أنعام بتوصل أميمه لمدرستها , وبتروح على بيت وبتقف اقدامه ..
أنعام بصوت ضعيف بتتكلم فى الدكتافون : انا يا امينه افتحى .
امينه وهى بتضغط على الزرار بتكلم رشدى : انعام عاوزه ايه يعنى , مش فهما برضو على الصبح كده .. ؟
رشدى بيلبس بيقفل زراير القميص وبيستعد للخروج : هنعرف يا امينه هنعرف ..
انعام بتطلع وبتفتحلها امينه وهى مبتسمه : يادى النور يا انعام والله وحشانى ..
أنعام بأحراج : والله وانتى متأخذنيش يا امينه ان جايه على الصبح كده بس كنت عاوزه ألحق رشدى قبل ما ينزل وانا عارفه انه مبيرجعش غير متأخر ..
امينه بأبتسامه صفرا : اه فعلا هو كان نازل اهو .
انعام بأستعجال بتدخل : نازل ازاى يعنى انا مش مكلماه وقيلاله ان جايه .. ؟
امينه بتدخل وراها : يا رشدى انعام هنا .. !
رشدى بيخرج بضيق وبيبص لامينه وبعدين بيبص لانعام : اهلا يا انعام , خير فى ايه على الصبح كده ..؟
انعام بضيق : عاوزه فلوس ..
رشدى بيبص لامينه وبيرجع تانى يبصلها : ايه .. ؟
- عاوزه فلوس يا رشدى علشان انقذ بيتى وانقذ نفسى .. وبنتى وبنت اخوك الهام ..
امينه : اهدى بس وقولى فى ايه .. ؟
انعام بأستعجال : هقولكو اللى فيها بس هتساعدونى ولا امشى .. ؟
امينه ورشدى فى نفس واحد : احكى الاول فى ايه ..!!
انعام بدموع : دلوقتى انتوا عمركو ما سألتو بنتى اميمه بكشف عليها منين ومصاريفها دى كلها ازاى .. ولا عايشه ازاى .. ؟
امينه بترد بسرعه وهى بتبتص لرشدى : ما انتى دايما تقولى عبدالله سايب اللى يكفى ويفيض ومبسوطه جدااا , ايه اللى جد بقى , وليه نسأل .. !!
رشدى بيبص لامينه : اه صحيح انتى قايله كده صح ..
انعام بحزن شديد : انا مديونه لواحده ست مبسوطه اوى عرفتها عن طريق جارتى هناء الست كتر خيرها رأفت بحالى وبقت تساعدنى جدااا لما عرفت ظروفى من هناء , بس جه وقت طلبت وطلباتى كترت والفلوس زادت انا حلفت اكتبلها ورقه بالبيت تضمن بيها فلوسها لحد ما البنات تكبر واخد منهم فلوس واردلها فلوسها .
امينه : اه طيب وبعدين يعنى .. ؟
انعام : بعدين انا عاوزه فلوس .
امينه : طيب وايه اللى جد يعنى ما انتى استنى لما ولادك يكبروا .. ؟
انعام وهى بتبص لرشدى اللى بيبعد عينه عنها وبيبص ف الارض : الست طمعت فى الهام عندها ابن ضرير عاوزه تجوزه ابنها , وخايفه تلوى دراعى بيها وبنتى غلبانه وانا ماليش حد غيركو وربنا يكفيكو شر الحوجه .. !!
امينه : طيب ما تجوزيهولها حد لاقى , م بتقولى مبسوطه اوى وكريمه , يعنى بنتك هتتنغنغ ويبقى كده ضربتى عصفورين بحجر واحد ..
انعام بتبصلها بصدمه وبترجع تبص لرشدى : دا اخر كلام عندكو .. ؟
امينه بتبص لرشدى تبرقله وتبص لانعام : احنا بنقولك الصح ..
انعام بتقوم وبتقف وبتمشى وهى حزينه ..
امينه : اصبرى يا انعام اشربى الشاى ..
انعام بتكمل طريقها وبتنزل لتحت وهى مبتردش عليهم ..
