"شروق بتدخل بشويش ليحى البلكونه بتدور مش لقياه واقف على السور خالص"
"يحى مستخبى وراها قرب منها بسرعه وشدها ليه "
"شروق فى حضن يحى فى ايه"
"يحى" فى ان انا بحــــــــبك وبيحضنها اقوى
"شروق" وانا كمان بحبك بس سبنى يا يحى
"يحى بندم على مشاعره اللى غلبته " انا اسف يا شروق مشاعرى خانتنى سامحينى
"شروق بتبعد" لاء يا حبيبى انا سعيده متندمش على لحظة حب تجمعنا بس ايه غيرك فى دقايق كدا كنت لسه حالا مش طايقنى على السلم
"يحى" علشان انا غبى وبغير وبتقمص من غير ما افهم
"شروق" مش فهما
"يحى" تعالى ندخل وهانتكلم لسه كتير بس علشان ميلاحظوش غيابنا دا ميصحش
"شروق بأبتسامه سحرت يحى" انا بحبك اوى ومش مصدقه كل اللى حصل دلوقتى حاسه انى فى حلم جميل
"يحى بحب" لاء يا حبيبتى مش حلو وهاثبتلك قريب واحنا جايين نخطبك ان اللى احنا فيه دا حقيقه
"فى نفس اللحظه بتدخل ايه"
"تصوير المشهد"
"ايه دموع فى عينيها وهيا واقفه مصدومه من الكلام اللى سمعته..يحى مبتسم ..شروق مش قادره تدارى فرحتها وعينيها على يحى "
"ايه" بترجع بسرعه من غير ما تكلمهم
"يحى" ايه جيت ومشيت
"شروق" ايه ومشيت ليه!
"يحى" مش عارف تعالى ندخل نشوفها
..............................................
"فارس واقف فى البلكونه واقف حزين "
"كنزى بتدخله وبتقف جمبه بتسند على السور ووشها لبره"
"فارس بصلها ورجع بص للشارع"
"كنزى بتاخد نفس طويل وبطلعه" وبعدين يا فارس
"فارس" مش عارف يا كنزى عارف اللى انا عملته صح بس ممكن اقدر انساها فعلا واحب جديد
"كنزى" انت كبرت فى نظرى اوى النهارده بس انا مش عاوزه اشوفك متضايق كدا
"فارس" هابقى كويس بس اقدر اتأقلم انها خلاص مش ليا ومفكرش فيها
"كنزى" هاتقدر انا عارفه اخويا وها ينزل ويشوف الشغل الكبير اللى مستنيه وهايكون اكبر رجل اعمال صغير
"فارس بأبتسامه" اه فعلا مش هاينسينى غير الشغل
...........................................
"شروق ويحى نظرات متلاحقه اقدام الكل"
"الحب اللى فى عيونهم بينطق باللى فى قلوبهم"
"سحر عينيها عليهم كل شويه تخطف نظره ليحى تشوف شكله سعيد ..تخطف نظره لشروق تشوف عينيها بتتكلم"
"سحر" صباح عاوزاكى فى كلمه
"صباح" تعالى يا حبيبتى بعد اذنك يا عاصم سيد معاك اتكلموا سوا والله انت نورتنا
"سيد"عاصم شخصيه جميله ويشرفنى الكلام معاه
"عاصم" ربنا يخليك
"اشرف" انا موجود بردوا اتكلموا عنى شويه
"سيد" انت حبيبنا كلنا يا اشرف ربنا يديم المحبه
"عاصم" يارب
...........................................
