حمل ابريل الجزء الثانى الحلقة الحادية عشر

  الحلقه الـ 11 الجزء الثانى
___________________

أنس وتغريد بيوصلو وقت وصول إلينا الحفله ..
بتدخل تغريد كأى صديقه مقربه ايديها فى أيد أنس ..
داخل الحفله :
بتدخل إلينا بأبتسامه ..
بتقرب من المدير بتاعها بتسلم عليه
المدير بأبتسامه :
ايه الجمال دا يا إلينا .. ماشاء الله عليكى ..
إلينا بكسوف : ميرسى جدااا لحضرتك بجد و" وبأحراج بتبص حواليها شافت زمايلها " طيب بعد اذن حضرتك هروح اقعد مع زمايلى ..

وحيد بيقرب هو وفيرونيا من إلينا ..
أول ما وحيد شاف إلينا وفستانها .. غصب عنه لمسه إلم فى دماغه ..
فستانها الطويل الكافيه ..
خلى تفكيره اتشوش ..
فيرونيا بتقرب من إلينا بأبتسامه , ووحيد
وقف مكانه خياله بيستعيد ذكريات كتيره ..
غاده واقفه لابسه لبس طويل ..
وحامل بطنها اقدامها , كبيره ..
فستانها كتير شبه فستان إلينا , بس يفرق أن غاده حامل وواقفه تبكى من الم الولاده ..
وحيد وغاده بعد الولاده نايمه وشايله فى حضنها .. بنوته ووحيد واقف جمبها بيبص عليهم هما الاتنين ..
غاده بأبتسامه وتعب من الولاده الطبيعيه : شوفت بنوتتنا حلوه ازاى , ملك .. !
وحيد بيقرب منها وبحب : لاء غاده ..
غاده بتفاجئ "هما متفقين من اول الحمل ان لو جابو بنت هتبقى اسمها ملك ": انت بتقول ايه يا وحيد , مش احنا متفقين اول بنت ملك .. !
وحيد بحب بيبوسها من خدها وأخد منها غاده الصغيره يشيلها : مفيش اسم فى الدنيا هيبقى احلى من اسم حبيبة قلبى .. لازم تبقى اسمها زى اسمك .. مش هقبل غير يبقى كل حبى لغاده , وكده حبى هيتقسم ف يوم ما يتقسم غصب عنى "وبحب" ,, يبقى برضو لغاده ..
غاده بدهشه : يا حبيبى يا وحيد ..
وحيد بحب : مش هتنازل ابدااا غير تبقى حياتى كلها يملاها اسمك يا روح قلبى ..
غاده : انا بجد اوقات كتير مش بكون مصدقه انك بتحبنى كده ..
وحيد بحب : انا مش بحبك يا غاده , انا بحلم بيكى انا بيكى واصل لسابع سما , لامس النجوم بأيدى , دايما حياتى هستحملها بيكى , بس من غيرك انا هضيع ..
غاده بحزن : انا اسفه اوى يا وحيد ..
وحيد بحزن : حبيبتى ليه بتتأسفى .. !
غاده بدموع غصب عنها : علشان مقدرتش انك بتحبنى اوى كده ..
بيفوق على صوت فيرونيا وهى بترجع تشده : يلا وحيد ..
وحيد بحزن بيملى وشه بيقرب منهم , مش قادر يبص لـ إلينا بسبب فستانها ..
إلينا بضيق بتبص لـ وحيد شافت نظراته , كلها ضيق وقرف .. اتضايقت منه .. وقامت تبعد عنه "بتستأذن من المدير" بعد اذن حضرتك انا وفيرونيا هنروح نقف بعيد .. هنتكلم شويه ..
المدير وهو بيسلم على وحيد : اوك ..

