عجبتكوا وحبيتوا اكمل الجزء التانى عرفونى .... ^_^
الجزء الاول
حنينى اليك ♥
فى مكان ما فى الجامعه يجلس مجموعه من الشباب ها يا مى قولتلهم فى البيت على السفر
ايوه قولتلهم بس بابا رفض وماما قالتلى هاتقنعه
"ياسر" طيب تمام متقلقيش اكيد خالتى هاتعرف تقنعه
"خالد" طيب يلا انا هاقوم انا وميرنا هانخرج
"ميرنا" هاتروح فين بس يا خالود
"خالد" هاروحك واطلع على الشغل
"ياسر" ليه مش هاتحضر بقيت المحاضرات
"خالد" لاء انا هتأخر على الشغل كدا وانا كفايه هاخد اجازه للرحله
"ميرنا" يلا صح يدوب تمشى يلا باى يا مى خلى بالك من نفسك صديقتى
"مى" حاضر حبيبتى وانتى كمان يلا باى
"ميرنا" باى
......................................
مى بتدخل البيت وبصوت عالى مــــــــاما
"نجيبه" مى يا حبيبتى رجعتى
"مى" ايوه يا ماما بابا هنا
"نجيبه" لاء نزل المحل
"مى" طيب طمنينى يا ماما عملتى ايه يارب يكون بابا وافق
"نجيبه" اه وافق
"مى" بجد يا ماما وافق بجد
"نجيبه" اه والله وافق علشان عرف ان ياسر معاكى
"مى"بفرحه بتبوس نجيبه ربنا يخليكى ليا يا احلى ام فى الدنيا
......................................
ياسر وميرنا خارجين من الجامعه انا هامشى
"ياسر" هاتروحى فين
"ميرنا" هاروح مش عاوز حاجه
"ياسر" لاء عاوز سلامتك طيب يلا تعالى اروحك
"ميرنا" لاء يا ياسر معلش بلاش احسن
"ياسر"قلقانه من باسل بردوا
"ميرنا" انا عاوزه اطلع الرحله يا ياسر ومصدقت انهم وافقوا بصراحه
"ياسر" ماشى يا ستى خلاص ابقى كلمينى اطمن عليكى
"حاضر"
.......................................
"ميرنا بتدخل البيت"
"باسل بيخرج متضايق" ايه يا هانم اللى اخرك كدا
"ميرنا" والله مكنتش بدلع كنت فى الجامعه
"باسل بيهجم عليها بيمسكها من دراعها" انتى عليه كدا ليه محدش مالى عينك ولا ايه
"ميرنا بصريخ" يا ماما يا بابا الحقونى
"باسل" بتستنجدى بمين انتى فاكره لو انا عاوز اضربك حد هايشيلك من تحت ايدى
"ميرنا" حرام عليك يا باسل انت بتعاملنى كدا ليه
"باسل لدموعها وصوتها العالى " ادخلى
"ميرنا داخله اوضتها بتعيط" انا عملت ايه فى دنيتى بس يارب وبتنام على سريرها بتكمل بكائها
................................................
تانى يوم فى الجامعه
"ياسر" مالك يا ميرنا شكلك معيط ليه
"ميرنا بدموع" زهقت من حياتى يا ياسر والله زهقت
"ياسر" باسل بردوا عملك ايه تانى
"ميرنا" والله ما عارفه بيعاملنى كدا ليه امتى بقى امشى من البيت دا يا اموت احسن
"ياسر بحب" بعد الشى عليكى يا حبيبتى ليه بتقولى كدا
"ميرنا استوقفتها حبيبتى" انت قولت ايه يا ياسر
"ياسر بخبث" قولت ايه فى ايه
"ميرنا بوش احمر سعيد" قولت حبيبتى
"ياسر بندم " ما انتى اختى حبيبتى اكيد
"ميرنا بحزن " اختك وبصت بعيد تدارى حزنها
"ياسر" اه لو تعرفى انتى عندى ايه يا ميرنا بس للاسف عمرك ما تبقى ليا
"مى بتدخلهم بفرحه ايه انت وهيا تليفوناتكوا من امبارح غير متاح ليه "
"ياسر" ايه يا بنتى عامله قلبان على الصبح كدا ليه
"مى" اصل انا وبكل فخر هاتواضع واطلع معاكو الرحله
"ميرنا بفرحه بجد بجد هاتطلعى معانا عمو وافق
"مى بفرحه الحمد لله وافق انا مبسوطه جدااااا"
"ياسر شايف خالد جاى من بعيد" خالد حه
"خالد بيدخلهم ايه يا شباب اذيكو اذيك وبحب اذيك يا مى "
"مى بفرحه" اذيك انت يا خالد عامل ايه
"ميرنا بتبصلهم وشايفه الحب فى عينيهم بصتلهم ورجعت بعينيها لياسر تبصله بحزن"
"ياسر بيتجاهل نظرات ميرنا " ايه يا بنى مكامتنيش ليه امبارح
"خالد" والله فضلت مستنى للساعه 11 علشان اكلمك بعد ما تخلص شغل وبعدين نمت على نفسى
"ياسر" فالح طيب يلا بينا علشان نلحق المحاضره لان هامشى بدرى
"ميرنا بحزن" بردوا وراك شغل بدرى النهارده
"ياسر" معلش يا ميرنا شغل المطبعه كتير اوى اليومين دول علشان كدا بنروح بدرى وبنمشى متأخر
"مى ملاحظه حزن ميرنا ميلت عليها" ايه يا ميرنا مالك
"ميرنا" هاحكيلك بعدين
.......................................................