رشدى وهو بيبصلها وبحزن : ما كنتى تسأليها كام يا امينه ما يمكن حاجه صغيره كنا ساعدناها علشان خاطر عبدالله .. ؟
امينه بعصبيه : ياخويا احنا اللى معانا يكفى ولادنا بالعافيه ولا ليك كلام تانى .. ؟
رشدى بخوف : لاء صح , يلا انا نازل ..
**************************
ناصر نايم وبيسمع المنبه على الساعه 9 ..
لمياء بعصبيه : اووووف اقفل الزفت دا بقى ..
ناصر بأستغراب : حبيبتى صباح الفل .. ؟
لمياء بضيق : صباح النور , ممكن انام بقى , ورايا اجتماع فى الجمعيه الساعه 11 عاوزه انام ساعه بس .
ناصر بحزن : حاضر , بس مش هنفطر سوا .
- افطر لوحدك بقى , سيبنى انام بقى ..
- ايه اللى غيرك يا لمياء مش كنا كويسين ..
- انت عيبك يا ناصر انك رومانسى زياده , انا بتخنق من الجو دا , مزهقتش .. ؟
- خلاص خلاص , بلاش تضيعى فرحتى بأمبارح نامى يا لمياء نامى .
- مم اخيرااااااااااااااااا
بيقوم ناصر بكل أسى وحزن وهو بيبص للمياء اللى نايمه : ضيعتى فرحتى ربنا يسامحك .. وبيلبس وبيخرج ..
**************************
ماشيه انعام ودموعها على خدها مش عارفه تروح فين ولا تيجى منين ..
انعام بدموع : اروح فين بس ياربى , بس انا اتسجن ولا ان بنتى تتجوز جوازه بالشكل دا ..
فجأه بتقرب منها عربيه وبتسمع صوت كلاكس والعربيه بتقف وراها ..
بتبص بخوف بتشوف رشدى بينزل من العربيه ..
انعام بعصبيه : نعم .. ؟
رشدى : اركبى يا انعام .. !
انعام بحزم : اركب ليه , لاء مش هركب اللى عندك قولتوه كتر خيركو ..
- عندى كلام تانى ممكن يبقى فيه الحل ..
- ايه هو .. ؟
- تعالى اركبى بس , نقعد فيها نتكلم مينفعش نقف فى الشارع كده .
- مش هركب
- يابنت الحلال بلاش نشوفية الدماغ دى .
- قول اللى انت عاوزه وخلصنى , عندك حل قوله معندكش سيبنى وامشى .
بيبص رشدى حواليه وبيتكلم برعشه : انا بجدد طلب الجواز , وانا هبقى جوزك وهبقى سداد من جنيه لالف , بس يبقى فى السر ..
انعام بدموع : وانا مش موافقه ابدااااا , مش هقولك علشان عبدالله بقى ولا الكلام دا , لاء علشان انت لو اخر راجل فى الدنيا مقبلش اكون مراته ,بقولك ايه ..
- ايه .. ؟
- ألحق امينه جايه وراك .. !
رشدى بيتلفت بخوف : ايه فين , فين .. ؟
انعام بنظره مشمئزه : بلاش قرف .. اخص على الرجاله (وبتسيبه وبتمشى) .
**************************
فى الجامعه بيدخل بهاء وهو بيدور بعينه على إلهام وشاف إيمان واقفه لوحدها ..
ايمان بتبص عليه بأحراج وهى بتبتسم ..
بهاء بحزن : يا ترى لما تيجى يا إلهام هقولك ايه , هقدر ازاى اقولك ان طلعت عيل وكنت فاهم غلط , ازاى اقدر اكسر قلبك اللى هو قلبى بأيدى , ازاى اختبار ربنا لحبى يبقى قوى كده , ازاى اقدر اتخيل انسانه تانيه غيرك معايا وازاى اتخيلك انتى مع غيرى طول عمرى عارفك وعارف اد ايه انتى مؤدبه وان كنت هبقى اول حد واخر حد فى حياتك , منهم لله الناس اللى مش بتسيب الناس فى حالها , وانا ربنا يصبرنى ويعوضنى بيكى علشان مش بفكر ابدااا اغضب ولى الامر ..
