اسامه بيقرأ فى قصه لنادين زى ما بقاله فتره طويله بيعمل فى كل رست او يوم اجازه ليه لازم يقضيه مع نادبن
نادين بتهمس
اسامه بيسيب الكتاب من ايده انتى فوقتى يا نادين
مـ ص
استنى يا نادين هارجعلك حالا
اسامه بيخرج بفرحه يا دكتور يا نيرس نادين فاقت حد يجى
الدكتور بيقف بعد الكشف سبحان الله فعلا ليكى عمر يا مدام
نادين بدموع انا فين
اسامه بأبتسامه انتى فى المستشفى يا نادين
نادين بعينيها على اسامه بصوت اشبه بالهمس .. مين
اسامه بحزن انا
الممرضه دا دكتور اسامه مكنش بيسيبك لحظه طول السنه دى
............................................................................................................
ليلى بتطلع وبتدخل لمصطفى اوضته بصينية فيها سندوتش وكوباية نسكافيه
مصطفى يلا كل سندوتش وكوباية النسكافيه من غير سكر اللى بتحبها
شكرا يا ليلى والله مش قادر
علشان خاطر طنط الله يرحمها والله ماكانت تقبل تعدى وجبه
الله يرحمها كانت بتهتم اوى فعلا بكل تفاصيلى
طيب علشان خاطرى كل السندوتش دا
والله يا ليلى مش قادر
خلاص يا مصطفى انا عرفت ان ماليش خاطر عندك
لاء والله خلاص وبيقرب مصطفى ايده من السندوتش بيتلامس ايده بأيد ليلى وهيا بترجع السندوتش تانى الطبق
عينيهم بتتلاقى ليلى انا
صمت
انا وبتردد انا متشكر اوى على تعبك معايا بجد
ليلى بتقوم بأرتباك مافيش شكر بين الاخوات يا مصطفى انا هاروح لباباك اشوفه اكل ولا لسه
ماشى يا ليلى اتفضلى
........................................................................................................................
شاهى بتدخل بيتها وواضح عليها العصبيه
محمود بيقابلها مالك يا شاهى
مش قادره اتخيل ليلى وهيا قاعده النهارده مكان نادين وبتاخد عزا طنط
ليه يعنى
ليه ايه فى اخت تتجوز جوز اختها وهيا مكملتش سنه ماتت وكمان عارفه اختها كانت بتحبه ازاى
ظروفهم كدا يا شاهى
لاء يا محمود دا عدم وفاء وقلة اصل
وانتى محموقه ليه
محموقه ازاى محموقه مش فهما
يعنى انتى زعلانه علشان مصطفى اتجوز ليلى بالذات ولا كنتى هاتزعلى لو اتجوز اصلا
شاهى بصدمه انت بتقول ايه
بقول اللى شايفه يا شاهى انتى مش حاسه انا جوايا عامل ازاى
شاهى بتسمع وهيا مش مصدقه ان دا محمود تقصد ايه
اقصد حبك لمصطفى وغيرتك عليه
شاهى بتقعد وهيا مزهوله
انتى مكنتش عارف بحس بأيه وانا شايفك عينك عليه ومش حاسه بيا
كنت دايما اقول اكيد هايجى اليوم اللى تحسى بيا
ويوم ما وافقتى على خطوبتنا قولت اكيد حبتينى زى ما بحبك
ولما انا عاوزاه يا محمود ليه مستنتش ووافقت عليك رغم انه
كان خلاص بقى لوحده ونادين ماتت
لو انا عاوزاه فعلا كنت وقفت جنبه ونسيته نادين
وفضلت معاه
وليه شاغله نفسك اوى بحياته هوا وليلى
بص يا محمود انا اجاوب على سؤالك دا واعرف ان دا اخر كلام بينا بجد
لان انا مستحيل اعيش معاك تانى بعد ما اتكلمنا كدا
يا شاهى
خلاص يا محمود اكمل كلامى
انا شاغله نفسى علشان فعلا زعلانه ان مافيش وفاء انا فعلا كنت مشدوده لمصطفى
بس انت عارف ليه ..علشان كنت حساه مخلص وفى حب حب حقيقى
بدليل كرهى ليه مجرد ما اتجوز ليلى وحسيت ان بجد الدنيا ملهاش امان
بس انا مغلطش يا شاهى لما صارحتك بأحساسى وانتى مأنكرتيهوش
لاء ومش هانكره بس اللى لازم تعرفه ان مستحيل كنت اتجوزتك وانا بفكر فى غيرك
مش انا يا محمود اللى ممكن تعمل كدا متجوزتكش غير لما حسيت انك الانسان اللى اقدر
اكمل معاه حياتى وانا مطمنه وخلاص كلامنا خلص انا هاطلع اخد لى لى وارجع بيت بابى
لاء يا شاهى استنى
لاء يا محمود كلامنا جرحنا اوى مستحيل يتنسى
.......................................................................................................
