مصطفى بيروح يقعد اقدام ليلى وهيا منهاره ليلى
انت ليه عملت كدا يا مصطفى
لان دا اللى هايحصل فعلا
انت بتقول ايه انت اخويا
ما انا هاقولك
تقول ايه بس يا مصطفى
احنا هانتجوز على الورق بس واعرفى انك اختى وهاتفضلى اختى وبس
والناس تقول عليه ايه يا مصطفى لاء انا طبعاً مقدرش
لاء الناس مش يهمونى فى حاجه بس انتى فى حد تانى فى حياتك لو فى قوليلى وانا هاقف جنبك ومش هاسيبك ابدا وكمان مش تضيعى احلامك جنبى
لاء يا مصطفى ما فيش حد بس انا فعلا مش هاقدر اعمل كدا ابدا حتى لو على الورق
والله يا ليلى مش بمزاجكك قولتلك انك اختى ومش هاسيب حد يأذيكى وانا مش شايف حل تانى
بس يا مصطفى
بس ايه انتى عندك حل تانى واعتقد انتى اكتر واحده عرفانى مش هاتخافى على نفسك منى وعارفه كلمتى
وافرض حبتنى
ههههههههه انا لاء اطمنى انا قلبى قفلته بمفتاح ورميت مفتاحه لنادين ليوم ما اقابلها ان شاء الله
طيب يا مصطفى وانا موافقه بس انا بقولك اهو اوعى تحبنى لانى مش هاقدر احبك انت لاخر لحظه فى عمرى هاتكون جوز نادين
يلا يا ليلى اقدامنا مشوار لازم نعمله
ايه هوا يا مصطفى
لما نوصل ها تعرفى
.....................................................
معتز عنده عملا
بيمسك تليفون المكتب لو سمحتى يا سماح شوفيلى مصطفى وابعتهولى
حاضر
خلاص متقلقوش مصطفى ابنى واحسن منى فى القضايا الجنائيه
خلاص يا استاذ معتز المهم القضيه تخلص على سلام حضرتك عارف معاز ابنى لا ليه فى خناق
ولا مشاكل منهم لله اللى عاوزين يضيعوه
معلش والله خلاص القضيه هاتخلص على خير
ان شاء الله
تليفون الدااخلى بيرن ها ياسماح
مش موجود
ليه راح فين
محدش يعرف يا فندم والله
هوا خرج من غير ولا كلمه
ماشى بس لما يجى يجيلى على المكتب
حاضر
انا متأسف اوى يا استاذ سيف مصطفى مش موجود دلوقتى شكله وراه قضيه فى المحكمه
خلاص يا استاذ معتز مش هاعطلك اكتر من كدا ومتشكر اوى
معتز بيقف وبيسلم شرفتوا ونورتوا والله يا جماعه ..واجل الشكر يا استاذ سيف مع البراءه ان شاء الله
ان شاء الله
......................................................................................................................
مصطفى بيوصل عند مكان وبينزل هوا وليلى من العربيه
وبيقربوا من مقبرة نادين
مصطفى بياخد ايد ليلى نادين حبيبتىى جيتلك انا وليلى علشان تعرفى ان مش بخونك
ليلى بتبكى على كلام مصطفى اللى اثر فيها اوى
انا وليلى جينا نقولك اننا بنحبك اوى وانا مضطر اننا نتجوز علشان احميها والله يا نادين
انا عارف انك كنتى هاتبقى عاوزانى اكون دايما جنبها وجنب اخوكى
صحيح يا ليلى نادين متعرفش ان بقى ليها اخ
ليلى بتهز راسها لمصطفى وودموعها مليه وشها صعبان عليها حبه الكبير لليلى وكلامه اللى بجد وجع قلبها
ايوه يا نادين والله ليكى اخ صغنن وشبه باباكى اوى انا بحبه علشان هوا جزؤ منك
وهاحافظ على ليلى علشان هيا بردوا جزء منك
اوعى تزعلى منى يا نادين او تتخيلى ان ممكن اخونك
انا عندى اموت ولا افكر فى حد غيرك هاجيلك دايما انا وليلى مش انتى يا ليلى هاتيجى معايا
ليلى بدموع ووجع قلبها بتهز راسها بأه
......................................................................................................................
ليلى بتدخل لعزه وباين عليها الدموع
مالك يا ليلى
مافيش يا طنط
على فكره عمك جه هنا تانى من شويه وسأل عليكى
تانى دا مبيفهمش بقى
ليه
هادخل انام يا طنط ولما اقوم احكيلك كل اللى حصل وعلى فكره يا طنط انا ومصطفى هانتجوز
على الضيق كدا الخميس الجاى
انتى ومين
طنط ادعيلى بجد لو كنتى فعلا حبيتى بابا
يا حبيبتى يا ليلى بدعيلك والله ومش علشان خاطر باباكى
علشان انا فعلا حبيتك يا ليلى وفعلا حاسه انك بنتى
يا طنط متكبريش نفسك اوى كدا
خلاص اختك وفعلا اتمنى اشوفك سعيده
ربنا يخليكى يا طنط هانام واقوم احكيلك كل دا حصل ازاى
ماشى يا ليلى
.......................................................................................................
