سوزى بتحاول تكلم ...واضح عليها التوتر والاحراج انا
خير يا مدام سوزى شكلك محتاجه تقولى حاجه بس مش عارفه تبدأى الكلام ازاى
سوزى بتتجرأ ..ايوه بصراحه انا عاوزاك تموت نادين
الدكتور بأنفعال حد قال لحضرتك ان قاتل
انا اسفه مقدرتش اوصل لحضرتك المعنى اللى اقصده
طيب فهمينى انا سامعك
انا اقصد يعنى بصراحه كدا ان عاوزه حضرتك تشيل الاجهزه لنادين
مش حضرتك اللى تخدى القرار دا وبعدين انا مقدرش اعمل كدا غير برأى استاذ مصطفى واختها ليلى بعد وفاة باباها
سوزى بدموع ما انا نفسى ابنى يفرح وانت بنفسك قولت انها ماتت ارحمنى يا دكتور وارحمه
من عذابه اكيد ها يقدر ينساها لكن طول ما هيا اقدامه كدا مش ها يقدر ينساها لحظه
حياته هاتفضل متعلقه بيها وهوا عمره ما يخليكوا تشيلوها من على الاجهزه لو فضلت
سنين انت متعرفش ابنى بيحبها ازاى ارحمنى ارجوك ووافق على طلبى انا ام نفسها تطمن على
ابنها قبل ما تموت وتشوفه متجوز وعايش مرتاح وعنده ولاد لكن هوا كدا بيدفن نفسه بالحياه
...................................................................................................................
ليلى واقفه اقدام الدفن فى حالة انهيار
مصطفى بينزل مع جثة هشام وبيقوموا بالدفن واضح عليه الحزن بس بيحاول يتماسك
عزه واقفه قريب من ليلى واضح عليها الحزن ودموعها بتتلاحق وبتدعى لهشام بالمغفره ودعاء دفن الموتى
اتنين جيران لليلى مين اللى بتعيط جامد اوى دى
دى اللى بيقولوا انها مراته
معقول دى لسه صغيره
لاء شكلها عندها 40 سنه
ماهي بردوا صغيره دا هشام كان داخل فى الستين
بس حلوه اوى
خلاص بقى احنا جايين ندفن وللميت حرمته بردوا
اه عندك حق ربنا يرحمه ويغفرله كان محترم عمرنا ما شفنا منه اى حاجه مش كويسه
............................................................................................................................
شاهى نازله على السلم الداخلى للفيلا بتاعتهم
الام: شاهى انتى رايحه العزا بردوا
ايوه بس هما زمانهم رجعوا ولا لسه
ليوه اكيد خلصوا ودفنوه الله يرحمه كان محترم .. اكيد زمانهم على وصول
طيب انا هاروح وعلى فكره انا فكرت فى الموضوع اللى فاتحتيه امبارح
وايه قرارك
كفايه ان اقولك ان رايحه مع محمود العزا
بجد هاتروحى معاه والله فرحتينى طيب اسبقينى بقى وانا هاجى وراكى
ليه ما تيجى معانا هوا زمانه على وصول اجهزى بسرعه يلا
الام بتحجج .. لاء يا حبيبتى هاتأخر وكمان هاعمل حاجات لسه ورايا
ماشى يا مامى خلاص باى
باى يا حبيبتى ... وفى سرها ربنا يسعدك يارب
..............................................................................................................................
الدكتور بأسى على حالة سوزى والله يا مدام كان بودى اخدمك بس مقدرش اعمل حاجه زى كدا انا اسف
علشان خاطرى يا دكتور انا ام ونفسها تطمن على ابنها
مش انك تموتى روح ممكن ربنا يشفيها
بس حضرتك بتقول انها ماتت والاجهزه اللى معيشاها
انا قولت انها فى غيبوبه وممكن تفوق وممكن لاء ودى حاجات بتاعت ربنا كله بأيد ربنا
ونعمه بالله بس انا مقدرش افضل اتفرج على ابنى وهوا عمره بيضيع منه على امل انها تفوق
وانا مش فى ايدى اساعدك انا اسف
سوزى بتمسح دموعها بأيديها طيب انا عندى حل تانى ممكن حضرتك تسيبها عايشه بس كل الناس تعرف انها ماتت
مش فاهم
يعنى النهارده حضرتك تنقلها غرفه او مستشفى تانيه وتقول للكل انها ماتت ودا شيك لكل التكاليف
الدكتور بيبص للشيك وعينيه لمعت للمبلغ الكبير اللى بيتعرض عليه
بس انا هاعمل كدا ازاى بس
سوزى بأطمئنان انه قرر يساعدها والله حضرتك ممكن تعمل كل حاجه النهارده ومصطفى مشغول مع ليلى فى مراسم العزا
الخاصه بوالد نادين
خلاص يا مدام بس اعرفى ان بعمل الخدمه دى علشانك وعلشان الدموع اللى شفتها دى بس
ربنا يخليك يا دكتور والله دى مساعده لانسان محتاجها فعلا واكيد ربنا ها يغفرلنا
.........................................................................................................................
