شرف أرملة الحلقه الثامنه

أنعام بنرفزه : نـــــــــــــعم .. !
سعيد : ااااااه مش كنا حبايب , ايه قَلبك عليا السنين دى كلها ..
منصور بيسمع للكلام وبيحاول يستوعب ..
انعام : حبايب ايه , عمرنا ما كنا حبايب , انت اللى كنت بتحاول معايا منك لله , وكل واحد معدوم الضمير مشى وراك وصدقك من غير ما يعمل حساب للعشره وان ست بميت راجل , شايله ولادى ومكفياهم وعمرى ما احتاجت لمخلوق .
منصور بيدارى وشه ..
سعيد بعصبيه : اخلصى يا وليه انتى عاوزه ايه ف يومك دا .. ؟
أنعام بعصبيه : تخلى ابنك يحل عن بنتى الغلبانه كل يوم يضرب فيها , هى حمل ضرب , اومال لو مكنتش معايا يوم ما الدكتور قال انها غلبانه وضعيفه ..
منصور فاتح بوئه وبيحاول يفهم ..
سعيد بيحاول يثبت كلامه لمنصور : طيب وانا اعمله ايه , واد شقى , مش كان زمانهم اخوات , لولا قلبتى عليا فجأه وقررتى منتجوزش .. !
أنعام بعصبيه : وانا قولت انا مش هتجوز بعد عبدالله , انت مبتحرمش , مش كفايه مش عارفه قولت ايه لمراتك عليا , خلتها تبعد عنى , عمرى ما دعيت على حد بس انا قلبى بيدعى عليك , محدش طمع فيا ولا ظلمنى ادك منك لله ..
سعيد بعصبيه : وانا قولتلك لو متجوزتنيش مش هسيبك يا انعام , وهفضل كده سنه ورا سنه ويوم ورا يوم مش هسيبك ابدااا ف حالك ..
أنعام بعصبيه : ماشى , بس متلومش بقى غير ع نفسك لما تلاقينى مبلغه فيك ف القسم .. وبتسيبه وبتمشى وهى بتبص لمنصور ( وانت بلاش تعوم على عوم الناس انت عندك ولايا , انا ست محدش يقدر يتكلم ف حقى وربنا شاهد ومطلع , ان كان حد ( وبتبص لسعيد ) معدوم الضمير بيلوث سمعتى , فا ربنا قادر ينتقم منه ويقهره ف عزيز عليه ..
منصور : وانا مالى بيكوا يا ست انعام , ربنا يسهلكو ..
انعام بكسره لكلامه : حسبى الله ونعم الوكيل ف قلوب مات فيها الاحساس ..
بتمشى انعام وبيبص سعيد لمنصور : والله ما اسيبها ..
منصور : اه لو كنت افتريت عليها يا سعيد ربنا مش هيسامحك ابدااا ..
سعيد : بلا قلبت دماغ انت كمان , هى نقصاك ..
منصور وهو بيدى لسعيد السجاير وبقيت ال20 جنيه : طيب خد مع السلامه .
سعيد بيمشى وهو بياخد السجاير من غير ما يرد عليه ..

*****************************************************

بتدخل انعام بيتها وهى متعصبه ..
بتقابلها اميمه وهى بتفتح عينيها وبتقفلها : ماما كنتى فين ..؟
أنعام بتحاول تهدى اعصابها : حبيبتى كنت بشتريلكو حاجات حلوه انتى وإلهام , كويس انك صحيتى , يلا صحى إلهام علشان تفرح وتذاكر يلا ..
اميمه بفرحه : هيييه هييييييييه ( وبتروح لالهام ) يلا يا إلهام ماما جابتلنا حاجات حلوه كتير قومى , ماما جميله ..
إلهام بتفتح عينيها : سيبينى انام كمان شويه يا اميمه ..
اميمه : هاكل الحاجات بتاعتك والله , يلا قومى .
إلهام بأبتسامه : ما انتى كل مره بتاكليها منى ايه الجديد .. ؟
اميمه بخبث وبراءه : ما انتى تخديها وبعدين تديهالى بعد ماما ما تشوفك علشان متزعقش ..
الهام بتقوم وهى بتضحك : ماشى يا لمضه , قومت اهو ..
اميمه : ايوه يلا بقى ..
إلهام بتخرج معاها : هغسل وشى واجى .
اميمه باستعجال : لاء خديهم الاول وبعدين اغسلى وشك ..
- امشى يا اميمه .
- طيب ..
- هاهاها انتى عارفه انك اجمل حاجه ف بيتنا ..
- عارفه .
- لمضه .
- ماما بتقول كده .
- ههههه ماشى ,يلا جايه وراكى اهو .
- ماشى ..