"مى عند ميرنا فى البيت"
"معلش يا ميرنا يمكن يقصد فعلا اخته وطلعت عفويه"
"ميرنا" ما هوا دا اللى مزعلنى امتى هايحس بحبى ليه انا هاتجنن يا مى هاتجنن
"مى" حتى لو حاسس مش هياخد خطوه يا مى ابن خالتى وعارفاه عمره ما هايفكر فى جواز قبل ما يجوز اخواته البنات
"ميرنا" وانا مش مستعجله يا مى بس على الاقل يبينلى انه بيحبنى
"مى" خلاص بقى يا ميرنا وقامت خدت شنطتها طلعيه من دماغك لان اخوكى مستحيل يخليكى تستنيه
"ميرنا" هو بس يقولى انه بيحبنى
"مى" انتى مجنونه يلا سلام
..................................................
"ياسر فى المطبعه حزين"
"عصام" مالك يا ياسر شكلك متضايق ليه
"ياسر" هاتجنن واصارحها بحبى ليها يا عصام
"عصام" ما تقولها وتخلص حرام كدا
"ياسر" وانا جمبها بحس الدنيا كلها صعبه عليه بحس ان ناقم على حياتى وظروفى
"عصام" معلش بس انت راجل ويعتمد عليك ودى حاجه تفرحها
"ياسر" وانا مقدرش اتكلم معاها واعلقها بيا وانا اصلا مش عارف هاقدر اكون معاها امتى
"عصام" عيبك يا صاحبى انك شايل هموم الدنيا كلها فوق دماغك
"ياسر" الحمد لله وسامحنى يارب على كلمة ناقم انا تعبان ومخنوق
"عصام" انت عارف انا واثق انك هاتحقق كل اللى نفسك فيه
"ياسر" ليه يعنى
"عصام" علشان دايما فاكر ربنا وبتفكر فيه وفى قربك منه
.................................................
"خالد بيقرب من بعيد هو ومى"
"ميرنا"ها مستعدين
"خالد" الحمد لله
"مى" فين ياسر
"ميرنا " لسه مجاش معدتيش عليه وانتى نازله ليه يا مى
"مى" سألت عليه والله قالولى نزل
"خالد" متقلقوش يا جماعه زمانه جاى
"ميرنا" الامتحان لسه نص ساعه وندخل
"مى" هاتلاقيه عدى على المطبعه وجاى متقلقوش
"ميرنا الوقت بيعدى وهوا مبيظهرش ليكون حصله حاجه"
"مى" بصراحه حاجه تقلق وخصوصا مبيردش على موبايله خالص
"خالد" يلا بينا ندخل وهانلاقيه جاى دلوقتى
"ميرنا" لاء مش هادخل غير لما اطمن عليه
"خالد" يا بنتى هتلاقيه جاى دلوقتى يلا بقى
"الثلاثه بيدخلوا الامتحان وبيخلصوه وبيخرجوا يدوروا على بعض ويطمنوا ان ياسر جه"
"خالد جاى بأسى" ياسر يا جماعه محضرش فعلا حاجه تقلق دخلت اللجنه بتاعته وملقتوش
"ميرنا بدموع" اكيد حصله حاجه انا قلبى مش مطمن
"مى بخوف" حرام عليكى يا ميرنا متفوليش عليه
"خالد" انتى تروحى يا مى تسألى عليه بس متبينيش لخالتك حاجه ويارب تلاقيه
"ميرنا" ايوه واحنا هانستناكى تحت
......................................................
"مى بتدخل بيت خالتها"
" سلامو عليكو اذيك يا خالتو"
"الخاله" اذيك يا حبيبتى عملتو ايه فى الامتحان وفين ياسر
"مى بتوتر" الحمد لله حلينا كويس وياسر راح المطبعه
"الخاله" طيب الحمد لله استنى لما تخدى طبق الكنافه دا طلعيه لمامتك
"مى" لاء يا خالتو مش هاقدر لان انا مش هاطلع
"الخاله" ماشى يا بنتى هابعته مع مروه
............................................
"مى بتنزل لخالد وميرنا وهما واقفين فى قمة خوفهم"
"ميرنا بخوف" ها
"خالد خايف يسأل"
"مى" مش موجود فوق
"ميرنا بدموع اقوى" مش قولتلكوا ان فيه حاجه انا قلبى حاسس
"مى" مينفعش تعملى كدا فى الشارع تعالو نسأل اى حد
"خالد" لاء انتى تطلعى وميرنا تروحى علشان اخوكى وانا هاروح المطبعه اسأل عليه
"ميرنا" مش هاقدر استنى مش هاقدر
"خالد" للدرجه دى بتحبيه يا ميرنا
"ميرنا بضيق" دا وقته يا خالد انا عاوزه اطمن عليه
"خالد" اطمنى وانتى يا مى اطلعى وبطلو تعيطوا كدا يلا
...............................................
