"ميرنا وخالد فى شقه شيك كل حاجه فيها سمبل "
"خالد وهما قاعدين فى واقفين فى دخلت الشقه "
"معلش يا ميرنا انا اخترت كل حاجه على ذوقى انا لان مكنتش حابب اضايقك "
"ميرنا بحزن وعينيها فى الارض" مش هاتفرق اى حاجه فى الدنيا خلاص مش هاتفرق
"خالد" بصى يا ميرنا انا قولتلك اول ما اتقدمتلك انك هاتبقى مراتك على الورق صح
"ميرنا بخوف ليكون هايستغل الموقف" فاكره
"خالد" دلوقتى انا بقولك انك مراة اخويا ياسر وانتى امانه عندى لحد ما يرجع بالسلامه
"ميرنا بنظرة حزينه" ياسر هوا فين ياسر دا واحشنى اوى يا خالد وحشنى اوى
"خالد" وانا كمان وحشنى جدا انا وانتى هانروح قريب نزرو اخته ونشترى لها الاجهزه الكهربائيه علشان فرحها يتم فى معاده
"ميرنا" اجهزه ايه ومين هايدفع تمنها
"خالد" ياسر كنت معاه وكان جايبهم قسط انا روحت وخلصت كل الاقساط اللى عليه هانروح سوا ان شاء الله نوديهم لوالدته
"ميرنا بدموع" ومى ازاى هانقابلها وبأى وش
"خالد" عاوزه تحكيلها احكيلها احنا عايشين ازاى دى حريه شخصيه ليكى
"ميرنا" مش هاترضى تسمعنى ودا حقها حبك ليها راح فين يا خالد
"خالد" حبى ليها ومكانتها عندى زى ماهيا بس مى اتغيرت مبتفكرش غير فى نفسها وحياتها اللى عاوزه تعيشها وبس
"ميرنا" متقولش كدا يا خالد مي اكتر واحده حزينه فينا بس اوقات من كتر حزننا مبنكش عارفين ولا مدركين لافعالنا وهاتجى اللحظه اللى ننفجر فيها من كل قلبنا وننسى ازاى كنا قادرين نكون متماسكين كدا
"خالد" خلاص يا ميرنا ادخلى اوضتك غيرى هدومك وانا هاكون فى اوضتى انا عملتلك اوضه على ذوقى يارب تعجبك
"ميرنا" كتر خيرك يا خالد اى حاجه
.................................................................
"باسل اقدام محل سيارات مستعمله"
"صاحب المعرض "العربيه السذوكى دى يابانى حلوه اوى وهاتعجبك جدا
"باسل" حلوه اوى فعلا طيب اجربها
"بس كدا طبعا روح يا محمود معاهم"
"الميكانيكى" هاشوف العفشه الاول
"صاحب" المعرض اكيد
"باسل راكب العربيه وجمبه المياكنيكى "
"الميكانيكى" عربيه جميله بصراحه
"باسل"الاحلى حاجه برائه الذمه دى ولسه اقدامها 2 على تجديد الرخصه
"الميكانيكى" بصراحه هيا لقطه عربيه زى دى اقل حاجه 35 وانت واخدها 28
"باسل" ياعم نيتى
"الميكانيكى" ربنا يجعلها وش السعد عليك
.........................................................
"ميرنا فى اوضتها بتعيط صوتها طالع لبره"
"خالد لسه هايخبط عليها علشان يتعشوا سمع صوت بكائها"
"اتشجع وخبط عليها "ميرنا معلش ممكن تطلعى عاوز اتكلم معاكى
"ميرنا" معلش يا خالد مش قادره اتكلم دلوقتى
"خالد" معلش يا ميرنا لازم اعرف مالك اطلعى لان مش عاوز ادخلك انا
"ميرنا بتفتح الباب" مالك بس يا ميرنا مش انا طمنتك انك هاتعيشى معايا اختى بس
"ميرنا" انا صعبان عليه كل حياتى يا خالد كل حياتى غلط حياه مش بتاعتى ليه انا بيحصلى كدا
"خالد" حرام تقولى كدا تانى انتى احسن من غيرك بدليل ربنا بعتنى ليكى ومتجوزتيش انسان متحبيهوش وكويسه وصحتك حلوه قولى الحد لله
"ميرنا" الحمد لله الحمد لله
"خالد" طيب يلا اغسلى وشك وتعالى نفطر
"ميرنا مش قادره يا خالد معلش مش قادره
"خالد" خلاص يا ميرنا نامى وانا كمان هاعين الاكل تانى وانام
....................................................
