حمل ابريل الجزء الثانى الحلقة العاشرة

الحلقه العاشره الجزء الثانى
_________________

أنس : لاء يا ألينا مش قادر اروح , البيت هناك بيخنقنى وبيفكرنى اوى بيها ..
تغريد : إلينا , مين إلينا, وبيفكرك بمين .. ؟
أنس بحزن واضح على وشه : مراتى ..
تغريد بأبتسامه : ايه دا انت اتجوزت وانا معرفش
أنس : ايوه ..
تغريد :طيب هى فين .. !
أنس بألم : مش عارف , نفسى اعرف , عاوز اطمن بس ان هى كويسه ..
تغريد بعدم فهم : مش فهما حاجه .. فهمنى يا أنس ..
أنس بحزن : اختفت ببساطه يا تغريد , ببساطه سابتنى ومشيت ..
تغريد بحزن : ازاى سابتك ومشيت , مش فهما ..
أنس بدموع : سابتنى يا تغريد , حصل بينا موقف وسابتنى ومشيت ..
تغريد بأبتسامه : دلوقتى ترجع يا أنس بس بلاش تزعل كده , انا معرفش ايه حصل بينكو علشان احكم مين غلط , بس مش عاوزه اشوفك زعلان كده ,ويلا بقى نتفسح .
أنس متضايق ان دموعه نزلت : اسف ان ضايقتك ..
تغريد بنفس وشها المرح : ضايقتنى ايه بس .. مضايقتنيش خالص بس انا عاوز اتفسح " وبجديه " صدقنى يا أنس مفيش واحده تلاقى حد بيحبها كده وتقدر تبعد عنه كتير .. ويلا بقى ..
أنس بألم : واهى قدرت , دى حتى موحشهاش صوتى ..
تغريد بألم بتحاول تداريه : أيه بقى انت هتقلبها دراما وانا اللى قولت هتبسط ولا ايه ..؟
أنس بيحاول يتماسك : لاء خلاص , ها عاوزه تروحى فين ..؟
تغريد بأبتسامه : خان الحسين , عاوزه اكله مصريه بنت حلال ..
أنس بضحك على بنت حلال : ههههههههه ماشى يا بنت الحلال ..
تغريد بأبتسامه لانها ضحكته : يلا بقى انا جعانه ..