"خالد بيروح المطبعه"
"عصام بيتكلم مع خالد" والله يا خالد ما شوفته من امبارح
"خالد" يبقى اكيد حصله حاجه لازم ابلغ
"عصام" ربنا يستر
..............................................
"خالد بعد بحث كتير معرفش يوصل فيه لياسر اضطر يروح بيت ياسر "
"الام" ابنى هايكون راح فين بس
"خالد" يا طنط انا مش لاقيه خالص معرفش راح فين
"الام بخوف" دا انا ماليش غيره
"خالد" حضرتك يا طنط لازم تبلغى عن اختفاؤه دا
"الام " ابنى جراله ايه حد يطمنى ابنى ماله
"خالد وهو قلقان اكتر منها بس بيحاول يهديها" يا طنط اطمنى اكيد بخير
"الام" خير ايه بس وهوا مختفى من الصبح ابنى حصله ايه
"خالد" يا طنط اهدى والبسى وتعالى ننزل نبلغ بعد اذنك
"الام بدموع وبناتها فى الاوضه بيعيطوا لما سمعوا كلام خالد" انا مش قادره اتحرك حاسه ان رجليه مش شيلانى
"خالد" معلش يا طنط بعد اذنك لازم ننزل مينفعش نتأخر اكتر من كدا
....................................................
"بعد مرور 24 ساعه من اختفاء ياسر بدأ البوليس يتحرى عنه فى الاقسام والمستشفيات ومش لقينه"
"الام بصرخه مدويه" ابنى اكيد مات اكيد ابنى ماااااات
"خالد دموعه بتنزل مش قادر يواسيها وهوا محتاج اللى يواسيه "
....................................................
"بعد مرور اسبوع من اختفاء ياسر"
"باسل لمامته وهيا قاعده على كرسى وميرنا نايمه قدامها على السرير" انا نفسى اعرف ايه اللى حصلها مره واحده كدا
"الام" من معاملتك ليها
"باسل " معاملتى ليها ليه بعذبها لاء بنتك فيها حاجه انا متأكد
"الام" فيها حاجه ازاى يعنى
"باسل" ماهيا داخله خارجه لوحدها على طول مافيش حد حاكمها تلاقى حد ضحك عليها
"الام" منك لله يا شيخ فى اخ يقول على اخته المتربيه كدا سبت ايه للناس
"باسل" ما انتوا السبب فى تربيتها
"الام" امشى من قدامى متخلنيش ادعى عليك اكتر من كدت
"باسل" ماشى بس لو طلع احساسى صح هاموتها بأيديا
"الام" وهوا انت تعرف الاحساس انت دعوه ادعت عليا منك لله حسبى الله ونعم الوكيل فيك
"باسل" دا اللى انتى شاطره فيه كل ما تشوفينى تفضلى تدعى كنتى خدى بالك من بنتك احسن
"الام" بنتى اشرف منك ومن اى حد يجيب سيرتها
"باسل بضحكه" هاهاها بكره نشوف
.......................................................
"مامت ياسر نايمه فى السرير بناتها حواليها"
"دعاء البنت الكبيره" يا ماما خدى الدوا بقى متتعبينيش حرام عليكى
"الام" اخد دوا ليه علشان اعيش هاعيش لمين ابنى راح
"دعاء" يا ماما حرام كدا ياسر هايرجع انا واثقه انه راجع
"الام" اللى بيروح عمره ما بيرجع
"دعاء" يا ماما حرام عليكى تفولى عليه كل شويه كدا حرام عليكى
"الام" طيب قوليلى ابنى سابنى وراح فين بعد عنى ليه
"دعاء" معرفش يا ماما معرفش بس انا متأكده انه راجع انا متأكده فى رحمة ربنا بينا
"الام" يارب يارب
......................................................
"مى بتدخل بيت مى"
"الام" تعالى يا بنتى
"مى شكلها حزين" ميرنا عامله ايه دلوقتى يا طنط
"الام" زى ما هيا انا مش عارفه ايه اللى صابنا انا مش عارفه
"مى بحزن" هاتبقى كويسه يا طنط
"الام" هيا فعلا كانت بتحب حد يا مى
"مى بأندهاش" ليه يا طنط بتسألى ليه؟
"الام" اخوها بيقول حد ضحك عليها
"مى" حد ضحك عليها والله حرام ازاى تقولوا كدا على واحده زى ميرنا دى بنتك يا طنط ادب بنت فى الدنيا
"الام بدموع" انا عارفه منه لله شككنى فى نفسى وهيا كمان نومتها دى مش بالساهل
"مى" يا طنط اعصابها تعبانه هاتبقى كويسه اطمنى
"الام" يارب يزيح عننا هاروح احضر الغدا لباباها وهاتتغدى معانا ماشى
"مى" لاء يا طنط انا هاشوفها وهانزل على طول معلش
"الام" ماشى يا بنتى يارب تتكلم معاكى وتقوم بقى يارب
"مى بتدخل لميرنا اوضتها"
"قومى يا ميرنا بقى مينفعش تفضلى كدا "
"ميرنا بتفتح عينيها بصعوبه"شوفتى اخويا بيقول عليه ايه وبلسان تقيل فين ياسر يا مى ياسر فين
"مى بتقعد جمبها وبتقومها" قومى بقى حرام عليكى قومى اللى بتعمليه دا حرام قومى
"ميرنا بتفوق" افوق ليه خلينى نايمه احسن اعيش ازاى فى دنيا مفيهاش ياسر
"مى" وياسر لسه مامتش قومى بقى وفوقى واستنيه
"ميرنا" لما تقوليلى انه جه هاقوم
"مى بتهز فيها جامد" يا شيخه حرام عليكى قومى بقى قومـــــــــــى
..............................................................
