فى جنينة فيلا يظهر عليها الفخامه اثنان امهات و4 اطفال
ابتسام وسوزى جيران بس اكتر من الاخوات.... قاعدين على طربيزه واقدامهم الشاى
سوزى :يا ولاد تعالو هنا
ابتسام:سيبيهم يلعبوا يا سوزى انا اصلا شويه وهاخد نادين وليلى وامشى
ليه بقى احنا مش هانخرج زى ما اتفقنا نشوف ايه اخر مودلات نزلت عاوزه اغير بقى زهقت من اللوك دا
ليه يا سوزى ما انتى زى القمر اهو واى حاجه بتلبسيها تحفه
ميرسى يا ابتسام بس انتى عارفه انا بحب اكون على الموضه
خلاص يا سوزى ماتزعليش هاروح اكل البنات وهشام واجى
ماشى هوا معتز على وصول بردوا خلاص نتقابل العصر خلاص
..........................
الاولاد بيلعبوا وليلى وشاهى واقفين متضايقين من مصطفى ونادين
مصطفى انا زعلانه اوى انك هاتبعد عنى
ليه بتقولى كدا يا نادين انا عمرى ما هابعد ابدا عنك
بس انت خلاص ها تسيب المدرسه بتاعتنا وتروح الثانوى
ايوه يا نادين بس هانكون باقى اليوم سوا وبعدين انا عاوز اكبر بسرعه علشان نكون مع بعض دايما
وانا كمان نفسى اكبر اوى علشان ندخل جامعه
بس انا نفسى اكبر علشان اخطبك ونتجوز
ههههه انت رخم اوى على فكره
كدا يا نادين دا بدل ما تقوليلى وانا كمان
ايه يا مصطفى كلامك دا احنا لسه صغيرين اوى على كدا
شاهى بتقرب ايه يا مصطفى مش ها تكمل لعب معانا
لا انا زهقت من لعبة الشايب دى
ليلى: لاء بالعكس حلوه اوى انا عاوزه اكمل اخر حكم كان فظيع اوى
نادين:كدا يا ليلى دا كان حكم صعب اوى ان انا افضل الف الجنينه 7 مرات
شاهى بحزن:ما مصطفى لف معاكى هوا يعنى سابك دا انتوا اكيد كان نفسكوا تفضلوا ماشيين كدا على طول
نادين بأحراج مش يلا يا ليلى زمان ماما عاوزانا
مصطفى لاحظ احارج نادين لاء يا نادين مش تمشى احنا لسه مش قعدنا مع بعض
معلش يا مصطفى علشان ماما تاخد دواها ومش نتأخر على بابا اكتر
خلاص بس تيجوا بكره
نادين وعينيها فى عين مصطفى اكيد
وابتسموا
..........................
ابتسام ونادين وليلى سلموا واستأذنوا يروحوا بعد السلام
سوزى بتقرب من مصطفى :مصطفى حبيبى هيا شاهى بنت خالتك شكلها متضايق ليه
وانا مالى متضايق
ليه كدا انت مش بتستظرفها ليه
لاء عادى بس هيا اللى بتدخل دايما فى اللى مالهاش فيه
مصطفى علشان خاطرى عاملها حلو انا بحبها
وانا مالى وبعدين ما انا بعاملها حلو خالص اهو يعنى انا بضربها
خلاص خلاص انت ايه ما بتصدق
خلاص يا ماما يلا علشان انا جعان موووووت
طيب يلا قول لشاهى تيجى
لاء معلش انا داخل قوليلها انتى بقى
الام ومصطفى بيمشى وبتبص عليه لا حول ولا قوة الا بالله مش عارفه انت مش مستظرف شاهى ليه وبصتلها دى حته بنت زى القمر ...ملكة جمال والله
..........................
ليلى بتذاكر فى اوضتها دخلت عليها نادين الحقينى يا نادين
ايه فى ايه مالك
ماما يا ليلى ماما مش بتنطق
ليلى ونادين بيجروا على اوضة مامتهم وهيا مش بتتحرك ليلى بما انها الكبيره بتحاول تفوق فى ولدتها مبتفوقش
نادين واقفه مش بتعمل حاجه غيربتعيط
ليلى بدموع يا ماما قومى مالك ...وبصت لنادين اتصلى بالدكتور بسرعه
نادين بدموع طيب..طيب
مسكت التليفون واتصلت ايوه يا دكتور ماما تعبانه مش بتتحرك تعالى بسرعه....وتلقائيا اتصلت بوالدها بابا ماما الحقنا ماما مش بترد علينا ولا بتتحرك خالص
هشام:طيب خلاص انا هاتصل بالدكتور وجاى على طول
نادين بدموع :خلاص يا بابا كلمته والنبى والنبى تعالى على طول
حاضر يا حبيبتى متخافيش كدا
بدموع اقوى انا خايفه على ماما اوى يا بابا
نادين قفلت مع باباها التليفون وفاتت لحظات كتير وهيا وليلى واقفين والدموع ماليا عينيهم ووشهم الدكتور بيجى وبيدخل لمامتهم ليلى بتدخل معاه وبتقفل الباب
نادين واقفه بره الاب بعد لحظات بسيطه بيدخل ها يا بنتى هيا فين
جوه فى اوضتها يا بابا والدكتور معاها
ربنا يستر
ليلى بتعيط اقوى وبتخرج تجرى على حضن نادبن ماما ماتت يا نادين
نادين وقعت فى الارض مغمى عليها
..........................
