مصطفى بيحاول يفادى بنت ظهرت اقدامه فجأه فاتجه لشجره كبيره اصطدم بيها
الشارع بدأ يتجمع والناس وعينيها على العربيه" لا حول ولا قوه الا بالله"ياترى حصله ايه
راجل كبير بدل ما انتوا واقفين تتفرجوا حد يتصل بالاسعاف الشاب وشه كله دم
عربية الاسعاف بتيجى مهروله بتاخد مصطفى وبتطير على المستشفى
دكتور الاستقبال بيجرى عليه وهو نايم على عربية نقل المرضى وبيسعفه وبيطلب انهم يدخلوه على اوضه الاسعافات
ايه يا دكتور حالته خطيره
لاء الحمد لله اصابات بسيطه
اومال الدم دا مصدره ايه
اثار الجروح اللى على وشه ورقبته ..كويس فى جرح فى رقبته هنا لو كان اضغط عليه شويه كمان كان زمانه منتهى
الحمد لله اتكتبله عمر جديد
طيب ممكن يا دكتوره تطلبى منهم بره يشوفوه يطلع مين
حاضر ثوانى
................................................................................................................
سوزى: معتز تليفونك بيرن تعالى شوف مين
ماشى جيت اهو .. مين الرقم دا انا مش عارفه
طيب رد ما يمكن حد مهم
لاء سيبك مش هارد .. ممكن تحضريلى الغدا يا سوزى جعان اوى
حاضر يا حبيبى ثوانى بس وهايكون جاهز اخليهم يحضرولك السفره تحت ولا هاتاكل هنا
والله مش قادر انزل ياريت هنا..التليفون بيرن تانى معتز بيقرب تانى من الموبايل يشوف مين
لاء الرقم دا مصمم رد بقى يا معتز لا يكون حاجه مهمه
حاضر..الو
ايوه ابنى ..ماله ..جراله ايه..طيب انا جاى اهو وقفل بسرعه وبياخد هدومه اللى كان لسه بيغيرها وبيلبسها تانى
فى ايه يا معتز مين وماله مصطفى
عمل حادثه .. ودخل فى شجره بس بيقولولى حادثه بسيطه وهوا كويس
لاء قلبى مش مطمن
طيب اعمل ايه يا سوزى انا رايحله اهو هاطمن واكلمك اطمنك
وانت فاكر ان ممكن استنى ومجيش معاك
طيب يلا بينا
..........................................................................................................
نادين دموعها بتنزل ومخنوقه مش عارفه سبب الاحساس دا ايه
انا مالى بس انا مخنوقه اوى ليه كدا يارب ارحمنى وابعد عنى خنقتى دى يارب
حبيبى يا مصطفى يا ترى انت ممكن تكون تعبان من حاجه ومش بتقولى ربنا يستر
نادين مسكت التليفون وبتتصل بمصطفى واعطى اول رنه وقفلت على طول "انا ايه اللى بعمله دا
ممكن اكون بحرجه وهوا بيشتغل بس انا هاموت واطمن عليه بس هوا قالى ها يتصل لما يرجع يبقى اكيد لسه فى الشغل
انا هاقوم اصلى العشا واصلى ركعتين لله ربنا يبعد عنى خنقة قلبى دى
..............................................................................................................