**************************
فى بيت انعام بتلبس إلهام وهى بتمسح عينيها وبتحط فيها كل تدارى بيها ورمها وبكاها طول اليوم ..
أنعام بتدخل البيت وهى مش قادره من كتر ارهاقها ..
إلهام بتخرج من اوضتها وهى بتشيل شنطتها وبتشوف مامتها على كنبة الانتريه قاعده حزينه بكل لهفه : ماما مالك .. ؟
انعام بتعب : كنت فى مشوار افتكرت فيه خلاصى بس واضح ان كل الناس ربنا نزع من قلوبهم الرحمه , كل الناس افترت حسبى الله ونعم الوكيل بجد ..
إلهام دمعه بتنزل غصب عنها : معلش يا ماما متقلقيش كل حاجه هتبقى كويسه ..
أنعام بتفوق من شرودها : حبيبتى رايحه الجامعه ولا ايه .. ؟
إلهام وهى بتدارى وشها : اه يا ماما عاوزه حاجه وانا جايه .. ؟
انعام بتعب : لاء يا حبيبتى عاوزه سلامتك , انا كمان هخرج وهشترى حاجتنا وانا جايه .
- طيب يا ماما باى ..
- مع السلامه يا حبيبتى .
**************************
بتدخل إلهام وهى بترن على ايمان ..
ايمان وهى قاعده : انتى فين يا إلهام .. ؟
إلهام : انا فى الجامعه اهو , انتى قاعده فين .. !
ايمان بأبتسامه بتوصفلها مكانها ..
بتقفل الهام وبتروحلها وهى ماشيه بتشوف بهاء ..
بهاء بيبصلها بلهفه وشوق ...
إلهام بدموع : يا خسااااره .
وبتكمل طريقها وبتروح لايمان ..
إيمان بتقف وبأبتسامه بتسلم عليها : ااسكتى بهاء عينه كانت بتسأل عليكى .. !
إلهام بحزن : خلاص يا إيمان بلاش كلام من دا , انا مش موافقه عليه , وهقوله كده .
ايمان بفزع : نعم .. ؟؟؟؟؟
الهام بتحاول تبقى اقوى : معلش يا ايمان بلاش كلام دلوقتى ..
ايمان بفضول : بس انا لازم افهم ايه اتغير من امبارح للنهارده .. ؟؟
- مش دلوقتى يا ايمان علشان خاطرى مش دلوقتى ..
- طيب يا الهام انا واثقه ان فيكى حاجه عينك بتقول انك حزينه ..
- علشان خاطرى يا ايمان بلاش كلام دلوقتى ..
- طيب , طيب .. يلا بينا نحضر المحاضره ..
- يلا ...
**************************
أنعام وهى واقفه اقدام بيت داليا وبكل خوف بتخبط ..
هناء وهى بتفتح اول ما شافتها شهقت : ايــــــــــه عملتى مشوارك ولا ايه , انا قلقانه عليكى اوى ..
انعام وعينيها كلها دموع : ربنا معايا احسن من اى حد وقادر يطبطب عليا انا وبناتى ويحنن قلبها علينا , المدام جوه .. ؟
هناء وهى بتتصعب : اه يا حبيبتى جوه اتفضلى ..
انعام بتدخل بهدوء لداليا ..
داليا اول ما شافتها وهى قاعده مكانها على كرسى فى الليفنج : اهلا يا انعام عاش من شافك .
انعام بكسوف : معلش يا مدام عارفه ان مقصره معاكى , بس البنات ..
داليا بأبتسامه : انتى عارفه يا انعام ان بناتك عزاز على قلبى وبحبهم من غير ما اشوفهم , بس غصب عنى ان طلبت الفلوس .. مصاريفى كترت غير ساهر وظروفه ..
انعام بأحراج : ان شاء الله قريب ربنا هيحلها واجيب لحضرتك الفلوس ..
داليا بتعب : اقعدى يا انعام اقولك كلمتين ..
انعام بخوف : اتفضلى ..