"خالد فى اوضته مكتئب الام بتدخله"
"صفاء" يا حبيبى اخرج نتيجتك زمانها هاتظهر
"خالد بحزن" نتيجتى هه وتفتكرى بقت تفرق
"صفاء" محدش بيعمل زيك كدا يا خالد مينفعش كدا دا لو اخوك مكنتش هاتزعل علشانه كدا
"خالد بدموع" اخويا اااااااااااه دا كان اغلى انسان عندى مافيش اخ ممكن ياخد مكانه ابدا ياسر دا عمره ما زعل حد عمره ما جرح حد كان عايش بس علشان يجوز اخواته ويطمن عليهم كان مش يشترى لبس لنفسه علشان هما يجيبوا اللى نفسهم فيه حب عمره معرفهاش فضل يحبها فى صمت علشان بس ميضيعهاش جمبيه فى حد كدا قوليلى دا يتزعل عليه ولا لاء
"صفاء بتأثر لعصبية ابنها" بس هوا لسه ممتش يا خالد احنا منعرفش هوا فين
"خالد" ماهو دا اللى يزعل اكتر يا امى مش عارفين هوا فين دا لو مات كان هايكون فى مقبره نروح نشوفه فيها
"صفاء" يابنى حرام عليك كدا هوا هايرجع وانت هاتموت من حزنك عليه
"خالد" بس هو يرجع بس يرجع يا ماما يرجع
...........................................................
"بعد مرور اكتر من شهرين على اختفاء ياسر الكل بدأ يرجع لحياته بالتدريج"
"خالد خلص بتقدير عام جيد جدا ولان مالوش اخوات ولاد مدخلش جيش"
"ميرنا تقديرها العام امتياز وهاتبقى معيده "
"مى تقديرها جيد جدا وزعلانه انها وميرنا مش هايشتغلوا سوا زى ما كانوا مخططين طول عمرهم"
"طبعا منسيوش نتيجه ياسر كل المواد جيد جدا ما عدا ماده واحده لم يحضر"
.............................................................
"مى فى اوضتها بتعيط"
"ياترى ليه بعدك دا عنى يا خالد انا عملت ايه علشان تبعد عنى كدا"
"مى انا هاكلمه افهم متغير معايا ليه"
"الو"
"خالد بحزن" الو ازيك يا مى
"مى" الحمد لله
"خالد" وميرنا عامله ايه انا مبعرفش اكلمها علشان معملهاش مشكله مع اخوها
"مى" كويسه الحمد لله اهى بتحاول تعيش
"خالد مش عارف يقول ايه فسكت"
"مى" ايه يا خالد مش عاوز تقولى حاجه
"خالد بحزن " حاجه ايه
"مى" انت اتغيرت كدا ليه يا خالد انا عملت حاجه
"خالد بصوت مخنوق" انتى معملتيش حاجه يا مى بس انا اللى مش هاقدر اعيش حياتى واستمتع بيها وياسر معرفش هوا فين ولا فيه ايه
"مى بتسكت فرحانه بحب خالد لابن خالتها كدا ووفائه ليه"
"خالد بصوت منفعل" ياريته كان حتى مات كنت عرفت مكانه وقلبى ارتاح لكن انا كدا مش عارف هوا فين وفيه ايه
"مى" بعد الشر عليه ياسر هايرجع انا متأكده من كدا
"خالد" يارب انا كنت عند طنط امبارح زورتها
"مى" قالتلى انك جيت واديتها فلوس كان ياسر عينها معاك ..انت عظيم يا خالد بجد
"خالد بدموع" انا ياسر وحشنى اوى يامى اهئ اهئ وحشنى هاموت واشوفه واخده فى حضنى
"مى" يا خالد متعملش كدا حرام عليك انا ماسكه نفسى بالعافيه
......................................................
"باسل بيدخل بصوت سعيد"
"ماما بابا ميرنا تعالو عايزكوا"
"الكل بيتجمع" ميرنا جايلها عريس وانا موافق والخطوبه الخميس الجاى
"الام بتبص لميرنا" عريس
"ميرنا" مستحيل
"الاب" عريس مين دا وخطوبة ايه هوا انا مت خلاص
"باسل بعصبيه" مستحيل ليه مش بقولك انا حاسس انك فيكى حاجه
"الاب" اخرس قطع لسانك
"باسل بيمسك ايد والده" بقولكوا ايه اللى عندى قولته يلا سلام
"ميرنا بتبص لباباها ومامتها بدموع" خلاص هايجوزنى غصب عنى
"الاب بقلة حيله" دا ابن عاق وبيضرب كف على كف وبيمشى وبيردد ربنا ياخده ربنا ياخده
"ميرنا" ماما هاتسيبيه يعمل فيا كدا يا ماما
"الام" محدش هايقدر عليه يا بنتى نصيبك
"ميرنا" وانا مستحيل اتجوزه انا اموت نفسى ارحملى
.......................................