سوزى بترد على التليفون وهيا لسه فى سريرها الو
ايوه يا سوزى انتى لسه نايمه
ايوه يا معتز ...خير بتتصل ليه
طيب فوقى كدا عندى ليكى خبر
سوزى بتعدل نفسها على السرير وبتقعد خير يااارب نبرة صوتك مطمنش
ابتسام مراة هشام
ابتسام صاحبتى مالها يا معتز حصلها ايه
ماتت لسه عارف من دكتور محمد لوقتى لسه خارج من عندهم
سوزى مش قادره تستوعب كلامه انت بتقول ايه ابتسام مالها
سوزى كلنا هانموت اقوى كدا انا كلمتك علشان تروحى للبنتين دول زمانهم يا حبايبى مش عرفين يتصرفوا وحالتهم صعبه روحى اقفى جنبهم وصبريهم
وانا انا يا معتز مين يصبرنى على مووت اعز اخت وصديقه ليا
اهدى يا سوزى احنا عارفين انها صاحبة مرض وكنا متوقعين موتها فى اى لحظه
انا عارفه بس الموقف صعب صعب اوى ومكنتش اتخيل بالسرعه دى
سوزى اهدى كدا مينفعش وخلاص كدا متروحيش للبنات انتى كدا مش ها تهديهم انتى كدا ها تتعبيهم حرام عليكى
سوزى بتمسح دموعها خلاص خلاص انا هاروحلهم اهو
سوزى طلعت طقم اسود وطرحه سودا ولفتها وبتنزل على السلم الداخلى للفيلا وهيا بتبكى
ماما رايحه فين ومالك بتبكى كدا ليه
ابتسام ...وبدموع اكتر ابتسام ماتت
مصطفى بيرجع لورا يركن بضهره على السور طنط ابتسام وتخيل شكل وحزن نادين(ياحبيبتى يا نادين)وبتلاقئيه استنى يا ماما البس ونروح سوا
لاء لاء انا هاسبقك وتعالى انت على طول لازم اروح للبنات ربنا يصبرهم
مصطفى دموعه بتنزل اه ربنا يصبرهم
سوزى بتاخد مصطفى فى حضنها لما شافت دموعه يا حبيبى ....يا حبيبتى يا سوزى الله يرحمك
..........................
نادين نايمه فى السرير وفى حالة صدمة
مصطفى بيجرى على بيت نادين (اللى بعد الفيلا بتاعتهم بفيلا شاهى بنت خالته وعماره جيران تانيين) اول ما قرب دموعه زادت مجرد ما حس الاجواء اللى طاغيه على البيت
طلع بسرعه على شقه نادين ودخل
قرب من هشام والدموع ماليه عينيه"عمو هشام البقاء لله
بكف على كف البقاء لله...اه البقاء لله الله يرحمك يا ابتسام هاعمل ايه من غيرك
مصطفى عينيه بتدور على نادين سامع صوت بكائها قلبه بيوجعه عليها نفسه يدخلها دموعه مش قادره تقف من صوت بكائها عمى ممكن ادخل لنادين وليلى
الاب مش حاسس بحاجه مرضش
مصطفى مقدرش يمنع نفسه ودخلها ...شافها نايمه على السرير وبتبكى بحرقه
قرب منها ولا فرق معاه مامته ولا ليلى اللى فى حضن مامته مفطوره من البكاء ....حبيبتى يا نادين انا جنبك متخافيش
نادين بصتله وبصت حواليها على مامته واختها اللى انتبهت لكلام مصطفى وصمتت
اعملك ايه يا نادين علشان اهديكى شويه مش قادر اشوفك كدا
نادين بتحاول تنبهه ان فى حد حواليهم شكرا يا مصطفى الحمد لله انا كويسه وعينيها فى اتجاه تانى
مصطفى بنفس اتجاه عينيها شاف مامته وليلى اختها احرج طيب انا هاخرج لو اتحتاجتوا حاجه انا مع عمو هشام بره
نادين بدموع وعينيها على مصطفى وبصت الناحيه التانيه وكملت بكاء
خلص مراسم الدفن والسهره ونادين وشاهى دموعهم مش بتقف
مصطفى كل شويه يعمل حجة اى حاجه علشان بس يشوف نادين وكل مايشوف دموعها يبكى اكتر ليها
نادين كل ما تشوف مصطفى قلبها يطمن وتتماسك تعرف انها عاوزه تعيش علشانه وانه جنبها وكفايه هوا يصبرها عن فراق مامتها
..........................
فاتت سنين ... مصطفى دخل حقوق وشاطر اوى فى جامعته وفى اخر سنه
نادين فى 2 اعلام دايما مصطفى بيروح لها الجامعه وحبهم بيقوى مع السنين
ليلى اخت نادين مش بتفكر فى اى حاجه غير نفسها ومش شايفه غيرها وبس
شاهى مع نادين فى كليه اعلام... كل يوم حبها بيزيد لمصطفى فى صمت وكل ما تشوفه مع نادين تعرف ان حبها مستحيل وتقول لنفسها كفايه عليه احبه فى صمت
سوزى بتحب شاهى بنت اختها وجواها بتتمنى ان مصطفى يرتبط بيها
دى بدايه القصه اتمنى تنول اعجابكوا ونكمل مع الحلقه القادمه
ana 3an nafsy 3agbany aweeeeeeeeeeeeeeeeeeeeee
ردحذف