********************************

فى بيت ناديه بتطلع إلينا .. بعد ما فتحتلها ناديه ..
عدت على فيرونيا ..
فيرونيا بتفتحلها بسعاده : هااااااااااااى
إلينا بتبتسملها وبتحضنها : وحشتينى كتير فيرونيا ..
فيرونيا بأبتسامه : وانتى كتير .. ادخلى
إلينا : هطلع لطنط ناديه وانا نازله هعدى عليكى ..
فيرونيا بأبتسامه : اوك حبيبتى , اتفضلى .. منتظره انتى
إلينا بتبتسم لها وبتطلع ..
ناديه من على الباب واقفه لـ إلينا والاتنين اول ما اتلاقو , بالاحضان ..
إلينا بتدخل وتقعد : وحشتينى اووووى اووووووى ..
ناديه بتأثر: كده يا إلينا تكسرى قلبى وقلب أنس وتمشى ..
إلينا بألم : بلاش يا طنط نتكلم فى الموضوع دا كفايه يحكى على حاجه تخصنى , انا كنت شيفاه كبير اوووى للاسف ..
ناديه بحزن : اخص عليكى , وهو حكى لحد غريب .. انا مش مامتك ..
- مش اقصد حضرتك اقصد اهله وكل الناس .. ازاى هونت عليه يقول حاجه زى دى ..
- بس هو كان هيعمل ايه .. انتى اللى غلطتى تسيبى البيت , هيبرر موقفه ازاى .. انتى مش حاسه ازاى هى كبيره تسيبى البيت لجوزك وتمشى .. !
- ايوه بس مكنش ينفع بعد اللى حصل نفضل ,وخلاص كده كده هو انتهينا واطلقنا ..
- دا علشان مش لقيكى .. أخويا اجبره يطلقك ..
إلينا بدأت تلمس عواقب اللى عملته :
- شكلى احرجت انس جداا يا طنط .. !
- جدااا جدااا يا إلينا .. انتى غلطى ..
- خلاص بقى يا طنط .. اللى حصل , وملناش نصيب سوا
ومحاوله لتغيير الموضوع :
- صحيح مين البنوته اللى ردت عليا .. ؟
- بنت وحيد , مش وحيد رجع ..
إلينا بسعاده لناديه : حمدلله على سلامته فرحانه ليكى جدااا , انه رجع اخيراااا ..
ناديه بحزن : ايوه الحمد لله ..
إلينا : ليه حساكى زعلانه يا طنط .. !
ناديه : لاء يا حبيبتى دا انا مبسووطه اوى .. كفايه شوفتك , دا انتى كنتى وحشانى اوى ..
إلينا حست انها مش عاوزه تحكى : انا مبسووطه اكتر والله , وانا كنت حاسه ان فعلا مفتقداكى جدااا .
بعد قاعده طويله وتعويض حرمان من ناديه , مشيت إلينا ..
ركبت عربيتها فى نفس اللحظه اللى نزل فيها وحيد من عربيته .. واتجه للبيت ..
إلينا بتركب ومقرره تلف شويه تشوف فستان , للحفله اللى لمفروض اخر الاسبوع ..
بعد كذا محل ..
دخلت محل .. واختارت فستان شيك .. واخدته ودخلت تقيسه ..
لحظات وسمعت صوت أنس ..
بسعاده ايوه هو أنس , انا عمرى ما اغلط فى صوته ..
بتطلع بفستانها , فرحتها نسيتها انها المفروض بتهرب منه ..
شافته واقف وتغريد بتمسكه من إيده , وبتهزر معاه يروح معاها , تقيس لبسها ..
بصدمه بترجع إلينا بضهرها , تستخبى فى البروفه .
صوت أنس وهو بيتكلم : خلاص بقى يا تغريد تعبتينى النهارده ..
تغريد بهزار : يلا بقى اخر محل وحياتى ..
أنس بيشدها من ايديها : قولت يلا بينا , خلاص كفايه اوى كده ..
بترجع إلينا بألم .. نسيتنى يا أنس .. وبالسرعه دى .. !

بترجع إلينا وهى بتبكى ,غصب عنها دموعها بتجرى على خدودها ..
خلصت وغيرت وأخدت الفستان بكل هدوء وخيبه وبتخرج .. بتبص حواليها , ممكن تشوفه تانى , محصلش الشارع زحمه وناس كتير الا أنس .. مش موجود ..
بتاخد عربيتها وبتحط جمبها فستانها وبكل ألم بتمشى ..

أنس بيوصل تغريد لبيتها ..
تغريد بأبتسامه : بجد شكراا يا أنس كان يوم حلو أوى ..
أنس بأبتسامه :لاء بجد انا اللى بشكرك يا تغريد , انا اتبسط اوى وغيرت جو كويس جدااا ..
تغريد بضحك : طيب ادعيلى بقى .. بس بقولك ايه انا رحمتنى من بابا ومراته , هطلع انام على طول ..
أنس بضحك : يا لمضه , يعنى بدل ما تقولى بابا واحشنى ومش بشوفه غير من السنه للسنه تقولى كده .. !
تغريد بسخريه : طيب انا راضيه ذمتك يا أنس , بقى بابا يوحشنى طيب ازاى , طيب دا حتى شريكو من زمان وتعرفوه اكتر منى ..
أنس بيضحك بطريقه جميله ومن قلبه بجد : بصراحه عندك حق , وسابها وركب عربيته ..
سلام , ههههههههههه ملكيش حل

**********************************

بترجع إلينا بيتها , منظر أنس مع تغريد مش قادره ابدااا إلينا تنساه , كل اللى بتقوله ..
يااااااه للدرجه دى كنت مخدوعه فيك ..
أد كده صدقت أنك بجد بتحبنى , طلقتنى , ونسيتنى , وكمان ارتبط بغيرى ..
وبضحكه كلها سخريه ودموع وألم : هاهاهاها وأنا اللى فاكره ان فى حاجه اسمها حب ووفاء وتضحيه , كنت بالنسبالك ايه يا أنس , يااااه جددت جرحى , انت وبلال زى بعض , عمرى ما هتألم تانى أبدا علشان حد كل الرجاله خاينين , كلهم غدارين ..
..

