"عاصم كل تفكيره فى سحر اللى تجاهلت وجوده خالص اثناء الفطار "
"باب المكتب بيخبط"
"عاصم" اتفضل
"يحى بيدخل بأحراج " بعد اذن حضرتك يا عاصم بيه
"عاصم" ابن حلال يا يحى كنت عاوزك
"يحى بأنتباه " تحت امرك
"عاصم" معلش يا يحى الشغل الجديد رايح المعرض وكنت عاوزك تكون هناك
"يحى مبسوط انه متسرعش وطلب اجازه لبقيت اليوم"حاضر
"عاصم بعد ما يحى مشى حس انه مضايق اكتر فكر ينزل من المصنع وينزل يشترى يلف شويه او يشترى اى حاجه "
..........................................................
"مامة اسماء واقفه فى البلكونه بتكلم جاره ليها فى البلكونه اللى اقدامها"
"الجاره" يعنى اسماء لسه عندك
"الام" اه والله دماغها ناشف خالص
"الجاره" طيب ما تصلحى انتى بينهم ياختى متخليش الموضوع يكبر والناس تشمت فيها
الام" والله بحاول وربنا يهديها وترضى ترجعله "
"الجاره "يارب وانا بدعيلها ربنا يهدى سرها معلش ياختى هادخل اشوف الولاد ماسكين فى بعض
"الام" ماشى ياختى ربنا يهديهملك
"اسماء من جوه الشقه " يا ماما
"الام بتدخلها " نعم
"اسماء" تعالى كلمى مراد تانى يلا
"الام" لاء مش هاكلمه تانى شكلى ايه وانا عماله اتصل بيه وهوا مبيردش عليه
"اسماء" معلش يا ماما دا انا استنيت حد من اخواته يعبرنى ولا حد سأل فيا
"الام" ماهوا من عمايلك يا حبيبتى
"اسماء" يا ماما ارحمينى ابوس ايدك
"الام" فضلتى تتفرعنى لحد ما كرهتيه فيكى دا ابوكى عاوز يضربك وانا حيشاه عنك بالعافيه
"اسماء" خلاص بقى يا ماما هارجع شقتى النهارده
"الام" ايه دا بجد ومش خايفه يطردك
"اسماء" ميقدرش
"الام" لسه واثقه وهوا اتغير معاكى كدا
"اسماء" اه واثقه وكفايه اوى اول ما اشوفه اقوله ان انا حامل
"الام" اه ها يفرح خلاص يلا روحى
....................................................
"مكان هادى وبسيط على الطريق العام "
" شروق بتاخد العصير وبتشربه من على التربيزه وعلى وشها ابتسامه"
"فارس" انا مبسوط اوى اننا سوا يا شروق
"ازاى سوا ؟؟"
"يعنى اخيرا من يوم ما رجعت من السفر واحنا هانتكلم واقولك على اللى جوايا "
"بأنتباه عاوز تقول ايه يا فارس"
...................................................
"يحى راكب عربية المصنع ايه اللى مدخلك من الشوارع الجانبيه دى ما كنت تطلع من على السريع كدا ها نتأخر"
"السواق" معلش يا استاذ يحى بس انا بختصر الطريق ودلوقتى البلد بتكون هاديه الناس كلها فى شغلها والمدارس بقى
"يحى" اه طيب يلا سرع شويه
"السواق" حاضر بس هانزل اجيب علبة سجاير من المحل دا بس
""يحى" قاعد فى العربيه "سبحان الله قريب اوى منك يا شروق ومش قادر اتكلم معاكى
"السواق بيجى وبيطلع بالعربيه وفى اول لفه "
"المشهد"
" يحى جمب السواق بيبص من شباك العربيه وفى نفس اللحظه شروق وفارس قاعدين وفارس بيمسك ايد شروق من على التربيزه يحى عينه عليهم ودموعه رقت فى عينيه"
"يحى" وانا اللى كنت هاموت واجى اتكلم معاكى بجد كنتى حلم جميل يل شروق ربنا يسامحك كسرتينى
"السواق" مالك يا استاذ بتكلم نفسك
"يحى " بضعف لاء مافيش حاجه
.............................................................