مصطفى فى غرفه فى المستشفى بيتعمل اشاعه على دماغه زيادة اطمئنان
معتز وسوزى بيقربوا من موظف الاستقبال فين مصطفى معتز
مافيش حد اقدامى بالاسم دا
لسه جاى فى حادثة عربيه
اه عرفته .. غرفه 20
متشكريش..بيجروا مهرولين على الغرف مصطفى مفتح عنيه وبيتجاوب مع الدكتور
سوزى بتجرى على مصطفى ابنى حبيبى سلامتك
الله يسلمك يا امى متخافيش انا كويس
الحمد لله
معتز بيسأل الدكتور الحاله ايه
متقلقش يا فندم والله هوا كويس جدا شوية كدمات صغيرين
طيب الحمد لله علشان يبقى يخلى باله بعد كدا وهوا بيسوق "مصطفى اخد باله من تلميح باباه ومركزش معاه"الام
حبيبى يا مصطفى يارب كنت انا وانت مش يحصلك حاجه ودموعها بتنزل
متعمليش فى نفسك كدا يا سوزى هوا كويس اقدامك اهو
مش شايف وشه كل جروح ازاى
الحمد لله انها جت على اد كدا
الحمد لله
نفسك فى ايه يا حبيبى وانا اعمله ليك
مصطفى بدهاء "فرصتى" انتى عارفه يا امى ايه اللى نفسى فيه
الام بندم انها ضعفت اقدامه وعارفه انه هايستغل الفرصه.. لاء يا مصطفى مش ها يحصل
يبقى خلاص انا مش عاوز حاجه بس بردوا حضرتك لازم تعرفى لو متجوزتش نادين ..ولو شاهى اخر واحده فى الدنيا مش هاتجوزها
خلاص يا سوزى دا وقت الكلام دا
لاء يا معتز مش وقته
بس انا يابابا عارف انك انت اللى تقدر تقنع امى بموضوع جوازى بنادين
خلاص يا مصطفى اللى انت عاوزه هوا اللى ها يتم
سوزى بنظره حاده يعنى ايه
يعنى لما مصطفى يبقى كويس هانروح نطلبله ايد نادين
مصطفى بيقوم يقف طيب انا بقيت كويس اهو يلا بينا
الاب والام هههههه للدرجه دى طيب تخلص امتحاناتها
ماهيا ها تخلص الاسبوع الجاى على ما ناخد من باباها معاد
ماشى يا مصطفى اللى تشوفه يا حبيبى بس متخضناش عليك تانى كدا انت عارف اننا ملناش غيرك
حاضر ودلوقتى اجبلكوا مصطفى صغير ويبقى فى بديل وتبطلوا تتخضوا عليه وتنسونى خالص
يارب يا حبيبى افرح بولادك
.............................................................................................................................
مصطفى بيرجع البيت وباين عليه الارهاق واتصل بنادين
الو نادين حبيبتى .. انا اسف والله مش فضيت غير دلوقتى ..عندى ليكى مفاجئه هاتخليكى تطيرى من السعاده
..بابا قالى ان اخد من باباكى معاد ..ايوه يا حبيبتى بجد والله .. بعد ما تخلصى امتحانات.. وانتى عارفه
انه هايكون كتب كتاب وجواز على طول ..ماشى هاستنى المعاد امتى ...وانا بموت فيكى ..والله ولا انا مصدق ..ايوه الحمد لله اخيرا
ربنا عوض صبرنا خير ..خلى بالك من نفسك ..فى امان الله
مصطفى بينام على السرير بعد يوم طويل ومرهق
وبيفتكر الحادثه وانه مش كان قادر يسيطر على العربيه خالص ومتأكد ان دا كان بفعل فاعل ومتأكد ان صابر وقرايبه هما السبب
هوا دا "الدرس اللى عاوزين يدهولى "بس انا مش هاعدى الموضوع على خير
فضل الليل كله مش عارف ينام وبعد طول تفكير طلع فجر يوم جديد
مصطفى فى ركعته الاخيره بيسلم وبيدعى ربنا انه يوفقه فى قراره اللى اخده
..................................................................................................................................
