نادينى .. الحلقه ال 16

سوزى قاعده فى اوضه نومها ودموعها على خدها وبتفتكر يوم اتفاقها تانى مع الدكتور

خلاص يا دكتور متقلقش والله عمرى ما رجع تانى فى كلامى

طيب دلوقتى انا اقدامى الجثه والناس اللى تخصوهم الجثه عاوزين مبلغ كبير

سوزى بضيق مش انا اديتك الشيك

ايوه بس مايكفيش دول طالبين 200 الف جنيه

ياااه كتير اوى ..بس بردوا المبلغ اللى فى الشيك مش بسيط

لاء مش كتير ولا حاجه دى جثه شبه نادين وكمان نفس الحجم تقريبا

خلاص ماشى بس ياريت كل شئ يتم النهارده ويتم الدفن بكره والناس كلها مشغوله علشان محدش يدور

ايوه ما انا ان شاء الله هاخلص تصريح الدفن  وكل حاجه النهارده وتدفن على بكره الظهر

ايوه اصل لو مصطفى فاق قبل الدفن هايطلب يشوفها وممكن يحصل مشاكل

طيب واختها مش هاتقلقى ممكن تطلب تشوفها هيا كمان

لاء ليلى يوم باباها خافت تشوفه ودفناه على طول هيا حساسه اوى للامور دى المشكله كلها مصطفى لازم تدفن قبل ما يفوق

خلاص ان شاء الله متخافيش كل حاجه هاتم زى ما اتفقنا

سوزى بتفوق من سرحانها على صوت معتز بتحاول تمسح دموعها قبل ما يشوفها

....................................................................................................................................

مصطفى  بيروح لقبر نادين وبيقف وبيقرأ ليها قرأن 

بيقرب من القبر اكتر وبأيديه يا حبيبتى يا نادين وحشتينى اوى

انا مش قادر اعيش من غيرك ابداً منهم لله حرمونى منك بس وحياة حبك فى قلبى اللى كل يوم بيزيد مش بينقص لاخلى كل حد كان ليه ايد فى حرمانى منك يندم

وحشتينى اوى يا نادين وحشنى كسوفك وحنيتك عليه ولهفتك

وفضلت دموعه تنزل والوقت بيجرى لحد ما فاق من حزنه وودع نادين وساب قلبه معاها ومشى

..........................................................................................................................................
سوزى بتقعد جنب معتز بعد مرور شهرين

معتز انت هانسيب مصطفى كدا كتير

تقصدى ايه يا سوزى

اقصد طول ما احنا سيبينه كدا هايفضل حزين لازم نبسطه

مش فاهم نبسطه ازاى

لازم نجوزه يا معتز

نجوزه ايه انتى اتجننتى

ماهوا عمره ما هاينسى نادين ولا حزنه عليها غير انه يبقى ليه حياه تانيه واولاد واحنا كمان نشوف ولاده

لاء انا عن نفسى عمرى ما هاقدر اتكلم معاه فى حاجه زى كدا على الاقل مؤقتاً

ماشى انا هاتكلم معاه ما انا معملتش كل دا علشان يفضل يعيط عليها طول العمر

مش فاهمك انتى عملتى ايه

معملتش حاجه يا معتز انا بس بقول نفسى اشوفله ولد قبل ما اموت

بعد الشر عليكى ان شاء الله نشوفه فرحان ودى اهم حاجه

يعنى منفسكش تشوف ولاده

لاء طبعا نفسى بس الاكتر اشوفه هوا مبسوط 

.......................................................................................................................................
ليلى فى الشركه بتخلص وتمشى كل الشغل اللى واقف

موظف بيستأذن للدخول استاذه ليلى ممكن تمضيلى الاوراق دى

طيب سيبهم وانا هاراجع عليهم وامضيهم

بس انا مراجعهم كويس متقلقيش

طيب انا بردوا مش هامضى على حاجه غير لما اراجعها سيب الدوسيه واتفضل

الموظف بأحراج حاضر بعد اذنك

لحظات من خروج الموظف بتدخل السكرتيره ..استاذه ليلى

ايوه

عم حضرتك وابنه الاستاذ هشام عاوزين حضرتك بره

خليهم يتفضلوا

......................................................................................................................................
شاهى فى الليفنج بتقلب فى التليفزيون تشوف فى اى حاجه ممكن تعجبها

مامتها بتدخل عليها

شاهى حبيبتى بتعملى ايه

بشوف اى حاجه فى التليفزيون تسلينى

طيب ما تنزلى شغلك

مش قادره يا ماما مش قادره استمتع بحياتى وحاسه ان غيرى حزين

يا حبيبتى يا بنتى هاتفضلى كدا لحد امتى

لحد ما اقدر انسى واتأقلم على حياتى يا مامى

يا حبيبتى انتى اللى حاطه نفسك فى الدايره دى وتعبه نفسك

معلش يا ماما وقت وهايعدى

طيب وخطوبتك هاتميها امتى

لسه مش عارفه بصراحه انا حاسه ان مش قادره ابداً ياماما مش قادره احس محمود خالص

مش قادره تحسيه ولا علشان نادين ماتت حسيتى ان ممكن يكون فى امل

شاهى بدموع للدرجه دى يا مامى شيفانى وحشه انا عمرى ما افكر فى مصطفى خلاص

طيب ليه عامله فى نفسك كدا وليه مش قادره تفتحى قلبك لحد تانى

مش قادره اسامح نفسى يا مامى ان كنت زعلانه ان مصطفى بيحب نادين وان اتمنيت نفسى مكانها