"شروق بتشيل ايدها من ايد فارس انت اتجننت وبتقوم تقف "
"فارس" لاء انا بحبك وعاوز اتجوزك ايه رايك
"شروق" لاء يا فارس مش موافقه انا مبحبش حد ولا هاكون مراة حد غير يحى
"فارس" اه يعنى اجساسى من واحنا صغيرين كان صح عمرك ما حبيتى غيره
"شروق" ايوه عمرى ما حبيت ولا هاحب غير يحى ومش هاكون لحد غيره حتى لو هوا مش عاوزنى
"فارس" حرام عليكى اسكتى ايه القسوه دى انا عملت فيكى ايه علشان تقسى عليه كدا
"شروق اتضايقت من ثورتها على فارس" انا اسفه يا فارس بس انا مقدرش اخدعك
"فارس" خلاص يا شروق امشى انتى
"شروق" طيب سامحنى انا اسفه ياريت الموضوع ميعملش حساسيه بينا انت اخويا الكبير يا فارس
"فارس وعينه فى الارض" اه اكيد اخوكى الكبير
"شروق" بجد انا اسفه يا فارس يا ريت القلوب بأيدينا كنا وجهناها زى ما احنا عاوزين وسابته ومشيت
..........................................................
"عاصم ماشى جوه موول كبير دخل محل لبس بناتى شاف كتير حلوه لهبه "
"لو سمحتى انا عاوز الطقم دا "
"البنت" مقاس كام حضرتك
"مقاس مقاس ...وشاور على بنت ماشيه مقاس البنت دى "
"البنت" حاضر ثانيه واحده
"عاصم اخد الطقم ودخل محل لبس رجالى لو سمحت عاوز بدل لشاب فى جسمك كدا بس ارفع سنه بس "
"ماشى ايه الموديل اللى عجب حضرتك "
"بيشاور دا عاوز الرصاصى والاسود والبيج بس لو المقاس طلع فيه مشكله ممكن يرجع عادى ؟؟"
"لاء فى تبديل بس فى خلال 24 ساعه لكن ترجيع لاء "
"تمام "
"عاصم واقف اقدام محل حريمى متردد يدخل يشرى لبس لسحر العبايات شكلها تحفه وهيا هاتحليهم اكتر "
"بس احنا متفقين على الطلاق هوا انا فعلا ممكن اطلقها! من غير ما يجاوب نفسه دخل المحل
..............................................
"هبه وادهم قاعدين فى كافيتريا الجامعه "
"هبه انا بحبك اوى وعلى فكره ماما وبابا جايين بكره الفيلا نخلص كل حاجه علشان الجواز يمون اول الشهر "
"هبه" ايه دا بجد
"طبعا بجد انا مقدرش اعيش من غيرك مش انتى عارفه كدا "
"هبه" عارفه يا حبيبى عارفه واتضايقت
"مالك زعلتى ليه كدا "
"مش عارفه يا ادهم قلبى انقبض مره واحده مش عارفه ليه "
"خير خير اقرأى ايه الكرسى ومسك ايديها طول ما انا جمبك متخافيش من اى حاجه "
"انا اصلا مبخافش غير عليك"
"يا حبيبتى ربنا يخليكى ليا انا بعشقك مش متخيل انا كنت ممكن اعيش من غيرك ازاى "
"هبه لسه مخنوقه "ولا انا يا حبيبى يلا بينا نمشى معلش يا ادهم
"لسه مخنوقه بردوا "
"ايوه معلش يلا نمشى واكيد انا هابقى كويسه لما اروح واصلى "
"ماشى "
.............................................................
هبه وادهم بيعدوا الطريق ادهم ماسك ايد هبه كويس خايف عليها الدنيا زحمه جدا
"عربيه بتيجى بسرعه جدا ادهم شاف العربيه بعد هبه ووقف مكانها "
"العربيه طيارته من مكانه "
"هبه" واقفه بتبص على الموقف بذهول لسه مش قادره تستوعب الموقف
"العربيه بتفرمل جامد "
"كل الناس بتجرى على ادهم يا حول الله يارب اسعاف يا جماعه حد يكلم الاسعاف "
"هبه واقفه كأنها فى غيبوبه كل الدنيا حواليها معدومة المعالم مش مدركه للموقف اللى هيا فيه "
..........................................................