"سامى فى بيته قاعد لبسه وحش ومش نضيفه وسندس بتأكله"
"سامى" الاكل فيه شوك خلى بالك
"سندس" مش تحمد ربنا لاقى حد يأكلك مش كفايه
"سامى" بتعيرينى يا بنت الاصول
"سندس" ههههههههه بنت الاصول مكانش دا بقى حالى ووافقت بواحد زيك
"سامى" الله يسامحك
"سندس" دلوقتى عرفت ربنا يا شيخ انت تعرفه بناتك محتاجين يتعالج ويتعملهم عمليات وانت علشان شوية مايه على عينك روحت تعمل عمليه بألفات وتقولى مستشفى حكومى بس شوفت ربنا "
"سامى" منها لله الدكتوره دى بس انا مش هاسيبها والله لاسجنها
"سندس" وهاتجيب فلوس منين بقى علشان تقاضيها وبعدين هيا كانت عملتلك ايه دى دكتوره ودا عملها وربنا بقى انتقم منك بسببها
"سامى بيقوم وبيشوح بأيده بقولك ايه ابعدى عنى "
"سندس" بتشيل الاكل من على الارض" ياخويا روح فى نصيبه وقعت الاكل
...............................................
"سحر فى اوضة صباح"
"سحر" بقولك يا صباح انا بخطب منك شروق ليحى
"صباح" وانا ملقيش احسن من يحى لشروق بس نصبر شويه
"سحر" ليه ..يحى دلوقتى يقدر يتجوز وبنتك هاتبقى فى الشقه اللى تحت يعنى معاكى فى البيت
"صباح" مش علشان حاجه هاخد رأيها ورأى سيد بس
"سحر" طبعا دى الاصول وانا واثقه ان الموافقه هاتبقى بالاجماع
"صباح" ان شاء الله ربنا يسهل
"سحر" طيب هاكلمك بكره واعرف رأيك
"صباح" لاء خليها كمان يومين كدا ماشى
"سحر" ماشى
................................
" الكل نزل وصباح وسيد بيودعوهم مع السلامه "
"يحى واقف متباطأ على السلم مستنى يسلم على شروق وعامل انه بيربط الكوتشى "
"شروق" واقفه متناسيه اختفاء ايه المفاجئ
"يحى" بيقف بعد ما قفل ما خلص لبس الشوذ وبيبص شاف شروق واقفه لوحدها ومبتسمه
"شروق بصوت هامس " هاتوحشنى
"يحى" بيسلم عليها وبيضغط على ايدها انا بموت فيكى
"شروق" والنبى يا يحى قلبى ها يقف انا مش مصدقه الفرحه اللى فى قلبى دى
" صوت من جوه يلا يا شروق ادخل"
"شروق بأستعجال ماما يلا باى باى بقى "
"يحى" وهوا نازل على السلم بأبتسامه وبصوت واطى بحبك
"شروق بتدخل وهيا مبتسمه "
"صباح" كنتى بتعملى ايه كل دا
"شروق" مبعملش حاجه كنت مستنيه يمشوا
"صباح" يمشوا ماشى يلا ادخلى ذاكريلك كلمتين بقى
"شروق بتدخل اوضتها وهيا فى قمة سعادتها ايه نايمه على السرير وهيا بتعيط"
"شروق بلهفه بتقعد جمبها" مالك يا ايه بتعيطى ليه وسيبتينا واختفيتى ليه كدا
"ايه" ابعدى عنى يا شروق سيبينى لوحدى
"شروق" ليه انا زعلتك فى حاجه
"ايه" لاء انا عاوزه ابقى لوحدى بقى
"شروق" حاضر
.....................................................
"سحر فى اوضتها والكل نايم سمعت صوت خبطه خفيه على الباب"
"مين"
"يحى بصوت هادى انا يا ماما ممكن ادخل لحضرتك شويه"
"سحر بتفتح" تعالى يا حبيبى مالك
"يحى بكسوف" عاوز اخطب يا ماما
"سحر بأبتسامه تخطب وهيا مين دى بقى سعيده الحظ"
"يحى" ما انتى عارفه يا ماما هيا مين
"سحر" بس دى ناس متكلمين عليها
"يحى بحزن" ناس مين دول
"سحر بضحك" انا يا حبيبى كلمة خالتك النهارده بعد ما شوفت الحب اللى بينكوا النهارده
"يحى" ايه دا اد كدا كنا مكشوفين
"سحر" اوى اوى
"يحى" يادى الاحراج زمان عمو عاصم قال ايه
"سحر" مقلش حاجه وفرح ان طلبتلك ايد شروق قال اكيد مش هاتلاقو احسن من دى تربيه وكفايه انكوا اهل وكدا
"يحى" ايه دا يعنى انا وشروق خلاص ها نبقى لبعض بجد
"سحر" ايوه يا حبيبى ها تبقوا لبعض صدق
"يحى" الحمد لله هاروح اصلى ركعتين شكر لله
.....................................................
