حمل ابريل الجزء الثانى الحلقة الخامسة

الحلقه الخامسه الجزء الثانى
______________________

أنس بيبصلهم .. ولـ ألينا : فى أيه .. ؟
ألينا بخوف : أنت هنا من أمتى انس ..
أنس : لسه جاى .. ايه الوقت مش مناسب .. ؟
فيرونيا : لاء بس مفروض تستأذن قبل ما تدخل غرفة أمرأه .. !
أنس بأحراج وبيبص لألينا اللى وشها جاب مليون لون : أنا اسف
ألينا : لاء أنس مش تتأسف .. ويلا بينا .. فيرونيا هنيجى بكره نطمن أنك كويسه وأخدك افسح أنتى ونشترى أشياء كتير .. ماشى .. ؟
فيرونيا بقلق بتبصلها : أنتى مش هتفضلى معايا ألينا .. ؟
ألينا بتبص لأنس : بس اصل أنا ..
أنس بيبصلهم وبوجع فى قلبه : خلاص ألينا خليكى معاها النهارده ..
ألينا : بس أنت وعمو وطنط .. هيقولو ايه .. ؟
"أنس كان نفسه تقول لاء عاوزه ابقى معاك انت .. بس محصلش "
أنس بيحاول يكون عادى بس جواه غصه فى قلبه : متقلقيش أنا هقولهم معرفتيش تسيبى صاحبتك ..
فيرونيا بتسمع كلامهم العربى مش فهما ..
فيرونيا لألينا : فى مشكله ألينا .. ؟
ألينا بأبتسامه : لاء حبيبتى هنام هنا أنا ..
فيرونيا بسعاده : هيييييه شكرااا ..
أنس بيبصلهم وبيستأذن : همشى أنا ألينا .. مش عاوزه حاجه قبل ما امشى .. ؟
ألينا بخنقه مش عارفه سببها وقلبها وجعها : لاء سلامتك يا أنس ..
أنس : هاجى بكره وهشترى غداء .. بتحب ايه .. ؟
ألينا : اسماك أنس .. هى تموت فى الأسماك ..
أنس بأبتسامه وهو بيحيى فيرونيا .. ولألينا .. أوك "ونظره وداع" سلام ..
ألينا بتروح وراه لحد الباب ..حاسه روحها بتروح منها .. مع السلامه أنس ..
أنس بأبتسامه : سلام ..


****************************

ألينا وفيرونيا بعد العشا ..
طلعت تشوف ناديه .. نزلت شافت فيرونيا نايمه على السرير ..
ألينا : نامى أنتى يلا فيرونيا وأنا هكلم أنس واجى ..
فيرونيا بأبتسامه : واضح انت بتحبه كتير لـ أنس ..
ألينا بألم فى صدرها : مش حب .. الموضوع غير كده بس .. بسـ
فيرونيا بخبث : بس أيه ألينا .. ؟
ألينا مش عارفه تقول أيه : هكلمه وأجى ..
فيرونيا : اوك ..

********************

عند أنس اللى نايم عمال يتحرك شمال ويمين .. اليوم كان مرهق .. المفروض يحط دماغه ينام على طول ..
بشوق : قدرتى ألينا تنامى بعيد عنى ..
.. أمتى هتحبينى , انا مش قادر اتنفس فى بعدك .. أعمل أيه .. ايوه هتصل بيها .. أكيد هسمع صوتها .. هنام .. بس هى مش أتصلت .. خايف اضايقها ..
رجع تانى موبايله على الكوميدينو .. بحزن وقام يخرج البلكون ..
واقف بيحاول يستنشق هوا نقى .. التليفون بيرن .. مش سامعه ..

ألينا واقفه فى البلكونه فى ايديها تليفون بتبص للقمر نفسه إلى انس بيبصله فى نفس الوقت ..
بحب وشوق مستنيه تسمع صوته وتقوله تصبح على خير ..
محاولات كتيره .. وقفلت .. شكلك نمت .. وبتحضن التليفون .. تصبح على خير يا أنس ..


الاتنين بيبصوا على القمر ..
ألينا : أيه اللى بيحصلى .. هو دا ممكن اللى انا حساه دا .. ؟

أنس من بلكونته : هونت عليكى تنامى بعيده عنى يا ألينا .. أمتى يبقى جواكى نفس مشاعرى ..
أمتى تحسى ألم فى بعدى عنك .. أمتى أكون أنا النفس اللى بتتنفسيه .. أمتى هكون جزء من تكوينك من غيره تضيعى .. ؟ اشمعنى انا ضايع كده من غيرك .. !

