حمل ابريل الحلقة السابعة

الــحلــقـه الـسـابـعـه
______________

ألينا : لاء فرونيا .. انا مقدرش اعمل كده .. دا حرام .. حرام .
فيرونيا بضيق : طيب انا اسفه كتير ألينا .. بس انا مش هعرف اساعدك .. ومش هعرف نبقى اصحاب انا وانتى تانى .. !
ألينا بدموع : ليه فيرونيا .. انا عملت ليكى ايه .. انا مش عملت ليكى حاجه .
فيرونيا : مايكل ألينا .. مش يحب انتى وانا مش عاوزه اخسر ابنى .. انا لو حبيتى تعملى موضوع دا انا هساعد انتى .. بس انا مش هقدر اشوف انتى وتيجى ليا تانى ..
ألينا بحزن : بس انا مش عملت حاجه فيرونيا .. جاك اسلم علشان هو يحب أسلام .. اللى موته جماعه متطرفه يكرهو اسلام .. انا ايه ذنبى انتى ومايكل تكرهونى كده .. !
فيرونيا بحزن : اسفه ألينا .. انتى فكرى ألينا فى كلام قولته ليكى .. وانا معاكى لو تحبى يبقى ليكى اسره ..
ألينا بأصرار : لاء فيرونيا .. انا مش اعمل كده .. انا هعيش لوحدى خلاص .. دا حرام .
فيرونيا : سلام ألينا .. ولو حبيتى تعملى موضوع .. انا هساعدك اكيد ..
ألينا بتقفل السماعه .. وهى حزينه بتبص اقدامها على كل الشقه .. المكان فاضى ومعتم .. انا وحيده اوى .. الله يرحمك يا جاك .. انت اللى كنت هتعوضنى وتعملى اسره .. بتبعد الفكره اللى سيطرة على تفكيرها وكلام فيرونيا .. لاء طبعا مستحيييل انا اعمل كده .

************************

بيمر يومين .. مايكل قاعد فى غرفته .. بيفكر فى كل وسيله .. انا اموتها هترتاح .. وكمان جاك .. قالى احبها .. بس انا مش قادر احبها ومش هستحمل وجودها فى موسكو .. انا بكرهها كتير .. مش عارف اعمل ايه بس انا عاوز انتقم منها .. هى سبب فى موت جاك .. انا بكرهها كتير .. كتير .. بس مش عارف اعمل ايه .. وبعد لحظات تفكير عينه لمعت ووشه ابتسم ..
ايوه هى دى .. وماما اكيد لما تعرف كده .. هتطلب منها تمشى .. او تسلمها بوليس .. وانا بقى مش ابقى عملت فيها حاجه .. وجاك يزعل منى .. وبيرفع راسه للسقف وبيرجع ينزلها تانى .. وحشتنى كتير جاك .. كتير.


*********************


ألينا قاعده فى المكتبه بتاعتها وناس بيدخلو عليها وبيتفرجوا على الكتب ...
ألينا بتبص عليهم بحب ...
البنت للولد اللى معاها .. هى دى عربيه ..
الولد : كتير حلوه .. مش دى اللى مات علشانها الامريكى اللى اسلم ..
البنت : ايوه .. بس ازاى هى مش فى حد بيضايقها .. اشمعنى هو .
الولد : اكيد بس علشان هو كان يهودى واسلم .. او يمكن الجماعه اللى بتكره مسلمين وبتقول عليهم ارهاب .. وهو امريكى واسلم .. انا مش قادر اعرف ازاى هو يعمل كده ..
البنت : ولا انا .. بس هو اختار .. واكيد هى لو مش كانو اتقبض عليهم .. كانت هى كمان ماتت .. انا واثقه فى دا جدا .
الولد : مش مهم .. احنا ملنا يلا بينا نمشى من هنا ..
البنت : ايوه .. بعدين حد يشوفنا معاها .. ونموت .
الولد : ايوه .. ايوه .

بيخرج الولد والبنت وهما بيبصوا بنظرات فضوليه جدااا وخايفه جدااا لـ ألينا ..
ألينا بتبص عليهم .. مش فهما ايه بيحصل ..

****************************

بيمر اكتر من اسبوع ألينا وحيده والمحل بتاعها مبقاش حد يشترى خالص منها ..
بتفتح تلاجتها : اوووف مفيش اى اكل خالص فى البيت .. مضطره انزل السوبر ماركت .. بس بقالى كتير ممسكش فلوس خالص فى ايديا .. هضطر استعمل الفيزا .. وبتاخدها وبتنزل ..

