هبه واقفه اقدام ادهم مستنيه يفتح عينيه
"الدكتور للممرضه" لو سمحتى اول ما يفتح عينيه تعاليلى الاوضه
"هبه بتمسك ايد ادهم" فتح عينيك بقى يا حبيبى
"ادهم" بيفتح عينه " اه اه دماغى
"الدكتور كان لسه على باب الاوضه رجعله تانى"
"ادهم" انا فين
"هبه" انت فى المستشفى يا حبيبى
"ادهم بيبص لهبه بأستغراب " حبيبى ..انتى مين
"هبه" ادهم
"الدكتور لهبه" اطلعى بره لو سمحتى
"هبه بأنكسار انت ازاى مش عارفنى يا ادهم"
"ادهم" ادهم مين انا مين
"الدكتور" اهدى بس وانتى لو سمحتى اخرجى "وبيوجه كلامه للمرضه "خرجيها
.....................................................
"يحى واقف مع عامل النظافه وبياخد منه التليفون "
"يحى بيطلع فلوس من جيبه وبيديها للعامل متشكر اوى"
"عامل النظافه" متشكر اوى بس بقول لحضرتك ممكن التليفون دا يكون وقع ساعة الحادثه اللى حصلت
"يحى بأهتمام" حادثة ايه
"العامل" شاب كان ماشى هوا وبنت وعربيه خبطته والاسعاف جيت خدته وبيشاور على مكان ودا مكان الدم
"يحى" بأهتمام طيب وراحو فين عرفت مكانهم
"العامل" والله ما عارف
"يحى" مــ سمع رنة تليفونه..شاف اسم هبه رد بقلق ..ايوه يا هبه انتى فين
"هبه واقفه اقدام الاوضه وبتعيط" انا فى المستشفى يا يحى ..وبدموع اقوى ادهم مش عارفنى يا يحى مش عارفنى
"يحى" اهدى بس كدا قوليلى انتوا فى اى مستشفى
.....................................................
"سحر فى حضن عاصم وعاصم محاوط عليها كأنه خايف تهرب وتسيبه"
"سحر بتفوق وبتشعر بالقرب بينها وبين عاصم"
"عاصم" لاحظ هدوء سحر وهيا فى حضنه
"سحر بتبعد عنه انا اسفه نسيت نفسى "
"ياريت تفضلى نفسك كدا على طول يا سحر انتى بتعملى فينا كدا ليه"
"سحر بأستغراب لطريقه عاصم "
"عاصم" احنا لسه اقدامنا اد ايه نعيشه يا سحر علشان تفضلى معانده كدا انا محتاجلك اوى فى حياتى ومش هاقدر اطلقك او ابعد عنك انتى والولاد
"سحر " الولاد هبه بنتى فين يا عاصم وبيقطع كلامهم رنه موبايل سحر
"سحر بلهفه الو ..ايوه يا يحى .. فين.. ليه مستشفى ليه ..يعنى بجد كويسه..طيب ادهالى الاول..طيب طيب جايين على هناك..مع السلامه
............................................
"اشرف ومنى نايمين على السرير "
"اشرف" منى انا مش قادر اصدق ان مراد كان تعبان حاسس الموضوع فى حاجه
"منى" ليه بتقول كدا يا اشرف
"اشرف" موضوع الدكتور وانه مرضاش ادخل اكلمه مش مرتاح بصراحه
"منى" يا اشرف متفضلش تفكر فى كل حاجه كدا مينفعش خليك جمبه بس ومتسيبوش
"اشرف" ما انا هاعمل كدا وكمان موضوع الظابط دا انا قولت انسان محترم
"منى" انت بس اللى طيب يا حبيبى ازاى انسان محترم وخرجكوا وخلاك تضرب متهم عنده دا بيشجع على البلطجه
"اشرف" انا دماغى ها تنفجر من التفكير حاسس ان كل حاجه ماشيه بالعكس وغلط
"منى" معلش يا حبيبى كل حاجه ها تبقى كويسه انا هاقوم اشوف ماما قبل ما انام
"اشرف" اخدتى دواكى
"منى" اه يا حبيبى متخافش
"اشرف" والله مش خايف غير عليكى ربنا يخليكى ليا
"منى" ويخليك ليا يا حبيبى واقدر احققلك كل اللى نفسك فيه واجبلك احلى ولاد زى باباهم
...........................................................