يا حبيبتى انتى بشر

بس دى ماتت ومعشتش اى حاجه بتحلم بيها

عمرها كدا يا حبيبتى متعمليش فى نفسك كدا بس

حاضر يا مامى هاحاول

..................................................................................................................................
عصام وابنه هشام بيقعدوا اوقدام مكتب ليلى وبيكملوا كلامهم

 وبعدين يا عمى انا مش قادره افهم حضرتك عاوز ايه

كلامى واضح على فكره

وانا مش محتاجه حد معايا فى الشركه ولا حد يكون  وصى عليه

بس ماهو انتى مش هاتعرفى تمشى الشغل كله لوحدك وكمان مش معاكى راجل

لاء متخافش عليه انا بابا قبل ما يموت معلمنى كل حاجه

هشام بيتدخل على فكره يا ليلى انا مش عاوز اشتغل معاكى بابا اللى مصمم

عصام بعصبيه دا اللى قدرت عليه ياريت تسكت انت خالص

حاضر

ليلى بنفاذ صبر انت تشرف يا هشام وتنور بس تشتغل عندى لكن معايا معلش

عصام بضيق على العموم يا بنت الناس بلاش تعاندى وفكرى كويس

حضرتك بتهددنى يا عمو

افهمى زى ما تحبى سلام

ليلى بتوتر بتدور على اى حاجه تعملها مش عاوزه تشتغل وحاسه انها مخنوقه جدا

كمبيوتر المكتب مفتوح بصت عليه بتردد

وقربت اكتر منه وفتحت الاميل الخاص بماهى

خالد اول ما شافها اونلاين كلمها على طول ليلى انتى فين كل دا ومسج كتير هوا بردوا باعتهم

حست بأهتمام هيا محتجاه اوى فى الوقت دا

بدموع وشعور بندم انها فتحت

انا

انتى ايه بس وحشتينى اوى والله انا قولت مش هاشوفك اونلاين تانى ابدا

اصل كان عندى ظروف

وموبايلك يا ماهى قفلاه ليه كل الفتره دى بجد انا كنت زعلان اوى منك

انا ..

انا خلاص مش زعلان كويس ان شوفتك اونلاين تانى ووصلتلك بس

شكرا بجد يا خالد

ياه يا ماهى بجد وحشتينى اوى

انت عامل ايه

انا كويس انتى اللى عامله ايه وايه اخبارك واحكيلى كنتى فين كل الفتره دى

كنت فى الدنيا

ليه حاسس بالحزن فى كلامك رغم ان مش شايفك

 فعلا انا حزينه اوى هاحكيلك كل اللى حصلى الفتره اللى فاتت دى كلها وليه كل اختفائى دا

 معاكى قولى وانا سامعك   
...............................................................................................................................................
اسامه بيروح لنادين الغرفه وبيكلم الممرضه

ها محدش سأل بردوا لسه علسها

ابداً يا دكتور والله محدش بيسأل عليها ابداً

ايه الناس دول فى ناس قلبهم ميت كدا

اه والله بتصعب عليه اوى يا دكتور وهيا لوحدها كدا

طيب مافيش اى جديد تانى عنها وصحتها

لاء والله يا دكتور بس ساعات بنشوف عينيها الجفون بتتحرك وساعات صابع من ايديها بس كل فين وفين

ان شاء الله تبقى كويسه

ان شاء الله يا دكتور بس لما تسأل عن اهلها

بس هيا تفوق ان شاء الله وانا مش هاسيبها

ليه هيا تبقالك ايه

ولا حاجه صعبانه عليه بس

ربنا يحميك يارب انت انسان طيب اوى ومحترم

ربنا يخليكى ويشفيها ان شاء الله

يارب

............................................................................................................................................

مصطفى بيدخل المكتب اللى فى منطقه شعبيه بيسأل على محمد مش عارف يوصله

ها يا استاذ منير برضه معرفتش مكانه

لاء عرفت هوا ساب المكتبه وجاب عربيه واشترى شقه جديده وفتح شركه صغيره كدا

محمد انت متأكد

اه والله يا فندم

وكل دا منين

معرفش بس لما سألت عرفت كدا مرتحتش غير لما شوفته بنفسى

طيب اكتبلى الاماكن اللى ممكن الاقيه فيها لما اعرف العز اللى ظهر عليه دا منين

ماشى تحت امرك

مصطفى بياخد منه الورقه اللى فيها اماكن تواجد محمد

حضرتك مش عاوز حاجه تانيه يا استاذ مصطفى

لاء متشكر جدا

......................................................................
......................................................................