داليا وهى بتحاول تقعد وبتضم رجليها : انا عاوزه الفلوس علشان اضمن بيهم حق ساهر ابنى , انتى عارفه ان صاحبة مرض والسكر مبهدلنى , وخلاص عليه العوض اكيد هناء بتحكيلك ..
أنعام : ربنا يشفكى يا هانم , حضرتك ست خيره وبتعملى خير كتير وربنا هيكرمك ان شاء الله ويوقفله ولاد الحلال ويطول فى عمرك علشانه انتى وجوز حضرتك .
داليا بأبتسامه : محمد طيب بس الرجاله مهما كانت ملهاش امان , بكره اموت ويتجوز غيرى وان متجوزش مش هيقدر لساهر , يا فلوسه تخليه ملك , يا واحده بنت حلال طيبه تراعيه وممكن بكره ربنا يكرمه ويوصله لعمليه للصمام ويعملها ويفتح ويبقى كويس .
انعام بقلق من مسار الكلام : ربنا يشفيه يارب .
- مش هخبى عليكى برضو ومش بلوى دراعك لسمح الله بس انا هقترح عليكى اقتراح انا ال 70 الف اللى وخداهم دول مش فلوس يا انعام بالنسبه لينا بس حق ابنى اللى ربنا هيحاسبنى عليه لان انتى عارفه ظروفه هو اولى ..
- ايوه طبعا , حضرتك بتساعدى كتير وعلشان كده هناء قالتلى على حضرتك .
- طيب انا عاوزه اجوز ابنى لبنتك بصراحه , انتى ست حنينه وطيبه ووفيه واصيله واكيد بنتك زيك , ودى اللى اتمناها لابنى .
أنعام بصدمه رغم توقعها للكلام : بس بنتى هتتخطب قريب ..
- بجد .. ؟
- اه دكتور جارنا معاها فى الجامعه فاتحها لسه امبارح وبيحبها من صغرها .
داليا بتحاول تبتسم : وهى بتحبه .. ؟
انعام بضيق : بنتى مبتحبش حد , بنتى غلبانه .. بس هى فرحانه بيه ..
داليا : .....................
************************ يتبع
أنعام بصوت ضعيف بتتكلم فى الدكتافون : انا يا امينه افتحى .
امينه وهى بتضغط على الزرار بتكلم رشدى : انعام عاوزه ايه يعنى , مش فهما برضو على الصبح كده .. ؟
رشدى بيلبس بيقفل زراير القميص وبيستعد للخروج : هنعرف يا امينه هنعرف ..
انعام بتطلع وبتفتحلها امينه وهى مبتسمه : يادى النور يا انعام والله وحشانى ..
أنعام بأحراج : والله وانتى متأخذنيش يا امينه ان جايه على الصبح كده بس كنت عاوزه ألحق رشدى قبل ما ينزل وانا عارفه انه مبيرجعش غير متأخر ..
امينه بأبتسامه صفرا : اه فعلا هو كان نازل اهو .
انعام بأستعجال بتدخل : نازل ازاى يعنى انا مش مكلماه وقيلاله ان جايه .. ؟
امينه بتدخل وراها : يا رشدى انعام هنا .. !
رشدى بيخرج بضيق وبيبص لامينه وبعدين بيبص لانعام : اهلا يا انعام , خير فى ايه على الصبح كده ..؟
انعام بضيق : عاوزه فلوس ..
رشدى بيبص لامينه وبيرجع تانى يبصلها : ايه .. ؟
- عاوزه فلوس يا رشدى علشان انقذ بيتى وانقذ نفسى .. وبنتى وبنت اخوك الهام ..
امينه : اهدى بس وقولى فى ايه .. ؟
انعام بأستعجال : هقولكو اللى فيها بس هتساعدونى ولا امشى .. ؟
امينه ورشدى فى نفس واحد : احكى الاول فى ايه ..!!
انعام بدموع : دلوقتى انتوا عمركو ما سألتو بنتى اميمه بكشف عليها منين ومصاريفها دى كلها ازاى .. ولا عايشه ازاى .. ؟
امينه بترد بسرعه وهى بتبتص لرشدى : ما انتى دايما تقولى عبدالله سايب اللى يكفى ويفيض ومبسوطه جدااا , ايه اللى جد بقى , وليه نسأل .. !!
