شاهى بتبعد عن باباها بعد ما باسته خطوتين لورا انا يا بابا مش عاوزه اكون صحفيه زى نادين
ليه مش انتى دخلتى اعلام مخصوص علشان تبقى زيها
شاهى بأحراج لاء طبعاً يا بابى زيها ايه ...انا حاجه وهيا حاجه انا عاوزه بعد اذنك يعنى اكون مذيعه
مذيعه!! غريبه دى مكنتش متخيل انك بتفكرى كدا خااالص
والله ولا انا بس اصدقائى قلولى ان انا جمالى يعنى ومظهرى يهيئونى اكون مذيعه كويسه
اكيد يا حبيبتى انت هاتكونى احلى مذيعه بس انتى متأكده من الخطوه دى
ايوه يا بابى بجد خلاص مش بحلم غير بكدا
خلاص بس انتى خلصى الجامعه وهاتلاقى احلى برنامج فى اشهر قناه مستنيكى ولا منى الشاذلى حبيبتك
بجد بجد يابابى انت احسن اب فى الدنيا
حبيبت بابى انا ماليش غيرك فى الدنيا السعاده اللى فى عينيكى دلوقتى تساوى كنوز الدنيا كلها
شاهى بتحضن باباها ربنا يخليك ليا يا احلى اب فى الدنيا
الاب بأبتسامه صامته بيحضنها وبيطبطب بأيديه عليها
..........................
ليلى بتكمل كلام على الكمبيوتر وبترسل وجه مكسوف
ياااه نفسى اشوف كسوفك دا بجد
بجد ازاى مش فهما
يعنى نتقابل اشوفك بجد وبحق وحقيقى
مش لما نعرف بعض اكتر احنا عارفين بعض من 24 ساعه بس
انا عارف بس فعلا انا حاسس ان اعرفك من زمان
شكلك كدا يا خالد ها تجننى معاك
انا ؟؟
ايوه انت ...انت كلامك حلو بجد اووى يا ترى قولته لكام بنت غيرى
انا ..والله ابداً دا انا غلبان اووى والله
ماشى يا خالد انا هاقفل بقى اصل مرهقه وعاوزه انام
بسرعه كدا بس انا ملحقتش اتكلم معاكى وكمان مشوفتش صورتك لسه
طيب استنى ها بعتهالك
نادين بتدور على صور اصدقائها اللى عندها مش عجبها غير صورة لى لى صديقتها اللى عايشه فى المغرب وقررت ترفعا ليه
؟؟؟
خلاص ايه رأيك
وااااو دا انتى طلعتى جامده اوى اوى
ميرسى
لاء بجد انا احساسى كان بيقول ان حلوه بس للدرجه دى مستحيل
ربنا يخليك انا هاقوم انام بقى تصبح على خير
وانتى من اهله ممكن اقولك حاجه
اكيد اتفضل
هاتوحشينى ومفتكرش ان ممكن انام النهارده بعد ما شوفت صورتك
يااااه للدرجه دى
واكتر ويلا علشان معطلكيش اكتر بس علشان خاطرى افتحى بكره بدرى
حاضر هاحاول
هاستناكى طول اليوم مش هاتحرك من على اللاب
ماشى سلام
سلام ♥
..........................