ألينا بتدخل بهدوء وبتنام جمب فيرونيا .. بتتقلب شمال ويمين ..
فيرونيا بأبتسامه : كلميه ألينا .. يجى ياخد أنتى ..
ألينا بتبصلها .. وبتفكير .. هو نام خلاص اصلا ..
أنس .. هونت عليك تنام بعيد عنى .. ليه قلبى واجعنى ليه حاسه بأن حاجه مهمه اوووى نقصانى .. مش قادره أخد نفسى انت ازاى عملت فيا كده ..
وبأيديها على بطنها .. مؤمن .. ممكن فعلا نعيش أنا وانت وأنس .. عيله .. ممكن تحصل ..
معقول ربنا هيخلينى اعيش معاه وبيك سعيده .. ولا ابعد عنه واخلينى زى ما انا .. انا مش هقدر أشوفه يحصله حاجه .. أعمل أيه أنا حــبـ .. أيوه ..
أنا حبيبته .. أيوه مهما أنكر أنا حبيتك يا أنس .. وحبيتك اوووى كمان .. أنت سبب حبى ليك .. أنت ملاك .. وهفضل زى ما أنا علشان مخسرش الملاك بقربى منه ..

بيدخل انس ينام بعد أكتر من نص ساعه فى البلكون ..
بينام على السرير .. فى نفس مكان ألينا .. بيحاول يشم ريحتها بياخد مخدتها اللى بتنام عليها .. فى حضنه وبيبوسها ..
وبينام وهى فى حضنه .. لحظات بيتفح عينه ..
مش هعرف أنام لازم أسمع صوتها .. أيوه لازم ..
مسك تليفونه شاف مكلمتين لم يرد عليهم ..
.. بيفتح سجل المكالمات .. دى ألينا .. بقلق .. اكيد فى حاجه ..
بيتصل بيها..
ألينا وهى مش عارفه تنام بتسمع تليفونها من الصاله .. بتقوم بسرعه .. بتشوف أنس ..
ألينا بتبص للرقم .. حبيبى ... وبصوت أقوى : ألو
أنس بحب : حبيبتى انتى كويسه ..
ألينا كلمة حبيبتى لمست أعماقها وبنفس القوه : أيوه أنس متقلقش .. الحمد لله ..
أنس بحب : أنتى عارفه تنامى ألينا .. ؟
ألينا بحزم : اه , انت صحتينى من النوم ..
أنس بحزن : أه طيب خلاص روحى كملى نومك معلش صحيتك بس قولت فى شئ .. لما شوف رقمك ..
ألينا : لاء مفيش حاجه .. انا كنت بس بشوف طنط وعمو اتضايقو او حاجه .. ؟
أنس بخيبه أمل : لاء يا ألينا ..
ألينا بحزن : أوك يا أنس .. تصبح على خير ..
أنس : طيب أجى امتى بكره .. ؟
ألينا : وقت ما تحب .. وتبقى فاضى ..
أنس : اوك ألينا .. وأنتى من أهله
ألينا : سلام
أنس : سلام حبيبتى وخلى بالك من مؤمن ..
ألينا بألم : حاضر ..

ألينا بتقفل التليفون .. أنت ازاى كده .. بالله عليك خليك فى حالك .. بلاش تعلقنى بيك اوى كده .. انا مصدقت اعيش مرتاحه .. بلا حب بلا وجع قلب .. وبتلمس بطنها .. أكيد أنت يا مؤمن هتنسينى الالم اللى فى قلبى دا .. هيبقى مكانه حبك انت وبس ..

أنس بحزن بيقفل التليفون وبيرجع بدماغه على السرير ..
تصبحى على خير يا حبيبتى .. ويارب أعرف انام .. واضح انك مش فارق معاكى .. وانا مش قادر انام وانتى مش موجوده .. وبياخد المخده فى حضنه وبيغمض عينه تانى ..

**********************

تانى يوم أنس فى الشغل .. خلص بسرعه .. ونزل أشترى الاكل ..
فى العربيه فى طريقه لألينا ..
تليفونه بيرن .. "علاء "
بفرحه : حبيبى واحشنى والله ..
علاء صوته ظاهر من التليفون : بس يا عم أنت . انت لئيم .. انا لو مبقتش اسأل انت مبتسألش ابدااا كده .. ؟
أنس : حبيبى يا علاء والله صديقه لألينا من روسيا هنا .. جايه تقعد فتره .. واحنا معاها
علاء بصوت عالى : يا سيدى .. يا سيدى روسيه وانا مش موجود دى خيانه ..
أنس بيضحك : كبيره يا عم أد اختك ميار .. أرتاح ..
علاء بهزار : يا عم دوول بيبان عليهم سن .. انا راشق برضو ..
أنس بأبتسامه تجنن : مفيش منك أمل ابدااا ..
علاء : سيبك من كلامك دا بس وقولى .. هتعملو ايه النهارده .. ؟
أنس : متفقين هنخرج نشترى ونفسحها وكده ..
علاء : ماشى انا معاكو ..
أنس : خلاص اتفقنا حتى مبقاش انا لوحدى .. هتصل بيك اقولك هنخرج امتى ..
علاء : بيس يا مان ..