فى السوبر ماركت .. نظرات الجميع ليها .. فيها رهبه وخوف .. ألينا متضايقه .. خلصت وبتروح للكاشير .. تدفع الفلوس ..
البنت : اتفضلى .. عربيه .. بس شوفى سوبر ماركت تانى غير دا تجيبى منه .. طلباتك .. علشان هنا مش امان ليكى .. !
ألينا بخوف بتبص حواليها :
- يعنى ايه .. !
- انا قولت ليكى وخلاص .. وبتديها الاكياس .. سلام
ألينا برعب : اوك .. سلام ..
بتمشى ألينا وهى بتتلفت حواليها .. ومرعوبه من كل شئ ..
بترجع البيت وهى حاسه بوحده وعزله وبتفكر ترجع مصر .. بس ازاى ترجع وهى مش ليها حد .. وبرضو هتعيش وحيده .. فكرت كتير واخيرااا قررت .. انها تروح تعيش فى مكان تانى .. مش يكون فى حد يعرف جاك ولا يعرفها ..

بتتصل بفيرونيا مضطره :
- ألو .. !
فيرونيا بضيق : مش قولت ليكى ألينا مش تتصلى تانى .. !
ألينا بحزن : اسفه فيرونيا .. بس انا محتاجه انقل من المكان دا .. وامشى من محل .. انا مش بقى حد يشترى منى كتب .. و مش عارفه اشترى ادوات للبيت .. فى السوبر ماركت البنت قالتلى هنا خطر على حياتى .. انا قاعده فى الشقه مرعوبه فيرونيا ..
فيرونيا قلبها بيرق : خلاص ألينا انا هشوفلك بيت تانى .. ومحل تانى .. بس انتى تعملى عمليه تلقيح كمان .. وتبعدى انتى وبيبى وتكونى اسره .. انا مش اكدب واقول انا انا بقى بيحب انتى .. بس انا مش عاوزه انتى تتعذبى كتير فى حياتك .. انا كتير زعلت على جاك .. لان انتى وظهورك خلاه يصمم ويدخل دين اسلامى .. انا اعمل كده علشان انا كنت بحب انتى .. بس انتى تبعدى علشان مايكل .. ماشى ألينا .. !
ألينا بخوف وفى نفس الوقت كلامها لمس اعماقها .. هى فعلا محتاجه تبقى ام .. نفسها يبقى ليها حد .. كل لما بتروح كمان بتتكره فيه .. وعمرها خلاص مش هتقبل تتجوز .. بتصميم :
- ماشى فيرونيا .. انا اعمل العمليه ..
فيرونيا بدهشه : بجد الينا .. انا احجز لانتى .. واشترى ليكى العينه .. !
ألينا بأصرار : ايوه فيرونيا .. انا مش هموت لوحدى .. انا محتاجه حد يقولى ماما .. حد اتعب يكون جمبى .. انا كتير تعبت ابقى وحيده .. نفسى حد يحبنى .. ومش يقدر يبعد عنى .. انا موافقه فيرونيا .. انا عاوزه مش اكون وحيده .. انا تعبت تعبت كتير ..

فيرونيا : خلاص خلاص ألينا مش تبكى .. انا اعمل ليكى اللى انتى عاوزاه .
ألينا بتمسح دموعها .. وبتقفل السماعه

بترجى وقلبها بيوجعها ..

ربنا يسامحنى .. يارب سامحنى .. انت شايفنى يارب تعبانه ازاى .. انا هصلى وادعى كتير وهدفع فلوس كتير للغلابه والله انا بس محتاجه حد يبقى جمبى .. انا همووت لو فضلت عايشه لوحدى كده .. وبدموووع اقوى .. سامحنى يارب .. انا عارفه ان غلط بس انا مش ملاك .. مش عارفه اعيش لوحدى .. انا هموت .. كل الناس بتسيبنى .. يارب سامحنى .. انا خايفه اوى من عقابك .. بس انا نفسى ابقى ام .. نفسى الاقى حد جمبى .. يارب .. وبدموع اقوى وانهيار .. ســــــــامحنى يارب ..

*******************************

بعد يومين فيرونيا وألينا فى المستشفى ..
فيرونيا لألينا وهى نايمه على السرير :
- ألينا انتى كويس .. !
ألينا :
- انا حزينه كتير يا فيرونيا .. يارب سامحنى .. بس انا محتاجه اكون ام ..
- انا مش فاهمه عليكى .. بس انتى هتبقى ام .. فكرى بس انك هتبقى جواكى ملاك صغير ..
ألينا بدموع : يارب سامحنى يارب .

***************************

بترجع ألينا البيت على شقتها وفيرونيا سانداها ..
ألينا بتعب : انا كتير تعبانه فيرونيا ..
فيرونيا : معلش ألينا هتبقى كويسه .. مبروك انا سعيده كتير ليكى ..
ألينا : انا كده وحشه فيرونيا .. ربنا مش هيسامحنى .. نفسى ابقى سعيده وام بس ربنا يكون بيحبنى ..
فيرونيا بعدم فهم وبتحاول ترضيها :
-اكيد هيسامحك ألينا .. يلا انتى ادخلى ريحى وانا همشى علشان مايكل مش يزعل منى ..

بعد ما دخلت ألينا ونامت سابتها فيرونيا وبتمشى .. بتبعد عن الشارع مع وصول مايكل لبيت ألينا .. وبيطلع ليها وبيقف اقدام شقتها .. وبيضرب الجرس ... !

........................... يتبع