.......................................
الجزء الاول
حنينى اليك ♥
فى مكان ما فى الجامعه يجلس مجموعه من الشباب ها يا مى قولتلهم فى البيت على السفر
ايوه قولتلهم بس بابا رفض وماما قالتلى هاتقنعه
"ياسر" طيب تمام متقلقيش اكيد خالتى هاتعرف تقنعه
"خالد" طيب يلا انا هاقوم انا وميرنا هانخرج
"ميرنا" هاتروح فين بس يا خالود
"خالد" هاروحك واطلع على الشغل
"ياسر" ليه مش هاتحضر بقيت المحاضرات
"خالد" لاء انا هتأخر على الشغل كدا وانا كفايه هاخد اجازه للرحله
"ميرنا" يلا صح يدوب تمشى يلا باى يا مى خلى بالك من نفسك صديقتى
"مى" حاضر حبيبتى وانتى كمان يلا باى
"ميرنا" باى
......................................
مى بتدخل البيت وبصوت عالى مــــــــاما
"نجيبه" مى يا حبيبتى رجعتى
"مى" ايوه يا ماما بابا هنا
"نجيبه" لاء نزل المحل
"مى" طيب طمنينى يا ماما عملتى ايه يارب يكون بابا وافق
"نجيبه" اه وافق
"مى" بجد يا ماما وافق بجد
"نجيبه" اه والله وافق علشان عرف ان ياسر معاكى
"مى"بفرحه بتبوس نجيبه ربنا يخليكى ليا يا احلى ام فى الدنيا
......................................
ياسر وميرنا خارجين من الجامعه انا هامشى
"ياسر" هاتروحى فين
"ميرنا" هاروح مش عاوز حاجه
"ياسر" لاء عاوز سلامتك طيب يلا تعالى اروحك
"ميرنا" لاء يا ياسر معلش بلاش احسن
"ياسر"قلقانه من باسل بردوا
"ميرنا" انا عاوزه اطلع الرحله يا ياسر ومصدقت انهم وافقوا بصراحه
"ياسر" ماشى يا ستى خلاص ابقى كلمينى اطمن عليكى
"حاضر"
.......................................
"ميرنا بتدخل البيت"
"باسل بيخرج متضايق" ايه يا هانم اللى اخرك كدا
"ميرنا" والله مكنتش بدلع كنت فى الجامعه
"باسل بيهجم عليها بيمسكها من دراعها" انتى عليه كدا ليه محدش مالى عينك ولا ايه
"ميرنا بصريخ" يا ماما يا بابا الحقونى
"باسل" بتستنجدى بمين انتى فاكره لو انا عاوز اضربك حد هايشيلك من تحت ايدى
"ميرنا" حرام عليك يا باسل انت بتعاملنى كدا ليه
"باسل لدموعها وصوتها العالى " ادخلى
"ميرنا داخله اوضتها بتعيط" انا عملت ايه فى دنيتى بس يارب وبتنام على سريرها بتكمل بكائها
................................................
تانى يوم فى الجامعه
"ياسر" مالك يا ميرنا شكلك معيط ليه
"ميرنا بدموع" زهقت من حياتى يا ياسر والله زهقت
"ياسر" باسل بردوا عملك ايه تانى
"ميرنا" والله ما عارفه بيعاملنى كدا ليه امتى بقى امشى من البيت دا يا اموت احسن
"ياسر بحب" بعد الشى عليكى يا حبيبتى ليه بتقولى كدا
"ميرنا استوقفتها حبيبتى" انت قولت ايه يا ياسر
"ياسر بخبث" قولت ايه فى ايه
"ميرنا بوش احمر سعيد" قولت حبيبتى
"ياسر بندم " ما انتى اختى حبيبتى اكيد
"ميرنا بحزن " اختك وبصت بعيد تدارى حزنها
"ياسر" اه لو تعرفى انتى عندى ايه يا ميرنا بس للاسف عمرك ما تبقى ليا
"مى بتدخلهم بفرحه ايه انت وهيا تليفوناتكوا من امبارح غير متاح ليه "
"ياسر" ايه يا بنتى عامله قلبان على الصبح كدا ليه
"مى" اصل انا وبكل فخر هاتواضع واطلع معاكو الرحله
"ميرنا بفرحه بجد بجد هاتطلعى معانا عمو وافق
"مى بفرحه الحمد لله وافق انا مبسوطه جدااااا"
"ياسر شايف خالد جاى من بعيد" خالد حه
"خالد بيدخلهم ايه يا شباب اذيكو اذيك وبحب اذيك يا مى "
"مى بفرحه" اذيك انت يا خالد عامل ايه
"ميرنا بتبصلهم وشايفه الحب فى عينيهم بصتلهم ورجعت بعينيها لياسر تبصله بحزن"
"ياسر بيتجاهل نظرات ميرنا " ايه يا بنى مكامتنيش ليه امبارح
"خالد" والله فضلت مستنى للساعه 11 علشان اكلمك بعد ما تخلص شغل وبعدين نمت على نفسى
"ياسر" فالح طيب يلا بينا علشان نلحق المحاضره لان هامشى بدرى
"ميرنا بحزن" بردوا وراك شغل بدرى النهارده
"ياسر" معلش يا ميرنا شغل المطبعه كتير اوى اليومين دول علشان كدا بنروح بدرى وبنمشى متأخر
"مى ملاحظه حزن ميرنا ميلت عليها" ايه يا ميرنا مالك
"ميرنا" هاحكيلك بعدين
.......................................................