مصطفى واقف اقدام النتيجه بيشوف نتيجته وبيخرج من الزحمه وبيقرب من نادين
بياخد ايديها بين ايديه وبيقربهم من شفايفه حبيبتى انا نجحت وبتقدير كويس الحمد لله
نادين بتتلفت حواليها وبتشيل ايديها من ايد مصطفى الف مبروك يا حبيبى
مصطفى لاحظ كسوفها طيب تعالى نروح اى مكان نحتفل ونبقى على راحتنا
ماشى يا حبيبى يلا
مصطفى ونادين قاعدين بيفصل بينهم تربيزه عليها اتنين كوب مانجو وايديهم متشابكه
انا مبسوطه اوى يا مصطفى انك خلصت
وانا كمان اوى يا حبيبتى المسافات بينا بتقرب اكتر انا هانزل المكتب مع بابا على طول من بكره
ليه ما تريح يومين او اسبوع لحد ما تستلم الشغل
وايه الفرق كدا كدا انا كنت بتدرب مع بابا طول فترة الجامعه وكدا كدا متعود على الشغل بس بدل انزل مرتين او تلاته فى الاسبوع وبراحتى لاء هانزل دايما
حبيبى يا مصطفى مبسوطه اوى انك حققت حلمك ويارب تكون اكبر محامى فى العالم العربى كله
هههههه العالم العربى مره واحده
ايوه طبعا كفايه ان حبيبى مصطفى ها يتنازل ويترافع عن الناس
عيدي كدا الجمله دى تانى
هههه كدا يا مصطفى ...لازم تحرجنى مش ممكن يعدى لقاء بينا غير لازم تكسفنى
مصطفى بحب لاء يا روح مصطفى انا بحب بس اشوف خدودك الحمرا دى انا بحبـــــــك بمووت فيكى مفسى اصرخ اسمع الناس كلها
اهدى يا مصطفى الناس بتبص علينا
يبصوا ..يبصوا انا عاوز الناس كلها تعرف اد ايه انا بحبك وان حبى ليكى غلب (عنتر وعبله)
واشمعنى عنتر وعبله ليه مش قيس وليلى
يا ستى انا حبى ليكى غلب كل شعراء وقصص حب العالم كله
ربنا يخليك ليا يا مصطفى وتحبنى كدا على طول
انتى عندك شك
لاء يا حبيبى عمرى من صغرنا مهما كانت بتحصل مواقف نضايقنى مش كنت بشك فى حبك لحظه
انا فاهم قصدك متخافيش يا نادين بكره ماما وشاهى والدنيا كلها تعرف اد ايه حبنا قوى واقوى من اى ضغوطات لما نتوجه بالجواز
.....................
رجعنا تكسف تانى
ماا انت متقولش كلام يكسف وانا مش هاتكسف
خلاص حاضر زمان ماما من ساعة ما عرفت بنجاحى وهيا مش ساكته
ههههههه ايوه طبعا ..انا متخيله دلوقتى شكلها وهيا ماسكه التليفون وتعزم الناس وتوصى على التورت والجاتوهات وحفله اسبيشيال
ههههههههههه ايوه عموما متفقناش هاجى اخدك ولا هاتيجى مع عمو وليلى
ايوه هاجى بس مضمنش بابا جاى ولا هايكون مشغول
الحفله بكره يا نادين قوليله من النهارده يعمل حسابه يرجع بدرى
خلاص حاضر يلا بقى نقووم اتأخرنا
مصطفى بنظره كلها حنين
مش قادر اقوم واسيب اللحظه اللى بتجمعنا سوا من غير حد يبعد بينا
معلش يا حبيبى بكره مش نتفرق ابداً
وعينيه لمعت مع كلمت نادين بجد يا نادين بتتمنى اليوم دا زيى
نادين بتقف ...لاء بقى انا هامشى
ههههههههه والله بفرح اووى بيكى وخدودك دول حمر كدا زى التفاحه عاوز اكلك طيب
لاء يا مصطفى انت كدا زودتها اوى انا هامشى واسيبك احسن
مصطفى بجديه تروحى فين
اروح البيت
وتركبى مع حد غيرى وتقعدى جنب حد غيرى
لاء يا حبيبى بس خلاص انت مش ها تكون فاضى لازم اتعود يا مصطفى ان هاروح واروح واجى من غيرك
ومين قال كدا انا لو ورايا شغل الدنيا كلها هاسيبها واسيب كل حاجه واجى اجرى ليكى ومافيش حاجه هاتتغير ابداً من اللى كنا بنعملها سوا
ربنا يخليك ليا ..حتى لو اتغيرت يا مصطفى دى سنة الحياه
سيبيها لله بس ويلا علشان شكلنا وحش واحنا واقفين نتكلم كدا
وطلع فلوس وسابها على التربيزه ومشيوا وهما ايديهم فى ايد بعض
..........................
