حمل ابريل الحلقة الثالثة

الحـــلقــه الثــالثــه
____________

بلال بيمسك ايد ألينا بحزن وبيقرب منها :
- لاء يا ألينا انتى مش وحشه انتى اجمل انسانه فى الدنيا .
ألينا بوجع :
- انتى بعتنى يا بلال , ليه بعتنى , دا انت كنت كل املى فى الدنيا دى , كنت الانسان الوحيد اللى بتمناه .
بتأثر وحزن :
- هعمل ايه يا ألينا مش فى ايديا اعمل حاجه ,انا مقدرش اقف اقدام الجميع , انتى عارفه ان مقدرش اعادى اهلى , انتى عارفه بابا صعب ازاى .
- احنا مش محتاجين حد يا بلال .
- لاء يا ألينا انا معرفش اعمل كده .. واتجوزك من وراهم .
الكله بتألمها جداااا ..
ألينا بتفوق لنفسها وبتحاول تلم الباقى من كرامتها :
- ومين قالك ان اصلا عاوزه اتجوزك يا بلال .. !
بلال بحزن :
- مش احنا كنا بنحلم بدا ,, عارف ان ظلمتك انا اسف , بس غصب عنى , مش عارف اعمل ايه ودموعه بتنزل .
- لاء يا بلال انا كنت بحلم مع بلال تانى , بلال راجل , بلال محترم , بلال اهلى , بلال عزوتى
وبنظرة استحقار :
- اللى اقدامى دلوقتى انسان مزيف , جبان , خذلنى , وانا مأمنش حتى لنفسى ان اكون معاك .
بلال بحزن وهو بيمسك ايديها وهى بتبعد عنه :
- يا ألينا استنى بس متسيبينيش كده , انا اسف .
- لاء مش اسف , دا ندم .. اوعدك يا بلال هيجى اليوم اللى هتفضل تفتكر ازاى حبينا بعض انا بكره اليوم وهيزيد كرهى وانت هتفتضل تفتكرنى وهتفضل تتمنى أنك فى يوم تكون جمبى , هتعيش وحيد ولو معاك ناس , بس هتعيش وحيد النفس , تعيس , مش هتلاقى حاجه ابدااا تفرحك , انت انسان ضعت , دموعك دى مأثره فيا بس عارف ليه .. !
بلال بيبعد بعينيه عنها :
- كفايه يا ألينا .
بصلابه وبتكمل :
- مأُثره فيا يا بلال علشان خلاص مش هتنساك , هتفضل ملزماك طول حياتك وياك ,, سلام يا اغلى سنين عمرى اللى راحت هدر .
بلال بدموع بيبص عليها :
- يا ألينا استنى بس ...
بتمشى ألينا ودموعها على خدها وهى مبتردش عليه .
ألينا فى الواقع ..
فيرونيا : معلش ألينا خلصت الطلبات يلا بينا ونكمل فى البيت .. بس بلال دا وحش كتير .
ألينا بدموع :
- كتير اوى .
بترجع ألينا وهى شايفه كل حاجه فى البلد منفره ومضيقاها بس مش لايقه مكان تانى خلاص تروحه , هو دا بقى مكانها وبس ..
بترجع وألينا بتحط الشنط فى المطبخ وبتبدأ تعين كل حاجه مكانها.
ألينا : قوليلى فيرونيا اساعدك بأيه .. ؟
خدى ألينا علب المناديل طلعى واحده اوضة مايكل وخدى واحده اوضتك وليا واحده فى اوضه .. !
ألينا بخوف : هو محدش فوق نايم .
فيرونيا : لاء حبيبتى , مايكل فى مدرسه , مش تقلقى .
ألينا بأرتياح : اوك
*****************************
ألينا بتحط كل علب المناديل كل علبه مكان التانيه اللى قربت تخلص وبتسيب جمبها القديمه .. وجه وقت دخولها اوضة مايكل ..

