مصطفى بيقرب من القاضى ووقف فى المنصه سيدى القاضى حضرات المستشارين امامنا اليوم
قضيه يجب ان اكون انا الدفاع عن المتهم ولكن اطلب من حضراتكم ان تسعوا صدوركم لى وتسمعوا منى بصدر رحب ما لدى
فهذا المتهم صابر قام هوا وعائلته بمحاولة قتلى وتهديدى بأننى ان لم اترافع عن ابنهم وان لم اقوم بتبرئة موكلهم صابر سوف ينهونى
قرايب صابر بيحاولوا يفهموا ايه اللى بيحصل وبيتكلموا مع بعض بوشوشه هوا بيعمل ايه
مصطفى بيكمل .. وانا سيدى القاضى لا القسم الذى عهدته على نفسى ولا ضميرى يسمح لى بأن ابرء شخص قاتل ظالم قلبه ميت
اهل القتيل يهللوا ظهر الحق ظهر الحق الله يباركلك وزغاريط تتعالى
قرايب صابر بيحاولوا يخرجوا
مصطفى وعينيه عليهم ارجوا من سيادتكم التحفظ عليهم سوف يحاولون الهرب
"القاضى "
امنعوهم وتحفظوا عليهم حتى التحقيق معهم ..قرب القائمين على باب المحكمه و سيطروا عليهم بعد محاولتهم الهرب والتصدى لهم
انا اطلب من سيادتكم الحمايه لى ولعائلتى لانهم سوف يحاولون الفتك بى او بهم انتقاماً منى
حكمت المحكمه بتأجيل القضيه والنظر فيها يوم ..نظراً لما طرأ علينا من مستجدات سوف تغير من مسار القضيه .......................................................................................................................................
مصطفى بيخرج من المحكمه وهوا سعيد مكنش ممكن يعمل غير كدا ومطمن ان ربنا معاه "اللى معاه ربنا مش ممكن يخاف من اى حاجه"
بيركب عربيته وبيروح على مكتب باباه بيدخل مكتبه وبيقفل عليه
بيتأمل لحظات وبيسترجع شريط اليوم كله اقدامه
الباب بيخبط بيفوق من شروده اتفضل
سكرتيرة مكتبه استاذ مصطفى فى موكلين والد حضرتك قالى ادخلهم لحضرتك
اوك خليهم يتفضلوا
.............................................................................................................................
نادين بتنزل هيا وليلى وبيشوفوا فستان فرح ليلى بعد ماخلص تفصيل اول بروفه ليه
ها يا ليلى ايه رأيك
زى القمر بجد يا نودا بجد يا حبيبتى حلوه اوى
بجد شكرا يا ليلى انك معايا فى يوم زى دا حسستينى ان امى مماتتش
ليلى بتقرب منها وعينيها فيها دموع انا اسفه يا نادين ان كنت بعيده وقاسيه اوى عليكى
مش مهم المهم انك رجعتيلى ومعايا
ليلى بتبوس خد نادين حبيبتى ومش هاسيبك تانى ابداً
ربنا يخليكى ليا
.............................................................................................................................
شاهى بتقوم من النوم وبتقرب من النتيجه وبتقطع يوم جديد ودموعها نزلت خلاص لسه 10 ايام بس يا مصطفى وتكون حتى مش من حقى افكر فيك
الام بتدخل شاهى صحيتى
شاهى ضهرها لمامتها وبتمسح دموعها بسرعه وبتتلفت مبتسمه ايوه يا مامى ونازله افطر معاكو
طيب يا حبيبتى انزلى بابى قاعد مستنيكى عاوزك
حاضر يا مامى هادخل التواليت والبس وانزل
ماشى حبيبتى انا وباباكى مستنينك الام بتقفل وهيا حزينه حاسه ببنتها
الام بتقعد على السفره ومدحت قاعد ايه مالك وشاهى منزلتش معاكى ليه
نازله ورايا بس شكلها حزين اوى رغم ابتسامتها اللى رسماها على وشها
متقلقيش انا هاعرف اخليها مبسوطه لما تنزل
يارب
شاهى بتنزل وعلى وشها ابتسامه بتدارى حزنها هاى بابى جود مورننج
حبيبتى عندى خبر ليكى ها يخليكى طايره من الفرح
بجد يا بابى ايه هوا
البرنامج بتاعك جاهز وكمان انا داخل في القناه دى بأعلى نسبة اعلانات علشان تقدرى تعملى فيه كل اللى نفسك فيه
بجد يا بابى دا احلى خبر انا سمعته ربنا يخليك ليا بجد
ويخليكى ليا يا حبيبتى نفسك فى ايه تانى وانا اعمله ليكى
شاهى بحزن الحمد لله يا بابى انا مش نفسى فى حاجه انا بجد اتبسط اوى بخبر البرنامج دا هايسلينى وينسينى كل حاجه
...........................................................................................................................
