شريف نايم على السرير وجنبه مراته
"ريهام" حبيبى يلا قوم
الساعه كام
7
طيب هافوق اهو
طيب هاقوم احضرلك سندوتيش بسرعه والنسكافيه بتاعك
لاء لاء كفايه واحدة باتيه بس والنسكافيه
يا حبيبى انت بتتأخر فى الشغل ما ينفعش تفضل اليوم كله من غير اكل كدا
مين قالك دا انا وكمال بنجيب سندوتشات وبناكل سوا متقلقيش
ماشى يا حبيبى بس معلش انا هاخد جودى واروح لماما شويه
ماشى بس خلى بالكوا من نفسكوا
حاضر
..........................................................................
شريف بيدخل القسم
"العسكرى" تمام يا فندم
رفع ايده للعسكرى وردله التحيه.. وفتح اوضه مكتوب على بابها "الرائد شريف"
شريف اول ما قعد مسك التليفون
ايوه يا بنى ادينى النقيب كمال
ايوه يا كمال عملت ايه فى قضية امبارح ..طيب تعالى مستنيك انا فى المكتب
..............................................................................
فى منزل راقى يبدو عليه الفخامه
سيده جميله وانيقه جدا تقترب من رجل يبدو فى اواخر الثلاثين وهو على مائده الفطور
سامح انت نازل الشركه امتى
كمان شويه ان شاء الله ..ليه
بسألك بس علشان تقعد مع زياد على ما ناديه تيجى
وهيا اتأخرت كدا ليه النهارده
معلش يا حبيبى هيا قالتلى هاتتأخر من امبارح
طيب وانا ذنبى ايه اتاخر على شغلى
والله يا حبيبى انت عارف الدفيليه اللى ورايا لولا هوا كنت قعدت انا
ماشى يا رانيا بس اكدى عليها متتاخرش تانى كدا
بتقرب منه تبوسه حاضر و ربنا يخليك ليا يا حبيبى
زياد حبيبى اقعد مأدب مع بابى متتشقاش
حاضر مامى ربنا يخليك ليا ياروح مامى
......................................................
"شريف"قاعد على المكتب وفى ايده دوسيه وكمال على الكرسى اللى جنبه
ايه يا كمال دا القضيه كل يوم بتتعقد اكتر بجد
"كمال" ما انت مصمم ان الاب هوا اللى قتل البنت بس انا مش متخيل الموضوع خالص"
"شريف"ليه انت مش شايف تناقضاته بيقول هنا انا شوفتها امبارح ورجع تانى بيقولك مشوفتهاش من بليل قبلها
"كمال" والله الموضوع محير بس انا مش مقتنع بصراحه انه يقتلها ها يقتلها ليه
"شريف" يعنى انت مبتسمعش عن الحوادث اللى بتحصل كل يوم
"كمال" لاء طبعا كل يوم بيعدى علينا اشكال والوان وابشع من كدا بس بردوا مش قادر احس ان ممكن يكون ابوها قاتلها
"شريف" طيب انا هاطلب اشوفه واحنا سوا ونسمعه تانى ماشى
كمال"ماشى بس لو طلع كلامى صح"
ياريت يا كمال والله يطلع صح
اصل من كتر ما بقى بيورد علينا بقت الحياه صعبه بجد ومش بقى عندى ثقه فى حد
"شريف" بأيده على الجرس وبيدخل العسكرى
هاتلى يابنى ........من الحبس
"العسكرى " تمام يا فندم
................................................................................................................
ناديه بتدخل وسامح قاعد على الارض بيلعب مع زياد
صباح الخير يا سامح بيه اتأخرت عليكو معلش
"زياد بيجرى عليها نانا وحشتينى ناديه بتمسكه بأيديها وبطبطب عليه وهوا حاضن جزئها السفلى "
"وانت كمان وحشتنى يا حبيبى "
"سامح بأبتسامه لمنظرهم طيب انا هامشى مش عاوزين حاجه"
"لاء يا بيه عاوزين سلامتك "
ناديه بتاخد زياد وبيطلعوا على اوضته وسامح مراقبهم بعينيه لحد ما خلصوا السلم
.................................................................................................