ليلى حزينه بتقرب من الكمبيوتر وبتدور على خالد دخلت شافته اونلاين
هاى يا خالد اذيك
اهلاااا ماهى انتى فين من زمان
فى الدنيا
ايه مالك
ماليش انا كويسه وانت
كويس .. بردوا
قولى يا خالد بما انك ولد يعنى لما تبقى معجب ببنت وهيا كمان بينت اعجابها بيك
ها
وفجأه تختفى ولا تحاول تسأل عليها ولو هيا سألت وطلبت تشوفك تديها مواعيد مش مظبوطه دا اسمه ايه
اسمه انه بيخلع
بس هما محصلش بينهم حاجه خالص تخليه يخلع
لاء هوا مش موضوع حصل حاجه اصل ممكن يكون فعلا اتعلق بيها وهوا من نوع الشباب اللى مش عاوز يحب ولا يتعلق فا بيحاول ينساها
ممممممممممم
ودى طريقة معظم شباب اليومين دول "زى ما عملت مع ليلى "بس ليه بتسألى
مجرد سؤال
اوك اخبار كليتك ايه
تمام وخلصت امتحانات كانت اخر ماده واخر سنه ان شاء الله لو عديت بقى
وقررتى ايه
والله لسه مش حاجه معينه
بس اكيد بتفكرى او بتحلمى بحاجه معينه
لاء انا بس فعلا عاوزه اتغير وافك بقى من جو الحياه الهايفه اللى عايشاها دى وانزل مع بابا شغله
بجد خطوه حلوه ..بس هو باباكى بيشتغل فى مجال ايه
التجاره
بجد مبسوط اوى انك اخدتى الخطوه دى ربنا معاكى
ربنا يخليك بس انا لسه بفكر .. مش اخدت القرار
اوك ربنا معاكى وبجد عجبتينى اوى
...........................................................................................................................................
مصطفى فى المكتب محمد بيدخله .. استاذ مصطفى الجماعه بتوع كل يوم هنا
جريمه القتل
ايوه
طيب خليهم يدخلوا
مصطفى بهدوء اتفضلوا
اهلا يا استاذ مصطفى خير ايه الاصابات اللى فى وشك دى
بسيطه الحمد لله حادثه بسيطه كدا
طيب الحمد لله انها جيت على اد كدا يا استاذ مصطفى اصلك بتمشى على طريق ربنا يكفيك شر طريقك
ايوه ويكفينى كمان شر ولاد الحرام
ياارب اصلك مش حمل شرهم
"مصطفى ملاحظ الكلام المستخبى ورا ردودهم"
ان شاء الله هاخلى بالى
طيب عملت ايه يا استاذ فى القضيه بتاعتنا
اطمنوا خلاص بقت قضيتى
لاء ما احنا مطمنين ..احنا عاوزين نعرف هاتعمل ايه وهايطلع امتى
متقلقوش خلاص الموضوع بقى قضيتى انا
يعنى نطمن
ايوه اطمنوا
ماشى طيب اتعابك ايه
لما القضيه تخلص هاخد ان شاء الله
ماشى واعرف كل اللى ها تطلبه هاتاخده واكتر كمان
ان شاء الله
.................................................................................................................
نادين وشاهى واقفين بيدوروا على النتيجه
نادين بفرحه الحمد لله يا شاهى انا نجحت
وانا كمان يا نادين .. نجحت
الحمد لله يا حبيبى ..تقديرك ايه
جيد يا نودا الحمد لله وانتى
جيد جداً الحمد لله
طيب يلا نروح بقى نطمنهم فى البيت ها تيجى ولا ها تستنى حد
لاء هاجى معاكى يلا
يلا بينا
.......................................................................................................................................................