"شروق قاعده فى اوضتها مخنوقه "
"ايه على الكمبيوتر "
"شروق " بقولك يا ايه ما تقومى عاوزه اعقد شويه
"ايه" ببعت مسج وهاقوم
"شروق" صحيح اللى ماما قالته دا
"ايه" ايه هوا اللى ماما قالته
"انك بتحبى وتعرفى واحد"
"ايه" اه رامز اعرفه من فتره بس مش بحبه يعنى هوا اللى بيحبنى
"شروق" طيب يبقى بتكلميه ليه طالما مش بتحبيه مش حرام عليكى
"ايه " لاء مش حرام عليه انا مضربتوش وقولتله حبنى هوا اللى بيحبنى وهايموت وعاوز يتجوزنى
"شروق" هايموت ويتجوزك طيب ما تحاولى تحبيه واتخطبى ليه
"ايه" لاء خلاص ماما قالت مش موافقه وانا بقى ببعتله اقوله يشوفله واحده غيرى
"شروق بفضول" ايه انتى بتحبى حد تانى صح
"ايه" ليه بتسألى
"شروق" ما هوا انتى بترفضى العرسان اللى بتتقدملك حتى اللى بيحبك مش عاوزاه يبقى اكيد فى حد تانى
"ايه بدموع" لاء مش بحب حد
"شروق" لاء يا ايه بتحبى وانتى لازم تقوليلى
"ايه" كل اللى هاقدر اقوله ان اللى بحبه عمره ما هايكون ليا ابدا
"شروق" ليه بتقولى كدا
"ايه" لان عمره ما حس بيا ولا عمره ها يحس ابدا
"شروق" ليه عمره
"ايه" لان قلبه مشغول بغيرى ومش شايف غيرها
"شروق بتقوم تحضنها" يا حبيبتى يا ايه خلاص انسيه مكنتش متخيله انك حساسه كدا
.....................................................
"سحر وعاصم بيدخلوا المستشفى وهما مستعجلين "
"سحر شافت هبه جريت عليها حبيبتى انتى كويسه"
"عاصم بيقرب من يحى ايه اللى حصل "
"هبه بدموع " ادهم مش فاكرنى يا ماما مش فاكرنى
"سحر بعد ما اطمنت ان هبه بخير" مش فاكرك ازاى
"يحى" عمل حادثه فقد الذاكره
"سحر" ابنى فقد الذاكره يا حبيبى طيب حد قال لمامته وباباه
"يحى" انا كلمتهم بعد ما تصلت اطمنكوا زمانهم على وصول
هبه بدموع خلاص كدا يا ماما ادهم نسينى مش فاكرنى
.....................................................
"مروان وخالد وخلود واقفين مستنين لميس تنزل بعد ما خالد كلمها قالها انه مستنيها على البحر "
"خالد وخلود عينيهم بتحكى اللى جواهم "
"مروان واقف قلقان ومتوتر وعينيه على الطريق مستنى لميس تيجى "
"لميس" بتدخل بتقرب منهم وبتدور بعينيها مش شايفهم
"مروان اول ما شافها جرى عليها" انا اسف يا لميس سامحينى
"لميس" انت ايه اللى جابك هنا
"مروان" انا اسف يا لميس مش متخيل والله انا ازاى فكرت كدا سامحينى انا ندمان اوى
"خالد" من ورا مروان صدقيه يا لميس هوا بجد ندمان وبعدين محدش يعرف نمروان ادك لحظه شيطان وهوا قرب تانى من ربنا
"خلود" مش بتشترك فى الحوار بس واضح عليها الحزن
"لميس سابتهم بيتكلموا وراحت لخلود"
"خلود واقفه وعينيها بتدمع ولميس اقدامها" انا يا لميس ميشرفكيش تعرفينى
"لميس بدموع وبتحضن خلود" انا اسفه اسفه اوى والله ما مصدقه ازاى قولت كدا
"خلود وهيا بتحضن لميس" انا زعلت منك اوى يا لميس جرحتينى اوى بكلامك
"خالد" واقف يبص لخلود وهيا زى الاطفال قلبه بيدق اكتر وفى سره" الله دى طيبه اوى انا حبيت ملاك"
"مروان" وانا يا لميس مش هاتسامحينى
"لميس" لاء يا مروان الامان اللى كنت بحسهم معاك ضاع
"مروان بحزن" والله ما عارف عملت كدا ازاى سامحينى علشان خاطر ربنا سامحينى
"لميس" مش هاقدر يا مروان انت كنت حاجه كبيره اوى عندى وخلاص اتكسرت واللى اتكسر مبيتصلحش
"خالد بيشترك فى الحوار" بس ممكن يتلحم يا لميس لو احنا عندنا استعداد لقبوله تانى
"لميس مستغربه ان خالد مع مروان وسامحه"انت معاه يا خالد وانت عارف كان عاوز منى ايه
"خالد" انا طبعا زعلان منه واتضايقت جامد ولسه لحد دلوقتى نفسى اضربه بس انا ببص من زاويه يا لميس احنا مش ملايكه
"خلود" علشان خاطرى سامحيه يا لميس هوا ندمان وهايقرب من ربنا تانى
****************************
بعد مرور اسبوعين
يحى بيتكلم هوا ومنه على فترات متباعده وبيحكى لها على كل حاجه ممكن ميقدرش يتكلم فيها مع حد تانى
"شروق هاتتجنن وتروح لسحر بس صباح مش راضيه وزعلانه على سفر مروان"
"فارس فى حالة اكتئاب عبدالعزيز واجى بيحاولوا يخرجوه من الحاله دى ومش قادرين"
"هبه كل يوم بتروح لادهم هيا ويحى علشان يفتكرها ومافيش امل "
"سحر وعاصم علاقتهم بتقوى وقربهم من بعض بيزيد "
"خالد اتقدم لخلود رسمى واتقرأت فتحتهم"
"مروان بيتصل بلميس دايما بس هيا مش بترد عليه قلبها مش قادر يرق لمروان "
...........................................