"مى عند ميرنا فى البيت"
"معلش يا ميرنا يمكن يقصد فعلا اخته وطلعت عفويه"
"ميرنا" ما هوا دا اللى مزعلنى امتى هايحس بحبى ليه انا هاتجنن يا مى هاتجنن
"مى" حتى لو حاسس مش هياخد خطوه يا مى ابن خالتى وعارفاه عمره ما هايفكر فى جواز قبل ما يجوز اخواته البنات
"ميرنا" وانا مش مستعجله يا مى بس على الاقل يبينلى انه بيحبنى
"مى" خلاص بقى يا ميرنا وقامت خدت شنطتها طلعيه من دماغك لان اخوكى مستحيل يخليكى تستنيه
"ميرنا" هو بس يقولى انه بيحبنى
"مى" انتى مجنونه يلا سلام
..................................................
"ياسر فى المطبعه حزين"
"عصام" مالك يا ياسر شكلك متضايق ليه
"ياسر" هاتجنن واصارحها بحبى ليها يا عصام
"عصام" ما تقولها وتخلص حرام كدا
"ياسر" وانا جمبها بحس الدنيا كلها صعبه عليه بحس ان ناقم على حياتى وظروفى
"عصام" معلش بس انت راجل ويعتمد عليك ودى حاجه تفرحها
"ياسر" وانا مقدرش اتكلم معاها واعلقها بيا وانا اصلا مش عارف هاقدر اكون معاها امتى
"عصام" عيبك يا صاحبى انك شايل هموم الدنيا كلها فوق دماغك
"ياسر" الحمد لله وسامحنى يارب على كلمة ناقم انا تعبان ومخنوق
"عصام" انت عارف انا واثق انك هاتحقق كل اللى نفسك فيه
"ياسر" ليه يعنى
"عصام" علشان دايما فاكر ربنا وبتفكر فيه وفى قربك منه
.................................................
"خالد بيقرب من بعيد هو ومى"
"ميرنا"ها مستعدين
"خالد" الحمد لله
"مى" فين ياسر
"ميرنا " لسه مجاش معدتيش عليه وانتى نازله ليه يا مى
"مى" سألت عليه والله قالولى نزل
"خالد" متقلقوش يا جماعه زمانه جاى
"ميرنا" الامتحان لسه نص ساعه وندخل
"مى" هاتلاقيه عدى على المطبعه وجاى متقلقوش
"ميرنا الوقت بيعدى وهوا مبيظهرش ليكون حصله حاجه"
"مى" بصراحه حاجه تقلق وخصوصا مبيردش على موبايله خالص
"خالد" يلا بينا ندخل وهانلاقيه جاى دلوقتى
"ميرنا" لاء مش هادخل غير لما اطمن عليه
"خالد" يا بنتى هتلاقيه جاى دلوقتى يلا بقى
"الثلاثه بيدخلوا الامتحان وبيخلصوه وبيخرجوا يدوروا على بعض ويطمنوا ان ياسر جه"
"خالد جاى بأسى" ياسر يا جماعه محضرش فعلا حاجه تقلق دخلت اللجنه بتاعته وملقتوش
"ميرنا بدموع" اكيد حصله حاجه انا قلبى مش مطمن
"مى بخوف" حرام عليكى يا ميرنا متفوليش عليه
"خالد" انتى تروحى يا مى تسألى عليه بس متبينيش لخالتك حاجه ويارب تلاقيه
"ميرنا" ايوه واحنا هانستناكى تحت
......................................................
"مى بتدخل بيت خالتها"
" سلامو عليكو اذيك يا خالتو"
"الخاله" اذيك يا حبيبتى عملتو ايه فى الامتحان وفين ياسر
"مى بتوتر" الحمد لله حلينا كويس وياسر راح المطبعه
"الخاله" طيب الحمد لله استنى لما تخدى طبق الكنافه دا طلعيه لمامتك
"مى" لاء يا خالتو مش هاقدر لان انا مش هاطلع
"الخاله" ماشى يا بنتى هابعته مع مروه
............................................
"مى بتنزل لخالد وميرنا وهما واقفين فى قمة خوفهم"
"ميرنا بخوف" ها
"خالد خايف يسأل"
"مى" مش موجود فوق
"ميرنا بدموع اقوى" مش قولتلكوا ان فيه حاجه انا قلبى حاسس
"مى" مينفعش تعملى كدا فى الشارع تعالو نسأل اى حد
"خالد" لاء انتى تطلعى وميرنا تروحى علشان اخوكى وانا هاروح المطبعه اسأل عليه
"ميرنا" مش هاقدر استنى مش هاقدر
"خالد" للدرجه دى بتحبيه يا ميرنا
"ميرنا بضيق" دا وقته يا خالد انا عاوزه اطمن عليه
"خالد" اطمنى وانتى يا مى اطلعى وبطلو تعيطوا كدا يلا
...............................................
"خالد بيروح المطبعه"
"عصام بيتكلم مع خالد" والله يا خالد ما شوفته من امبارح
"خالد" يبقى اكيد حصله حاجه لازم ابلغ
"عصام" ربنا يستر
..............................................