نادين بصوت طالع بصعوبه صوته فى ودانى حاسه ان اعرفك
الممرضه ..كان بيقعد جنبك دايما مش بيسيبك لحظه
نادين وفين
الدكتور لو سمحتى كفايه كدا متتكلميش كتير
الدكتور بيوجه كلامه لاسامه معلش حضرتك اخرج بره شويه
اسامه وعينيه على نادين اللى مستغرباه جدا بس حاسه انها مرتحاله وبيخرج
اسامه بيقف بره ياترى هيا ها تقول ايه ممكن مش تتكلم معايا ممكن تطردنى من حياتها
بس انا مقدرش ابعد عنها هيا حياتى كلها بجد انا بقالى فتره معرفش اد ايه معرفش غيرها انا حبيتها
من قبل ما تفتح عينيها وانا هاتجنن عليها بس لو هيا رفضتنى
الممرضه بتخرج ايه مالك يا دكتور اسامه مش مبسوط انها فاقت
لاء اكيد مبسوط
طيب ليه مسهم كدا
خايف بس متقبلنيش فى حياتها
تبقى غلطانه اوى اللى تلاقى حد زيك وتسيبه
ربنا يخليكى بس هيا تكون كويسه
على فكره يا دكتور هيا من حقها تعرف ان اهلها مسألوش عنها وانك لولا انت
كان زمانها ماتت من زمان وان مافيش حد كان بيدفعلها تكاليف المستشفى غيرك
لاء بالله عليكى اوعى حد يقولها
خلاص حاضر بس انت كدا بتظلم نفسك
اللى مكتوبلى اكيد هاشوفه
طيب بعد اذنك نسيت نفسى
ليه فى ايه
الدكتور بعتنى احضرلها اوضه جديده هاتتنقل فيها
ماشى اسف ان عطلتك
.................................................................................................................
ليلى بتدخل على مصطفى بعد ما اطمنت على معتز
شافته نايم بهدومه على السرير
قربت منه ولمست وشه بأيديها وفضلت سرحانه فيه
مصطفى بيفتح عينيه ليلى بتتوتر
ليلى
ايوه يا مصطفى
تعالى نامى جنبى محتاجك جنبى النهارده معلش
يا مصطفى اصل اوضتى
مالها
بقرأ كتاب قبل النوم يعنى وكدا
معلش يا ليلى بجد محتاجك جنبى
ليلى بأستسلام لالحاح مصطفى لفت ونامت جنبه وهيا بتحاول تكون بينهم مسافه
مصطفى بيقرب منها اكتر وبياخدها فى حضنه
ليلى بتستسلم وبتنام فى حضنه
.................................................................................................................
عزه فى شقه هشام استقرت هناك وسابت شقتها التانيه لاسر لما يكبر تجوزه فيها
اسر بيجرى ويلعب
عصام بيخبط على بابهم
عزه بتفتح وبتتفاجأ اهلا يا حاج عصام وبتتعمد تسيب الباب مفتوح
اهلا بيكى يا مراة اخويا عامله ايه
كويسه الحمد لله ايه المفاجئه دى اتفضل
عصام بيقعد ما تقفلى الباب
لاء معلش ميصحش
اصل عاوزك فى موضوع
ما تقول انا سمعاك
طيب يا ستى انا جاى اقولك انك لسه شابه وصغيره وانا طالبك فى الحلال
ايه
ايه ايه انا اولى بأبن اخويا واخويا بقاله سنه ميت
ومين قالك ان ممكن اتجوز
عاوزه تفهمينى شابه صغيره وحلوه ذيك ومش بتفكر فى جواز
ايوه مببفكرش فى حاجه غير ابنى
ما انا هاشيل فى عينيه ومش هاخليكى تحتاجى حاجه فى الدنيا
معلش يا حاج عصام انا مش ممكن اتجوز بعد هشام الله يرحمه
بصى انا قلت اللى عندى فكرى فيه يا بنت الحلال
لاء يا حاج عصام لاء مستحيل
عصام بيقف انا مش هاخد رأيك دلوقتى انا عارف انك هاتفكرى صح وهاتوافقى
.........................................................................................................................
نادين وعينيها على اسامه هما فين اهلى
اسامه بيتجنب سؤالها شوفتى انا كنت بقرألك كل دول
انت فعلا صوتك فى ودنى اكتر صوت صحيت عليه بس معلش فين اهلى وانا اد ايه بقالى على حالتى دى
بقالك سنه
سنه ..طيب فين مصطفى
اسامه بضيق مصطفى جوزك
ايوه وليلى وبابا
ليست هناك تعليقات:
إرسال تعليق