سوزى واقفه وبتشوف القماش اللى هايزين الكراسى والعمال بدؤا فى تحضير الكراسى فعلا
مصطفى بيقرب منها وبيبوسها من خدها اذيك يا احلى ام
اذيك يا حبيبى ها اشتريت البدله
لاء لسه ..انا نازل علشان اجيبها اهو
ماشى يا حبيبى متتأخرش ولو عاوز تعدى على الكوافير عدى مافيش وقت
خلاص حاضر يلا مش ها تأخر
عمرو اشترى بدله رصاصى شيك اووى وفى نفس الموول نزل اشترى فستان رصاصى فى منتهى الرقه والذوء
وبأبتسامه اخد الفستان والبدله وطلع من المول واتصل بنادين
نودا حبيبتى وحشتينى ..ايوه بتوحشينى دايما..بقولك ايه ..انا ربع ساعه بالكتير وهاكون اقدام البيت عندكوا انزليلى ...وقفل قبل سماع ردها عليه
نادين واقفه فى مدخل العماره وكل شويه تقرب من الباب وتبص شمال ويمين وترجع تانى مكانها
سمعت عربيه بتقرب ..خرجت تشوف مصطفى ولا لاء
مصطفى بينزل من العربيه وهوا مبتسم ومعاه علبه شيك وبيقرب من نادين
حبيبى فى ايه وليه انت هنا مش المفروض تكون بتساعد طنط لحفلة النهارده
بأبتسامه بيقدم العلبه كنت بجبلك دا
ايه العلبه الشيك دى وبتفتحها واااو يا مصطفى شيك اووى
حبيبتى هايكون شيك فعلا بس عليكى انتى هاتحليه
نادين بكسوف ربنا يخليك يا حبيبى بجد حلو اوى بس ليه يا مصطفى انا جهزت فستانى خلاص
لاء هاتلبسى زى البدله بتاعتى عاوز نكون كب
حبيبى ربنا يخليك ليا طيب يلا روح انت بقى علشان تخلص اللى وراك وانا هاجى على طوول
بيقرب منها طيب بحبك
نادين بتجرى وتطلع دا انت رخم خالص
مصطفى بيضحك بصووت وبيروح على عربيته وبيركب فيها وبيطلع على الفيلا
..........................
شاهى بتقوم والكوافير بيوضع اخر لمساته وطلعه زى القمر
مامى ها ايه رأيك
الام بدموع بتلمع فى عينيها زى القمر يا حبيبتى والله ما فى بنوته احلى منك
شاهى بتقرب من مامتها حبيبتى يا مامى ثانكس (ياارب الفت نظرك يا مصطفى واعجبك )يلا يا مامى ننزل
الكوافير بيستأذن بعد اذنكوا
اتفضل وميرسى جداا ليك
تحت امرك يا فندم
..........................
ليلى بتدخل على ليلى اوضتها ...ايه يا بنتى انتى لسه يا بنتى
نادين بتقلع الاسدال ... خلاص انا هالبس على طوول اهو
لاء يا بنتى انتى ها تتأخرى كدا انا هانزل
ماشى يا ليلى انا هاجى وراكى على طول
ماشى حياتى ..باى
نادين بتلبس فستان مصطفى وسعيده وبتتخيل ...يوم اللى ها تلبس فيه فستان الخطوبه وبتترسم على وشها ابتسامه وبترجع تانى تكمل لبسها وبتحط مكياج هادى يناسب جمالها الهادى
وبتلقى اخر نظره لنفسها فى المرايه وبتنزل وهيا راضيه عن بساطتها
..........................
محمود قاعد وعينيه على ليلى (محمود اللى خبط فى ليلى عند البسين فى النادى )وبيفتكر هوا شافها فين
ليلى قاعده على تربيزه ومعاها اصدقائها عزمتهم معاها علشان يتبسطوا وعينيها على محمود من يوم ما خبطت فيه مش بتنساه
مصطفى واقف بيسلم على الناس والناس بتهنيه بنجاحه وانه هايمسك المكتب مع باباه وبيتمنوله مستقبل باهر زى باباه
مصطفى شاف ليلى قاعده لواحدها ومش لاقى نادين قرب منها يسأل عليها
شاهى بتقرب منه وبتقطع عليه طريقه وبتمد ايديها ليه مبروك يا مصطفى
الله يبارك فيكى يا شاهى ايه الجمال دا
شاهى بأبتسامه ميرسى ومبروك يا مصطفى انا واثقه انك هاتكون محامى ليه اسمه وشأنه
شكراً يا شاهى كلك ذوء بعد اذنك
..........................
نادين بتنزل من العماره وماشيه فى طريقها وهيا متوتره
بتقرب عربيه تقطع عليها طريقها بتقف مفزوعه
.............نكمل مع الحلقه القادمه
ليست هناك تعليقات:
إرسال تعليق