والله وانا نفسى فى اليوم دا النهارده قبل بكره وان شاء الله قرب يا حبيبتى .

****************************
ألينا بتقوم من النوم وبتلبس لبس تقيل وبتنزل لفيرونيا اللى لابسه قميص رجالى طويل وواقفه اقدام البتوجاز بتحضر الاكل .
ألينا بتقرب منها : هاى فيروينا
فيرونيا بتدور ليها :
- هاى ألينا كويس انك صحيتنى يلا الاكل جاهز .
- اه سورى ان مقمتش من بدرى عملت معاكى .
- مش فهما .
- كنت ساعدتك يعنى .!
- لاء حبيبتى كل واحد يشتغل لواحده مش فى تعب .
- ماشى .
- ها بقيتى احسن ؟
- اه الحمد لله .
- طيب هناكل وتحكيلى ايه جابك وفجأه .
- اوك .
بيخرج شاب قمووور مش لابس قميصه وبيقرب من فيرونيا وهى واقفه بتطبخ وبيحضنها من ضهرها وبيبوسها .
بتتكسف ألينا وبتبعد بعينيها عنهم ,, وهى بتردد (غريبه اوى مش فيرونيا بتقول متجوزتش ومش مرتبطه طيب مين الراجل دا وابنها دا , اوف انا بفكر فى ايه انا مالى )
بيبعد الشاب عن فيرونيا وبدأو يحضروا الاكل على التربيزه الصغيره وكل واحد بدأ ياكل ..
مايكل بيجى وبياخد طبقه وبيروح يقعد اقدام التليفزيون وهو بياكل ..
فيرونيا بغضب: تعالى هنا مايكل كل معانا .
مايكل مش بيرد عليها .
بصت لمايكل ورجعت بصت للشاب وهو بيقولها ,, سيبيه براحته .
بيخلص العشا وبتطلع فيرونيا بتغير هدومها وبيمشى الشاب وهى قاعده مش فهما . وقررت تسأل فيرونيا مين دا وتسأل ازاى مايكل ابنها وهى متجوزتش .. !


بتقعد فيرونيا جمب ألينا وشكلها متضايق بتقرر ألينا تتكلم معاها : فيرونيا ممكن افهم شويه حاجات .
فيرونيا بحزن : اكيد
- طيب الاول ليه حساكى زعلانه ؟
- بسبب مايكل ألينا تاعبنى جدااا , اسلوبه حاد وعنيف , ودايما يهاجمنى .
- ليه ..؟
بحزن اعمق :
- علشان هو مش ليه اب .. ليه انا اجيبه كده واصحابه بيتريقوا عليه .
- يعنى ايه مش ليه اب خلفتيه لوحدك يعنى ... ؟
- يعنى ايه .
افتكرت ألينا انها اجنبيه فبالتالى سؤال ساذج جدااا منها .
طيب ليه انتى عملتى كده انتى مش كبيره يعنى لسه صغيره وممكن كنتى تخلفى طبيعى :
- لاء انا خلاص مش احب اكون عيله , ومش احب يكون فى راجل فى حياتى .
بأستغراب :
- ازاى واللى كان هنا دا ايه.. ؟
- لاء دا جو علاقه عابره كده , هو متجوز وانا عارفه ان مش بحبه احنا بنضيع وقت مع بعض بس .
- بس كده غلط.
- ليه انتو مش فى مصر كده ؟
- لاء احنا مفيش كده كل دا حرام.
- اممم صح انتو بلد رجعى ومتخلف صح ..
- لاء مش راجعى ومتخلف احنا مسلمين او مسيحين كعرب ليا حدود بس ومش بنتخطاها .
- ممم مش مشكله يلا احكيلى انتى بقى مالك وليه قولتى تيجى فجأه كده .. ؟
- هحكيلك ..
....................................يتبع