"بعد فتره زيارات الاهل والاقارب انتهت "
"خالد بقولك يا ميرنا جاهزه نروح عند مامة ياسر"
"ميرنا " انا بس مش جاهزه اواجه مى بأى شكل من الاشكال اللى هاقولهولها مش هايرضيها انا عارفه
"خالد" معلش يا ميرنا هيا هاتقدر لو مكنش النهارده هايكون بعدين
"ميرنا" ماشى يا خالد انا هادخل البس ونروحلهم بس الاجهزه هاتوديها امتى
"خالد" لاء انا فكرت فيها لقيت الراجل يكلمهم احسن ويقولهم الحاجه جاهزه علشان ميضيقوش او يحرجوا منى
"ميرنا" صح خلاص انا هالبس وهاجى بس على فكره يا خالد
"خالد بعد ما مشى يدخل اوضته بيدورلها" ها
"ميرنا" انت اصيل اوى ومحترم اوى
"خالد بأبتسامه" هاصدقك كدا يلا انا داخل اغير
"ميرنا" ماشى
....................................................
"الاتنين بيدخولوا شقه ياسر "
"خالد بيحط الشنط الكتير اللى فى ايده على السفره الصغيره اللى فى الصاله"
"مامة ياسر" ليه بس يابنى مكلف نفسك اوى كدا
"خالد" عيب يا امى انا مش ابنك بردوا فى ام تقول لابنها ليه بيجيب حاجه لاخواته
"مامة ياسر" ربنا يكرمك يا بنى ويسترها معاك
"خالد " شكلك صحتك تعبانه اوى مالك
"دعاء" مبتاخدش دواها يا خالد ودايما بتعيط
"خالد" ليه بس يا امى مش حرام كدا يعنى لما ياسر يرجع بالسلامه يلقيكى حزينه وتعبانه كدا عاوزاه يزعل منك
"دعاء" قولها يا خالد انا تعبت معاها
"ميرنا قاعده مبتديش اى رد فعل بتبص على كل ركن فى الشقه
"الشقه صغيره عباره عن 3 غرف وصاله صغيره "
"ميرنا عينيها بتدور على اى صوره لياسر وبتبص على الاوض نفسها تعرف هوا اى غرفه ليهم"
"الام" الراجل بتاع الاجهزه اتصل وقالنا نروح ناخد اجهزة دعاء
"خالد" والله حاجه كويسه ما انا عارف ان خالد مخلصه هاتلقيكوا اتأخرتو عليه فى الاستلام بس
"الام" لاء يا بنى كان لسه فى اقساط بس حد دفعهم والراجل مرضاش يقولى هوا مين
"ميرنا" انا هاستأذن اطلع لمى يا طنط ممكن
"دعاء" مى لسه خارجه مع خطيبها
"خالد بصدمه" خطيبها !
"ميرنا شعرت بصدمة خالد اتضايقت انه علشان ساعدها ضيع حب عمره "
"خالد بيقوم يقف طيب يا طنط" مش عاوزه حاجه
"الام" ما انت قاعد يا بنى
"ميرنا حاسه بحزن خالد" معلش يا طنط اصل ورانا مشاوير كتير اوى لسه
"الام" ماشى يا بنتى فى امان الله شرفتوا ونورتوا
..................................................................
"رجل طويل القامه ساند خالد وبيدخله زنزانته وبيرميه على الارض وبيقفل عليه وبيمشى"
"ياسر بيتألم من وجعه شايف مختار نايم على الارض بدون حركه"
"ياسر" مختار
"مختار مافيش اى تجاوب"
"ياسر بيذحف على الارض" رد عليه يا مختار مالك
"مختار جسمه بارد جدا مبيتنفسش "
"ياسر انت بتعمل عامل كدا ليه قوم فوق متسبنيش لوحدى "
"يا مختار انت كنت بتصبرنى متمتش وتسيبنى قووووم متسبنيش"
....................................................................