باب مكتب مصطفى بيخبط
السكرتيره بتدخل على مصطفى وهوا منهمك فى الاوراق اللى اقدامه
استاذ مصطفى ..استاذ معتز عاوز حضرتك
ماشى يا شيماء جاى وراكى
مصطفى بيخبط على باب معتز وبيدخل ايوه .. حضرتك طلبتنى
ايوه .. اقعد
ممكن تقولى مين دا اللى جرايد كاتبه عنه
ممممممممم
ممكن تقرأ الخبر اللى اقدامك وتسمعنى
القضية التى قلبت الموازين حيث ان هناك محامى صغير اسمه(مصطفى معتز) لم نسمع عنه من قبل
من منطقه شعبيه اطاح بكل المتهمين وقلب القضيه رأساً على عقب فتعتبر هذه القضيه غريبه جداً
على اذهاننا حيث ان من رابع المستحيلات ان نجد ان دفاع المتهم هوا من يبطش به
فعليه فأن المحكمه امرت
متكملش ايه اللى بسمعه دا محامى ايه ومكتب صغير ايه اللى فى منطقه شعبيه اللى انت فتحه
يا بابا انا
انت ايه وزفت ايه ازاى توقع نفسك مع العالم دى
وازاى تفتح مكتب من ورانا وجبت فلوسه منين
من الفيزا بتاعتى
يعنى دا جزاتى ان بتعامل معاك على انك انسان كبير وواعى تقوم تعمل كل دا من ورايا
انا اسف يا بابا بس انا كان نفسى اساعد الناس الغلابه اللى مبيقدروش يجيبوا حقهم من فقرهم
وخلاص انت اللى هاتنصر الناس كلها اديك وقعت مع عالم مبيرحموش
دول اللى كنت بتقولى واحد صاحبك واكيد هما السبب فى حادثة العربيه انا مش عارف انت بتعمل فينا وفى نفسك ليه كدا
انا اسف يا بابا والله انا فعلا مكنتش اتمنى دا كله يحصل
واللى انت عملته النهارده فى المحكمه هايعدى بالساهل ربنا يستر انت لازم تسيب البلد خالص وتسافر
اسيب البلد واسافر مستحيل طبعا
انت كمان لسه بتكلم
يا بابا انا مغلطش ومش خايف انا معايا ربنا واكيد ربنا مش ها ينصر الشر
بس انا مش حمل ان انا او والدتك نفضل نستنى هايحصلك ايه بكره
ياريت يابابا ماما متعرفش حاجه علشان متقلقش واكيد انا مش هاموت ناقص عمر
انت هاتجننى
يا بابا انت مؤمن وانا اتعلمت ايمانى منك وانا وانت عارفين لو عمرى لحد كدا ها يخلص دى اقدار سبحان الله
انت بتمسكنى من ايدى اللى بتوجعنى
لاء والله يا بابا انا بس بفكرك بكلامك
انا اب يابنى وخايف عليك وهافضل عايش فى قلق مستنى امتى يحصلك حاجه
لاء يا حبيبى متخافش ربنا عمره مش ها ينصر الشر
يااارب بس ممكن متعملش حاجه تانيه من غير ما تقولى ممكن ولا مش ممكن
حاضر وانا اسف للمره التانيه ان خبيت عليك وقلقتك كدا
...................................................................................................................