مصطفى ونادين نظراتهم بتحكى عن فرحتهم اللى جواهم
سوزى وليلى جنب بعض ... معتز وهشام خلصوا كل التفاصيل واتفقوا على كل حاجه
يلا يا جماعه نقرأ الفاتحه
مصطفى بيشارك فى الحديث قبل قراءة الفاتحه
الكل بينتبه
الفرح اخر الشهر دا ان شاء الله
هشام ..ليه السرعه دى دا مافيش وقت هاتلحقوا تخلصوا امتى
سوزى ما هما ها يتجوزوا معانا فى الفيلا مش كدا يا مصطفى ايه رأيك يا نادين
نادين بخجل اللى تشوفوه
مصطفى ايوه يا امى ها نتجوز فى الفيلا لفتره وجيزه بس
طيب على بركة الله نقرأ الفاتحه يا جماعه ولا حد عاوز يقول حاجه تانى
مصطفى لاء يا بابا خلاص
الكل بيقرأ الفاتحه وسعداء
وخصوصاً مصطفى ونادين مش متخيلين ان حلمهم اخيراً ها يتحقق
..........................................................................................................................
هشام فى بيته التانى قاعد على الارض ومعاه ابنه
شوف يا حبيبى القطر دا حلو ازاى
بيمشى ازاى يا بابا
بطاريه يا حبيبى
البطاريه فين
عزه بتقرب متتعبش بابا يا اسر كفايه اسئله بقى
سيبيه يسأل براحته يا عزه انا مش عاوز اتحرم من صوته ابدا
ربنا يخليك ليه يا حبيبى بس انا عاوزه اتكلم معاك
طيب هاجى اهو هاروح اشوف ماما عاوزه ايه يا اسر وارجع نلعب تانى
هشام وعزه فى اوضتهم هشام بينام على السرير يااه الراحه حلوه انا والله مش عاوز انزل والله الشغل واريح بقيت اليوم
عزه بتقعد جنبه على طرف السرير بتوتر معلش ربنا يديك الصحه
يارب ها قولى عاوزه تقولى ايه
بصراحه بقى يا هشام الوضع دا مبقاش عاجبنى ولا قادره افضل ساكته كدا ومقولش اللى جوايا
قولى ايه اللى جواكى
انا لازم قبل بنتك نادين ما تجوز تعرف انك متجوز وعندك ابن مش عاوزاها تكسف منك بعد جوازها او تكسر قلبها
مش فاهم
افهمك يعنى انت لو مقولتش اننا متجوزين وبعدين اهل جوزها عرفوا شكلها هايكون ايه اقدامهم
والله انا مفكرتش فى حاجه زى كدا بس مش ها ينفع اقولهم مره واحده كدا انا متجوز وكمان عندكوا اخ عنده 6 سنين
ما انا قولتلك كتير يا هشام تقولهم مكناش ها نبقى قلقانين كدا
ما انا كنت خابف عليهم مش هاينين عليه اكسر بخاطرهم واحسسهم ان نسيت امهم
بس دى سنة الحياة ولازم بقى يعرفوا وهما كبروا وهايقدروا وخلاص ليلى خلصت السنه دى ونادين لسه ليها السنه دى بس وكمان هاتتجوز
خلاص يا عزه انا هاقولوهم بس براحه كدا وها جيبها واحده واحده
انا عندى فكره
ايه هيا
انت تقول لخطيب نادين وهوا يقولهم وانت بتقول انه طيب ومحترم اكيد ها يقدر يساعدك وكمان يبقى مخسرتوش
خلاص سيبيها لله انا هاتصرف
ربنا يخليك لينا يارب يا هشام والله انا هاحبهم اوى وهاعملهم بما يرضى الله
انا عارف طيبة قلبك سيبيها لله
..........................................................................................................................................
مطفى واقف فى المحكمه ولابس روب المحاماه وبدأة الجلسه الاولى والتانيه والتالته وبدأ الدور يقرب من صابر
صابر واقف فى القفص وحواليه قرايبه
مصطفى بيبص ليهم وسرحان
بدأ اسم الحاجب يعلى بأسم القضيه بيقرب واحد من قرايب صابر ها يا استاذ دورنا ؟
اه توكلت على الله
بيقرب من القاضى ووقف فى المنصه سيدى القاضى حضرات المستشارين امامنا اليوم
ليست هناك تعليقات:
إرسال تعليق