"ميرنا وخالد بيدخولوا بيتهم بعد صمت طويل بينهم طول الطريق"
"خالد انا اسفه اوى يا خالد انا السبب فى كل دا"
"ليه بتقولى كدا مش انتى السبب الظروف السبب واصلا مى كانت بتقول ان متقدملها عريس وكانت عامله حسابها توافق عليه من غير اى حاجه من دى "
" ميرنا" لاء يا خالد هيا كانت بتضايق بس لكن هيا عمرها ما كانت هاتوافق غير بعد جوازنا انا وانت انت متعرفش مى بتحبك ازاى
"خلاص يا ميرنا اللى حصل بقى يلا انا هدخل اوضتى شويه واعملى حسابك تنزلى بكره تشوفى هاتعملى ايه فى الجامعه وتستلمى شغلك
" بجد يا يا خالد يعنى انت مش هاترفض شغلى "
"ليه ارفض ليه "
"ان اشتغل "
"لاء بالعكس انا بشجعك يكون ليكى كيانك انا هاكون الاخ اللى انتى ملقتيهوش يا ميرنا ان شاء الله "
"ميرنا" ربنا يخليك يا خالد بجد شكرا ليه
...................................................
"ميرنا فى اوضتها بتفكر ازاى تساعد خالد زى ما هو دايما بيحاول يعمل اللى يسعدها "
"بتتصل بمى "
"التليفون كل شويه جرس وبعدين يدى مشغول لحد التليفون ما اتقفل خالص"
"ميرنا" انتى غبيه اوى يا مى مش قادره تدى لنفسك حتى فرصة انك تفهمى
"انا بكره هاخلص شغل واروحلها انا لازم اروحلها لازم اسعد خالد واسعدك يا مى يا صديقة عمرى لازم تعرفى حقيقة اللى حصل"
..................................................
"مى بتبص لتليفونها ودموعها بتنزل"
"احمد" مالك يا مى قفلتى تليفونك ليه ما تردى
"مى" معلش يا احمد صديقه ليا وانا بعتبرها ماتت خلاص
"احمد" للدرجه دى
"مى" ايوه اكتر انسانه اذتنى فى حياتى خلتنى اوافق على حاجات ممكن مكنتش فكرت فيها طول عمرى
"احمد بفضول" حاجات زى ايه
"مى بتفكير" ان اوافق اتخطب لواحد اقل منى تعليما ومبحبوش ومش قادره اتخيله حتى
"احمد" ايه يا مى سرحتى فى ايه
"مى" ولا حاجه
"احمد" ماشى انا هانزل بقى علشان ورايا المحل زمانه اتملى زباين
"مى" ماشى اتفضل
....................................................
"مى خلصت الجامعه واخدت مواعيد حضروها "
"ياااااه اد كدا فات وقت طويل على بعدنا واخدتها رجليها عند نفس المكان اللى كانوا كلهم بيتجمعوا فيه "
"وافتكرت لما كانوا مجتمعين هما الاربعه بيهزروا وبيضحكوا "
"لملمت نفسها ومشيت راحت لمى بيتها"
"بتخبط على الباب وبتدخل"
"الام بضيق" اهلا اتفضلى
"ميرنا ملاحظه ضيقة مامت مى منها" انا اسفه يا طنط ان انا جيت كدا بس ممك تندهيلى مى
"الام" مى فى شغلها والله زمانها جايه ارتاحى
"ميرنا بتقعد"
"الام" ها عامله ايه انتى وخالد يارب تكونوا مبسوطين
"ميرنا"الحمد لله هى مى ها تتأخر
"الام" زمانها جايه دلوقتى تشربى حاجه
"ميرنا" شكرا وسمعت الباب بيتفتح
"الام" بتجرى على مى تلحقها قبل ما تدخل
"مى" ايه يا ماما
"الام" ميرنا هنا
"مى بأنفعال" هنا فين وايه اللى جابها الخاينه دى
"ميرنا" اهدى يا مى اسمعى اللى عندى وبعدين اتهمى براحتك بقى
"مى" وانا مش عاوزه اسمع منك حاجه كفايه اللى شوفته منك بقى
"ميرنا" يامى حرام عليكى بقى هاحكيلك حتى لو غصب عنك
"الام" اسمعيها يا مى وبعدين مش احنا اللى نعمل كدا فى ضيفه دخلت بيتنا
"ميرنا" بدأت تحكى بدموعها واللى حصل فيها ومعاها وازاى خالد جمعهم بيت واحد وازاى انسان اصيل وعارف يعنى ايه صداقه واخوه
"مى بدموع" يعنى خالد بيحبنى مخنيش خالد مخنيش يا ماما