رشدى بيبص لامينه : اه صحيح انتى قايله كده صح ..
انعام بحزن شديد : انا مديونه لواحده ست مبسوطه اوى عرفتها عن طريق جارتى هناء الست كتر خيرها رأفت بحالى وبقت تساعدنى جدااا لما عرفت ظروفى من هناء , بس جه وقت طلبت وطلباتى كترت والفلوس زادت انا حلفت اكتبلها ورقه بالبيت تضمن بيها فلوسها لحد ما البنات تكبر واخد منهم فلوس واردلها فلوسها .
امينه : اه طيب وبعدين يعنى .. ؟
انعام : بعدين انا عاوزه فلوس .
امينه : طيب وايه اللى جد يعنى ما انتى استنى لما ولادك يكبروا .. ؟
انعام وهى بتبص لرشدى اللى بيبعد عينه عنها وبيبص ف الارض : الست طمعت فى الهام عندها ابن ضرير عاوزه تجوزه ابنها , وخايفه تلوى دراعى بيها وبنتى غلبانه وانا ماليش حد غيركو وربنا يكفيكو شر الحوجه .. !!
امينه : طيب ما تجوزيهولها حد لاقى , م بتقولى مبسوطه اوى وكريمه , يعنى بنتك هتتنغنغ ويبقى كده ضربتى عصفورين بحجر واحد ..
انعام بتبصلها بصدمه وبترجع تبص لرشدى : دا اخر كلام عندكو .. ؟
امينه بتبص لرشدى تبرقله وتبص لانعام : احنا بنقولك الصح ..
انعام بتقوم وبتقف وبتمشى وهى حزينه ..
امينه : اصبرى يا انعام اشربى الشاى ..
انعام بتكمل طريقها وبتنزل لتحت وهى مبتردش عليهم ..
رشدى وهو بيبصلها وبحزن : ما كنتى تسأليها كام يا امينه ما يمكن حاجه صغيره كنا ساعدناها علشان خاطر عبدالله .. ؟
امينه بعصبيه : ياخويا احنا اللى معانا يكفى ولادنا بالعافيه ولا ليك كلام تانى .. ؟
رشدى بخوف : لاء صح , يلا انا نازل ..
**************************
ناصر نايم وبيسمع المنبه على الساعه 9 ..
لمياء بعصبيه : اووووف اقفل الزفت دا بقى ..
ناصر بأستغراب : حبيبتى صباح الفل .. ؟
لمياء بضيق : صباح النور , ممكن انام بقى , ورايا اجتماع فى الجمعيه الساعه 11 عاوزه انام ساعه بس .
ناصر بحزن : حاضر , بس مش هنفطر سوا .
- افطر لوحدك بقى , سيبنى انام بقى ..
- ايه اللى غيرك يا لمياء مش كنا كويسين ..
- انت عيبك يا ناصر انك رومانسى زياده , انا بتخنق من الجو دا , مزهقتش .. ؟
- خلاص خلاص , بلاش تضيعى فرحتى بأمبارح نامى يا لمياء نامى .
- مم اخيرااااااااااااااااا
بيقوم ناصر بكل أسى وحزن وهو بيبص للمياء اللى نايمه : ضيعتى فرحتى ربنا يسامحك .. وبيلبس وبيخرج ..
**************************
ماشيه انعام ودموعها على خدها مش عارفه تروح فين ولا تيجى منين ..
انعام بدموع : اروح فين بس ياربى , بس انا اتسجن ولا ان بنتى تتجوز جوازه بالشكل دا ..
فجأه بتقرب منها عربيه وبتسمع صوت كلاكس والعربيه بتقف وراها ..
بتبص بخوف بتشوف رشدى بينزل من العربيه ..
انعام بعصبيه : نعم .. ؟
رشدى : اركبى يا انعام .. !
انعام بحزم : اركب ليه , لاء مش هركب اللى عندك قولتوه كتر خيركو ..
- عندى كلام تانى ممكن يبقى فيه الحل ..