*****************************************************

ف بيت قاعده هناء بتشتغل عند واحده ست كبيره ..
الست : فين انعام يا هناء وقالت ايه .. ؟
هناء وهى بتاكل لبانه بتتكلم : لسه قايلالها النهارده يا هانم , قالت هتفكر وترد عليا ..
الست : عرفيها ان حسابها تقل وانا مش هصبر عليها اكتر من كده ..
هناء بخوف : هى عارفه وقالت هتفكر حاضر ..
الست : يلا عقلها ف راسها تعرف خلاصها ..
هناء بحزن وف سرها .. يا عينى عليكى يا انعام الغلبان مبيشبعش غلب صحيح ..

****************************************************

ف بيت ناصر قاعد وماسك جرنال ف ايده ..
بتدخل عليه سيده لابسه بدله حريمى شيك ولابسه اكسسورس انيق وغالى جدااا ..
ناصر بيبص عليها وهى ماشيه من جمبه وبيرجع يبص ف الجرنال وسامعها وهى بتقول ..
لمياء : انتى يا زفته يا اللى اسمك منيره تعالى هنا ..
منيره ست غلبانه وكبيره ف السن بتيجى بسرعه : ايوه يا هانم ..
لمياء بعصبيه : انتى منضفتيش البيت ليه , مش قولتلك اقوم من النوم الاقيكى مخلصه كل اللى وراكى .. ؟
منيره بطيبه : معلش والله رجلى وجعانى شويه , هعمل اهو حاضر .
لمياء : بقولك ايه انتى كبرتى ومبقتيش تنفعى دا مش نظام شغل , انتى تقعدى ف بيتك بقى وابعتى بنتك مكانك ..
منيره بفزع : بنتى لاء يا هانم , بنتى بتتعلم وانا عاوزاها تدخل الجامعه .. يا سلام جامعه دى حاجه حلوه اوى , بس تيجى تساعدك بردو ..
بينزل ناصر الجرنال من ايده وبصوت عالى : تعالى يا ست منيره ..
منيره بتروحله بطيبه ووراها لمياء ..
ناصر : بصى يا ست منيره انتى ست مكافحه وانتى لازم ترتاحى ف بيتك حرام شقى ومرتبك هيمشى زى ما هو , وكل طلباتك انا متكفل بيها انتي وبنتك ..
لمياء بعصبيه : ايه اللى انت بتقوله دا يا دكتور ..
ناصر بحزم : سمعتينى يا ست منيره .. ؟
منيره بدموع : لو مشتغلتش يا بيه مش هاخد ولا مليم ..
ناصر بحزن لكبريائها وبكسوف لغطرسة مراته : طيب هاتى حد يساعدك على الاقل طيب ..
منيره بهدوء : حاضر , هجيب حد يساعد , بس لو انا بقيت زى عدمى انا ممكن امشى وبيوت الله كتير , هلاقى شغل برضو ..
لمياء : اه ........
بيقاطعها ناصر : وانا مقدرش استغنى عنك ابدااا يا ست الناس الطيبين , دا انتى اللى مخليه ف البيت بركه ..
منيره بدموع : الهى يكرم اصلك يابنى ..
ناصر بحنيه : روحى لشغلك ..
بتمشى منيره وهى بتدعيله وواقفه لمياء بتنفخ من الغيظ ..
لمياء بعصبيه : ايه اللى انت عملته دا , ليها حق تدلع وتعمل اكتر من كده كمان ..
ناصر بحزم : انا نازل العياده ..
لمياء بتبص ف الساعه : لسه بدرى اوى على ميعاد العياده ..
ناصر ببرود : ما انا ورايا ناس طالبنى , يلا سلام ..
لمياء وهى بتبص عليه وهو بيلبس الجاكت بتاعه وبيمشى : هيجننى ..