"الام" متفرحيش اوى كدا يا مى خلاص انتوا مبقتوش لبعض
"ميرنا" ليه يا طنط انا وخالد وقت بسيط بس ياسر يظهر وهانروح لحالنا وهانفضل دايما اخوات
"الام" لاء خلاص مى كتب كتابها الخميس الجاى واحمد بيحبها مينفعش تيجى فى لحظه وتسيبه وغير ان خالد مهما كان اسمه متجوز باباها مستحيل يوافق على واحد متجوز قبل كدا
"مى بتقعد وهيا بتعيط" والله حرام اللى بيحصلى دا حرااام انا عملت ايه فى حياتى انا حاسه ان مش عايسه انا لو اتجوزت احمد ممكن اموت فيها
"الام"ما انتى كنتى هاتتجوزيه عادى يعنى لما عرفتى ان خالد بيحبك خلاص كرهتيه
"مى" انا عمرى ما حبيته احمد كان عند مش اكتر وغير كدا انا وهوا مش متفقين ثقافيا
"الام" خلاص يامى معدش يجى منه
"ميرنا تليفونها بيرن خالد" ...انا اسفه لازم انزل "
"مى" دا خالد يا ميرنا مش كدا
"ميرنا" ايوه يا مى هوا
"مى" علشان خاطرى يا ميرنا اسمع صوته وحشنى اوى
"الام" انتى اتجننتى ايه اللى بتقوليه دا ما تلمى نفسك بقى
"مى بدموع اقوى" نفسى اسمع صوته وحشنى اوى ارحمونى وبتجرى تاخد تليفون ميرنا
"خالد" الو
"مى" وحشتنى يا حبيبى
"خالد قلبه بيدق" مى
"مى" انا اسفه يا خال اان شكيت فيك اسفه ان لبست دبلة غيرك سامحنى
"خالد" انتى وحشتينى اوى يا مى وانا اسف انا اللى مقولتلكيش على اللى هاعمله كنت مبفكرش غير احافظ على ميرنا لياسر وبس
"الام بتجرى على مى " انتى قليلة الادب اقفلى
"مى" خالد انا مش هاتجوز غيرك حتى لو موتونى
"ميرنا بتاخد التليفون" وبتمشى خوفا من رد فعل مامة مى
..................................................
"خالد" ايه اللى حصل دا يا ميرنا انا مش مصدق
"ميرنا" كنت لازم اسعدك زى ما انت حاولت تقف جمبى وتسعدنى
"خالد" بس مامتها شكلها صعب انا سمعتها وهيا بتزعقلها
"ميرنا" غصب عنها يا خالد الموقف مش سهل دى المفروض كتب كتابها الاسبوع الجاى
"خالد" كتب كتابها
"ميرنا" شوفت بقى يعنى كويس ان روحتلها وعرفتها
"خالد بحزن" لاء يا ميرنا ياريتك ماروحتى كدا انتى تعبتيها زياده هيا كانت راضيه بحياتها كدا
"ميرنا" انا قلقانه اوى عليها يا خالد مامتها صعبه وباباها كمان مش عارفه هايقبل بيك ولا لاء
"خالد" انتى اتسرعتى وانا كمان لما حنيت لصوتها وضعفت
"ميرنا" الحب متندمش عليه يا خالد
"خالد" انا مش هاقدر اتقدملها يا ميرنا ولا اكون معاها انتى كدا عذبتيها بس
"ميرنا" ليه بتقول مش هاتقدر
"خالد"لان اتقدملها لازم اكون انا وانتى اطلقنا
"ميرنا" خلاص يا خالد نطلق انا خلاص هاشتغل وهاجيب لنفسى شقه صغيره واقدر افرشها بس لازم تلحقها حرام حبكوا يضيع كدا
"خالد" لاء يا ميرنا انا مش هاسيبك غير وقت ظهور ياسر بس غير كدا مش هاسيبك
"ميرنا" وانا مش قابله اعيش كدا افرض ياسر مظهرش
"خالد" متقوليش كدا هايظهر وهاتتجوزوا وهاتعيشوا سوا
...............................................
"خالد بيدخل البيت مهرول "
"ميرنا فى ايه مالك يا خالد
"خالد" البلد كلها مقلوبه والناس كلها ماشيين يقولوا يسقط يسقط حسنى مبارك
"ميرنا" ايه دا انا معرفش حاجه ومافيش حاجه فى التليفزيون
"خالد" انا مش فاهم حاجه وايه اللى بيحصل
...............................................
"مى بتمسك موس فى ايديها "
"الام داخله عليها بتعملى ايه يا مجنونه"
........................
........................
انتظروا الجزء الرابع
ليست هناك تعليقات:
إرسال تعليق