*******************

أنس بيطلع ومعاه الاكل على السلم ..
ألينا .. بتبص حواليها .. هاخد جواب مايكل .. وأقرأه ..
أنس بيخبط على الباب ..
ألينا بتبص لفيرونيا : شكل أنس جه ..
فيرونيا : طيب عينى أنتى جواب .. وانا افتح .. ؟
ألينا بأستعجال : اوك ..
أنس بيدخل وهو بيدور بعينيه على ألينا .. ألينا بتخرج من الاوضه بتبصله بكل لهفه ..
واضح من عينين الاتنين .. أن محدش أخد راحته فى النوم ..
أنس بشوق : وحشتينى اوى
ألينا بحزن ونفس الشوق : والله وأنت يا أنس ..
أنس بحب : هتنامى تانى بعيد عنى .. ؟
ألينا : لاء هرجع النهارده ان شاء الله ..
أنس : حبيبتى البيت كان وحش اووى من غيرك .. كنت حاسس ان مخنوق ..
ألينا بحب بس بتحاول تقوى .. الكلام بدأ ياخد سكة الاعتراف .. بحزم .. طيب مش هناكل ولا ايه ..
أنس : ايوه جبت أكلات بحريه .. يلا .. بس أنتوا هتخرجوا امتى .. ؟
ألينا لفيرونيا : انتى تحبى تخرجى أمتى فيرونيا .. ؟
فيرونيا : بعد أكل ألينا .. ؟
أنس : طيب هكلم علاء يجهز .. هجيبه معايا مش حابب اكون لوحدى ..
ألينا : اوك ..

بعد الاكل .. لبس كلاً من ألينا وفيرونيا واستعدوا للخروج ..
ألينا وهى مبتسمه .. أنس عاوزه منك طلب ..
أنس بنظره حب : ايه حبيبتى .. ؟
ألينا : عاوزه اشترى لبس محجبات .. عاوزه اتحجب .. ؟
أنس بأبتسامه : ياااه ألينا اخيرااا .. انا سعيد بيكى جدااا ..
ألينا : ياااه للدرجه دى .. اشمعنا يعنى .. ؟
أنس بأحراج : بصراحه ومتزعليش .. كنت مستغرب اوى صلاتك وخشووعك واحيانا بكائك واستغفارك المستمر .. ومبتفكريش تعملى اول شئ .. وهو الحجاب ..
ألينا : كل شئ بأوان يا أنس ..
أنس : حبيبتى انا سعيد اوى بيكى ..
ألينا بأستغراب : بس لما دى حاجه كنت حاببها وانا مراتك يعنى " وبأحراج " يعنى على الاقل اقدام الناس ليه مطلبتش منى دا ..؟
أنس بأبتسامه : محبش افرض اى شئ عليكى حتى لو مراتى بحق وحقيقى يعنى .. مش هفرض شئ ابدااا عليكى ..
ألينا بأعجاب كل يوم بيزيد :شكرااا يا أنس ..
أنس : طيب يلا بقى ننزل شوفى فيرونيا .. ؟
فيرونيا بتسمع اسمها : انا جاهزه .. يلا

**************************

فى المول ماشيه فيرونيا وألينا .. وجمبهم بشويه أنس وعلاء .
علاء بيغمز أنس : دى اللى اد ميار .. أنت مبتشوفش يابنى ..
أنس بضحك : يابنى ألينا بتقولك كان عندها ولد عنده 12 او 13 سنه باين ومات ..
علاء بأستغراب : ولا باين عليها .. مزه اووى برضو اهيه ..
أنس : بينكو مش اقل من 7 او 9 سنين يا علاء ..
علاء : اللى يشوفها يقول هى الاصغر ..
أنس : علاء انت اتجننت .. ؟
علاء : ايوه .. وبعدين مش يمكن هى اللى ترفض .. ؟ بلاش انت بس تبقى قاطع ارزاق ..
أنس بضحكه سمعتها ألينا : انت مشكله .
ألينا بتبصلهم : ايه فى ايه .. ؟
أنس : مفيش .. بقولك فيرونيا "واتكلم بلغتها" هروح انا وألينا نشترى لبس ليها .. وأنتى وعلاء نسيبكوا سوا ماشى ... ؟
علاء بسعاده : ايوووه طبعا هنقعد فى الكافيه دا " وبيشاور جمبه" على ما تيجوا ..
أنس بيبص لفيرونيا : ماشى فيرونيا ولا تحبى تيجى معانا .. ؟
فيرونيا بتبص لعلاء .. مش عارفه تستظرفه بس علشان متبقاش بتفرض نفسها : اوك

