"صباح قاعده هيا وسيد"
"سيد" واحنا ها نلاقى احسن من يحى يا صباح دا شاب كويس وعارف ربنا
"صباح" بس كدا حرام خلود اتخطبت ومروان خطب وايه الكبيره لسه
"سيد" دا نصيب يا صباح احنا هانوقف النصيب يعنى وبعدين ايه بيجيلها كتير وهيا اللى بترفض ليه نوقف حال اخواتها
"صباح" والله عندك حق خلاص انا هاكلم سحر واقولهم يشرفوا فى اى وقت
"سيد" ماشى يلا هادخل اريح شويه بقى
"صباح" ماشى وانا هاكمل الغدا بقى وهاخلص واصحيك
"سيد بيمشى فى الطرقه لاوضه نومه وصباح وراه ماشى بس لو هاتتأخرى ساعه واحده وصحينى مش عاوز انام كتير مبعرفش انام بليل "
"صباح" حاضر ان شاء الله
...........................................
"لميس ومروان بيتمشوا على البحر كل ما مروان يقرب من لميس تبعد عنه"
"مروان" للدرجه دى مش طيقانى جمبك يا لميس
"لميس" انت فاكر انا كنت ايه
"مروان" بنتى اللى بتتحامى فى باباها
"لميس" وانت حولت الاحساس دا لواحده عاوزه تحافظ على نفسها بس علشان اللى اقدامها دا ميوصلش لاغراضه
"مروان" يعنى انتى مش هاتسمحينى ابدا ولا ترجع ثقتك فيا تانى ابدا
"لميس"لاء يا مروان وياريت تنسانى وانا كمان صدقنى هانساك
"مروان بحزن " ماشى يا لميس خلى بالك من نفسك
"لميس" مبتردش عليه
"مروان بيعدى عربيه جايه بسرعه "
"لميس" بنجرى عليه الحق يا مروان
"مروان" مجرد رجوعه للميس خطوه تفادى العربيه بمعجزه
"لميس بتجرى عليه بشوق" كنت هاتموت
"مروان بحزن" ما اموت وانا مين هايزعل علشانى يعنى
"لميس" حرام عليك متقولش كدا اهلك ها يزعلوا
"مروان" انتى اهم عندى من كل الدنيا
"لميس قلبها بيرق" مش هاتعمل كدا تانى يا مروان
"مروان " عمرى يا لميس اوعدك عمرى ما ازعلك تانى ولا هالمس حتى ايدك ليوم فرحنا
"لميس" خلاص يا مروان
"مروان" سامحتينى وهانفتح صفحه جديده سوا
"لميس" هانفتح صفحه جديده سوا ومروان يرجع الانسان الطيب الخلوق اللى بيخاف عليه من الهوا
"مروان" اوعدك
.......................................................
"سحر بـتأكل عاصم وهوا نايم على السرير"
"عاصم" بيمسح بوءه بمنديل انا اسف يا سحر تعبتك معايا
"سحر" تعبتنى ! ليه يعنى عملت ايه
"عاصم" زعلتى
"سحر" وانا هازعل ليه انت حاسس ان انا حاجه لما بعملها ليك يبقى بتعب
"عاصم" ربنا يخليكى يا سحر انتى متعرفيش انا سعيد بتعبى دا ازاى
"سحر" ليه يعنى
"عاصم بيشدها من ايدها جمبه على السرير"
"سحر" بتعمل ايه
"عاصم بيقرب منها بلحظه عفويه علشان فضلتى معايا يوم كامل حاسس بقربك دا منى "
"سحر" طيب سيبنى اقوم
"عاصم" دا انا مصدقت لقيتك عمرى ما هاسيبك
...............................................
"شروق ويحى قاعدين فى الكوشه كبيره وقاعه روعه هدية عاصم ليحى "
"يحى وشروق ايديهم متشابكه مش متخيلين انهم فعلا بقوا فى كوشه وان حلمهم من صغرهم بيتحقق"
"عاصم وسحر قاعدين جمب بعض على تربيزه ومعاهم هبه وادهم وسميحه"
"صباح وسيد وايه ومعاهم خالد وخلود على تربيزه تانيه"
"عبد العزيز ومعاه انجى وكنزى على تربيزه تانيه"
"اشرف ومنى
"مراد واسماء واهلها على وبنتها سها على تربيزه "
...................................
"فارس واشرف واقفين رايحين جايين يطمنوا على البوفيه ويشوفوا كل حاجه جاهزه ولا لاء"
"كنزى بتروح لفارس" تعالى يا فارس كلم بابا
"فارس" هاطمن على كل حاجه وجاى
"كنزى" ماشى
.................................
"خالد بيميل على خلود عقبال فرحنا بقى "
"خلود بتبص على باباها ومامتها وبأحراج"ان شاء الله يا حبيبى
"خالد" نفسى نقوم نرقص سوا اسلو بقى
"خلود" بصوت هادى مش هاينفع يا حبيبى
"صباح" سامعه كلامهم ومبسوطه بتبص على ايه شافت كل نظرها على الكوشه ودموع محبوسه فى عينيها
"صباح" ايه مالك
"ايه بأبتسامه مخنوقه" كويسه يا ماما مالى ؟
"صباح" حاسه انك متضايقه
"ايه" لاء يا ماما بيتهيألك
"صباح" طيب يا حبيبتى قومى اقفى جمب اختك شوفى محتاجه حاجه وفرحيها وافرحى معاها
"ايه" شويه بس يا ماما
...................................