فى بيت أنس طالع , من زمان وشه مش مبتسم كده , اجمل وقت وكله فرحه اللى بيكون مع تغريد بس ..

طلع غرفته دخل بيغير هدومه .. وبيطلع على السرير ..
بيبص على الدبله فى ايده ..
بيفكر : ليه مش قادر اشيلك من ايدى ..
معقول انا وانتى ممكن نرجع تانى لبعض يا إلينا , ممكن اشوفك تانى ولا خلاص اخدتى قرارك ان انا وانتى انتهينا , وقررتى تنسينى وتلغينى تماماً من حياتك كأن فى يوم مكنتش موجود ..
وبدموع بتناجى عينيه تانى : وحشتينى أوى يا إلينا , مفيش مره تحبى بس تسمعى صوتى ..
هموووت واسمع بس صوت نفسك , والله هحس بيكى وهعرفه ..
بيقوم ويجيب الطرحه الخاصه بيها .. اللى دايما بيشم فيها ريحتها ..
وبمنتهى الالم : حتى ريحتك من الطرحه راحت يا إلينا , قوليلى أعمل ايه , ازاى هفضل كده ..
أنا عايش على امل فى يوم هلاقيكى .. وحشتينى اوووى اوووى ..
بياخد الطرحه فى حضنه ودموعه اللى دايما مرفقاه فى نومه وبينام ..

تانى يوم إلينا بتدخل للمدير المكتب ..
إلينا : ايوه حضرتك , طلبتنى .. !
المدير : ايوه يا إلينا فى تعاملات ناقصه محتاجين نكملها , عارف انه مبقاش من اختصصاتك انك تخرجى من الشركه , بس محدش غيرك هيعرف يتعامل فى الشغل دا ..
إلينا : لاء طبعاً اى حاجه تحت أمرك , البنك برضو .. ؟
المدير : ايوه يا بنتى معلش ..
إلينا بأبتسامه : بس بلاش يكون مع صاحب البنك اصل بجد اسلوبه صعب شويه ..
المدير : معروف انه حاد اوى .. فعلا بس رجل اعمال شاطر جدااا ..
إلينا : شكل التعامل معاه صح .. !
المدير : للاسف ..
إلينا : حاضر يا فندم هروح على هناك على طول ..
المدير : طيب هو انتى هتعملى ............

بتدخل إلينا البنك ومعاها الاوراق .. وأول ما وصلت دخلوها على اوضة وحيد مباشرة ..
وحيد من على مكتبه وبأستغراب : حضرتك برضو ..
إلينا بغرور : أيوه انا برضو معلش أصل انا اكتر حد يفهم فى الشغل دا ..
وحيد : واضح انك محاسبه شاكره وبيثقو فيكى .. !
إلينا بتحدى : جدااا ..
وحيد بضيق من غرورها : مممم طيب ما تشتغلى معايا ..
مع كلمته بتدخل فيرونيا المكتب ..
فيرونيا بتتكلم ,, مع التفات إلينا على صوتها ,, فعلا هى فيرونيا ..
إلينا بسعاده : فيرونيا , انتى هنا .. ؟
فيرونيا بنظره متفاجئه : إلينا , انت تعمل ايه هنا .. !
وحيد بيبص بأستغراب على الاتنين , ولغة إلينا المتمكنه ..
فيرونيا لوحيد : دى صديقتى اللى حكيت ليك عليها وحيد ..
إلينا بقلق : حكيتى ايه .. ؟
وحيد : كل خير مدام إلينا ,مدام فيرونيا بتحبك كتير ..
إلينا بنظره ليه وبنظره تانيه لـ إلينا : اه ..
فيرونيا بأبتسامه مش حاسه قلق إلينا : طيب امشى انا علشان مش تتعطلو عن الشغل وهستنى أنتى إلينا فى مكتبى , وأنت وحيد امضى دول ..
وحيد بياخد منها الورق : اوك هقرأه وابعتى ليكى ممضى ..
فيرونيا : اوك ,, ولـ إلينا .. هستناكى ..