"يحى بيكلم شروق بعد ما خلص صلاه "
"شروق بصوت هامس وهيا تحت البطانيه "بحبك اوى يا يحى انا خايفه اوى من السعاده اللى حاسه بيها دى
"يحى" لاء متخافيش انا جمبك ومش ها يفرق بينا غير الموت
"شروق" بعد الشر عليك يا حبيبى
"يحى" انتى عرفتى ان ماما كلمت خالتو صباحعلى جوازنا
"شروق" بجد ماما مقلتش حاجه يعنى
"يحى" ها تلاقيها مستنيه بس لما تقول لباباكى وكدا
"شروق "اه صح
"يحى" بقولك
"شروق" ها
"يحى" انتى حلوه كدا ازاى
"شروق" انا لو حلوه فعلا فعلشان انت شايفنى بعينيك
"يحى" حبيبتى انا اللى هابقى حياتى كلها حلوه بيكى
"شروق" وحياة ربنا يا يحى حاسه قلبى هايقف
"يحى" سلامة قلبك يا روح يحى قلبك دا بقى امانه عندى لازم احافظ عليه واحميه واخلى بالى منه دايما
"شروق" ربنا يخليك ليا انا واثقه فيك وفى حبنا
"ايه نايمه على السرير المقابل لايه سامعه همس شروق ودموعها بتزيد
.........................................
"سحر بتطلع على السرير وبتتغطى وبتنام "
"دقايق والباب خبط تانى"
"بتقوم" ميــــــن
"عاصم" بصوت ضعيف انا
"سحر" بتقوم بسرعه بتلبس طرحه وبتفتح
"عاصم واقف على الباب شكله تعبان جدا"
"سحر "مالك
"عاصم" انا تعبان اوى الحقينى
"سحر بتسنده" ايه شكلك تعبان اوى تعالى انيمك واتصلك بالدكتور يشوفك
"سحر سانده عاصم لسريره وبتنيمه وبسرعه بتتصل بالدكتور"
"عاصم برغم الوجع اللى حاسس بيه بس قربه من سحر ووجوده متقارب منها اوى كدا كان سعيد بيه واللى مفرحه اكتر الخوف واللهفه اللى شافهم على وشها"
...........................................
"تانى يوم مروان اقدام بيت المغتربات لخلود ولميس"
"بيمسك الموبايل وبيتصل" الو .. ايوه يا خلود ..متقوليش للميس ان انا اللى بكلمك بس خليها تنزل معاكى دلوقتى..علشان خاطرى اعملى اللى بقولك عليه..ايوه انا هنا..لما تنزلى هافهمك ازاى...يلا سلام"
"دقايق وخلود ولميس كانوا اقدام الباب "
"لميس واقفه تبص لمروان بذهول هيا عارفه انه مسافر "
"خلود" بتجرى تسلم على مروان
"مروان بيسلم على خلود وكل نظراته للميس"
"خلود" انا مش مصدقه انك هنا يا مروان
"لميس" بتفوق من صدمتها وتدخل الجامعه
"مروان بيجرى عليها وبيلحقها وبيمسكها من دراعها "
"البواب" انت بتعمل ايه هنا اطلع بره
"مروان" خطيبتى وعاوز اتكلم معاها بس معلش
"لميس" انا مش خطيبة حد
"مروان" حرام عليكى ايه القسوه اللى انتى فيها دى انا كنت فاكر ان حبك ليا اقوى من كدا
"لميس" كنت يا مروان كنت
"البواب" الكلام دا بره بدل ما اقول للمديره عليكى
"مروان" وحيات ربنا يا لميس تعالى نتكلم شويه انا اقدامى 8 ساعات بس ومسافر تانى ونازل مخصوص ليكى حتى اهلى مرحتلهمش
"لميس بأضطرار " ماشى
"خلود بتنسحب فى هدوء وبتدخل المدينه الجامعيه تانى"
...................................................