فى بيت رغم اناقته ولكن يطغى عليه البساطه بتفتح امرأه من داخل البيت مين
انا يا ماما
ريهام حبيبتى وبتبوسها وبتاخد منها جودى حبيبة ناناه
اذيك يا ماما عامله ايه
انا كويسه يا حبيبتى الحمد لله بس مقولتيش انك جايه ليه
معلش ياماما اصل انا هاسيب جودى عندك وهانزل
ليه
هانزل اعمل شعرى واشترى فستان جديد
ماشى يا حبيبتى ربنا يسعدك
ربنا يخليكى يا ماما طيب خدى جودى وادخلى الاوضه اصل مش هاعرف انزل هاتعيط
ماشى يا حبيبتى بس هاتتاخرى
لاء يا ماما متخافيش مش هاتأخر بس متعمليش حسابنا فى الغدا اصل هاخد اكل معايا وانا ماشيه
ليه يا بنتى ما تيجى تتغدى معانا وهاتصل بشريف يجى على هنا
لاء يا ماما معلش اصل مقولتلوش
ماشى يا حبيبتى ربنا معاكى
طيب يلا ادخلى وانا هاحاول متأخرش انا مكالمه الكوافير من امبارح وقيلاله يفتحلى بدرى
ماشى فى امان الله
........................................................................................
"شريف وكمال فى المكتب واقدامهم الاب المشتبه به"
"شريف" برضه مش عاوز تتكلم
"الاب" انت بتقول ايه انت متخيل ان ممكن أذى بنتى
"شريف" وتفسر بأيه تناقد اقوالك دى
"الاب" انت اللى موترنى حضرتك صعب وحاد جدا ومكنتش اتخيل ان ممكن تشك فيا
"كمال" خلاص يا شريف كفايه كدا
"شريف" ماشى انا هارجعك الحجز بس بردوا مش هاسيبك غير لما اعرف حكايتك ايه
"الاب بدمووع" حرام عليه انت بتتهمنى بأيه انا ..انا ممكن أذى بنتى الى ماليش غيرها سايب المتهم وماسك المجنى عليه
حسبى الله ونعم الوكيل ..حسبنا الله ونعم الوكيل
"شريف" انا بعمل شغلى يا استاذ وربنا اكيد على الظالم
"شريف" بينده للعسكرى انت يابنى يالى برا تعالى خده
"كمال" حرام عليك يا كمال الراجل بجد صعب عليه
"شريف" صعب عليك ايه انت فى قسم بوليس اللى وانت ظابط يا سيادة النقيب مافيش حاجه اسمها صعب
"كمال بضيق " انا خارج يا سيادة الرائد عاوز حاجه
"شريف" لاء
................................................................................................................
ريهام واقفه بتقيس فستان شيك فى اتيليه رانيا "زوجه سامح"
"رانيا للبنت اللى اقدامها" لو سمحتى ثمن الفستان دا كام
الفستان دا لسه نازل حالا ولسه متسعرش هاسألك المدام
"ماشى"
البنت لرانيا بو سمحتى يا مدام واحده عاوزه فستان من اللى لسه نازلين تحت
طيب يا بنات هانزل وطالعه تانى قيسوا كدا على ما اطلع اعمل التعديلات
المودل كل واحده فستان فى ايديها ماشى يا مدام
رانيا بتنزل مع البنت لريهام ايوه حضرتك
"ريهام بتتدور" وبأبتسامه انا عارفاكى
"رانيا " بجد حضرتك مين
"ريهام بأبتسامه " نسيتينى يا رانيا ونسيتى ....
......................
......................
ليست هناك تعليقات:
إرسال تعليق