بيدخل أنس وتغريد وهو بيبص حواليه ..
إلينا بتشوفهم هى وفيروينا .. إيد أنس فى إيد تغريد .. دى تانى حاجه بصت عليها إلينا بعد وشه وتفاجئها بيه ..
وهى مركزه فى ايديه .. شافها أنس ..
بيسيب ايد تغريد وبيركز أوى : إلينا .. لاء اكيد انا بحلم ..ايوه انا بحلم ..
إلينا بتجرى على بره ووراها فيرونيا .. وهى بتنده عليها .. صوت فيرونيا بحروف أسم إلينا مع جرى إلينا .. عرف انس انه واقع مش حلم ..
بيجرى هو كمان وراهم ..
تغريد بتحصلهم .. مش فهما ايه بيحصل ..
أنس بألم : إلينا ..
إلينا وهى واقفه بتبكى ..
أنس دمعه بتنزل من عينيه غصب عنه : يااااه كنت فاكر ان مش هشوفك تانى ابداااا وبصوت مؤثر وحشتينى ..
إلينا بدموع كلمته لمست أعماقها .. وقفت ودموعها رافضه تبطل فى النزول .. قلبها بيبكى من جواه ..
أنس بصوت مجروح : هونت عليكى يا إلينا .. تبعدى عنى وتسيبى قلبى يوجعنى كده .. !
فيرونيا بتقرب بهدوء من تغريد : يلا ..
تغريد بتمشى معاها وهى عينيها على أنس ومتألمه لألمه .. مش متوقعه أنه بيحبها اوى كده ..
أنس بدموع بيخطو خطوات يقرب من إلينا اللى مدياله ضهرها : إلينا انتى ليه مش بتكلمينى .. ردى عليا , انا موحشتكيش , طيب قوليلى قادره تتنفسى فى بعدى , حاسه انك عايشه وانا مش جمبك , كنتى بتستطعمى اكل , كان يومك من غيرى كامل , كنتى بتقدرى تفرحى وانا مش جمبك , ردى عليا .. ولو كنتى بتقدرى قوليلى ازااااى ..
إلينا بتتلفت ومحستش بنفسها غير وهى بتترمى بين ايديه .. وبكل شوق : انس , حبيبى وحشتنى اووووى ..
أنس بيحضنها أقوى : حبيبتى ..
إلينا بتبكى بصمت فى حضنه بتعوض حرمانها منه مش عاوزه تفكر فى اى حاجه ..

أنس بيحضنها اقوى : حبيبتى خلاص , مش هسيبك تبعدى عنى تانى , بس ليه يا إلينا , ليه بعدتى عنى كده .. !
إلينا بدموع وبدأت ترجع لوعيها بتبعد عن أنس ..
أنس بألم : إلينا .. ؟
إلينا بدموع مبتوقفش : خلاص يا أنس احنا الاتنين مبقاش ينفع بينا كلام تانى , انا غلط غلطه واحده فى حياتى لحظة يأس هفضل ادفع حياتى كلها تمنها , ألم وحرمان ودموع ..
أنس : بس أنا نسيت وسامحتك ..
إلينا بدموع : بس مبنساش ابداا نظرة الاشمئزاز اللى شوفتها فى عينيك .. أنا عمرى ما هنسى انك حتى مفكرتش تسمعنى يا أنس تعرف ايه موقفى وليه عملت كده ..
بحزن : كنت مصدوم اوى فيكى يا إلينا حقى .. انتى اللى خليتى موقفى وحش اوى اقدام الكل لما سألونى فين مراتك ..
إلينا بألم : وانت تحكيلهم , قدرت يا أنس تحكيلهم على سرى وتخلى شكلى وحش اقدامهم ..
أنس : انا مقولتش حاجه ابدااا والله ما حد يعرف ..
إلينا : بس طنط ناديه .. !
أنس بيقاطعها : طنط ناديه قولتلها انك بتاخدى وسيلة منع حمل من ورايا وغلشان كده اتخانقنا ..
إلينا بحب :بس هى .. ؟
أنس بحزن : وحياة حبك اللى بيسرى جوايا زى الدم بالظبط علشان اعيش , ما قولت لمخلوق حاجه ..
إلينا بحب : يعنى انت مقولتش لحد رغم اللى حصل " وبظره مكسوره " طيب ليه طلقتنى .. !
أنس بحزن : هروبك يا إلينا , خلى شكلى سئ جدااا مكنش ينفع استمر .. بابا صمم لو مرجعتيش اطلقك .. بس خلاص هنرجع ومفيش حاجه هتفرق بينا ابدااا ..
إلينا بسعاده وشوق : يعنى مش زعلان منى خلاص ..
أنس بحب : انا عمرى ما زعلت منك انا بس كنت مصدوم , انا .. لا لا خلاص بلاش كلام فى الماضى , احنا ولاد النهارده انا واثق من إلينا ازاى هى وعشت معاها , وشوفت صلاتها وندمها , كتير مكنتش بفهم كلامك , وفضلت تتردد اقدامى كلمة ربنا رحمه من ام زيى .. بس خلاص انسى انا مش هسيبك تانى ابدااا, بس برضو نفسى تحكيلى ..
إلينا بحب : هحكيلك يا أنس كل اللى حصل معايا ازاى , بس عمو هيوافق نرجع .. ؟
أنس : ايوه هيوافق انتى خلاص رجعتى .. مفيش مخلوق هيبعدنى عنك .. "إلينا بحب بتقرب إيديها من قلبه " : وقلبك دا لسه بيحبنى انا بس , لسه عايش ليا .. !
أنس بيقرب منها : قلبى دا لو دق لغيرك ممكن يحصله ارتجاج وينفجر , هو مرتبط دقاته بحروف اسم إلينا وبس ..
إلينا بتأثر : حبيبى يا أنس ..
أنس بيحضنها : يا رووح قلبى يا إلينا ..