"سحر بتدخل بهدوء لعاصم بعد ما يحى راح شغله وهبه لجامعتها "
"عاصم بيفتح عينه "اه
"سحر بتدخل على صوته" حمد لله على السلامه
"عاصم" الله يسلمك انا اسف ان تعبتك معايا طول الليل كل ما افوق اشوفك نايمه على الكرسى
"سحر" انا متعبتش على فكره علشان تقول انك اسف ولا وجودى مضايقك
"عاصم" انا نفسى تفضلى جمبى على طول
"سحر باحراج" ما انا جمبك اهو
"عاصم" لاء يا سحر تبقى جمبى جمبى انتى فاهمه
"سحر" كل شئ بأوان يا عاصم
"عاصم" وانا مستنيكى لاخر يوم فى عمرى
"سحر" خلاص بقى انت لازم تنام كويس وبعدين متكولش حاجه تانى من بره زى ما الدكتور قال معدتك مش بتستحمل
"عاصم" اعمل ايه بس السندوتشات الكبده كانت وهميه
"سحر" كبده من بره طيب الحمد لله ان محصلش تيفود
"عاصم" لاء الحمد لله ان انا تعبت علشان تفضلى جمبى طول الليل
"سحر بأحراج" انا هانزل اعملك شربه ونزلت بسرعه
............................................
"هبه قاعده فى كافيتريا الجامعه متخيله كل اللى كان بيحصل بينها هيا وادهم"
"ادهم" بيقرب منها
"هبه" ادهم معقول ولا حلم
"ادهم" لاء حقيقه انا مش عارف ايه جبنى للمكان دا بس لما شوفتك قاعده قولت اكيد كا بنكون هنا سوا
"هبه بفرحه" يعنى بدأت تفتكر
"ادهم بحزن"لاء مش قادر افتكر اى حاجه انا هاتجنن
"هبه بتمسك ايد ادهم" انا معاك يا حبيبى وهاتفتكر معايا انا متأكده ان ربنا مش ها يحرمنا من بعض
"ادهم"انتى طيبه اوى
"هبه" انت اللى طيب اوى يا ادهم وطيبتك دى نقلتها ليا
"ادهم" ربنا يخليكى بس افتكر
"هبه" مجرد حنينك لمكان كان بيجمعنا دا لوحده امل
"ادهم" يارب افتكرك وافتكر اهلى انا عامل زى الطفل التايه فى دنيا واسعه
"هبه" انا معاك يا حبيبى ومش هاسيبك ابدا
..........................................
"صباح قاعده هيا وسيد"
"سيد" واحنا ها نلاقى احسن من يحى يا صباح دا شاب كويس وعارف ربنا
"صباح" بس
...........................
...........................
بس اي لااااااااااااا عايزه الحلقه الجديده بس جامد التشويق ده ,,,,في الانتظار ^_^
ردحذفSindrella lolo
تسلميلى يا سندريلا والله بدخل مخصوص علشانك وعلشان التفاعل دا ربنا يسعدك يا حبيبتى <3
حذفبس اييييييييييييييييييييييه
ردحذفشوقتينا يانسوما
بسرعة قولى الحلقة الى بعدها
dody salah
حبيبتى يا دودى والله <3 الحلقه الجديده نزلت حالا يارب تعجبك :)
حذف