"خالد بعد بحث كتير معرفش يوصل فيه لياسر اضطر يروح بيت ياسر "
"الام" ابنى هايكون راح فين بس
"خالد" يا طنط انا مش لاقيه خالص معرفش راح فين
"الام بخوف" دا انا ماليش غيره
"خالد" حضرتك يا طنط لازم تبلغى عن اختفاؤه دا
"الام " ابنى جراله ايه حد يطمنى ابنى ماله
"خالد وهو قلقان اكتر منها بس بيحاول يهديها" يا طنط اطمنى اكيد بخير
"الام" خير ايه بس وهوا مختفى من الصبح ابنى حصله ايه
"خالد" يا طنط اهدى والبسى وتعالى ننزل نبلغ بعد اذنك
"الام بدموع وبناتها فى الاوضه بيعيطوا لما سمعوا كلام خالد" انا مش قادره اتحرك حاسه ان رجليه مش شيلانى
"خالد" معلش يا طنط بعد اذنك لازم ننزل مينفعش نتأخر اكتر من كدا
....................................................
"بعد مرور 24 ساعه من اختفاء ياسر بدأ البوليس يتحرى عنه فى الاقسام والمستشفيات ومش لقينه"
"الام بصرخه مدويه" ابنى اكيد مات اكيد ابنى ماااااات
"خالد دموعه بتنزل مش قادر يواسيها وهوا محتاج اللى يواسيه "
....................................................
"بعد مرور اسبوع من اختفاء ياسر"
"باسل لمامته وهيا قاعده على كرسى وميرنا نايمه قدامها على السرير" انا نفسى اعرف ايه اللى حصلها مره واحده كدا
"الام" من معاملتك ليها
"باسل " معاملتى ليها ليه بعذبها لاء بنتك فيها حاجه انا متأكد
"الام" فيها حاجه ازاى يعنى
"باسل" ماهيا داخله خارجه لوحدها على طول مافيش حد حاكمها تلاقى حد ضحك عليها
"الام" منك لله يا شيخ فى اخ يقول على اخته المتربيه كدا سبت ايه للناس
"باسل" ما انتوا السبب فى تربيتها
"الام" امشى من قدامى متخلنيش ادعى عليك اكتر من كدت
"باسل" ماشى بس لو طلع احساسى صح هاموتها بأيديا
"الام" وهوا انت تعرف الاحساس انت دعوه ادعت عليا منك لله حسبى الله ونعم الوكيل فيك
"باسل" دا اللى انتى شاطره فيه كل ما تشوفينى تفضلى تدعى كنتى خدى بالك من بنتك احسن
"الام" بنتى اشرف منك ومن اى حد يجيب سيرتها
"باسل بضحكه" هاهاها بكره نشوف
.......................................................
"مامت ياسر نايمه فى السرير بناتها حواليها"
"دعاء البنت الكبيره" يا ماما خدى الدوا بقى متتعبينيش حرام عليكى
"الام" اخد دوا ليه علشان اعيش هاعيش لمين ابنى راح
"دعاء" يا ماما حرام كدا ياسر هايرجع انا واثقه انه راجع
"الام" اللى بيروح عمره ما بيرجع
"دعاء" يا ماما حرام عليكى تفولى عليه كل شويه كدا حرام عليكى
"الام" طيب قوليلى ابنى سابنى وراح فين بعد عنى ليه
"دعاء" معرفش يا ماما معرفش بس انا متأكده انه راجع انا متأكده فى رحمة ربنا بينا
"الام" يارب يارب
......................................................
"مى بتدخل بيت مى"
"الام" تعالى يا بنتى
"مى شكلها حزين" ميرنا عامله ايه دلوقتى يا طنط
"الام" زى ما هيا انا مش عارفه ايه اللى صابنا انا مش عارفه
"مى بحزن" هاتبقى كويسه يا طنط
"الام" هيا فعلا كانت بتحب حد يا مى
"مى بأندهاش" ليه يا طنط بتسألى ليه؟
"الام" اخوها بيقول حد ضحك عليها
"مى" حد ضحك عليها والله حرام ازاى تقولوا كدا على واحده زى ميرنا دى بنتك يا طنط ادب بنت فى الدنيا
"الام بدموع" انا عارفه منه لله شككنى فى نفسى وهيا كمان نومتها دى مش بالساهل
"مى" يا طنط اعصابها تعبانه هاتبقى كويسه اطمنى
"الام" يارب يزيح عننا هاروح احضر الغدا لباباها وهاتتغدى معانا ماشى
"مى" لاء يا طنط انا هاشوفها وهانزل على طول معلش
"الام" ماشى يا بنتى يارب تتكلم معاكى وتقوم بقى يارب
"مى بتدخل لميرنا اوضتها"
"قومى يا ميرنا بقى مينفعش تفضلى كدا "
"ميرنا بتفتح عينيها بصعوبه"شوفتى اخويا بيقول عليه ايه وبلسان تقيل فين ياسر يا مى ياسر فين
"مى بتقعد جمبها وبتقومها" قومى بقى حرام عليكى قومى اللى بتعمليه دا حرام قومى
"ميرنا بتفوق" افوق ليه خلينى نايمه احسن اعيش ازاى فى دنيا مفيهاش ياسر
"مى" وياسر لسه مامتش قومى بقى وفوقى واستنيه
"ميرنا" لما تقوليلى انه جه هاقوم
"مى بتهز فيها جامد" يا شيخه حرام عليكى قومى بقى قومـــــــــــى
..............................................................