بتخرج تغريد .. وهى مبتسمه انها شيفاهم فى حضن بعض , اد ايه واضح حبهم لبعض ..
احم احم ..
بتبعد إلينا عن أنس فى خجل وبتبص لـ تغريد ورجعت بصت لانس ,, اللى بيبص بأبتسامه ..
"غريبه هما مبتسمين .. مين دى , وايه علاقتها بأنس , وانا اللى قولت وقطعت تفكيرها بسؤال "
مين يا أنس .. ؟
تغريد بتقرب منهم بأبتسامه : أنا تغريد صديقة أنس من الطفوله يعنى وتقولى كده بحب اطلع عينه , وبنت شريكهم فى الشغل بس غلباويه شويه ..
أنس بيضحك .. وألينا بفضول : بس ..
تغريد بتقاطعها : بس انا عمرى ما شوفتك ولا سمعت عنك قبل كده .. صح , صح .. ؟
إلينا بأستغراب : بالظبط .. !
تغريد بتكمل بنفس الابتسامه : طيب انا بابا طلق ماما من خمس سنين وماما قررت نسافر نعيش فى لبنان , وأنا من يوم السفر منزلتش غير مره واحده ودى التانيه , مش بحب اسيب ماما ابدااا لوحدها ..
إلينا بأبتسامه : يعنى انتوا اصدقاء طفوله وكده ..؟
أنس حاسس غيرة إلينا : أيوه يا حبيبتى اصدقاء طفوله , وبكره انتى وتغريد هتبقوا اصدقاء جداااا ..
تغريد بتبصلهم وهما عينيهم بتتكلم بشوقهم وحبهم : اااااااخ ..
الاتنين : أيه .. ؟
تغريد : عمو بعتنى اقولك انه مستنيك يا أنس ..
أنس لـ إلينا بيمسكها من ايديها : يلا يا إلينا .. ؟
إلينا بتشيل ايديها من ايد أنس : أنس يا حبيبى , مش هينفع نفاجئه بينا , عمو مش هيجى كده , لازم تمهدله , وتشوف رأيه ..
أنس بحزم : بس انا محدش ليه يتدخل فى حياتى ..
تغريد : هو ايه الموضوع يا جماعه .. !
أنس بيبص لـ إلينا وبعدين تغريد : هحكيلك سريعاً يا تغريد اللى حصل ..
حكى أنس الموضوع كله ظاهرياً ..
تغريد لـ إلينا : غلطانه يا إلينا , وفعلا المضووع صعب , بلاش تبقى متسرع يا أنس , فعلا عمو محتاج تمهيد ..
أنس بتأثر : بس انا مقدرش تبقى اقدامى وأسيبها .. " وبيرجع بعينيه لـ إلينا " صحيح يا إلينا فرحتى أن شوفتك نسيتنى أن اسألك بتعملى ايه هنا .. ؟
إلينا بحزن وهى حاسه الموضوع صعب وانها فعلا غلطت وجدااا ..
انا بشتغل فى شركه (...........) بقالى فتره طويله ..
أنس بحزن : كنتى مستمتعه بحياتك يا إلينا ..
إلينا بدموع : ابدا يا حبيبى والله كنت بس خايفه امووت لوحدى , عمرى ما استمتعت وانا فى لحظه بعيده عنك ..