بتدخل اوضة مايكل بهدوء :
بتدخل .. الاوضه مبهدله وهدوم مش مترتبه وادوات شكلها غريب واعقاب سجاير بتبص بأستغراب .. طفل فى السن دا بيشرب سجاير معقول .. !
بتبعد وهى بتردد .. ايه الجديد يعنى ما من وقت ما جيت هنا وكل حاجه غريبه اوى .
بتقرب من المكتب بتاعه وبتحط علبة المناديل اللى فى ايديها على المكتب وبتشوف كتبه واضح ان لسه شكلها جديد..
"فلاش باك"
فى ثالثه ثانوى ألينا واقفه ومعاها بنات كتير .. كلهم عينيهم على بلال ( اللى هو اجمل ولد فى الكورس) .
يا بختك يا ألينا دايماً الوحيده اللى بيبص عليها انتى ..
ألينا بعصبيه : يبص أنا ماليش فى الصحوبيه والكلام الفارغ دا , انا هفضل كل اللى بفكر فيه تعليمى وبس والحاجات دى فى السن دا لعب عيال اصلا , بلاش تفاهه .
الصديقه : يا بنتى انتى بتقولى ايه دا قمووور اوى , ياريته يعجب بيا انا , دى كل البنات هتموت عليه .
ألينا بضيق :يموتوا , متخلونيش اندم ان جيت معاكو الكورس دا ومجبتش المدرس فى البيت .
الصديقه : لاء لاء خلاص هنسكت اهو , احنا ما صدقنا , مش كفايا بقيت المواد فى البيت , انا مش عارفه انتى مش بتزهقى .
ألينا : لاء بالعكس , انا بحب المدرس يجى , مش بحب الخروج واضيع وقت كتير فى اللبس دا .
بيمر عليهم اكتر من شهر ونفس النظرات لحد ما بلال قرر يقتحم حياة ألينا , اتفق مع صديق ليه يجيب ليه رقم ألينا من صديقتها وبالفعل حصل :
- ألينا قاعده مع والدها ووالدتها وتليفونها بيرن .. رقم غريب بتسيب التليفون من ايدها وهى بتكتم الصوت .. الاب , ايوه يا ضحى هيبقى كله بيع وشراء بأسم ألينا لان محدش ضامن عمره وانا عارف اخويا كويس .
ضحى : بس كده مش حرام هنتحاسب .
الاب: ربنا يسامحنا وبعدين مش انتى يا ألينا هتساعدى الغلابه وطلعى دايما فلوس لله .
ألينا بخنقه : انتوا ليه بتتكلموا كده كل شويه موت موت , هو انتوا لما تموتو انا هيفرق معايا فلوس .
الاب: يا بنتى انتى لو ليكى اخ ولد مكناش هنبقى بنفكر نكتبلك الفلوس واحنا عايشين , بس امان ليكى .
ألينا تليفونها بيرن تانى بنفس الرقم بتاخد تليفونها وبتخرج بلكونة البيت :
ألو ..
المتصل : انا بلال وبليز متقفليش , انتى مش متخيله علشان اكلمك , انا تعبت ازاى , انا بحبك اوى ومش سهل عليا اكلم واحده اصلا , عمرى ما كلمت حد , بس انتى بقيتى ليا مش اى حد , انا مبقتش ببطل تفكير فيكى , ياريت تحسى بيا .
ألينا بتبص على باباها ومامتها المنغرقين فى الكلام وبترد وقلبها بيدق وجسمها بيرجف وايديها بترتعش .. بس انا
بلال بلهفه : ادينى فرصه يا ألينا والله مش هتندمى , هنعيش اجمل قصه حب , وهتتوج بالزواج , انا مش بتسلى وأسألى عليا , هتعرفى ان مش بتاع تسالى ولا بنات ولا كلام من دا , انا حبيتك ودا مش من يوم انا بقالى اكتر من 6 شهووور مراقبك وبحبك , وواثق فيكى , وعارف انك اجمل وارق واطيب انسانه ممكن أأمن لنفسى انها تكون معايا بقية حياتى ..
ألينا بترجع لواقعها وفى ايدها علبة المناديل وهى بتبكى وبتسيبها وبتخرج بسرعه , فى اثناء خروجها خبطت فى مايكل , خافت بعدت عنه ..
انتى بتعملى ايه ف اوضتى ... ؟
ألينا بتوتر ولجلجه :
- أ أنـ انا كنت بس بحط المناديل .
- بنظره من فوق لتحت .
- طيب متدخليش تانى .. !
- حاضر اسفه .. وبتنزل تجرى على السلم .
مايكل بيبص عليها وبيدخل وبيقفل الباب وراه , بيدخل ومعاه شنطه صغيره بيطلع منها كيس بودره صغير , بيجيب مسطره وبيحط عليها البودره وبيستعد لشمها .. !

************************
ألينا واقفه مع فيرونيا فى المطبخ , وفيرونيا بتجهز تعمل كعكات .. وألينا واقفه تشوفها وهى بتحط الدقيق وبقيت المكونات ..
فيرونيا : مش هتكملى القصه بتاعتك ألينا انا متشوقه كتير اعرف الباقى .
ألينا : طيب اساعدك الاول .. ؟
فيرونيا : لاء لاء مش محتاجه مساعده انا بعملها بسرعه .. يلا قولى انتى وانا بعمل اسمعك ..
حاضر