"خالد فى اوضته مكتئب الام بتدخله"
"صفاء" يا حبيبى اخرج نتيجتك زمانها هاتظهر
"خالد بحزن" نتيجتى هه وتفتكرى بقت تفرق
"صفاء" محدش بيعمل زيك كدا يا خالد مينفعش كدا دا لو اخوك مكنتش هاتزعل علشانه كدا
"خالد بدموع" اخويا اااااااااااه دا كان اغلى انسان عندى مافيش اخ ممكن ياخد مكانه ابدا ياسر دا عمره ما زعل حد عمره ما جرح حد كان عايش بس علشان يجوز اخواته ويطمن عليهم كان مش يشترى لبس لنفسه علشان هما يجيبوا اللى نفسهم فيه حب عمره معرفهاش فضل يحبها فى صمت علشان بس ميضيعهاش جمبيه فى حد كدا قوليلى دا يتزعل عليه ولا لاء
"صفاء بتأثر لعصبية ابنها" بس هوا لسه ممتش يا خالد احنا منعرفش هوا فين
"خالد" ماهو دا اللى يزعل اكتر يا امى مش عارفين هوا فين دا لو مات كان هايكون فى مقبره نروح نشوفه فيها
"صفاء" يابنى حرام عليك كدا هوا هايرجع وانت هاتموت من حزنك عليه
"خالد" بس هو يرجع بس يرجع يا ماما يرجع
...........................................................
"بعد مرور اكتر من شهرين على اختفاء ياسر الكل بدأ يرجع لحياته بالتدريج"
"خالد خلص بتقدير عام جيد جدا ولان مالوش اخوات ولاد مدخلش جيش"
"ميرنا تقديرها العام امتياز وهاتبقى معيده "
"مى تقديرها جيد جدا وزعلانه انها وميرنا مش هايشتغلوا سوا زى ما كانوا مخططين طول عمرهم"
"طبعا منسيوش نتيجه ياسر كل المواد جيد جدا ما عدا ماده واحده لم يحضر"
.............................................................
"مى فى اوضتها بتعيط"
"ياترى ليه بعدك دا عنى يا خالد انا عملت ايه علشان تبعد عنى كدا"
"مى انا هاكلمه افهم متغير معايا ليه"
"الو"
"خالد بحزن" الو ازيك يا مى
"مى" الحمد لله
"خالد" وميرنا عامله ايه انا مبعرفش اكلمها علشان معملهاش مشكله مع اخوها
"مى" كويسه الحمد لله اهى بتحاول تعيش
"خالد مش عارف يقول ايه فسكت"
"مى" ايه يا خالد مش عاوز تقولى حاجه
"خالد بحزن " حاجه ايه
"مى" انت اتغيرت كدا ليه يا خالد انا عملت حاجه
"خالد بصوت مخنوق" انتى معملتيش حاجه يا مى بس انا اللى مش هاقدر اعيش حياتى واستمتع بيها وياسر معرفش هوا فين ولا فيه ايه
"مى بتسكت فرحانه بحب خالد لابن خالتها كدا ووفائه ليه"
"خالد بصوت منفعل" ياريته كان حتى مات كنت عرفت مكانه وقلبى ارتاح لكن انا كدا مش عارف هوا فين وفيه ايه
"مى" بعد الشر عليه ياسر هايرجع انا متأكده من كدا
"خالد" يارب انا كنت عند طنط امبارح زورتها
"مى" قالتلى انك جيت واديتها فلوس كان ياسر عينها معاك ..انت عظيم يا خالد بجد
"خالد بدموع" انا ياسر وحشنى اوى يامى اهئ اهئ وحشنى هاموت واشوفه واخده فى حضنى
"مى" يا خالد متعملش كدا حرام عليك انا ماسكه نفسى بالعافيه
......................................................
"باسل بيدخل بصوت سعيد"
"ماما بابا ميرنا تعالو عايزكوا"
"الكل بيتجمع" ميرنا جايلها عريس وانا موافق والخطوبه الخميس الجاى
"الام بتبص لميرنا" عريس
"ميرنا" مستحيل
"الاب" عريس مين دا وخطوبة ايه هوا انا مت خلاص
"باسل بعصبيه" مستحيل ليه مش بقولك انا حاسس انك فيكى حاجه
"الاب" اخرس قطع لسانك
"باسل بيمسك ايد والده" بقولكوا ايه اللى عندى قولته يلا سلام
"ميرنا بتبص لباباها ومامتها بدموع" خلاص هايجوزنى غصب عنى
"الاب بقلة حيله" دا ابن عاق وبيضرب كف على كف وبيمشى وبيردد ربنا ياخده ربنا ياخده
"ميرنا" ماما هاتسيبيه يعمل فيا كدا يا ماما
"الام" محدش هايقدر عليه يا بنتى نصيبك
"ميرنا" وانا مستحيل اتجوزه انا اموت نفسى ارحملى
.......................................
.......................................
ليست هناك تعليقات:
إرسال تعليق