محمود مع مصطفى فى المكان المقام للرجال وواقف جنبهم معتز بياخدوا عزا هشام
ناس كتير بتروح وترجع وعم ليلى ونادين وابنه هشام واقفين فى الاول بيسلموا على كل اللى داخل العزا
مصطفى هيا ليلى عامله ايه دلوقتى
هاتكون عامله ايه بس يا محمود اكيد زمانها متدمره ربنا يصبرها
يارب يا مصطفى ويقوملك نادين بالسلامه
يارب يا محمود يارب رغم ان قلقان من رد فعلها لما تعرف بخبر موت باباها انت عارف هيا رقيقه ازاى
اه ربنا يصبرها ويصبركوا بس هوا فى جديد عن حالتها
لاء بس انا متأكد انها ها تبقى كويسه وهاتفوق بقى بسرعه
يارب يا حبيبى ان شاء الله
يارب ربنا يسمع منك
محمود بتردد مصطفى هوا انا ممكن ابقى اطلع اعزى ليلى
ايوه مافيهاش مشكله اكيد نبقى نطلع سوا لما الناس تمشى
..................................................................................................................................
ليلى على الكنبه فى وش الريسبشن وعزه جنبها ودموعهم نشفت فى عينيهم من كتر الدموع اللى نزلت
شاهى بتدخل لليلى وبتاخدها فى حضنها
ليلى حبيبتى البقاء لله
ليلى بدموع بتنزل لمجرد ان شاهى اخدتها فى حضنها وحست بحرمانها من حنية نادين وحضنها بابا مات يا شاهى
حبيبتى معلش البقاء لله راح عند ربنا وكلنا مسيرنا هانروح لربنا
الحمد لله بس انا دا كتير عليه بجد اللى عشته الفتره دى والله حرام
حبيبتى متقوليش كدا خليكى اقوى من كدا يا ليلى وبعدين مش انا اختك وجنبك
وان شاء الله نادين كمان تبقى كويسه
يارب يا شاهى والله مش هاقدر استحمل ان افقدها بجد
متقوليش كدا ربنا يقومها بالسلامه يارب ليكى ولمصطفى كمان
يارب يا نادين ياااارب
يا حبيبتى انا شاهى ..وان شاء الله نادين تكون معانا قريب يارب
ان شاء الله يا ليلى وبتبعد عنها يلا يا حبيبتى اقعدى ارتاحى وانا هاقعد جنبك اهو
...................................................................................................................................
الكتور بيجهز لنقل نادين لمستشفى تانيه
دكتور اسامه بيدخل ..حضرتك بتعمل ايه يا دكتور
هانقل المريضه مستشفى تانى خلاص اهلها عاوزينها متكنش هنا
بس مش دى اللى والدها لسه ميت النهارده
ايوه
طيب مين اهلها اللى طلبوا
هوا تحقيق ولا ايه يا دكتور لو سمحت روح لغرفه 13 المريض اللى هناك شوف فاق ولا لسه ومتشغلش بالك بحاجه تانيه
اسامه بضيق حااضر
........................................................................................................................................
دكتور اسامه بيدخل بيشوف المريض المكلف بيه وكل تفكيره فى نادين
صعبان عليه كل اللى هايحصل ومش مطمن للدكتور وخصوصا بعد مقابلته لسوزى
معقول تكون حماتها وجوزها هما اللى عاوزين ينقلوها
وانا شاغل نفسى بيها اوى ليه كدا
ما يحصل اللى يحصل هاكون احن عليها من جوزها واهلها
بس انت عارف سمعت دكتور سمير
بس ممكن تكون عرضت عليه فلوس يعمل اى حاجه ويعملها فعلا
انا بجد لازم اساعدها لو بجد ها يعملوا فيها حاجه
وجوزها دا بجد اكيد انسان مش اصيل انه يغدر بيها بسرعه كدا
.........................................................................................................................................