"مروان قاعد فى اوضته بيجهز شنطة سفره ومتضايق"
"خلود بتدخل ليه "
"مروان بتفاجأ" ايه دا انتى رجعتى يا خلود
"خلود" بحزن ايوه رجعت حالا ودخلت عليك
"مروان" ليه ايه اللى حصل
"خلود بدموع" انا خلاص خسرت اعز صديقه ليا وانت السبب وكمان خسرت انسان كان بيحبنى وبردوا انت السبب
"مروان بيقعد على السرير" انا ندمان اوى يا خلود وبجد مش عارف انا ازاى فكرت كدا
"خلود" يعنى انت فعلا فكرت
مروان بينزل عينه فى الارض" اسف ان انا صدمتك بس انا مش متخيل ان انا كنت ممكن اضيع لميس حبى الوحيد كدا مش متخيل ان مش هاسمع صوتها ولا اكلمها تانى"
"ومفكرتش فينا يا مروان انا واخواتك البنات مفكرتش ان كما تدين تدان ازاى هنا عليك وازاى هانت عليك نفسك كدا"
"مروان " مش عارف ازاى الشيطان استحوذ عليه كدا
"انت بتصلى يا مروان او بمعنى اصح انت لسه بتصلى "
"بصراحه لاء بس ايه العلاقه "
"انت لو بتصلى ومواظب على صلاتك اكيد مكنتش وصلت للمرحله دى ولا الشيطان غلب ايمانك كدا "
"مروان" انا اسف يا خلود
"خلود بتسيبه وبتخرج على ايه ولا ايه ربنا يسامحك ضيعت الانسان الوحيد اللى حبنى وحبيته بجد "
"مروان متضايق رمى الشنطه اللى اقدامه وقعد على السرير "
...............................................................
"لميس بتعيط فى اوضة المغتربين كل شويه منظر خلود وهيا بتعيط بيتكرر اقدامه"
فلاش باك
"انتى بتبيعى صداقتنا فى لحظه يا لميس كدا "
لميس" بتاخد هدومها "ومبتردش عليها
"خلود بتعيط انا مش مصدقه انك كنتى بتحبينى بس علشان مروان انا اللى كنت فاكره انك صديقه عمرى "
"لميس قلبها بيرق وبتبصلها"
"خلود بدموع اشد انا اللى هاسبلك البلد كلها ونازله بيتنا شكرا يا صديقة عمرك انا مشرفكيش اكون صديقتك ليه عمرك شوفتى منى حاجه وحشه ربنا يسامحك"
"لميس بتسيب الاوضه خالص وبتمشى"
"اوف انا غلطانه اوى ازاى اكلم خلود كدا خلود ذنبها ايه ..انا ازاى اثور فيها كدا "
"اتصل بيها اعتذرلها بس هاقولها ايه لاء طبعا واصلا تليفونها اتكسر"
"لما ترجع هاصالحها "
"تليفون لميس بيرن بترد بسرعه "
..............................................
عاصم بيدخل البيت شاف سحر قاعده لوحدها فى اللينفج اول ما شافته توترت
"عاصم بيدخلها شكلى ضايقتك ان انا جيت بدرى"
"لاء وتضايقنى ليه بيتك وتيجى وقت ما تحب انا وولادى مجرد ضيوف عندك"
"ضيوف"؟؟
"سحر" ايوه كلها فتره وكل واحد يرجع لحياته
"عاصم ساب الشنط اللى فى ايده وسابها ومشى من غير ما يرد عليها"
"سحر" بتبص عليها وهيا متضايقه وبتبص على الاكياس اللى كانت معاه
"اوف انا عملت ايه بس هوا يعنى مش دا اللى هايحصل "
"قعدت ورجعت تانى تقلب فى القنوات رجعت خافت يكون الاكياس فيها اكل او حاجات تبوظ "
"بتفتحهم شافت هدوم ليها ولولادها ...حزنت ..ندمت..قلبها وجعها على تسرعها "
"قعدت على الكرسى اللى وراها وهيا مش عارفه تعمل ايه وازاى هيا بتتسرع كدا "
...............................................