ليلى بتدخل تكلم خالد من كمبيوتر الشركه
خالد اذيك
ماهى انتى فين والله مش مصدق انك بقيتى اونلاين
معلش والله مشغوله فى تجهيز فرح اختى..ومع شغل بابا وبجد ما صدق ان جيت الشغل وساب كل حاجه عليه
معلش يا ماهى انتى شاطره وادها بس انا فعلا اتعلقت بيكى اوى وحسيت انك فعلا بتوحشينى جدا
ما احنا اصحاب
لاء اتعلقت بجد وبجد عاوز اشوفك وتكون علاقتنا متطوره عن كدا
بس يا خالد انا قررت ان فعلا مش هارجع تانى لحياتى اللى فاتت
ومالها يعنى حياتك اللى فاتت مش فاهمك
يعنى خروج واصحاب وسهر بره ونت وتعارف والكلام دا
بس انا عاوز نشوف بعض ونتكلم وفى مفاجئه انا محضرها ليكى مش عارف ها تتبسطى منها ولا لاء
مفاجئه ايه
الاول انتى لسه فاكره شكلى ولا نستينى
لاء والله يا خالد بس على ما اذكر انت الصوره اللى كنت ورتهانى شبه حد اعرفه
والله طيب عموما قولتى ايه
فى ايه
اننا نشوف بعض
سيبنى افكر فى الموضوع يا خالد
ماشى يا ماهى وانا هاستناكى
بس انت ممكن متعرفنيش
ليه
شكلى اتغير
ازاى
لما نقرر نشوف بعض ها قولك ازاى
ماشى يا ماهى بس ياريت اشوفك بجد
..................................................................................................................................
مصطفى فى اقدام باب الكوافير مستنى ليلى تخرج ومش مصدق انهم بجد خلاص اتكتب كتابهم ومن الليله دى هايكونوا مع بعض على طول
نادين بتخرج وهيا فى احلى صوره ليها ومبتسمه وعينيها بتدور على مصطفى لحد ما شافته
مصطفى بيقرب من ليلى ومش قادر يتصور السعاده اللى مالكه قلبه قرب اخد ملكته وباسها من جبينها
بحبك اوى يا نادين
نادين بخجل وانا كمان بحبك اوى
ليلى بتقعد مع ليلى فى العربيه اقدام ونادين وومصطفى بيركبوا ورا
محمود هوا اللى بيزفهم وقاعد جنب ليلى
كل ما عينيهم تتقابل يرجعوا يبعدوا
اذيك يا ليلى
الحمد لله يا محمود انا كويسه
مصطفى ونادين قاعدين وايديهم فى ايد بعض مش قادرين يسيبوا ايد بعض كأن فى حد ها يبعدهم عن بعض
فى عربيه بتمشى وراهم لحد ما وصلوا باب القاعه
.........................................................................................................................................................
مصطفى فى القاعه هوا ونادين بيرقصوا ومبسوطين
فى عين بتراقبهم وكلها حزن بس بتحاول تدارى حزنها بأبتسامه مصطنعه على وشها
سوزى بتقرب من شاهى وولدتها والدها ايه يا جماعه فى حاجه ناقصه على التربيزه اجيبها ليكوا
الام لاء يا سوزى مش محتاجين حاجه والف مبروك لمصطفى رغم انك جوزتيه بدرى يعنى
سوزى بكسوف : اه ماهيا الحادثه اللى حصلت دى هيا اللى سرعت كل حاجه
مدحت بيدخل المهم ربنا يسعدهم يا سوزى الف مبروك ولو عاوزه حاجه ابقى عرفينى
ربنا يخليك
صحيح يا سوزى اول حلقه من برنامج شاهى يوم السبت ابقى تابعيها بقى وقوليلنا رأيك
اكيد حبيبتى هاتبقى مذيعه شاطره وكمان زى القمر
شاهى بأبتسامه ميرسى يا طنط
...........................................................................................................................................................
محمود بيقرب من ليلى وبيطلبها للرقص
ليلى بترفض بأدب معلش يا محمود مش قادره والله
براحتك وسابها ومشى
طول الفرح وهما الاتنين بيخطفوا نظرات لبعض بس كل ما عنيهم تتقابل يندموا انهم شافوا بعض وعنيهم بتغلبهم
الفرح خلص بسرعه اوى معتز
ولا بسرعه ولا حاجه يا سوزى انتى بس اللى فرحانه نفسك اليوم يطول اكتر
اه والله مش مصدقه ان شايفه مصطفى عريس
ربنا يسعدهم
يارب
مصطفى ونادين بيمسكوا ايد بعض وبيخرجوا من القاعه والكل بيبارك وبيهنى
بيركبوا العربيه وبيطلعوا على الاوتيل اللى ها يقضوا فى اول يوم ليهم
نفس العربيه بنفس الاشخاص طالعين وراهم اللى كانت وراهم وهما خارجين من الكوافير
...........................................................................
...........................................................................
gamelaaaaaaaaaaaaaaaaaaaaaaaaaa awe bas osayaraaaaaaaaaaaa awe leh msh katabty kteeeeeeeeeeeer bas walahy gamelaaaaaaaaaaaaaa:)
ردحذفمنتى حبيبتى اول لايك فى المدونه فرحت بالكومنت بتاعك جدااااااااااااااا
ردحذف