بتخرج إلينا .. نظرات وحيد اتغيرت .. بدأ يتعامل بلطف ..
إلينا بتكمل كلامها .. لحد ما خلصت كل الشغل ..
إلينا : بس يا استاذ وحيد , موافق على التمويل .. !
وحيد : اه موافق , بس انا اللى اعرفه من فيرونيا , انك كنتى مراة أنس صح .. ؟
إلينا بألم لمس أعماقها وألم قلبها : ايوه ولو سمحت خلينا فى الشغل ..
وحيد بيسرح فيها ..
غاده واقفه فى المطبخ بيجى وحيد من الشغل ومعاه ورد بيدخل عليها بهدوء ..
حبيبتى ..
غاده بتتخض وبيوقع منها طبق السلطه ...
وحيد بيحضنها .. حبيبتى انا اسف ..
غاده بعصبيه : انت كل مره تعمل كده وتقول انا اسف ..
وحيد : اعمل ايه انا بحبك اوى وبموت فيكى وانتى مخضوضه كده ..
غاده بدلع : طيب خلينى اشيل الخضار اللى وقع دا .. يا خساره السلطه ..
وحيد بأبتسامه بيطلع بوكيه الورد من وراه وبأبتسامه : طيب ودا ..؟
غاده بأبتسامه : حبيبى الله بس , ايه المناسبه .. !
وحيد بحب : مناسبته ان بحبك , وان اسعد انسان فى الدنيا علشان انا زوجك ..
غاده بتحضنه : حبيبى يا وحيد , انا بحبك اوى
وحيد وهو بيحضنها اقوى : انا اللى بحبك اكتر ..
بيرجع وحيد على صوت إلينا : استاذ وحيد حضرتك معايا ..
وحيد بعصبيه : اه , لو سمحتى اخرجى دلوقتى ..
إلينا بأحراج (دا مجنون دا ولا ايه بيطردنى ) : انا .. !
وحيد بنفس النبره : لو سمحتى اتفضلى اخرجى .. ونكمل مره تانيه ..
إلينا بضيق اخدت اوراقها وخرجت بسرعه وهى حاسه بأهانه ..

فى مكتب فيرونيا قاعده إلينا بتبكى .. دا انسان قليل الذوق جدااا
فيرونيا : سورى إلينا , بس مش اعرف ليه اعمل كده مع انتى .. !
إلينا بعصبيه : علشان معقد ومتخلف , ازاى دا يبقى أبن طنط ناديه ازاى .. الملاك دى تجيب انسان زيه .. ؟
فيرونيا مش قادره تفهم على إلينا : اهدى إلينا .. مش افهم انتى ..
إلينا بحزن : خلاص فيرونيا , بس انتى حكيتى ايه ليه .. ؟
فيرونيا : انك صديقتى بس إلينا وجيت ليكى هنا مصر وانك زوجة انس , مش تقلق مش قولت شئ تانى ..
إلينا بأطمئنان ورجعت نفس الدموع : ازاى يطردنى من مكتبه دا متخلف .. !
فيرونيا بحزن : خلاص إلينا مش تزعل .. وحياة انا .. !

وقت الحفله .. والكل بيستعد ..
أنس واقف اقدام بيت تغريد ياخدها معاه ..
إلينا بتركب العربيه فى ابهى صوره ليها ..
وحيد وفيرونيا كانو اول من وصلوا على الحفله ..

***************************يتبع