"شروق بعد ما سابت فارس واتصلت بهبه كذا مره اتصال ومافيش اجابه"
"روحتى فين بس يا هبه"
"فكرت تتصل بيحى ..لا لا هاتصل بخالتو واروحلهم النهارده لازم اواجهو بقى "
"هاتروحى تقوليلو بحبك ..اه هاقوله ان هوا حب عمرى ..وان انا مش هاعرف اعيش غير معاه"
"وكرامتك انتى نسيتى اخر مكالمه"
"مافيش كرامه فى الحب انا بجد مقدرش اتخيل ان انا مع حد غيرك يا يحى "
................................................
"ايه داخله لصباح المطبخ وهيا متوتره"
"ماما"
"صباح بتدوق الاكل من الحله على البوتجاز نعم يا حبيبتى "
"فى واحد عاوز يتقدملى "
"يوم المنى بس انتى عرفتى منين"
"هوا كلمنى كذا مره وانا كنت متردده دا حتى انا قولتله ان انا قولتلك وانتى اللى مأجله"
"يادى المصيبه بتكلمى ولاد يا ايه"
"وفيها ايه يا ماما وبعدين دا مش ولد دا واحد بيحبنى وعاوز يتجوزنى "
"لو ابوكى كان هنا وسمعك مكانش هايخليلك "
"يا ماما انتوا جيل واحنا جيل تانى بلاش بقى التفكير دا "
"جيل مهبب ما فيش حاجه اسمها انتوا جيل واحنا جيل فيه احترام وادب واصول "
"يعنى ايه يا ماما اقوله انكوا مش موافقين "
"اه انا مش موافقه ومش هاقول لابوكى علشان ميخليش يومك مش هايعدى "
"خلاص بقى يلا انا هاروح اقوله"
"ماشى وليا كلام معاكى يا كبيره يا عاقله"
.......................................................
"اشرف بيدخل هوا ومنى الاوضه لمامته"
"ماما" قومى يلا نتغدى سوا
"سميحه" مش قادره يا اشرف يا بنى دماغى وجعنى اوى
"منى" مالك يا ماما بس
"اشرف" هاتصل اجيبلك الدكتور يشوفك
"سميحه" لاء بس امانه عليك عاوزه اشوف سحر هاتهالى
"اشرف" حاضر يا ماما بس متقلقينيش عليكى
"سميحه" متقلقش يا حبيبى انا كويسه متخافش
"منى" ايوه يا ماما لازم تبقى كويسه مين هايخلى باله من ولاد اشرف ان شاء الله
"سميحه" ربنا يكملك على الف خير يا حبيبتى يارب
"منى" يارب يا ماما ادعيلى
"اشرف" طيب هاتى يا منى لماما اكلها هنا ها أكلها انا علشان اديها الدوا
"منى" حاضر هاجيب كلنا ناكل مع ماما هنا
"سميحه" لاء يا حبايبى روحوا كلوا مع بعض متشغلوش نفسكوا بيا حرام انا وخداكو من بعض
"منى" احنا مالناش غيرك يا ماما ربنا يخليكى لينا ويديكى طولت العمر يارب
"اشرف" انا لو بموت يا ماما هاشيلك فى عينيا
......................................................................
"اسماء" بتفتح شقتها بعد ما طلعت على السلم بهدوء علشان محدش يحس بيها وهيا طالعه
"بتدخل بهدوء"
"مراد بيخرج على صوت فتح الباب" مين انتى ايه اللى جابك
"اسماء" بـأبتسامه وحشتنى
.....................................
.....................................
ياريت اللى بيقرأ يسيب رأيه هافرح بيه ^_^
ليست هناك تعليقات:
إرسال تعليق