أنس وألينا فى المحل بتشترى لبس كتير .. كل طقم بتوريه لـ أنس ..
أنس بيبص عليها بحب .. حبيبتى انا كل حاجه لايقه عليها .. وجميله اوووى فى اللبس الواسع ..
ألينا بأحراج : أنس بطل تدلعنى كده ..
أنس بأبتسامه : طيب أدلع انا مين يعنى .. ؟
ألينا : اى حد يا أنس بس انا مستاهلش الدلع دا كله ..
أنس : ليه بتقولى كده يا ألينا .. انتى تستاهلى اجمل حاجه فى الدنيا ومهما اعمل انا مش هقدر اوفيكى حقك ابدااا ..
ألينا بدموع : يا أنس .. أنا مش حلوه اووى كده زى ما أنت شايفنى ..
أنس بحزن لدموعها : ليه يا ألينا .. بتقولى كده .. ليه حاسس جواكى شئ مش عاوزه تقوليه .. ؟
ألينا بتمسك بطنها "ايوه فعلا جوايا يا أنس حاجه لو عرفتها عمرك ما هتبص فى وشى تانى .. هتحرم من مجرد ان ابقى جمبك .. اعمل ايه يا أنس .. قولى أعمل ايه "
أنس بيبصلها : قولى ألينا فيكى ايه .. ؟
ألينا بترجع للبروفه : هكمل بقيت اللبس .. وأنا كويسه متقلقش ..
أنس وألينا بيخلصوا شراء ..
جه وقت الدفع .. ألينا بتطلع الـ كرديت كارد ..
أنس بضيق وأحراج : بتعملى ايه .. ؟
ألينا بتلقائيه : هحاسب .. !
أنس بضيق : على فكره أنتى مراتى .. !
ألينا : بس احنا متفقين ..
أنس بضيق : عينى الـ كارت دا يا ألينا يلا ..
ألينا بأحراج : طيب ..

خلصوا وطلعوا من المحل .. أنس ماشى متضايق وألينا أكتر .. مش المفروض يدفعلها فلوس كتير كده ..
أنس وهو ماشى جمب ألينا وطبعااا " كجنتل مان " هو اللى شايل كل الشنط ..
ألينا بتمشى جمبه .. شايفه نظرات الكل لـ أنس مضيقاها ..
شاب بيجى من بعيد عينه على ألينا ..
الولد بيقرب .. وألينا بتقرب من أنس ..
بحركه فجائيه .. قربت ألينا من أنس تأبطت ذراعه .. الولد كمل طريقه وبعد نظره عنها .. أنس بص لألينا بحب ..
ألينا ماشيه وهى بتبص للبنات .. ومش حاسه هى عملت أيه فى قلبه ..
أنس بيقرب من علاء وفيرونيا وهو فى قمة سعادته على لخبطه على توتر ..
ألينا بتقعد معاهم وبسعاده : انا اشتريت لبس شيك جدااا .. ورجعت ترجمت كلامها تانى لفيرونيا ..
الكل : مبرووووك ..
الكل قعد وأنسجم .. وأنس كل شويه يسرح فى ألينا وجمالها .. ومع كل ضحكه ليها وموقف طريف يزيد نظراته اللى كلها شجن وحب ..