محمود ومصطفى بينهوا العزا وبيستأذنوا من معتز
طالعين على السلم لليلى
مصطفى بيقرب من باب شقه هشام وبيستأذن للدخول
بتسمحله ليلى بالدخول هوا ومحمود
محمود بيقرب من ليلى ..ليلى البقاء لله
البقاء لله شكرا يا محمود
شكرا على ايه بس ..والله كنت باجى دايما اشوف نادين ومصطفى بس مكنتش بشوفك وكنت ببقى عاوز اجيلك عند عمو بس كنت بتكسف تانى
متشكره اوى يا محمود
طيب اجمدى كدا طيب وانتى معاكى رقمى لسه صح
ايوه
ياريت لو احتاجتى اى حاجه بجد يااريت تطلبيها منى
ان شاء الله بس فعلا مصطفى مش مخلينى محتاجه حاجه والله
شاهى عينيها على مصطفى وزعلانه على شكله الحزين اللى برغم تماسكه ولكن غالب عليه حزنه
بيقطع عليها تفكيرها فى مصطفى رنة تليفونها
بتشوف الموبايل .. اسم محمود عرفت انه واقف مستنيها تحت وبيستعجلها
بتقرب من ليلى معلش يا ليلى انا هانزل يا حبيبتى اصل اتاخرت
ماشى يا شاهى اسفه يا حبيبتى اخرتك وطنط مشيت من زمان
معلش يا ليلى والله كان نفسى انام معاكى بس مش هاقدر
لاء يا حبيبتى انا معايا ربنا
عزه وفى حضنها اسر وقاعده فى مكان بعيد وظهر عليها الضيق انها مقلتش انها معاها ومش محتاجه حد
ماشى يا حبيبتى ويارب ربنا يطمنك على نادين مش عاوز حاجه يا مصطفى
لاء يا شاهى شكرا عاوز سلامتك..احنا كمان هاننزل مش كدا يا محمود
طيب بعد اذنكوا
.....................................................................................................................................
مصطفى ومحمود بينزلوا شافوا العم وابنه متضايقين
مصطفى بيقرب ماشى يا عمو بعد اذنك... مش عاوز حاجه
لاء يا بنى شكرا ربنا يطمنك على مراتك وبنتنا... هيا ليلى نامت
مش عارف انا اطمنت انها مش عاوزه حاجه ونزلت
ماشى انا هاطلعلها انا وابن عمها اهو
ماشى يا عمو بعد اذنك موبايل مصطفى بيرن بنمرة المستشفى
مصطفى بيرد بتوتر ..الو
استاذ مصطفى
ايوه معاك يا دكتور
ممكن تشرفنى لو سمحت
خير يا دكتور فى حاجه
انا مستنى حضرتك ممكن تعدى عليه
انا كدا كدا كنت جاى لنادين ربع ساعه واكون عند حضرتك
خلاص مستنيك
....................................................................................................
عصام وهشام ابنوا بيخبطوا على ليلى
ليلى بتيجى تفتح الباب بعد ما كانت حاسه بالتوتر من وجود عزه
ايوه يا عمو اتفضل
ايه يا بنتى مش عاوزه حاجه منى ولا من هشام الصغير
ربنا يخليكوا شكرا والله مش عاوزه حاجه
الله طيب فين ام هشام " مراته"
مش عارفه يا عمو والله بس اكيد مشيت زى ما حضرتك شايف مافيش حد موجود
ما فى مراة ابوكى وابنها جوه اهيه
اه هاتبات معايا هى واسر اخويا يا عمو
طيب يا بنتى ربنا يصبرك استاذن انا
اتفضلوا مع السلامه ودخلت وقفلت وراهم وقربت من عزه
بعد اذنك انا تعبانه اوى هادخل انام وحضرتك دى اوضة بابا اللى فى الوش دى ...خدى اسر وارتاحو فيها
ماشى متشكره
ليلى بتدخل اوضتها بتطلع صوره ليها ولباباها ولمامتها ونادين وبتاخدها فى حضنها وبتبكى بحرقه ...والله حرام
......................................................................................................................
مصطفى بيدخل للدكتور ومعاه محمود
خير يا دكتور فى ايه قلقتنى
انا اسف بس انا عندى خبر وحش
مصطفى بحزن لاء مش عاوز اسمعه
انا اسف بس مدام نادين ماتت وحضرتك هاتستلم جثتها بكره الصبح
انت بتقول ايه
استاذ مصطفى انت مؤمن متعملش زى الناس الجاهله
ونعمه بالله بس انا احساسى بيقولى ان نادين لسه مامتتش لو كانت ماتت كنت حسيت بيها
انا اسف بس دى الحقيقه
بس انت مش فاهم يا دكتور لو كانت ماتت كنت حسيت بيها
سوزى بتدخل عليهم الاوضه مصطفى حبيبى نادين ماتت اقدامى انا اسفه مقدرتش اعملها حاجه
مصطفى بدموع انتوا عاوزين تجننونى انا احساسى مبيقوليش انها ماتت
يا حبيبى حرام تقول كدا
محمود بيتدخل معلش يا مصطفى اصبر
اصبر اصبر ايه بس حرام عليكوا نادين هاتصحى وتفوق وترجعلى هيا عمرها ما تسبنى انا متاكد
....................................................
....................................................
7lwaaaaaaaaaaaaaaaaaaaaaaaaaaaaaaaaaaaaaaaa
ردحذف