- ايه هو .. ؟
- تعالى اركبى بس , نقعد فيها نتكلم مينفعش نقف فى الشارع كده .
- مش هركب
- يابنت الحلال بلاش نشوفية الدماغ دى .
- قول اللى انت عاوزه وخلصنى , عندك حل قوله معندكش سيبنى وامشى .
بيبص رشدى حواليه وبيتكلم برعشه : انا بجدد طلب الجواز , وانا هبقى جوزك وهبقى سداد من جنيه لالف , بس يبقى فى السر ..
انعام بدموع : وانا مش موافقه ابدااااا , مش هقولك علشان عبدالله بقى ولا الكلام دا , لاء علشان انت لو اخر راجل فى الدنيا مقبلش اكون مراته ,بقولك ايه ..
- ايه .. ؟
- ألحق امينه جايه وراك .. !
رشدى بيتلفت بخوف : ايه فين , فين .. ؟
انعام بنظره مشمئزه : بلاش قرف .. اخص على الرجاله (وبتسيبه وبتمشى) .
**************************
فى الجامعه بيدخل بهاء وهو بيدور بعينه على إلهام وشاف إيمان واقفه لوحدها ..
ايمان بتبص عليه بأحراج وهى بتبتسم ..
بهاء بحزن : يا ترى لما تيجى يا إلهام هقولك ايه , هقدر ازاى اقولك ان طلعت عيل وكنت فاهم غلط , ازاى اقدر اكسر قلبك اللى هو قلبى بأيدى , ازاى اختبار ربنا لحبى يبقى قوى كده , ازاى اقدر اتخيل انسانه تانيه غيرك معايا وازاى اتخيلك انتى مع غيرى طول عمرى عارفك وعارف اد ايه انتى مؤدبه وان كنت هبقى اول حد واخر حد فى حياتك , منهم لله الناس اللى مش بتسيب الناس فى حالها , وانا ربنا يصبرنى ويعوضنى بيكى علشان مش بفكر ابدااا اغضب ولى الامر ..
**************************
فى بيت انعام بتلبس إلهام وهى بتمسح عينيها وبتحط فيها كل تدارى بيها ورمها وبكاها طول اليوم ..
أنعام بتدخل البيت وهى مش قادره من كتر ارهاقها ..
إلهام بتخرج من اوضتها وهى بتشيل شنطتها وبتشوف مامتها على كنبة الانتريه قاعده حزينه بكل لهفه : ماما مالك .. ؟
انعام بتعب : كنت فى مشوار افتكرت فيه خلاصى بس واضح ان كل الناس ربنا نزع من قلوبهم الرحمه , كل الناس افترت حسبى الله ونعم الوكيل بجد ..
إلهام دمعه بتنزل غصب عنها : معلش يا ماما متقلقيش كل حاجه هتبقى كويسه ..
أنعام بتفوق من شرودها : حبيبتى رايحه الجامعه ولا ايه .. ؟
إلهام وهى بتدارى وشها : اه يا ماما عاوزه حاجه وانا جايه .. ؟
انعام بتعب : لاء يا حبيبتى عاوزه سلامتك , انا كمان هخرج وهشترى حاجتنا وانا جايه .
- طيب يا ماما باى ..
- مع السلامه يا حبيبتى .
**************************
بتدخل إلهام وهى بترن على ايمان ..
ايمان وهى قاعده : انتى فين يا إلهام .. ؟
إلهام : انا فى الجامعه اهو , انتى قاعده فين .. !
ايمان بأبتسامه بتوصفلها مكانها ..
بتقفل الهام وبتروحلها وهى ماشيه بتشوف بهاء ..
بهاء بيبصلها بلهفه وشوق ...
إلهام بدموع : يا خسااااره .
وبتكمل طريقها وبتروح لايمان ..
إيمان بتقف وبأبتسامه بتسلم عليها : ااسكتى بهاء عينه كانت بتسأل عليكى .. !
إلهام بحزن : خلاص يا إيمان بلاش كلام من دا , انا مش موافقه عليه , وهقوله كده .