**********************************************

بتروح إلهام بتقعد وهى شايفه الهام بتفكر ومتضايقه ..
إلهام بفضول : مالك يا ماما .. ؟
انعام : ها مفيش حاجه حبيبتى , يلا اقعدى ذاكرى وانا هقوم اعملك شوية شاى ..
إلهام بتمسك ايدها وهى بتمشى توقفها: مالك يا حبيبتى , شايله ايه لوحدك تاعبك كده , مش انا كبرت خلاص , وبتقولى ان سندك .. ؟
انعام بتحاول تدارى دموعها اللى نفسها تنزل من عينيها على كلام الهام : حبيبتى انا كويسه هعمل الشاى ..
إلهام بطيبه : يا ماما مش عاوزه , بس قولى مالك , بلاش تهربى كالعاده ..
أنعام بتبتسم : حبيبتى انا كويسه متخافيش , بس متضايقه علشان اميمه بس , نفسى العمليه تتعمل ويخدوا كليتى وترتاح بقى من العلاج والبهدله دى ..
إلهام بخوف بتحاول تطمنها : ان شاء الله يا ماما هتبقى كويسه , وانتى كمان هتبقى كويسه , اميمه دى اجمل حاجه حصلت ف بيتنا ..
انعام بطبطب على كتف الهام : يلا هروح بقى اعمل الشاى وانتى يلا يا حبيبتى ذاكرى .
إلهام بطيبه : حاضر , واطمنى يا ماما كل حاجه هتبقى كويسه ..
أنعام بحزن : يااارب يحلها من عنده يااارب ..
إلهام : يارب ان شاء الله ..

*****************************************************

بيمر يومين ..
واقف بهاء زى اللى بيدور على حد بكل لهفه ..
بتمر إلهام هى وإيمان من اقدامه ..
بهاء بسعاده بيقرب منها وبصوت متلجلج لاول مره : لو سمحتى أنسه إلهام ممكن كلمه ..
إلهام بأستغراب بس نبراته لمستها اول مره تسمع صوته بعد ما كبروا : ايوه .. ؟
بهاء بأحراج : انا كنت عاوز اقولك حاجه وهمشى على طول ..
إلهام لايمان : مممم
إيمان بتضغط على ايدها : ماشى يا إلهام شوفى الدكتور وانا هستناكى جوه ..
إلهام بأحراج : نعم يا دكتور .. ؟
بهاء بفرحه لوقوفه معاها وقربه اوى كده منها : انا انا ....
إلهام بتبص حواليها وبأحراج : لو سمحت حضرتك قول عاوز ايه .. ؟
بهاء بكسوف : انا عاوز اقولك ان انا عاوز ميعاد اجى اتقدم لحضرتك ..
إلهام بدهشه وبتوتر وشها بيحمر اكتر : انا لازم امشى ..
بهاء : يعنى مش موافقه .. ؟
إلهام : اااانا همشى لو سمحت ..
بهاء واقف بيبص عليها وبحزن .. شكلك مش موافقه ..
إلهام : انا ماليش اتكلم ف شئ زى دا ..
بهاء بسعاده : يعنى اجى , وهتوافقى صح .. ؟
إلهام بكسوف بتجرى وتسيبه وهى قلبها بيدق دقات سريعه جدااا ..
بهاء واقف بيبص عليها : ياااااااااااه يا إلهام اخيراااااااااااا ..

*****************************************************

إلهام بتقعد جمب إيمان وهى بترتجف ..
إيمان بأبتسامه : ها .. ؟
إلهام بتحاول تستوعب : مش عارفه مالى يا إيمان ازاى وامتى بكلمه منه بقيت كده .. !
إيمان : قالك بحبك ..
إلهام : قال اللى اعمق واكبر وكبره اكتر ف نظرى..
إيمان : هموووت من الفضول ,قوووولى قال ايه .. ؟
إلهام بسعاده : تتجوزينى ..
إيمان بفرحه : بجد بجد .. الف الف مبرووووك ..
إلهام بأبتسامه : انا مش مصدقه ..
بيدخل بهاء وعينه وقلبه على إلهام اللى شكلها طاير من الفرحه وبيبتسم .. انه اخيراااا حلمه بيها هيتحقق .....

********************** يتبع