"سامى ماشى فى الشوارع مافيش معاه حد بيحسس وبيطلب من اى حد يساعده انه يروح لبيته"
"انا اتعميت ساعدونى الدكتوره منها لله عمتنى حدس يساعدنى ارجع لبيتى"
"الناس بتبص عليه ومافيش حد بيقرب منه"
"ساعدونى ابوس ايدكم لازم ابلغ عنها خرجتنى من المستشفى واخدت منى محافظتى انا مش عارف اروح فين "
"تاكسى بيقفله بعد ما سامى خبط فيه مش تفتح يا اعمى "
"سامى بدموع" انا فعلا بقيت اعمى ساعدنى يا بنى ربنا يسترها معاك ودينى لبيتى
"سواق التاكسى اتضايق انه شتمه" انا اسف اتفضل تعالى اوصلك
..........................................
"هبه قاعده مع ادهم فى اوضة الصالون ومعاهم يحى "
"ادهم" انتى كل يوم بتيجى هنا ليه
"هبه" علشان اطمن عليك يا ادهم علشان نفسى تفتكرنى
"ادهم" بس انا مش قادر افتكر اى حد فيكم لا انتى ولا اى حد
"هبه" احنا كنا بنحب بعض اوى يا ادهم ازاى قدرت تنسى الحب اللى بينا
"يحى محروج بيفكر يقوم بس مش حابب يسيبهم لوحدهم "
"ادهم" انا اسف وياريت متجيش تانى متتعبيش نفسك معايا
"هبه" مجيش تانى ازاى مقدرش طبعا انت مش عارف انت عندى ايه وانا كنتلك ايه يا ادهم حرام عليك متقولش كدا تانى
"ادهم بيبص ليحى " وانت وانا كنا اصحاب
"يحى" لاء يا ادهم بس كنا بنحترم بعض وبينا كل موده
"ادهم" طيب ليه انا مش فاكر ليه بس
..........................................
"سحر بتخرج من الاوضه انا لبست "
"عاصم على باب اوضته وانا جهزت يلا بينا بس حلوه العبايه دى "
"سحر بأبتسامه" علشان انت اللى جايبها
"عاصم بيقرب منها بحب" طيب انا نفسى فى حاجه
"سحر بأبتسامه احنا اتأخرنا يلا بينا"
"عاصم" بردوا هاتحنى عليه امتى بس
"سحر بأحراج" يلا بقى الله
"عاصم" بجد انا مشوفتش حد وشه بيحمر زيك كدا ابدا
"سحر" على فكره انا اتأخرت على ماما اوى بقى
"عاصم ماشى يلا بينا "
..............................................
"انجى بتفتح النور على فارس وهوا نايم يلا قوم بقى"
"فارس" لاء انا مش عاوز اقوم سبونى نايم
"انجى" طيب قوم عندى ليك خبر ها يبسطك جدا
"فارس" خلاص مافيش حاجه هاتبسطنى خلاص تانى
"انجى" ليه بس يا حبيبى بتقول كدا دا بابا كلم عمتك صباح على شروق وهيا وافقت
"فارس" بيقزم يقعد على السرير وافقت
......................................
......................................
ليست هناك تعليقات:
إرسال تعليق