سوزى قبل كتب كتاب مصطفى وليلى
قاعده اوقدام مقبره مكتوب عليها ابتسام وجنبها مقبره تانيه مكتوب عليها هشام
انا اسفه سامحونى ان عملت كدا فى نادين بس والله غصب عنى
انا مش قادره اعرف اذا كانت عايشه ولا معاكوا
الدكتور اللى نقلها مات فى حادث بشع ربنا انتقم منه
ياترى انتقام ربنا منى هايكون عامل ازاى
ربنا يرحمنى برحمته ويغفرلى عارفه يا ابتسام انك زعلانه منى
سامحينى والله ماكنت حاسه انا بعمل ايه كنت نفسى اطمن على ابنى بس
لو نادين جتلكوا قولولها تسامحنى والله مقصدش اعمل فيها كدا
انا ام وكان نفسى اطمن على ابنى
واطمنوا ليلى خلاص معانا واسر كويس يا هشام وهاشيلهم فى عينيه وها عوض الذنب اللى عملته فيهم
يارب تسامحونى ويغفرلى ربنا
مش عارفه هاكون معاكوا امتى تحت التراب
انا مش بنام من ندمى
بعد دموع كتير وتوسلات لحظه انها اتأخرت وقامت تمشى
.......................................................................................................
الام بتدخل على شاهى وهيا قاعده على الكمبيوتر فى اوضتها وبتتفرج على صفحتها
شاهى حبيبتى عمتو سوزى اتصلت وبتقول كتب كتاب ودخلة مصطفى وليلى يوم الخميس الجاى
شاهى بعدم تصديق ..مصطفى وليلى مين
مصطفى ابن عمتك وليلى اخت نادين مراته
ايه
والله دا اللى حصل والفرح بعد بكره
بجد يا مامى مش قادره اصدق فى نداله كدا فى الدنيا
يا بنتى الله يعلم بظروفهم ايه
اى ظروف دى يا مامى اللى ممكن تخلى اخت تتجوز جوز اختها ولسه مبقلهاش سنه ماتت وكمان
ملناش دعوه احنا فوقى انتى لحياتك
ياااه يا مصطفى طلعت انسان وحش اوى كنت فكراك انسان محب بجد
هاتروحى
اروح فين لاء طبعا يا مامى مستحيل اشارك فى المهزله دى
ماشى هاقول لباباكى
شاهى بدموع يا حبيبتى يا نادين الله يرحمك
.......................................................................................................................................
فاتت سنه على جواز ليلى ومصطفى وهما كل خميس يروحوا يقرأوا الفاتحه على روح نادين
مصطفى بدأ ينجذب لليلى وليلى حبته جدا وكل شويه تفتعل معاه المشاكل وتبعد عنه وتندم انها حبته
وحاسه انها بمجرد احساس الحب فى قلبها لمصطفى تبقى بتخونها
شاهى اتجوزت محمود وعايشه بسعاده وتفاهم وبعيده خالص عن ليلى ومصطفى ومعاها اول بنوته
سوزى اصابت بمرض انتشر فى كل جسمها وفى النهائيات
محمود بعد جواز ليلى اتجه للاخوان وبعد عن كل حاجه ممكن تخليه يغلط وقطع علاقته بمصطفى علشان ميحسش انه ممكن يخون مصطفى حتى فى تفكيره
نادين على حالها كل يوم تحرك جفن واسامه عمره ما زهق ولا فكر يسيبها لحظه
.........................................................................................................................
ليلى نايمه على السرير ولابسه قميص
الداده بتدخل تجرى مدام ليلى الحقينى مدام سوزى الحقيها
ليلى بتخرج تجرى ومش واخده بالها من لبسها
مصطفى بيكون داخل بيخبطوا الاتنين فى بعض بتقع ليلى فى حضن مصطفى
مصطفى بيستسلم لاحساسه بيها اللى بدأ يغلبه وتعب من تمثيله دور الاخوات
ليلى بتفوق من ضعفها وبتبعد عن مصطفى وبتجرى على اوضتها تانى
مصطفى واقف يبص على ليلى وهيا بتجرى واول مره يشوفها لابسه قميص
الداده بتفوقه استاذ مصطفى الحق مامتك تعبانه اوى
مالها يا داده
شكلها
مصطفى مكملش الكلمه وجرى على مامته لقاها فعلا انتقلت الى مولاها
بدموع الله يرحمك يا امى
...................................................................................................................
ليلى قاعده فى الفيلا ومعاها ناس كتير لابسين اسود نادين بتدخل وبتسلم على ليلى بأيديها من غير ما تقرب تبوسها
قعدت شاهى وهيا بتتجنب نظرات ليلى اللى كلها تساؤل
خلص العزا ومعتز ومصطفى وليلى بيتقفل عليهم البيت لاول مره من غير سوزى
ليلى بتقرب من مصطفى اقوم يا مصطفى اطلع ارتاح
وانت يا عمو اقوم اطلعوا ارتاحوا من الصبح مرتاحتوش لحظه
مش متخيل ان ابتسام خلاص ماتت
الله يرحمها يا عمو حرام كلامك دا بجد
....................................................................................................................
اسامه بيقرأ فى قصه لنادين زى ما بقاله فتره طويله بيعمل فى كل رست او يوم اجازه ليه لازم يقضيه مع نادبن
نادين بتهمس
اسامه بيسيب الكتاب من ايده انتى فوقتى يا نادين
مـ ص
استنى يا نادين هارجعلك حالا
اسامه بيخرج بفرحه يا دكتور يا نيرس نادين فاقت جد يجى
.....................................................
.....................................................
ليست هناك تعليقات:
إرسال تعليق