تغريد بتحاول تغير مود القعده : اه قلبى , فكو بقى كده من الجو العربى القديم دا .. ركزو معايا .. فكرة انك تفاجأ عمو بإلينا دلوقتى مينفعش يا إنس .. أنت لازم تمهد الموضوع , وهى فى يوم تيجى تستسمحه وانها غلطت والموضوع يتحل , صدقنى الموضوع مش هينفع ابدااا يجى بأسلوب عند ..
أنس بألم : بس انا مش هقدر اشوفها وأبعد عنها تانى ..
إلينا بدموع بدأ مكياجها يدمر : والله ولا انا يا حبيبى , بس انا غلطت ولازم استحمل بعدى عنك ..
أنس : وانا غلط ان مسمعتكيش , انا اسف محستش ولا فوقت غير لما بعدتى عنى ..
تغريد بنفاذ صبر : لاء بقى كده تعبت , يلا انت ادخل الحفله , ومتحاولش ابدااا تلفت الانتباه لألينا , وأنتى يا إلنيا تعالى ظبطى وشك .. ويومين كده وكل حاجه هتتصلح ..
أنس بحزن : يومين .. !
تغريد : معلش يا أنس بكره ترجعوا تانى وأحسن من الاول ..
إلينا بحب : انا حاسه ان انا بحلم ..
أنس : هيبقى حقيقه يارب قريب ..
إلينا : انا اسفه ان فى يوم كنت سبب ان خليت شكبك وحش يا أنس
أنس : حبيبتى المهم ان شوفتك , ورجعتى , مش مهم اى حاجه تانيه ابدااا ..
تغريد بهدوء : ممكن بقى انت تتفضل على الحفله وتسيبنا ..
أنس بيمسك ايد إلينا وبيبوسها : مش هنبعد عن بعض اكتر من كده , اوعدك ..
إلينا بدموع : يارب يا حبيبى ..

بتروح إلينا وتغريد على الحمام ..
كان واقف فى البلكون جمبهم وحيد .. بيشرب كاس فى الخفاء .. وسمع كل كلامهم ..
بيبص على النيل اقدامه ..
هو فى لسه حد بيحب غيره كده معقول ..
بيفتكر يوم ما كان فى مكتبه فى امريكا وجاله اتصاله ..
وحيد بقلق : ايوه مين .. الشرطه .. مين .. لا.. جاى انا جاى .. ايوه اعرف المكان .. باى ..
وقام يجرى لحد ما وصل لشقه فى سكن وعلى السرير غاده نايمه وحواليها دم ..
وحيد برعب : غاده , غاده ..
الشرطى : انت الزوج .. !
وحيد بدموع : ايوه انا , قولى ازاى وايه حصل , بليززز.. ؟
الشرطى : زوجه بتاعت انت اتقتلت ..
وحيد بصدمه بيبعد عن غاده : مين قتلها , جت هنا ازاى .. !
الشرطى : لو سمحت انت تيجى معانا المخفر .
وحيد بصدمه ووألم : غاده مين اللى عمل فيكى كده , مين .. ؟