ايمان بفزع : نعم .. ؟؟؟؟؟
الهام بتحاول تبقى اقوى : معلش يا ايمان بلاش كلام دلوقتى ..
ايمان بفضول : بس انا لازم افهم ايه اتغير من امبارح للنهارده .. ؟؟
- مش دلوقتى يا ايمان علشان خاطرى مش دلوقتى ..
- طيب يا الهام انا واثقه ان فيكى حاجه عينك بتقول انك حزينه ..
- علشان خاطرى يا ايمان بلاش كلام دلوقتى ..
- طيب , طيب .. يلا بينا نحضر المحاضره ..
- يلا ...
**************************
أنعام وهى واقفه اقدام بيت داليا وبكل خوف بتخبط ..
هناء وهى بتفتح اول ما شافتها شهقت : ايــــــــــه عملتى مشوارك ولا ايه , انا قلقانه عليكى اوى ..
انعام وعينيها كلها دموع : ربنا معايا احسن من اى حد وقادر يطبطب عليا انا وبناتى ويحنن قلبها علينا , المدام جوه .. ؟
هناء وهى بتتصعب : اه يا حبيبتى جوه اتفضلى ..
انعام بتدخل بهدوء لداليا ..
داليا اول ما شافتها وهى قاعده مكانها على كرسى فى الليفنج : اهلا يا انعام عاش من شافك .
انعام بكسوف : معلش يا مدام عارفه ان مقصره معاكى , بس البنات ..
داليا بأبتسامه : انتى عارفه يا انعام ان بناتك عزاز على قلبى وبحبهم من غير ما اشوفهم , بس غصب عنى ان طلبت الفلوس .. مصاريفى كترت غير ساهر وظروفه ..
انعام بأحراج : ان شاء الله قريب ربنا هيحلها واجيب لحضرتك الفلوس ..
داليا بتعب : اقعدى يا انعام اقولك كلمتين ..
انعام بخوف : اتفضلى ..
داليا وهى بتحاول تقعد وبتضم رجليها : انا عاوزه الفلوس علشان اضمن بيهم حق ساهر ابنى , انتى عارفه ان صاحبة مرض والسكر مبهدلنى , وخلاص عليه العوض اكيد هناء بتحكيلك ..
أنعام : ربنا يشفكى يا هانم , حضرتك ست خيره وبتعملى خير كتير وربنا هيكرمك ان شاء الله ويوقفله ولاد الحلال ويطول فى عمرك علشانه انتى وجوز حضرتك .
داليا بأبتسامه : محمد طيب بس الرجاله مهما كانت ملهاش امان , بكره اموت ويتجوز غيرى وان متجوزش مش هيقدر لساهر , يا فلوسه تخليه ملك , يا واحده بنت حلال طيبه تراعيه وممكن بكره ربنا يكرمه ويوصله لعمليه للصمام ويعملها ويفتح ويبقى كويس .
انعام بقلق من مسار الكلام : ربنا يشفيه يارب .
- مش هخبى عليكى برضو ومش بلوى دراعك لسمح الله بس انا هقترح عليكى اقتراح انا ال 70 الف اللى وخداهم دول مش فلوس يا انعام بالنسبه لينا بس حق ابنى اللى ربنا هيحاسبنى عليه لان انتى عارفه ظروفه هو اولى ..
- ايوه طبعا , حضرتك بتساعدى كتير وعلشان كده هناء قالتلى على حضرتك .
- طيب انا عاوزه اجوز ابنى لبنتك بصراحه , انتى ست حنينه وطيبه ووفيه واصيله واكيد بنتك زيك , ودى اللى اتمناها لابنى .
أنعام بصدمه رغم توقعها للكلام : بس بنتى هتتخطب قريب ..
- بجد .. ؟
- اه دكتور جارنا معاها فى الجامعه فاتحها لسه امبارح وبيحبها من صغرها .
داليا بتحاول تبتسم : وهى بتحبه .. ؟
انعام بضيق : بنتى مبتحبش حد , بنتى غلبانه .. بس هى فرحانه بيه ..
داليا : .....................
************************ يتبع
ليست هناك تعليقات:
إرسال تعليق