"بدأت الرقصه السلو"
"شروق بتلف ايديها حوالين رقبة يحى"
"يحى بأيده على وسطها وقلبه دق"
"شروق" جسمها ارتعش من لمسة ايد يحى ليها
"يحى" انا مش مصدق ان حلمى اخيرا بقى بين ايديا
"شروق" ششش خلينى بين ايديك وفى حضنك بلاش كلام
"يحى" بيحضنها اكتر بحبك اوى يا شروق
"شروق" بعشقك
..................................
فارس بيروح لعبد العزيز ايوه يا بابا
"عبد العزيز" تعالى اقعد يا بنى معانا عاوز اقولك حاجه
"فارس بيقعد جمب باباه "اتفضل يا بابا تحت امرك
"عبد العزيز" انت زعلان
"فارس بأبتسامه وبيبص على شروق ويحى " طيب بص انت عليهم كدا وقولى ازاى حد يشوف المنظر دا ويزعل
"عبد العزيز" اه ربنا يسعدهم ويسعدك انت كمان يا حبيبى
"فارس" يارب يا بابا
...............................
"شروق بترقص وحواليها خلود وهبه وايه وكنزى "
"يحى وبقيت الشباب فى الاتجاه المقابل "
"شروق فى قمة سعادتها وبترقص مع كنزى اللى رقصها فى منتهى الجمال ولافت نظر كل الموجودين "
"ايه كل شويه عينيها فضحاها مش قادره تبعدها عن يحى كل ما نظرها يبعد شويه ترجع تانى ليه "
"شروق بترقص بتبص لايه كل لحظه عينيهم بتتقابل ايه عينيها مليانه دموع "
"شروق" مش عارفه دموع ايه ليه.. بعدت نظرها تانى كأنها مأخدتش بالها منها
"ايه اتضايقت ان شروق شافت دموعها المحبوسه ومقدرتش تمنعهم من النزول اكتر من كدا ورجعت بصت على يحى"
"شروق غصب عنها رجعت بعينيها تانى لايه شافت دموعها نازله على خدودها اتضايقت ..استغربت..مش قادره تفهم كل دا ليه ووجعت عينيها لنفس اتجاه عين ايه "
"شروق" شايفه اتنين بيرقصوا يا ترى بتحبى مين فيهم ؟ وافتكرت كلام ايه ..اللى بحبه ميعرفش بحبى ليه وعمره ما يحس بيا
"كنزى" بتشد ايد شروق يلا يا شروق وقفتى ليه
"شروق كل تفكيرها وعينيها مع هبه نفسها تعرف اختها بتحب مين كل خوفها يكون يحى
...............................
الخطوبه بتخلص والكل خارج من القاعه
"شروق فرحتها مكسوره"
"هبه زعلانه ان ادهم كان معاها ومش معاها "
"يحى ملاحظ تغير شروق وسألها سبب تغيرها وانكرت "
"خلود وخالد من اسعد المخطوبين ..كان نفسى لميس تكون معانا النهارده"
"خالد" معلش يا حبيبتى مينفعش علشان طنط ساميه ما انتى عارفه
"خلود" اه عارفه بس كان نفسى تكون معانا بردوا تفرح
"خالد" هاتفرح فى فرحنا بقى
"خلود بأحراج " هوا انت اى كلام لازم يوصل لفرحنا
"خالد" واخده بالك انتى وبيغمزها بعينيه
..........................................
"شروق مع يحى فى العربيه "
"فارس وهوا بيسوق" وصلنا يا عرسان
"يحى" متشكر اوى يا فارس لو اخويا مكنش هايقف جمبى زيك كدا
"فارس" ايه يا عم مش انت اللى قولت اننا اخوات
"يحى" ماشى واحسن اخ والله يا فارس
"شروق بتنزل من العربيه وعينيها اتقابلت بأيه "
"ايه مسكتلها الفستان "
"يحى بيقرب من شروق وبيسلم عليها مش عاوزه حاجه يا حبيبتى "
"شروق" ايه مش هاتطلع معايا
"صباح بتنزل من العربيه التانيه يلا يا يحى هاتتعشى معانا"
"يحى بيبص لشروق" حاضر يا طنط
"ايه عينيها على يحى ..شروق عينيها على ايه ودموعها بتناجى عينيها "
"شروق ايه انتى والدنيا لفت بيها وقعت فى الارض"
...............................
...............................
اي ده بقى كانت جميييييله الرومانسيه الاولى دي ,,بس مش فاهمه مين اللي وقعت آيه ولا شروووق ؟؟؟
ردحذفوالحلقه صغييييره ليه كدا عايزه حلقه كماااااااااان :( ,,
Sindrella Lolo
أزال المؤلف هذا التعليق.
ردحذفاقصد شروق اللى وقعت لخبطينى هههههههههه
حذف