فى الحفله الكل سعيد ..
من بعيد أنس واقف .. وقرر النهارده يغنى اغنيه من زمان هو مقدرش يغنى بأحساس وصدق ..
بتدخل إلينا ومعاها تغريد وهو بيبدأ ..
بسعاده وعينيها مش قادره تصدق انه فعلا اقدامها أنس واتكلمو , رجعو تانى سوا ..
أنس بشجن بيدندن ..
نفترق لنتلاقى , ويزداد قلبى تعلقاً .. يوماً عن يوم يزيد حبك داخلى , كيف لى ان اعتدل يوماً واتركك , كيف لى يوماً ان ابتعد
فدوماً نفترق لنتلاقى ..
فدوماً صوتك ينادينى من أبعد اماكن يجذبنى , لاعود دائماً اثير قلبك يا ملاكى ..
أينما ذهبت اجدك فى كل الوجوه , يبتسم إلى يجعلنى أبحث كى اجدكى ..
لاجدك دائماً قربى , كيف لى ان احيا وانتى لست بحياتى , فمهما ابتعدتى سأظل هنا أنتظرك كى تأتى لتكتمل دقاتى ..
فدوماً نفترق لنتلاقى ..
بتسمع إلينا الاغنيه قلبها بيخفق بشده .. نظرات أنس واضحه جدااا " تغريد بتبصله بأبتسامه , هو معقول فى حب كده .. ! "


وحيد غصب عنه نظراته كل شويه تيجى على وحيد وأنس , تظرات الحب واضحه جدااا عليهم ..
تغريد قاعده مع إلينا الاتنين بدأو يحسوا انهم فعلا هيبقوا اصدقاء كويسين بس دا ميمنعش عينين أنس وإلينا اللى مش قادره متبقاش على بعض ..

وحيد بيتكلم مع والد أنس ..
والد أنس بيبص فى الساعه : ياااه الوقت عدى بسرعه لازم امشى ..
وحيد : لسه السهره فى اولها يا عمو ..
- معلش يا وحيد بجد مبقتش قادر .. يلا يا أنس ..
أنس بتوتر : لاء يا بابا هفضل انا شويه كمان واوصل تغريد واجى ..
الاب بيقف : طيب , استأذن انا بعد اذنكو .."وبعد ما سلم ومشى , جرى أنس على إلينا "
إلينا قاعده مع تغريد .. بتشوف أنس جاى عليها بكل حب ..
أنس بيقعد جمب إلينا : وحشتينى اوى ..
إلينا بخجل : وانت كمان
تغريد بتقوم تمشى من جمبهم بهدوء .. وبتسيبهم هما الاتنين يتكلموا .. بتقرب من وحيد .. وواقفه تبص عليهم ..
وحيد بيتكلم : مؤلم اوى لما الانسان يبقى بيحب حد ويضطر يمثل أنه سعيد أنه بيحب غيره ..
تغريد بتبص وراها بخضه مين الصوت دا : نعم ..
وحيد بيقرب منها وهو بيكمل بيص على إلينا وأنس : بقول صعب اوى ان امثل السعاده وانا شايف حب عمرى بيحب غيرى ..
تغريد بعصبيه : انت مين .. ؟
وحيد بأبتسامه : ايه مش عرفانى .. انا حد كنا بنلعب سوا وفجأه كبرتى وبقيتى تتكسفى لما تشوفينى تسلمى عليا ..
تغريد بأستغراب : انت , وحــيد ..
وحيد بأبتسامه : أنا ..
تغريد بأبتسامه : الله انت رجعت أمتى , وغاده ازيها .. ؟
وحيد وشه بيتقلب : الله يرحمها ..
تغريد بحزن : انا اسفه معرفش ..
وحيد : وانتى هتعرفى منين عارف انك عايشه بقالك اكتر من خمس سنين بره ..
تغريد بأبتسامه : دا انت متابعنى بقى ..
وحيد بسخريه : لسه لمضه زى ما أنتى مفيش فايده ..
تغريد : يعنى ينفع حد دمه عسل زيى يبطل هزار .. ؟
وحيد بيبصلها : برغم أن قلبك مفطووور .. ؟؟ّ!!

******************* يتبع