أنس وعلاء ماشيين وألينا وفيرونيا اقدامه ..
علاء : أنس ..
أنس وهو مركز عينه مع ألينا : ايوه
- أسف يا أنس ان شكيت انك مبتحبش ألينا .. واتهمتك أنك مغيب .. كنت لحد امبارح ,لا لاء من شويه بس بقول .. مسيرك تندم وتفوق وتسيبها ..
- ودلوقتى .. ؟
- لاء النظرات اللى كانت بتتكلم وبتصرخ بالحب دى مش نظرات غير انسان متيم .. مش عايش غير علشان هو روحه متعلقه بروح تانيه لو اختفت هو هيختفى ..
- حبيبى يا علاء .. انا مش متخيل .. ازاى كنت عايش قبلها .. كان قلبى دا بيدق كده .. انا اول مره احس دقه .. اول مره احس ان بشووف الدنيا وبشووف كل حاجه فيها .. من غيرها أنا ازاى كنت عايش .. !
- حبيبى ربنا يسعدك .. وواضح انها لا تقل حب ليك ..
- بجد يا علاء .. ؟
- اه والله انت مشوفتش نظراتها كل ما أنت بتقول اى كلمه ..
- يارب تكون بتحبنى ..
- ليه انت مش متأكد من حبها .. ؟
بتوتر : لاء متأكد بس يعنى تكون زى ما أنا بحبها ..
- أكيد يا حبيبى متقلقش ..

بينتهى اليوم .. بتطلع فيرونيا وبيقفلوا وراها .. وبيرجعوا بيتهم فى الطريق ..
أنس شايف أيد ألينا جمبه يمسكها ..
ألينا قلبها بيدق جامد .. يوم جميل قضته مع أنس كل يوم بتحس أد ايه هما شبه بعض .. وأد ايه مواقفه كلها حلوه ..
أنس بيتجرأ وبيلمس أطراف أيديها بأيده ..
ألينا جسمها بيرتجف ..
لما مبعدتش أيديها ,.. مسكها بكل حب ..
ألينا سابت مشاعرها ومشاعره يعيشوا اللحظه البريئه دى ..
أخد أيدها وهو بيسوق باسها بسرعه ورجع ركز مع الطريق ..
ألينا .. سعيده مش قادره تمنع نفسها من الاحساس دا هى بتحبه بجد ..
أنس .. بياخد أيديها بين أيديه وبيحضنهم جامد مش متخيل أنها سابته ..

بيرجعوا البيت .. أنس حاسس أن اليوم دا هيبقى غير كل أيامهم ..
ألينا .. بتدخل أوضتهم .. بتجرى تنام فى مكانها .. قبل ما تضعف أكتر ..
أنس بيشوفها وهى نايمه .. بيقرب منها
- ما تيجى نتكلم سوا شويه يا ألينا .. ؟
ألينا بتحاول تهرب بعينيها عنه فـ بتغمضها : معلش يا أنس بجد عاوزه انام جداا .. بكره نتكلم
أنس بخيبه أمل : ماشى حبيبتى تصبحى على خير ..
أنس بيطلع ينام فى مكانه ونفس المخدات بتفصل بينهم ..

***************************

بيمر أكتر من 3 شهووور بطن ألينا بما أنها الحمل الاول .. مش واضح ليها بطن كبيره أو انها حامل فى أد ايه ..
مامت أنس كل ما تطلب أنها تروح معاها للدكتور .. يتحججوا بحاجه ..
أنس كل يوم بيحاول يتقرب من ألينا ..
ألينا رغم حبها لـ أنس الا أنها مبتحاولش .. أبدا يجتمعوا سوا .. غير وقت النوم ودايما وغالباً بتتحجج بأنها عاوزه تنام .. ودا سببه الحمل ..
أجمل اوقات بيقضوها لما بيخرجوا فيرونيا بس ..

علشان هى بتحس بالضعف جدااا وهى قريبه منه .. كل سعادتها اللى عايشه ليها وبتحلم بيها ابنها اللى مستنياه .. وكل شعور بأنس بتحوله لابنها خوف بس أنها ممكن لو عاشت معاه بسعاده أكيد هتتحرم منه ..

ألينا فى أوضتها .. بتروقها وبتجهز الهدوم اللى المفروض هتلبسها .. وجه وقت الشنط تختار اى شنطه ..
وأستقرت على واحده .. بتفتحها .. شافت جواب مايكل .. اللى اتنسى .. ودايما مكنش فى وقت تقرأه ..
قعدت تقرأه ومع كل كلمه وجع وألم .. ومع كل حرف قلم على وشها بيألمها ..
لحظات وحست بألم جامد فى بطنها .. وبدأت ماده سايله تنزل .. بتشوف ..
دم كتير تحتها .. بخوف رجعت الجواب فى الشنطه فى نفس لحظة دخول أنس عليها ..
وبدموع بتبص لـ أنس ..
أنس بيجرى عليها وهو شايف الدم .. ألينا ..!
ألينا : ألحقنى يا أنس .. أبنى ألحقنى ..
بتمشى ألينا مع أنس وبتقع الشنطه تانى من الدولاب على الارض ..

************************* يتبع