ألينا ماشيه فى الشارع بعد ما سابت بلال وهى بتبكى ومش عارفه تروح فين , ولا حتى تمشى ,, فجأه بتقرب منها عربيه وهى مش واخده بالها انها بقالها كتير ماشيه وراها , لحد ما دخلت شارع هادى وضلمه وهجموا عليها ..
بيقرب منها كذا شاب ... وبيبدأو يضايقوها , ألينا بدموع انتوا عاوزين منى ايه .. ؟
بيقربو الولاد منها وبيشدوها تركب معاهم عربيه وهما كاتمين بوءها بأيديهم ..
بتحاول تفلت منهم وهى بتبكى : ابعدوا عنى حرام عليكو .. بيكتموا بوءها اكتر وبيقرب منهم شابين ..
بيجروا عليهم وبيضربوا فيهم ..
ألينا بتبعد وهى بتبص عليهم بدموع , وشايفه الشباب اللى كانوا هيخطفوها بيركبوا العربيه بسرعه وبيجروا ..
شاب عينيه جميله وجذابه لكن ملامحه عاديه بيقرب منها وهو بيعدل هدومه :
- انتى كويسه .. !
- ألينا بدموع وهى بتبصله .. كويسه الحمد لله ربنا يخليكوا بجد متشكره اوى , مش عارفه لو مش كنتوا جيتوا كنت عملت ايه .. ؟
الشاب التانى , المهم سلامتك هو انس كده مغامر رغم ان كنت خايف اتدخل بصراحه بس هو هجم وانا قولت اساعده بقى ههههه
ألينا بدموع : شكرا بعد اذنكو
بتمشى ألينا وهى بتسمع انس بيقول : قمووووه اوووى ما شاااء الله البنت دى .
فيرونيا فى الواقع :
- طيب حلو الشاب دا شكله اعجب بيكى انس .. !
- أنا مشوفتوش تانى انا معرفش ايه بيحصل دلوقتى فى مصر كل اللى اعرف ان جيت اجرى ليكى انتى وبس ..
- وانا كتير فرحت بيكى ..
ألينا بضيق .. فيرونيا انا نفسى اوى اموت , حياتى وحشه اوى , عمى خلى كل الناس هناك تقول عليا ان مش بنوته , وان ماشيه مشى مش كويس , انا خلاص مش هعرف ارجع تانى هناك ..
- انا مش عارفه افهم عليكى ألينا , بس خلاص انتى عيشى هنا .
- ايوه انا معايا فلوس واحب اشتغل هنا او اعمل مشروع وانتى تبقى معايا ماشى .
- ايوه احسن وتحبى هنا وتتجوزى وتعيشى حياتك هنا .. ؟
- لاء اتجوز واعيش حياتى تانى لاء .. خلاص انا مش عاوزه اعرف رجاله تانى .
- طيب بس مش تستعجلى فى قرارك , انتى هتعيشى هنا وبكره تلاقى اللى يحبك وتحبيه .
- يلا فيرونيا انا هطلع اوضتى شويه كده .. !
- اوك وانا هعمل الاكل واقولك ..
- اوك

بيمر اكتر من يومين فيرونيا بتدور على مكان لألينا تعيش فيه بناءً على رغبة ألينا وكمان محل تفتحه مكتبه صغيره ..
ألينا واقفه مع فيرونيا وبيشوفوا شقه صغيره حلوه قريبه لبيت فيرونيا ..
فيرونيا : ايه رأيك ألينا .. !
ألينا : حلوه اوى
فيرونيا : واجرها كمان قوليل كتير .
ايوه اوى ,, المستأجر لـ فيرونيا .. هى عربيه صح .. ؟
ايوه انت عرفت منين .. ؟
- مش عارف بس حسيت كده رغم اتقانها لغتنا ..
ألينا بضيق : هفرق حضرتك لو كنت عربيه يعنى ..؟
فيرونيا : لاء حبيبتى هو بس بيسأل .
ألينا : طيب مش خلصنا يلا نمشى , علشان نشوف المحل ..
فيرونيا : اوك يلا بينا ... وبتكمل كلامها للمستأجر .. وخلاص دى شقتنا .
المستأخر : اوك


ألينا بعد ما خلصت الشقه والمحل وخلاص تم الاتفاق عليهم .. بترجع البيت مع فيرونيا ..
ألينا بتعب ,, هطلع انا فيرونيا ..
ماشى ألينا , براحتك ..
بتطلع ألينا وهى سامعه صوت اوضه مايكل فى حد تانى معاه بس مقدرتش تميز الاصوات ,, بتتجاهله وبتدخل اوضتها .. وبتقفل عليها كويس ..
بتقعد على سريرها وبتسمع صوت حد بيخبط على الباب .. بتقوم علشان تشوف مين ..
مين .. ؟
الصوت من بره : انا مايكل , ممكن تفتحى .. ؟
ألينا بقلق : عاوز ايه مايكل .
مايكل بأصرار: افتحى الاول .. عاوز اتكلم معاكى يا عربيه .. !
ألينا بخوف : حاضر
.....................................يتبع